Esoto 35
35
O Poloa‘iga i le Sapati
1‘Ona fa‘apotopotoga mai lea e Mose a Isaraelu, ‘ua fai atu ‘iā te i latou: O mea nei ‘ua poloa‘i mai ai le ALI‘I ‘ia faia. 2E ono aso e fai ai galuega, a o le aso fitu e pa‘ia lea ‘iā te ‘outou, o le sapati e mālōlō ai i le ALI‘I; ai se fai galuega ai e fasiotia lava ia.#Eso 20.8-11; 23.12; 31.15; 34.21; Levi 23.3; Teu 5.12-14 3‘Aua ne‘i mū se afi i so ‘outou fale i le aso sapati.
O Taulaga mo le Fale Fetāfa‘i
(Eso 25.1-9)
4‘Ua fai atu fo‘i Mose i le fa‘apotopotoga uma o le fānauga a Isaraelu, ‘ua fa‘apea atu: O le mea lenei, ‘ua poloa‘i mai ai le ALI‘I ‘ua fa‘apea mai: 5‘Inā fai ia ‘outou se taulaga i le ALI‘I, e ta‘ito‘atasi o lē manatu i ai i lona loto, ‘ia ‘aumai e ia le taulaga i le ALI‘I, o le auro, ma le ario ma le ‘apamemea, 6ma le ‘ie uli, ma le pāuli, ma le mūmū ma le ‘ie vavae, ma fulufulu ‘oti 7ma pa‘u mamoe po‘a fa‘alanu ulaula, ma pa‘u takesa, ma le la‘au o le setima; 8o le suāu‘u fo‘i e mū a‘i le afi, o mea manogi e manogi a‘i le u‘u e fa‘au‘u a‘i e fai a‘i fo‘i le mea manogi lelei e mū, 9o ma‘a soama, ma ma‘a e teu ai i le efota ma le ufifatafata.
O Mea e Aogā i le Fale Fetāfa‘i
(Eso 39.32-43)
10O i latou uma fo‘i o ‘iā te ‘outou ‘ua popoto, ‘ia latou ō mai, ma latou faia mea uma lava ‘ua poloa‘i mai ai le ALI‘I; 11o le malumalu, o lona fale fetāfa‘i, ma lona ufiufi, o ona fa‘amau, o ona laupapa, o ona fa‘alava, o ona pou, ma ona lago; 12o le ‘atola‘au, ma ona amo, o le nofoa o le alofa, ma le ‘ie puipui; 13o le la‘o‘ai, ma ona amo, ma ana mea uma lava, ma le areto e laulauina i luma; 14ma le tu‘ugālamepa, e mū ai le afi, ma ana mea, ma ona lamepa, ma le suāu‘u e mū a‘i le afi; 15ma le fata e mū ai mea manogi, ma ona amo, ma le u‘u e fa‘au‘u a‘i, ma le mea manogi lelei e mū, ma le ‘ie puipui o le faitoto‘a e pupuni ai le malumalu; 16o le fata e fai ai taulaga mū, ma lona ta‘igaafi ‘apamemea o ona amo, ma ana mea uma; le tanoa e mulumulu ai ma lona tulaga; 17o ‘ie puipui mo le lotoā, o ona pou, ma ona lago, ma le ‘ie puipui mo le faitoto‘a o le lotoā; 18o fa‘amau mo le malumalu, ma fa‘amau mo le lotoā, ma ona maea; 19o ‘ie o mea e fai ai tapua‘iga e ‘au‘auna ai i le mea pa‘ia, o ‘ofu sa mo le ositaulaga o Arona, ma ‘ofu o ona atali‘i, e fai ai le faiva o ositaulaga.
