Efeso 1
1
O ‘Upu Fa‘afeiloa‘i
1O a‘u o Paulo, o le ‘aposetolo a Iesu Keriso i le finagalo o le Atua, o la‘u tusi lenei i le ‘au pa‘ia o i Efeso,#1.1 O nisi fa‘aliliuga e lē maua ai; i Efeso. o ē fa‘atuatua fo‘i ‘iā Keriso Iesu.#Roma 1.7; Kolo 1.1; 1 Kori 1.2; Galu 18.19-21; 19.1 2‘Ia ‘iā te ‘outou le alofa tunoa, ma le manuia mai le Atua lo tatou Tamā, ‘atoa ma le Ali‘i o Iesu Keriso.
O Fa‘amanuiaga Fa‘aleagaga e ala ‘iā Keriso
3‘Ia fa‘afetaia le Atua, o le Tamā o lo tatou Ali‘i o Iesu Keriso, o lē ‘ua fa‘amanuia mai ‘iā i tatou i mea uma lava e manuia ai i la le Agaga, i mea o i le lagi, ‘ona o Keriso;#Efe 2.6 4fa‘apei ‘ona ia filifili mai ‘iā i tatou ‘ona o ia, a o le‘i fa‘avaeina le lalolagi, ‘ina ‘ia pa‘ia i tatou ma ia lē mata‘uleagaina i ona luma, i le alofa;#Ioane 15.16; 17.24; Efe 5.27; Roma 8.29 5‘ua na tofia#1.5 ‘ua na tofia: O nisi fa‘aliliuga; ‘ua tofia e le Atua. i tatou anamua, ‘ina ‘ia ‘avea ma tamafai māna, ‘ona o Iesu Keriso, e tusa ma le pule tunoa a lona finagalo; 6‘ina ‘ia vi‘ia ai lona lava alofa tunoa ‘ua silisili, o lea ‘ua agalelei fua mai ai o ia, ‘iā te i tatou, ‘ona o le ‘ua alofagia;#Mata 3.17; Kolo 1.13 7o ia fo‘i ‘ua tatou maua ai le togiola i lona toto,#1.7 togiola i lona toto: po o i lona maliu tigā. o le fa‘amāgaloina o agasala, e tusa ma le ‘oloa faula‘i o lona alofa tunoa,#Kolo 1.14, 20; Efe 2.7; 3.8, 16 8‘ua ia fa‘afaupu‘e tele mai ai ‘iā i tatou, i le poto uma ‘atoa ma le fa‘autauta; 9‘ina ‘ua fa‘ailoa mai ‘iā te i tatou le mea lilo sa i lona finagalo, e tusa ma lana lava pule tunoa, na ia tu‘u ai i lona lava finagalo; 10‘ina ‘ia na fa‘aopoopoina ‘iā Keriso i le sauniuniga i le fa‘a‘atoaga o tausaga, o mea uma lava o i le lagi, ‘atoa ma i latou o i le lalolagi.#Kala 4.4; Kolo 1.16
11O ia lava ‘ua matou maua ai le tofi, o i matou na tofia anamua, e tusa ma le finagalo o lē ‘ua matuā galue i mea uma lava, e tusa ma le pule a lona finagalo;#Kolo 1.12; Roma 8.28 12‘ina ‘ia ‘avea i matou ma ala e vi‘ia ai lona mamalu, o i matou o ē na mua‘i fa‘amoemoe ‘iā Keriso.
