Kenese 30
30
‘Ua Avatu e Rasela ma Lea a la ‘Au‘auna ‘iā Iakopo
1‘Ua iloa e Rasela e le‘i fānau o ia ‘iā Iakopo, ‘ona matau‘a lea o Rasela i lona uso, ‘ua fai mai ai ‘iā Iakopo, “‘Aumai ia ni tama ‘iā te a‘u, a leai ‘ona ‘ou oti ai lea.”
2‘Ona ita tele ai lea o Iakopo ‘iā Rasela, ‘ua na fai atu ai, “O a‘u ‘ea le sui o le Atua, o lē ‘ua lē avatu ‘iā te oe ni fānau?”#Kene 16.2; 1 Samu 1.5
3‘Ona fai mai ai lea o ia, “Fa‘auta, o la‘u ‘au‘auna o Pila, ‘ia e alu atu ‘iā te ia, ‘ona ‘ou fai tama ai lea ‘iā te ia, ‘ia ‘ou maua ni fānau mai ‘iā te ia.” 4‘Ona ‘aumai ai lea e ia o lana ‘au‘auna fafine o Pila ‘iā te ia e fai māna avā, ‘ona alu atu ai lea o Iakopo ‘iā te ia. 5‘Ona tō ai lea o Pila, ‘ua fānau ai ‘iā Iakopo le tama tane. 6‘Ona fa‘apea lea o Rasela, “‘Ua fa‘amasinoina a‘u e le Atua,” ‘ua ia fa‘afofoga mai fo‘i i lo‘u leo ma na ‘aumai ‘iā te a‘u le tama tane, o le mea lea ‘ua ia fa‘aigoa ai ‘iā te ia o Tanu.#30.6 Tanu: mai le gagana Eperu “fa‘amasinoina.” 7‘Ua toe tō fo‘i Pila le ‘au‘auna a Rasela, ‘ua fānau ai ‘iā Iakopo lona to‘alua o tama tane. 8‘Ona fa‘apea lea o Rasela, “O fagatuaga tetele ‘ua ‘ou fagatua ai ma lo‘u uso, ‘ua ‘ou manumālō ai fo‘i;” ‘ua ia fa‘aigoa ai fo‘i ‘iā te ia o Nafatali.#30.8 Nafatali: mai le gagana Eperu “misa.”
9‘Ua iloa e Lea ‘ua pā o ia, ‘ona ‘ave ai lea e ia o Selepa lana ‘au‘auna, ‘ua avatu ‘iā Iakopo e fai ma ana avā.#Kene 29.24 10‘Ona fānau ai lea o Selepa le ‘au‘auna a Lea le tama tane ia Iakopo. 11‘Ona fa‘apea lea o Lea, “O lo‘o sau le au;” ‘ua na fa‘aigoa ai ‘iā te ia o Kato.#30.11 Kato: mai le gagana Eperu “manuia.” 12‘Ua toe fānau fo‘i e Selepa le ‘au‘auna a Lea lona to‘alua o tama tane ‘iā Iakopo. 13‘Ona fa‘apea lea o Lea, “‘Ua ‘ou fiafia auā e fa‘a‘amu‘ia mai fafine ‘iā te a‘u;” ‘ua na fa‘aigoa ai ‘iā te ia o Asera.#30.13 Asera: mai le gagana Eperu “fiafia.”
14O ona po e selesele ai saito na alu atu ai Reupena, ‘ua maua fo‘i tutaima i le vao, ‘ua ‘aumai ai i lona tinā o Lea. ‘Ona fai atu ai lea o Rasela ‘iā Lea, “Se‘i ‘aumai ‘iā te a‘u nai tutaima a lau tama.”
15‘Ona fai mai ai lea o ia ‘iā te ia, “Se mea mamā ‘ea ‘ina ‘ua e fao la‘u tane? A ē fao ‘ea fo‘i ma tutaima a la‘u tama?”