‘Ua ‘Aumai e Tagata a latou Taulaga
20‘Ona tu‘ua lea o le fa‘apotopotoga uma o le fānauga a Isaraelu nai luma o Mose. 21‘Ona latou ō mai lea, o i latou uma o ē ‘ua ua‘i i ai o latou loto ma i latou uma o ē ‘ua manatu ai o latou loto, na latou ‘aumaia le taulaga i le ALI‘I mo galuega o le fale fetāfa‘i o le fa‘apotopotoga mo ona sauniga uma ‘atoa ma ‘ofu sa. 22‘Ua latou ō mai, o tane ‘atoa ma fafine; o i latou uma lava o ē na manatu i ai o latou loto, ‘ua latou ‘aumaia o mama, ma mama o taliga, ma mama o lima, ma asoa auro, ma mea auro uma, e ta‘ito‘atasi uma lava o ē na fai taulaga, ‘ua fai ai le taulaga auro i le ALI‘I. 23E ta‘ito‘atasi uma fo‘i ‘ua i ai se ‘ie uli, ma le pāuli, ma le mūmū ma le ‘ie vavae, ma fulufulu ‘oti, ma pa‘u mamoe po‘a fa‘alanu ulaula, ma pa‘u takesa, ‘ua latou ‘aumaia. 24E ta‘ito‘atasi uma o ē na faitaulaga i le ario, ma le ‘apamemea, ‘ua ‘aumai e ia le taulaga i le ALI‘I; e ta‘itasi uma fo‘i na i ai la‘au o le setima e aogā i se mea o le galuega, ‘ua ‘aumaia. 25O fafine ta‘ito‘atasi uma fo‘i ‘ua atamamai, ‘ua milo i o latou lima, ma ‘aumai o mea na milo, o le ‘ie uli, ma le pāuli, ma le mūmū, ma le ‘ie vavae. 26O fafine uma fo‘i ‘ua ua‘i i ai o latou loto ma le poto, ‘ua milo e i latou fulufulu ‘oti. 27O ali‘i fo‘i, ‘ua ‘aumai e i latou o ma‘a soama, ma ma‘a e teu ai i le efota ma le ufifatafata; 28ma le mea manogi, ma le suāu‘u e mū a‘i le afi, ma le u‘u e fa‘au‘u ai, ‘atoa ma le mea manogi lelei e mū. 29E ta‘ito‘atasi uma o tane ‘atoa ma fafine ē na manatu i ai i o latou loto, ‘ua ‘aumaia mea e fai a‘i galuega uma lava na poloa‘i mai ai le ALI‘I ‘iā Mose ‘ia faia; ‘ua ‘aumaia ma le loto e le fānauga a Isaraelu i le ALI‘I.
O le Sauniga o le Fale Fetāfa‘i
(Eso 31.1-11)
30‘Ona fa‘apea atu lea o Mose i le fānauga a Isaraelu: Fa‘auta, ‘ua vala‘auina e le ALI‘I i lona lava igoa o Pesaleli, o le atali‘i o Auri, o le atali‘i lea o Huro, o le itū‘āiga o Iuta; 31‘ua fa‘atumuina fo‘i o ia i le Agaga#35.31 Agaga: po o le malosi. o le Atua i le poto, ma le fa‘autauta, ma le iloa lelei, e fai ai galuega uma lava; 32‘ina ‘ia mafaufau o ia i galuega faigatā, e galue o ia i le auro, ma le ario, ma le ‘apamemea; 33e togitogi fo‘i i ma‘a e fa‘amau ai, e togitogi fo‘i i la‘au, e fai ai galuega faigatā uma lava. 34‘Ua ia tu‘uina i lona loto ‘ia mafai ‘ona a‘oa‘o atu, o ia ‘atoa ma Aliavu, o le atali‘i o Aisamako, o le itū‘āiga o Tanu. 35‘Ua na fa‘atumuina fo‘i i lā‘ua i le poto e fai galuega uma a le tufuga togitogi mea, ma le galuega a le tufuga poto, ma lē lalaga ‘ie lanu ‘ese‘ese, o le ‘ie uli, ma le pāuli, ma le mūmū ma le ‘ie vavae, ‘atoa ma ē lalaga mea, ma matagaluega ‘ese‘ese ma galuega a e mafaufau i galuega faigatā.