13E i ai fo‘i ‘outou ‘iā te ia, ‘ina ‘ua ‘outou fa‘alogologo i le ‘upu o le mea moni, o le tala lelei lea o lo ‘outou fa‘aolataga, ‘ua ‘outou fa‘atuatua ‘iā te ia, ‘ona fa‘amaufa‘ailogaina ai lea o ‘outou e le Agaga Pa‘ia, o lē na folafolaina mai. 14O le fa‘amaoni o ia o lo tatou tofi, se‘ia i‘u ‘ina fa‘aolaina e le Atua o i latou ‘ua fai mōna, ‘ina ‘ia vi‘ia ai lona mamalu.#2 Kori 1.22; 5.5
O le Tatalo a Paulo
15‘Ua ‘ou fa‘alogologo i lo ‘outou fa‘atuatua i le Ali‘i o Iesu, ma lo ‘outou alofa i le ‘au pa‘ia uma lava. 16O le mea lea ‘ou te lē mapu ai i le fa‘afetai ‘ona o ‘outou, o ta‘uta‘ua ‘outou i a‘u tatalo. 17‘Ina ‘ia foa‘i atu ‘iā te ‘outou e le Atua o lo tatou Ali‘i o Iesu Keriso, o le Tamā e ona le mamalu, le Agaga e ona le poto ma le fa‘aaliga, e ala ai ‘ona ‘outou iloa lelei o ia.#1.17 e ala ai ‘ona ‘outou iloa lelei o ia: O nisi fa‘aliliuga; ‘ina ‘ia ‘outou iloa lelei o ia. #Kolo 1.3 18‘Ia fa‘apupulaina mata o ‘outou loto, ‘ina ‘ia ‘outou iloa le uiga o le fa‘amoemoe ‘ua i lona vala‘au mai, ma lē uiga o le faulaigamea lelei o i lana tofiga ‘ua silisili mo le ‘au pa‘ia.#Teu 33.3-4; Kolo 1.5-11 19Ma le uiga o le silisili ‘ese lava o lona mana ‘ua ‘iā i tatou o ē fa‘atuatua, e tusa ma le galuega a lona mana tele lava.#2 Kori 13.4; Kolo 1.11; 2.12 20Na ia matuā galue ai ‘iā Keriso, ‘ina ‘ua toe fa‘atūina mai o ia nai ē ‘ua oti, ma fa‘anofo ‘iā te ia i lona itū taumatau i mea o i le lagi.#Sala 110.1 21E silisili lava i ali‘i sili uma lava, ma faipule, ma ē ‘ua malolosi, ma ali‘i, ma igoa uma lava e ta‘ua, e lē gata i le olaga nei, ‘ae o‘o fo‘i i le atalī. 22‘Ua ia tu‘u fo‘i mea uma lava i lalo o ona vae, ma tu‘uina atu o ia e fai ma ulu o mea uma lava mo le ekalesia.#Sala 8.6; Mata 28.18; Efe 4.15; Kolo 1.18 23O lona tino lea, o le tumu o lē na te fa‘atumuina mea uma lava i mea uma.#Roma 12.5; Kolo 1.19; 1 Kori 12.27; Efe 4.10
Currently Selected:
Efeso 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Efeso 1
1
O ‘Upu Fa‘afeiloa‘i
1O a‘u o Paulo, o le ‘aposetolo a Iesu Keriso i le finagalo o le Atua, o la‘u tusi lenei i le ‘au pa‘ia o i Efeso,#1.1 O nisi fa‘aliliuga e lē maua ai; i Efeso. o ē fa‘atuatua fo‘i ‘iā Keriso Iesu.#Roma 1.7; Kolo 1.1; 1 Kori 1.2; Galu 18.19-21; 19.1 2‘Ia ‘iā te ‘outou le alofa tunoa, ma le manuia mai le Atua lo tatou Tamā, ‘atoa ma le Ali‘i o Iesu Keriso.
O Fa‘amanuiaga Fa‘aleagaga e ala ‘iā Keriso
3‘Ia fa‘afetaia le Atua, o le Tamā o lo tatou Ali‘i o Iesu Keriso, o lē ‘ua fa‘amanuia mai ‘iā i tatou i mea uma lava e manuia ai i la le Agaga, i mea o i le lagi, ‘ona o Keriso;#Efe 2.6 4fa‘apei ‘ona ia filifili mai ‘iā i tatou ‘ona o ia, a o le‘i fa‘avaeina le lalolagi, ‘ina ‘ia pa‘ia i tatou ma ia lē mata‘uleagaina i ona luma, i le alofa;#Ioane 15.16; 17.24; Efe 5.27; Roma 8.29 5‘ua na tofia#1.5 ‘ua na tofia: O nisi fa‘aliliuga; ‘ua tofia e le Atua. i tatou anamua, ‘ina ‘ia ‘avea ma tamafai māna, ‘ona o Iesu Keriso, e tusa ma le pule tunoa a lona finagalo; 6‘ina ‘ia vi‘ia ai lona lava alofa tunoa ‘ua silisili, o lea ‘ua agalelei fua mai ai o ia, ‘iā te i tatou, ‘ona o le ‘ua alofagia;#Mata 3.17; Kolo 1.13 7o ia fo‘i ‘ua tatou maua ai le togiola i lona toto,#1.7 togiola i lona toto: po o i lona maliu tigā. o le fa‘amāgaloina o agasala, e tusa ma le ‘oloa faula‘i o lona alofa tunoa,#Kolo 1.14, 20; Efe 2.7; 3.8, 16 8‘ua ia fa‘afaupu‘e tele mai ai ‘iā i tatou, i le poto uma ‘atoa ma le fa‘autauta; 9‘ina ‘ua fa‘ailoa mai ‘iā te i tatou le mea lilo sa i lona finagalo, e tusa ma lana lava pule tunoa, na ia tu‘u ai i lona lava finagalo; 10‘ina ‘ia na fa‘aopoopoina ‘iā Keriso i le sauniuniga i le fa‘a‘atoaga o tausaga, o mea uma lava o i le lagi, ‘atoa ma i latou o i le lalolagi.#Kala 4.4; Kolo 1.16
11O ia lava ‘ua matou maua ai le tofi, o i matou na tofia anamua, e tusa ma le finagalo o lē ‘ua matuā galue i mea uma lava, e tusa ma le pule a lona finagalo;#Kolo 1.12; Roma 8.28 12‘ina ‘ia ‘avea i matou ma ala e vi‘ia ai lona mamalu, o i matou o ē na mua‘i fa‘amoemoe ‘iā Keriso.