‘Ona fai atu ai lea o Rasela, “O lea fo‘i, lua te momoe ai ma ia i le po nanei, ‘ona o tutaima a lau tama.”
16‘Ua sau Iakopo ai le vao i le afiafi, ‘ona alu atu ai lea o Lea e fa‘afetaia‘i ‘iā te ia, ‘ua fa‘apea atu, “‘E te alu ane ‘iā te a‘u, auā ‘ua ‘ou fa‘atauina lava oe i tutaima a la‘u tama.” ‘Ona la momoe ai lea ma ia i lea po.
17‘Ua fa‘afofoga le Atua ‘iā Lea, ‘ona tō ai lea o ia, ‘ua fānau e ia ‘iā Iakopo le tama tane o lona to‘alima lea. 18‘Ona fa‘apea lea o Lea, “‘Ua foa‘i mai e le Atua lo‘u taui, auā na ‘ou avatu la‘u ‘au‘auna i la‘u tane;” ‘ua na fa‘aigoa ai ‘iā te ia o Isakara.#30.18 Isakara: mai le gagana Eperu “‘ua foa‘i mai le taui.” 19‘Ua toe tō fo‘i Lea, ‘ua fānau ai le tama tane ‘iā Iakopo, o le to‘aono lea. 20‘Ona fa‘apea lea o Lea, “‘Ua foa‘iina mai e le Atua ‘iā te a‘u le ‘oloa lelei; o lenei, o le a talia a‘u e la‘u tane auā ‘ua ‘ou fānau tama tane e to‘aono ‘iā te ia;” ‘ua na fa‘aigoa ai ‘iā te ia o Sepulona.#30.20 Sepulona: mai le gagana Eperu “talia le ‘oloa lelei.” 21‘Ua muli ai fānau e ia se tama teine, ‘ua fa‘aigoa ‘iā te ia o Tina.
22‘Ua manatua fo‘i Rasela e le Atua, ‘ua fa‘afofoga le Atua ‘iā te ia ‘ua fa‘afānauina ia. 23‘Ona tō ai lea o ia ‘ua fānau le tama tane, ‘ua fa‘apea ai, “‘Ua ‘ave‘eseina e le Atua i lo‘u luma.” 24‘Ua na fa‘aigoa ‘iā te ia o Iosefa,#30.24 Iosefa: mai le gagana Eperu “‘ave‘eseina ma toe fa‘aopoopo.” ‘ua fa‘apea, “E fa‘aopoopo mai e le ALI‘I ‘iā te a‘u se tasi tama tane.”
O le Finauga a Iakopo ma Lapana
25‘Ua fānau e Rasela o Iosefa ‘ona fai atu ai lea o Iakopo ‘iā Lapana, “Tu‘u mai ia o a‘u, ‘ina ‘ia ‘ou alu i lo‘u nu‘u ma lo‘u lau‘ele‘ele. 26Tu‘u mai ia o a‘u avā ma a‘u fānau, sa ‘ou ‘au‘auna ai ‘iā te oe, a ‘ou alu; auā ‘ua e iloa la‘u galuega ‘ua ‘ou ‘au‘auna ai ‘iā te oe.”
27‘Ona fai mai ai lea o Lapana ‘iā te ia, “‘Āfai ‘e te alofa ‘iā te a‘u, ‘ia e nofo mai pea, auā ‘ua ‘ou matuā iloa ‘ua fa‘amanuia mai a‘u e le ALI‘I ‘ona o oe.” 28‘Ua fa‘apea mai fo‘i o ia, “‘Ia e ta‘utino mai ‘iā te a‘u sou totogi; ‘ou te avatua lava ‘iā te oe.”
