Esoto 2
2
‘Ua Fānau mai Mose ‘ua Fa‘asaoina e le Afafine o Farao
1‘Ua alu ane fo‘i le tasi tagata o le ‘āiga o Levi ‘ua fai avā i le afafine o Levi. 2‘Ona tō lea o le fafine, ‘ua fānau mai le tama, tane; ‘Ua ia iloa o ia ‘ua lālelei, ‘ona ia nā lava lea ‘iā te ia i masina e tolu.#Galu 7.20; Epe 11.23 3‘Ua lē toe mafai ‘ona nā ‘iā te ia, ‘ona ia ‘ave lea mo ia o le ‘ato kome, na ia puluti ai i le pulu emeri, ma le pulu safeta; na ia tu‘u ai le tama, ‘ona tu‘uina ai lea i le vao utuutu i le ‘auvai o le vaitafe. 4A ‘ua tu mamao atu lona tuafafine ‘ina ‘ia iloa pe i‘u ‘ina fa‘apefea o ia.
5‘Ona alu ifo lea o le afafine o Farao e tā‘ele i le vaitafe, o sāvavali ane fo‘i lona galu teine i le ‘auvai o le vaitafe; ‘ua iloa atu e ia le ‘ato o lo‘o i le vao utuutu, ‘ona ‘auina atu lea e ia o lana ‘au‘auna fafine na te ‘aumaia. 6‘Ua ia tatalaina, ‘ua iloa ai le tama, fa‘auta fo‘i, ‘ua tagi le tama; ‘ona alofa lea i ai, ‘ua fa‘apea ane, “O so le fānau a sa Eperū lenei.”
7‘Ona fai mai lea a lona tuafafine i le afafine o Farao, “‘Ou te alu ‘ea e ‘a‘ami se fafine failele o sa Eperū e sau ‘iā te oe, na te tausia le tama ma oe?”
8‘Ua fai atu le afafine o Farao ‘iā te ia, “‘Inā alu ia;” i le ‘ua alu ane le teine ma vala‘au i le tinā o le tama. 9‘Ona fai atu lea o le afafine o Farao ‘iā te ia, “‘Ia e ‘ave lenei tama ma tausi i ai ma a‘u, ‘ou te avatu ai fo‘i ‘iā te oe le totogi;” ‘ona ‘ave lea o le tama e le fafine ma na tausia. 10‘Ua matua le tama, ‘ona ia avatu lea i le afafine o Farao, i le ‘ua fai ai māna tama; ‘ua ia fa‘aigoa ‘iā te ia, o Mose,#2.10 Mose: mai le gagana Eperu “toso a‘e.” “auā” o lo‘o fa‘apea ana, “Na ‘ou tōina a‘e o ia nai le vai.”#Galu 7.21
O le Sola o Mose i Mitiana
11‘Ua o‘o i ona po na matua ai Mose, ‘ona alu atu lea o ia i ona uso, ‘ua na va‘ai atu fo‘i ‘iā latou avega mamafa; ‘ua ia iloa fo‘i le tagata Aikupito ‘ua fasi le tagata sa Eperū o so lona ‘au uso.#Galu 7.23-28 12‘Ua ia feva‘ava‘aia‘i i lea itū ma lea itū, ‘ua iloa e ia e leai se tagata, ‘ona fasi loa e ia le Aikupito ma ‘ua natia i le oneone. 13‘Ona alu atu lea o ia i le aso a taeao, fa‘auta, o tagata sa Eperū e to‘alua o lo‘o femisa‘i; ‘ona fai atu lea o ia i lē ‘ua sesē, “Se a ‘ea le mea ‘e te fasi ai i lē lua te to‘alua?”
14‘Ona fai mai lea o ia, “O ai ‘ea na tofia mai oe e fai ma ali‘i ma fa‘amasino ‘iā te i mā‘ua.#2.14 mā‘ua: O nisi fa‘aliliuga; matou. ‘Ua e manatu ‘ea e fasioti ‘iā te a‘u fa‘apei ‘ona e fasiotia le Aikupito?” ‘Ona fefe ai lea o Mose, ‘ua fa‘apea ana, “E moni lava ‘ua iloa lea mea.” 15‘Ua fa‘alogo Farao i lenā mea, ‘ona fia fasioti lea o ia ‘iā Mose; ‘ona sola ‘ese lea o Mose ‘iā Farao, ‘ua nofo i le nu‘u o Mitiana; ‘ua ia nofo fo‘i i luga o le vai‘eli.#Galu 7.29; Epe 11.27 16Sa i le ositaulaga i Mitiana o afafine e to‘afitu; na latou ō e utu ai vai, ‘ua fa‘atūtūmuina fo‘i o mea e inu ai e fa‘ainu ai le lafu mamoe o lo latou tamā; 17A ‘ua ō mai leoleo mamoe, ma tutuli ‘iā te i latou; ‘ona tula‘i lea o Mose ma lavea‘i ‘iā te i latou, ma fa‘ainu lo latou lafu mamoe. 18‘Ua latou ō atu i lo latou tamā o Reuelu, ‘ona fai mai lea o ia, “Se a ‘ea le mea ‘ua ‘outou vave mai ai i lenei aso?”