13E i ai fo‘i ‘outou ‘iā te ia, ‘ina ‘ua ‘outou fa‘alogologo i le ‘upu o le mea moni, o le tala lelei lea o lo ‘outou fa‘aolataga, ‘ua ‘outou fa‘atuatua ‘iā te ia, ‘ona fa‘amaufa‘ailogaina ai lea o ‘outou e le Agaga Pa‘ia, o lē na folafolaina mai. 14O le fa‘amaoni o ia o lo tatou tofi, se‘ia i‘u ‘ina fa‘aolaina e le Atua o i latou ‘ua fai mōna, ‘ina ‘ia vi‘ia ai lona mamalu.#2 Kori 1.22; 5.5
O le Tatalo a Paulo
15‘Ua ‘ou fa‘alogologo i lo ‘outou fa‘atuatua i le Ali‘i o Iesu, ma lo ‘outou alofa i le ‘au pa‘ia uma lava. 16O le mea lea ‘ou te lē mapu ai i le fa‘afetai ‘ona o ‘outou, o ta‘uta‘ua ‘outou i a‘u tatalo. 17‘Ina ‘ia foa‘i atu ‘iā te ‘outou e le Atua o lo tatou Ali‘i o Iesu Keriso, o le Tamā e ona le mamalu, le Agaga e ona le poto ma le fa‘aaliga, e ala ai ‘ona ‘outou iloa lelei o ia.#1.17 e ala ai ‘ona ‘outou iloa lelei o ia: O nisi fa‘aliliuga; ‘ina ‘ia ‘outou iloa lelei o ia. #Kolo 1.3 18‘Ia fa‘apupulaina mata o ‘outou loto, ‘ina ‘ia ‘outou iloa le uiga o le fa‘amoemoe ‘ua i lona vala‘au mai, ma lē uiga o le faulaigamea lelei o i lana tofiga ‘ua silisili mo le ‘au pa‘ia.#Teu 33.3-4; Kolo 1.5-11 19Ma le uiga o le silisili ‘ese lava o lona mana ‘ua ‘iā i tatou o ē fa‘atuatua, e tusa ma le galuega a lona mana tele lava.#2 Kori 13.4; Kolo 1.11; 2.12 20Na ia matuā galue ai ‘iā Keriso, ‘ina ‘ua toe fa‘atūina mai o ia nai ē ‘ua oti, ma fa‘anofo ‘iā te ia i lona itū taumatau i mea o i le lagi.#Sala 110.1 21E silisili lava i ali‘i sili uma lava, ma faipule, ma ē ‘ua malolosi, ma ali‘i, ma igoa uma lava e ta‘ua, e lē gata i le olaga nei, ‘ae o‘o fo‘i i le atalī. 22‘Ua ia tu‘u fo‘i mea uma lava i lalo o ona vae, ma tu‘uina atu o ia e fai ma ulu o mea uma lava mo le ekalesia.#Sala 8.6; Mata 28.18; Efe 4.15; Kolo 1.18 23O lona tino lea, o le tumu o lē na te fa‘atumuina mea uma lava i mea uma.#Roma 12.5; Kolo 1.19; 1 Kori 12.27; Efe 4.10
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.