29‘Ona fai atu ai lea o ia ‘iā te ia:
“‘Ua e iloa le uiga o la‘u ‘au‘auna atu ‘iā te oe, ma au mea ‘ua ‘iā te a‘u.#Kene 31.6, 38-40 30Auā sa itiiti mea ‘iā te oe a ‘ou te le‘i sau, a ‘ua tupu, ‘ua matuā tele, ‘ua fa‘amanuia oe e le ALI‘I ‘ona o a‘u; a o lenei, o afea ‘ea ‘ou te sauni ai mea ma lo‘u lava ‘āiga?”
31‘Ona fai mai ai lea o ia, “Se a le mea ‘ou te avatu ‘iā te oe?”
‘Ona fai atu ai lea o Iakopo:
“‘Aua, ‘e te ‘aumai se mea ‘iā te a‘u; ‘āfai ‘e te fai le mea nei ma a‘u, ‘ou te toe fafaga lou lafu ma leoleo ai. 32‘Ou te fealualua‘i i lou lafu uma i le aso nei, e tu‘u ‘ese ai o mamoe uma e ilaila solo ma pulepule; o mamoe efuefu uma i le lafu, ma ‘oti pulepule uma, ma e ilaila solo, e fai ia mo‘u totogi. 33O le mea lea e iloa ai la‘u amiotonu i se aso, pe a o‘o mai lo‘u totogi i ou luma; o ‘oti uma e lē ilaila solo pe pulepule, ma mamoe uma e lē efuefu, e ta‘ugaoia a‘u i lea mea.”
34‘Ona fai mai ai lea o Lapana, “‘Ou te mana‘o ‘ina ‘ia faia le mea ‘ua e fai mai ai.” 35O lea aso fo‘i na ia tu‘u ‘ese ai o ‘oti po‘a sa tusitusi ma pulepule, ma ‘oti fafine uma sa ilaila solo ma pulepule, ‘atoa ma ‘oti uma lava ‘ua i ai se ila sinasina, ma mamoe uma ‘ua efuefu, ‘ona tu‘u atu ai lea i ona atali‘i. 36‘Ua ia tu‘u fo‘i le vā i ala e po tolu le sāvaliga i lo la vā ma Iakopo; ‘ae leoleoina e Iakopo le toe lafu o Lapana.
37‘Ona ‘ave ai lea e Iakapo o tātupu o le lipene mata, ma le lusa, ma le aremoni, na ia fofo‘e ai le pa‘u ‘ia pulepule sisina la‘au. 38‘Ua ia fa‘atutūina la‘au na na fofo‘e i mea fa‘aliu, o mea ia e inu ai vai, i luma o le lafu, ‘ina ‘ua ō atu le lafu e feinu ai, ‘ina ‘ia ofi ai le lafu pe a ō atu e inu.#Eso 2.16 39‘Ona ofi ai lea o le lafu i luma o la‘au, ‘ua fānanau ai o manu tusitusi, ma ilaila solo, ‘atoa ma ē pulepule.
40‘Ua tu‘u ‘ese e Iakopo tama‘i mamoe, ‘ua na fa‘asaga atu fo‘i mata o le lafu i manu tusitusi, ma manu efuefu uma i le lafu o Lapana; ‘ona tu‘u ‘ese ai lea e ia lona lava lafu, ‘ae le‘i tu‘u fa‘atasi ma le lafu o Lapana.
41‘Ua o‘o ‘ina a ofi manu malolosi ‘ona tu‘u ai lea e Iakopo o la‘au i mea e inu ai i luma o manu, ‘ina ‘ia ofi ai i luma o la‘au. 42‘Ae peita‘i o manu ‘ua vaivai, ‘ua ia le tu‘u ai la‘au, ‘ona fai ai lea o manu vaivai ma Lapana, a o ē malolosi ‘ua fai ia ma Iakopo. 43‘Ua matuā fa‘ateleina lava mea a lea tagata, na ‘iā te ia mamoe tele ma ‘au‘auna fafine ma ‘au‘auna tane ma kamela, ‘atoa ma asini.#Kene 24.35; 26.13-14
Currently Selected:
Kenese 30: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Kenese 30
30
‘Ua Avatu e Rasela ma Lea a la ‘Au‘auna ‘iā Iakopo
1‘Ua iloa e Rasela e le‘i fānau o ia ‘iā Iakopo, ‘ona matau‘a lea o Rasela i lona uso, ‘ua fai mai ai ‘iā Iakopo, “‘Aumai ia ni tama ‘iā te a‘u, a leai ‘ona ‘ou oti ai lea.”