19‘Ona latou fai atu lea, “O le tagata Aikupito na lavea‘i mai ‘iā i matou i lima o leoleo mamoe ma na utu mai le vai ma matou, ma na fa‘ainu le lafu mamoe.”
20‘Ona fai mai lea o ia i ona afafine, “Po o fea o i ai o ia? Se a le mea ‘ua ‘outou tu‘una ai le tagata? ‘Inā vala‘au lava ‘iā te ia, ‘ina ‘ia ‘ai sina ana mea.”
21‘Ua lelei fo‘i ‘iā Mose la te nonofo ma lea tagata; ‘ua ia avatu fo‘i lona afafine o Sepora ‘iā Mose e fai māna avā. 22‘Ua ia fānauina ai le tama tane; ‘ua fa‘aigoa e Mose ‘iā te ia, o Keresoma,#2.22 Keresoma: mai le gagana Eperu “āumau i nu‘u ‘ese.” Auā sa fa‘apea ana, “‘Ua ‘ou āumau i le nu‘u ‘ese.”
23‘Ua mavae atu ia aso e tele, ‘ona oti lea o le tupu o Aikupito; a ‘ua mapuitigā le fānauga a Isaraelu ‘ona o le galuega; ‘ua ‘alalaga fo‘i, ‘ua o‘o a‘e lava i le Atua lo latou ‘alaga ‘ona o la latou galuega. 24‘Ua fa‘afofoga fo‘i le Atua i lo latou feoi, ‘ua manatua fo‘i e le Atua i lana feagaiga na na faia ma Aperaamo, ma Isaako, ‘atoa ma Iakopo.#Kene 15.13-14 25‘Ua silasila mai fo‘i le Atua i le fānauga a Isaraelu ma ‘ua silafia i latou e le Atua.#2.25 ‘ua silafia i latou e le Atua: O nisi fa‘aliliuga; na fa‘aali le Atua ‘iā te i latou.
Currently Selected:
Esoto 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Esoto 2
2
‘Ua Fānau mai Mose ‘ua Fa‘asaoina e le Afafine o Farao
1‘Ua alu ane fo‘i le tasi tagata o le ‘āiga o Levi ‘ua fai avā i le afafine o Levi. 2‘Ona tō lea o le fafine, ‘ua fānau mai le tama, tane; ‘Ua ia iloa o ia ‘ua lālelei, ‘ona ia nā lava lea ‘iā te ia i masina e tolu.#Galu 7.20; Epe 11.23 3‘Ua lē toe mafai ‘ona nā ‘iā te ia, ‘ona ia ‘ave lea mo ia o le ‘ato kome, na ia puluti ai i le pulu emeri, ma le pulu safeta; na ia tu‘u ai le tama, ‘ona tu‘uina ai lea i le vao utuutu i le ‘auvai o le vaitafe. 4A ‘ua tu mamao atu lona tuafafine ‘ina ‘ia iloa pe i‘u ‘ina fa‘apefea o ia.
5‘Ona alu ifo lea o le afafine o Farao e tā‘ele i le vaitafe, o sāvavali ane fo‘i lona galu teine i le ‘auvai o le vaitafe; ‘ua iloa atu e ia le ‘ato o lo‘o i le vao utuutu, ‘ona ‘auina atu lea e ia o lana ‘au‘auna fafine na te ‘aumaia. 6‘Ua ia tatalaina, ‘ua iloa ai le tama, fa‘auta fo‘i, ‘ua tagi le tama; ‘ona alofa lea i ai, ‘ua fa‘apea ane, “O so le fānau a sa Eperū lenei.”
7‘Ona fai mai lea a lona tuafafine i le afafine o Farao, “‘Ou te alu ‘ea e ‘a‘ami se fafine failele o sa Eperū e sau ‘iā te oe, na te tausia le tama ma oe?”