Currently Selected:
Esoto 35: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Esoto 35
35
O Poloa‘iga i le Sapati
1‘Ona fa‘apotopotoga mai lea e Mose a Isaraelu, ‘ua fai atu ‘iā te i latou: O mea nei ‘ua poloa‘i mai ai le ALI‘I ‘ia faia. 2E ono aso e fai ai galuega, a o le aso fitu e pa‘ia lea ‘iā te ‘outou, o le sapati e mālōlō ai i le ALI‘I; ai se fai galuega ai e fasiotia lava ia.#Eso 20.8-11; 23.12; 31.15; 34.21; Levi 23.3; Teu 5.12-14 3‘Aua ne‘i mū se afi i so ‘outou fale i le aso sapati.
O Taulaga mo le Fale Fetāfa‘i
(Eso 25.1-9)
4‘Ua fai atu fo‘i Mose i le fa‘apotopotoga uma o le fānauga a Isaraelu, ‘ua fa‘apea atu: O le mea lenei, ‘ua poloa‘i mai ai le ALI‘I ‘ua fa‘apea mai: 5‘Inā fai ia ‘outou se taulaga i le ALI‘I, e ta‘ito‘atasi o lē manatu i ai i lona loto, ‘ia ‘aumai e ia le taulaga i le ALI‘I, o le auro, ma le ario ma le ‘apamemea, 6ma le ‘ie uli, ma le pāuli, ma le mūmū ma le ‘ie vavae, ma fulufulu ‘oti 7ma pa‘u mamoe po‘a fa‘alanu ulaula, ma pa‘u takesa, ma le la‘au o le setima; 8o le suāu‘u fo‘i e mū a‘i le afi, o mea manogi e manogi a‘i le u‘u e fa‘au‘u a‘i e fai a‘i fo‘i le mea manogi lelei e mū, 9o ma‘a soama, ma ma‘a e teu ai i le efota ma le ufifatafata.
O Mea e Aogā i le Fale Fetāfa‘i
(Eso 39.32-43)
10O i latou uma fo‘i o ‘iā te ‘outou ‘ua popoto, ‘ia latou ō mai, ma latou faia mea uma lava ‘ua poloa‘i mai ai le ALI‘I; 11o le malumalu, o lona fale fetāfa‘i, ma lona ufiufi, o ona fa‘amau, o ona laupapa, o ona fa‘alava, o ona pou, ma ona lago; 12o le ‘atola‘au, ma ona amo, o le nofoa o le alofa, ma le ‘ie puipui; 13o le la‘o‘ai, ma ona amo, ma ana mea uma lava, ma le areto e laulauina i luma; 14ma le tu‘ugālamepa, e mū ai le afi, ma ana mea, ma ona lamepa, ma le suāu‘u e mū a‘i le afi; 15ma le fata e mū ai mea manogi, ma ona amo, ma le u‘u e fa‘au‘u a‘i, ma le mea manogi lelei e mū, ma le ‘ie puipui o le faitoto‘a e pupuni ai le malumalu; 16o le fata e fai ai taulaga mū, ma lona ta‘igaafi ‘apamemea o ona amo, ma ana mea uma; le tanoa e mulumulu ai ma lona tulaga; 17o ‘ie puipui mo le lotoā, o ona pou, ma ona lago, ma le ‘ie puipui mo le faitoto‘a o le lotoā; 18o fa‘amau mo le malumalu, ma fa‘amau mo le lotoā, ma ona maea; 19o ‘ie o mea e fai ai tapua‘iga e ‘au‘auna ai i le mea pa‘ia, o ‘ofu sa mo le ositaulaga o Arona, ma ‘ofu o ona atali‘i, e fai ai le faiva o ositaulaga.