2‘Ona ita tele ai lea o Iakopo ‘iā Rasela, ‘ua na fai atu ai, “O a‘u ‘ea le sui o le Atua, o lē ‘ua lē avatu ‘iā te oe ni fānau?”#Kene 16.2; 1 Samu 1.5
3‘Ona fai mai ai lea o ia, “Fa‘auta, o la‘u ‘au‘auna o Pila, ‘ia e alu atu ‘iā te ia, ‘ona ‘ou fai tama ai lea ‘iā te ia, ‘ia ‘ou maua ni fānau mai ‘iā te ia.” 4‘Ona ‘aumai ai lea e ia o lana ‘au‘auna fafine o Pila ‘iā te ia e fai māna avā, ‘ona alu atu ai lea o Iakopo ‘iā te ia. 5‘Ona tō ai lea o Pila, ‘ua fānau ai ‘iā Iakopo le tama tane. 6‘Ona fa‘apea lea o Rasela, “‘Ua fa‘amasinoina a‘u e le Atua,” ‘ua ia fa‘afofoga mai fo‘i i lo‘u leo ma na ‘aumai ‘iā te a‘u le tama tane, o le mea lea ‘ua ia fa‘aigoa ai ‘iā te ia o Tanu.#30.6 Tanu: mai le gagana Eperu “fa‘amasinoina.” 7‘Ua toe tō fo‘i Pila le ‘au‘auna a Rasela, ‘ua fānau ai ‘iā Iakopo lona to‘alua o tama tane. 8‘Ona fa‘apea lea o Rasela, “O fagatuaga tetele ‘ua ‘ou fagatua ai ma lo‘u uso, ‘ua ‘ou manumālō ai fo‘i;” ‘ua ia fa‘aigoa ai fo‘i ‘iā te ia o Nafatali.#30.8 Nafatali: mai le gagana Eperu “misa.”
9‘Ua iloa e Lea ‘ua pā o ia, ‘ona ‘ave ai lea e ia o Selepa lana ‘au‘auna, ‘ua avatu ‘iā Iakopo e fai ma ana avā.#Kene 29.24 10‘Ona fānau ai lea o Selepa le ‘au‘auna a Lea le tama tane ia Iakopo. 11‘Ona fa‘apea lea o Lea, “O lo‘o sau le au;” ‘ua na fa‘aigoa ai ‘iā te ia o Kato.#30.11 Kato: mai le gagana Eperu “manuia.” 12‘Ua toe fānau fo‘i e Selepa le ‘au‘auna a Lea lona to‘alua o tama tane ‘iā Iakopo. 13‘Ona fa‘apea lea o Lea, “‘Ua ‘ou fiafia auā e fa‘a‘amu‘ia mai fafine ‘iā te a‘u;” ‘ua na fa‘aigoa ai ‘iā te ia o Asera.#30.13 Asera: mai le gagana Eperu “fiafia.”
14O ona po e selesele ai saito na alu atu ai Reupena, ‘ua maua fo‘i tutaima i le vao, ‘ua ‘aumai ai i lona tinā o Lea. ‘Ona fai atu ai lea o Rasela ‘iā Lea, “Se‘i ‘aumai ‘iā te a‘u nai tutaima a lau tama.”
15‘Ona fai mai ai lea o ia ‘iā te ia, “Se mea mamā ‘ea ‘ina ‘ua e fao la‘u tane? A ē fao ‘ea fo‘i ma tutaima a la‘u tama?”