8‘Ua fai atu le afafine o Farao ‘iā te ia, “‘Inā alu ia;” i le ‘ua alu ane le teine ma vala‘au i le tinā o le tama. 9‘Ona fai atu lea o le afafine o Farao ‘iā te ia, “‘Ia e ‘ave lenei tama ma tausi i ai ma a‘u, ‘ou te avatu ai fo‘i ‘iā te oe le totogi;” ‘ona ‘ave lea o le tama e le fafine ma na tausia. 10‘Ua matua le tama, ‘ona ia avatu lea i le afafine o Farao, i le ‘ua fai ai māna tama; ‘ua ia fa‘aigoa ‘iā te ia, o Mose,#2.10 Mose: mai le gagana Eperu “toso a‘e.” “auā” o lo‘o fa‘apea ana, “Na ‘ou tōina a‘e o ia nai le vai.”#Galu 7.21
O le Sola o Mose i Mitiana
11‘Ua o‘o i ona po na matua ai Mose, ‘ona alu atu lea o ia i ona uso, ‘ua na va‘ai atu fo‘i ‘iā latou avega mamafa; ‘ua ia iloa fo‘i le tagata Aikupito ‘ua fasi le tagata sa Eperū o so lona ‘au uso.#Galu 7.23-28 12‘Ua ia feva‘ava‘aia‘i i lea itū ma lea itū, ‘ua iloa e ia e leai se tagata, ‘ona fasi loa e ia le Aikupito ma ‘ua natia i le oneone. 13‘Ona alu atu lea o ia i le aso a taeao, fa‘auta, o tagata sa Eperū e to‘alua o lo‘o femisa‘i; ‘ona fai atu lea o ia i lē ‘ua sesē, “Se a ‘ea le mea ‘e te fasi ai i lē lua te to‘alua?”
14‘Ona fai mai lea o ia, “O ai ‘ea na tofia mai oe e fai ma ali‘i ma fa‘amasino ‘iā te i mā‘ua.#2.14 mā‘ua: O nisi fa‘aliliuga; matou. ‘Ua e manatu ‘ea e fasioti ‘iā te a‘u fa‘apei ‘ona e fasiotia le Aikupito?” ‘Ona fefe ai lea o Mose, ‘ua fa‘apea ana, “E moni lava ‘ua iloa lea mea.” 15‘Ua fa‘alogo Farao i lenā mea, ‘ona fia fasioti lea o ia ‘iā Mose; ‘ona sola ‘ese lea o Mose ‘iā Farao, ‘ua nofo i le nu‘u o Mitiana; ‘ua ia nofo fo‘i i luga o le vai‘eli.#Galu 7.29; Epe 11.27 16Sa i le ositaulaga i Mitiana o afafine e to‘afitu; na latou ō e utu ai vai, ‘ua fa‘atūtūmuina fo‘i o mea e inu ai e fa‘ainu ai le lafu mamoe o lo latou tamā; 17A ‘ua ō mai leoleo mamoe, ma tutuli ‘iā te i latou; ‘ona tula‘i lea o Mose ma lavea‘i ‘iā te i latou, ma fa‘ainu lo latou lafu mamoe. 18‘Ua latou ō atu i lo latou tamā o Reuelu, ‘ona fai mai lea o ia, “Se a ‘ea le mea ‘ua ‘outou vave mai ai i lenei aso?”
19‘Ona latou fai atu lea, “O le tagata Aikupito na lavea‘i mai ‘iā i matou i lima o leoleo mamoe ma na utu mai le vai ma matou, ma na fa‘ainu le lafu mamoe.”
20‘Ona fai mai lea o ia i ona afafine, “Po o fea o i ai o ia? Se a le mea ‘ua ‘outou tu‘una ai le tagata? ‘Inā vala‘au lava ‘iā te ia, ‘ina ‘ia ‘ai sina ana mea.”
21‘Ua lelei fo‘i ‘iā Mose la te nonofo ma lea tagata; ‘ua ia avatu fo‘i lona afafine o Sepora ‘iā Mose e fai māna avā. 22‘Ua ia fānauina ai le tama tane; ‘ua fa‘aigoa e Mose ‘iā te ia, o Keresoma,#2.22 Keresoma: mai le gagana Eperu “āumau i nu‘u ‘ese.” Auā sa fa‘apea ana, “‘Ua ‘ou āumau i le nu‘u ‘ese.”
23‘Ua mavae atu ia aso e tele, ‘ona oti lea o le tupu o Aikupito; a ‘ua mapuitigā le fānauga a Isaraelu ‘ona o le galuega; ‘ua ‘alalaga fo‘i, ‘ua o‘o a‘e lava i le Atua lo latou ‘alaga ‘ona o la latou galuega. 24‘Ua fa‘afofoga fo‘i le Atua i lo latou feoi, ‘ua manatua fo‘i e le Atua i lana feagaiga na na faia ma Aperaamo, ma Isaako, ‘atoa ma Iakopo.#Kene 15.13-14 25‘Ua silasila mai fo‘i le Atua i le fānauga a Isaraelu ma ‘ua silafia i latou e le Atua.#2.25 ‘ua silafia i latou e le Atua: O nisi fa‘aliliuga; na fa‘aali le Atua ‘iā te i latou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.