‘Ua ‘Aumai e Tagata a latou Taulaga
20‘Ona tu‘ua lea o le fa‘apotopotoga uma o le fānauga a Isaraelu nai luma o Mose. 21‘Ona latou ō mai lea, o i latou uma o ē ‘ua ua‘i i ai o latou loto ma i latou uma o ē ‘ua manatu ai o latou loto, na latou ‘aumaia le taulaga i le ALI‘I mo galuega o le fale fetāfa‘i o le fa‘apotopotoga mo ona sauniga uma ‘atoa ma ‘ofu sa. 22‘Ua latou ō mai, o tane ‘atoa ma fafine; o i latou uma lava o ē na manatu i ai o latou loto, ‘ua latou ‘aumaia o mama, ma mama o taliga, ma mama o lima, ma asoa auro, ma mea auro uma, e ta‘ito‘atasi uma lava o ē na fai taulaga, ‘ua fai ai le taulaga auro i le ALI‘I. 23E ta‘ito‘atasi uma fo‘i ‘ua i ai se ‘ie uli, ma le pāuli, ma le mūmū ma le ‘ie vavae, ma fulufulu ‘oti, ma pa‘u mamoe po‘a fa‘alanu ulaula, ma pa‘u takesa, ‘ua latou ‘aumaia. 24E ta‘ito‘atasi uma o ē na faitaulaga i le ario, ma le ‘apamemea, ‘ua ‘aumai e ia le taulaga i le ALI‘I; e ta‘itasi uma fo‘i na i ai la‘au o le setima e aogā i se mea o le galuega, ‘ua ‘aumaia. 25O fafine ta‘ito‘atasi uma fo‘i ‘ua atamamai, ‘ua milo i o latou lima, ma ‘aumai o mea na milo, o le ‘ie uli, ma le pāuli, ma le mūmū, ma le ‘ie vavae. 26O fafine uma fo‘i ‘ua ua‘i i ai o latou loto ma le poto, ‘ua milo e i latou fulufulu ‘oti. 27O ali‘i fo‘i, ‘ua ‘aumai e i latou o ma‘a soama, ma ma‘a e teu ai i le efota ma le ufifatafata; 28ma le mea manogi, ma le suāu‘u e mū a‘i le afi, ma le u‘u e fa‘au‘u ai, ‘atoa ma le mea manogi lelei e mū. 29E ta‘ito‘atasi uma o tane ‘atoa ma fafine ē na manatu i ai i o latou loto, ‘ua ‘aumaia mea e fai a‘i galuega uma lava na poloa‘i mai ai le ALI‘I ‘iā Mose ‘ia faia; ‘ua ‘aumaia ma le loto e le fānauga a Isaraelu i le ALI‘I.
O le Sauniga o le Fale Fetāfa‘i
(Eso 31.1-11)
30‘Ona fa‘apea atu lea o Mose i le fānauga a Isaraelu: Fa‘auta, ‘ua vala‘auina e le ALI‘I i lona lava igoa o Pesaleli, o le atali‘i o Auri, o le atali‘i lea o Huro, o le itū‘āiga o Iuta; 31‘ua fa‘atumuina fo‘i o ia i le Agaga#35.31 Agaga: po o le malosi. o le Atua i le poto, ma le fa‘autauta, ma le iloa lelei, e fai ai galuega uma lava; 32‘ina ‘ia mafaufau o ia i galuega faigatā, e galue o ia i le auro, ma le ario, ma le ‘apamemea; 33e togitogi fo‘i i ma‘a e fa‘amau ai, e togitogi fo‘i i la‘au, e fai ai galuega faigatā uma lava. 34‘Ua ia tu‘uina i lona loto ‘ia mafai ‘ona a‘oa‘o atu, o ia ‘atoa ma Aliavu, o le atali‘i o Aisamako, o le itū‘āiga o Tanu. 35‘Ua na fa‘atumuina fo‘i i lā‘ua i le poto e fai galuega uma a le tufuga togitogi mea, ma le galuega a le tufuga poto, ma lē lalaga ‘ie lanu ‘ese‘ese, o le ‘ie uli, ma le pāuli, ma le mūmū ma le ‘ie vavae, ‘atoa ma ē lalaga mea, ma matagaluega ‘ese‘ese ma galuega a e mafaufau i galuega faigatā.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.