‘Ona fai atu ai lea o Rasela, “O lea fo‘i, lua te momoe ai ma ia i le po nanei, ‘ona o tutaima a lau tama.”
16‘Ua sau Iakopo ai le vao i le afiafi, ‘ona alu atu ai lea o Lea e fa‘afetaia‘i ‘iā te ia, ‘ua fa‘apea atu, “‘E te alu ane ‘iā te a‘u, auā ‘ua ‘ou fa‘atauina lava oe i tutaima a la‘u tama.” ‘Ona la momoe ai lea ma ia i lea po.
17‘Ua fa‘afofoga le Atua ‘iā Lea, ‘ona tō ai lea o ia, ‘ua fānau e ia ‘iā Iakopo le tama tane o lona to‘alima lea. 18‘Ona fa‘apea lea o Lea, “‘Ua foa‘i mai e le Atua lo‘u taui, auā na ‘ou avatu la‘u ‘au‘auna i la‘u tane;” ‘ua na fa‘aigoa ai ‘iā te ia o Isakara.#30.18 Isakara: mai le gagana Eperu “‘ua foa‘i mai le taui.” 19‘Ua toe tō fo‘i Lea, ‘ua fānau ai le tama tane ‘iā Iakopo, o le to‘aono lea. 20‘Ona fa‘apea lea o Lea, “‘Ua foa‘iina mai e le Atua ‘iā te a‘u le ‘oloa lelei; o lenei, o le a talia a‘u e la‘u tane auā ‘ua ‘ou fānau tama tane e to‘aono ‘iā te ia;” ‘ua na fa‘aigoa ai ‘iā te ia o Sepulona.#30.20 Sepulona: mai le gagana Eperu “talia le ‘oloa lelei.” 21‘Ua muli ai fānau e ia se tama teine, ‘ua fa‘aigoa ‘iā te ia o Tina.
22‘Ua manatua fo‘i Rasela e le Atua, ‘ua fa‘afofoga le Atua ‘iā te ia ‘ua fa‘afānauina ia. 23‘Ona tō ai lea o ia ‘ua fānau le tama tane, ‘ua fa‘apea ai, “‘Ua ‘ave‘eseina e le Atua i lo‘u luma.” 24‘Ua na fa‘aigoa ‘iā te ia o Iosefa,#30.24 Iosefa: mai le gagana Eperu “‘ave‘eseina ma toe fa‘aopoopo.” ‘ua fa‘apea, “E fa‘aopoopo mai e le ALI‘I ‘iā te a‘u se tasi tama tane.”
O le Finauga a Iakopo ma Lapana
25‘Ua fānau e Rasela o Iosefa ‘ona fai atu ai lea o Iakopo ‘iā Lapana, “Tu‘u mai ia o a‘u, ‘ina ‘ia ‘ou alu i lo‘u nu‘u ma lo‘u lau‘ele‘ele. 26Tu‘u mai ia o a‘u avā ma a‘u fānau, sa ‘ou ‘au‘auna ai ‘iā te oe, a ‘ou alu; auā ‘ua e iloa la‘u galuega ‘ua ‘ou ‘au‘auna ai ‘iā te oe.”
27‘Ona fai mai ai lea o Lapana ‘iā te ia, “‘Āfai ‘e te alofa ‘iā te a‘u, ‘ia e nofo mai pea, auā ‘ua ‘ou matuā iloa ‘ua fa‘amanuia mai a‘u e le ALI‘I ‘ona o oe.” 28‘Ua fa‘apea mai fo‘i o ia, “‘Ia e ta‘utino mai ‘iā te a‘u sou totogi; ‘ou te avatua lava ‘iā te oe.”
29‘Ona fai atu ai lea o ia ‘iā te ia:
“‘Ua e iloa le uiga o la‘u ‘au‘auna atu ‘iā te oe, ma au mea ‘ua ‘iā te a‘u.#Kene 31.6, 38-40 30Auā sa itiiti mea ‘iā te oe a ‘ou te le‘i sau, a ‘ua tupu, ‘ua matuā tele, ‘ua fa‘amanuia oe e le ALI‘I ‘ona o a‘u; a o lenei, o afea ‘ea ‘ou te sauni ai mea ma lo‘u lava ‘āiga?”
31‘Ona fai mai ai lea o ia, “Se a le mea ‘ou te avatu ‘iā te oe?”
‘Ona fai atu ai lea o Iakopo:
“‘Aua, ‘e te ‘aumai se mea ‘iā te a‘u; ‘āfai ‘e te fai le mea nei ma a‘u, ‘ou te toe fafaga lou lafu ma leoleo ai. 32‘Ou te fealualua‘i i lou lafu uma i le aso nei, e tu‘u ‘ese ai o mamoe uma e ilaila solo ma pulepule; o mamoe efuefu uma i le lafu, ma ‘oti pulepule uma, ma e ilaila solo, e fai ia mo‘u totogi. 33O le mea lea e iloa ai la‘u amiotonu i se aso, pe a o‘o mai lo‘u totogi i ou luma; o ‘oti uma e lē ilaila solo pe pulepule, ma mamoe uma e lē efuefu, e ta‘ugaoia a‘u i lea mea.”
34‘Ona fai mai ai lea o Lapana, “‘Ou te mana‘o ‘ina ‘ia faia le mea ‘ua e fai mai ai.” 35O lea aso fo‘i na ia tu‘u ‘ese ai o ‘oti po‘a sa tusitusi ma pulepule, ma ‘oti fafine uma sa ilaila solo ma pulepule, ‘atoa ma ‘oti uma lava ‘ua i ai se ila sinasina, ma mamoe uma ‘ua efuefu, ‘ona tu‘u atu ai lea i ona atali‘i. 36‘Ua ia tu‘u fo‘i le vā i ala e po tolu le sāvaliga i lo la vā ma Iakopo; ‘ae leoleoina e Iakopo le toe lafu o Lapana.
37‘Ona ‘ave ai lea e Iakapo o tātupu o le lipene mata, ma le lusa, ma le aremoni, na ia fofo‘e ai le pa‘u ‘ia pulepule sisina la‘au. 38‘Ua ia fa‘atutūina la‘au na na fofo‘e i mea fa‘aliu, o mea ia e inu ai vai, i luma o le lafu, ‘ina ‘ua ō atu le lafu e feinu ai, ‘ina ‘ia ofi ai le lafu pe a ō atu e inu.#Eso 2.16 39‘Ona ofi ai lea o le lafu i luma o la‘au, ‘ua fānanau ai o manu tusitusi, ma ilaila solo, ‘atoa ma ē pulepule.
40‘Ua tu‘u ‘ese e Iakopo tama‘i mamoe, ‘ua na fa‘asaga atu fo‘i mata o le lafu i manu tusitusi, ma manu efuefu uma i le lafu o Lapana; ‘ona tu‘u ‘ese ai lea e ia lona lava lafu, ‘ae le‘i tu‘u fa‘atasi ma le lafu o Lapana.
41‘Ua o‘o ‘ina a ofi manu malolosi ‘ona tu‘u ai lea e Iakopo o la‘au i mea e inu ai i luma o manu, ‘ina ‘ia ofi ai i luma o la‘au. 42‘Ae peita‘i o manu ‘ua vaivai, ‘ua ia le tu‘u ai la‘au, ‘ona fai ai lea o manu vaivai ma Lapana, a o ē malolosi ‘ua fai ia ma Iakopo. 43‘Ua matuā fa‘ateleina lava mea a lea tagata, na ‘iā te ia mamoe tele ma ‘au‘auna fafine ma ‘au‘auna tane ma kamela, ‘atoa ma asini.#Kene 24.35; 26.13-14
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.