Kolose 2
2
‘Ia Tūtūmau i le Mea Moni
1Auā ‘ou te mana‘o ‘ina ‘ia iloa e ‘outou o lo‘u finau matuā tele ‘ona o ‘outou ma i latou o i Laotikaia ‘atoa ma i latou o ē ‘ua lē iloa mai a‘u i le tino.#Kolo 1.26; Efe 3.18 2‘Ina ‘ia fa‘amafanafanaina o latou loto, o fa‘aso‘oina i le alofa, ‘ina ‘ia maua ai le ‘oloa uma o le mautinoa i le loto matala, ‘ina ‘ia iloa lelei le mea lilo a le Atua o Keriso lea.#2.2 mea lilo a le Atua o Keriso lea: O nisi fa‘aliliuga; o le mea lilo a le Atua: a o nisi fo‘i fa‘aliliuga; O le mea lilo a le Atua le Tamā ma Keriso. 3‘Ua ‘iā te ia le ‘oloa uma o le poto ‘atoa ma le malamalama, ‘ua lilo ai.#Isai 45.3; Fa‘ata 2.3-4; Efe 3.19; 1 Kori 1.24, 30
4O le ‘upu lea ‘ou te fai atu ai, ‘ina ne‘i fa‘asesēina ‘outou e se tasi i ‘upu fa‘a‘ole‘ole.#Roma 16.18; Efe 4.17; 5.6 5Auā e ui lava ‘ina ‘ou lē i ai ‘iā te ‘outou i le tino, ‘ae peita‘i ‘ou te i ai ‘iā te ‘outou i le agaga, o lo‘o ‘ou fiafia ma ‘ou va‘ai atu i lo ‘outou nofo lelei, ma le mausalī o lo ‘outou fa‘atuatua ‘iā Keriso.#1 Kori 5.3; 14.40
O le ‘Atoaga o le Ola o lo‘o ‘iā Keriso Lea
6O lenei, fa‘apei ‘ona ‘outou talia o le Ali‘i Keriso Iesu, ‘ia sāvavali ai ‘outou o ‘iā te ia. 7‘Ia maua‘a ‘outou ma ‘ia atiina a‘e ‘iā te ia, ‘ina ‘ia fa‘atumauina i le fa‘atuatua, fa‘apei ‘ona a‘oa‘oina o ‘outou, ‘ia fa‘atele i ai ma le fa‘afetai.#Efe 3.17; 2.20, 22
8‘Ia ‘outou, ne‘i fa‘apologaina ‘outou e se tasi i le poto lē aogā e fa‘asesē ai, e tusa ma le ‘uputu‘u a tagata, e tusa ma aitu o le lagi ma le lalolagi, ‘ae lē tusa ma Keriso. 9Auā o lo‘o mau i totonu ‘iā te ia le tumu uma lava o le uiga Atua ‘ua i lona tino;#Ioane 1.14, 16 10o lo‘o ‘ua fa‘a‘ato‘atoaina fo‘i ‘outou ‘iā te ia; o le ulu ia o ali‘i sili uma lava ‘atoa ma faipule.
11‘Ua fa‘aperitomeina fo‘i ‘outou ‘iā te ia i le peritomega e le‘i faia e lima, i le tō‘eseina o le tino fa‘aletino i le peritomega mai ‘iā Keriso.#1 Pete 3.21; Roma 2.29 12Na tanumia ‘outou fa‘atasi ma ia i le papatisoga, o lea fo‘i ‘ua ‘outou toe tutū mai ai fa‘atasi ma ia i le fa‘atuatua i le mana o le Atua, o lē na fa‘atū mai ‘iā te ia i ē na oti.#Kolo 3.1; Roma 6.4; Efe 1.19-20 13O ‘outou fo‘i sa oti i amio leaga ma le lē peritomeina o ‘outou tino, na ia fa‘aola mai fa‘atasi ma ia, ‘ina ‘ua fa‘amāgaloina mai a tatou#2.13 tatou: O nisi fa‘aliliuga; ‘outou. amioga leaga uma lava. 14‘Ina ‘ua sōloia le tusi o la tatou ‘aitalafu na nofo sala ai tatou i tulafono sa tete‘e mai ‘iā te i tatou, ‘ua ‘ave‘eseina ai fo‘i nai le vaeloto, ma fa‘amauina ai i fao i le satauro.#Efe 2.14-15; 1 Pete 2.24 15‘Ua tu‘u‘eseina e ia#2.15 ‘Ua tu‘u‘eseina e ia: po o ‘Ua tu‘u‘eseina e Keriso le malosi o ali‘i sili ma faipule. o ali‘i sili ma faipule, ‘ona fa‘aalia mai lea o i latou ‘ia iloa uma, ‘ua manumālō o ia ‘iā te i latou i lea lava mea.
16O lenei, ‘aua ne‘i fa‘amasino atu se tasi ‘iā te ‘outou i mea e ‘a‘ai ai, po o mea e inu ai, po o mea ia o tausamiga, po o masina fa‘ato‘ā va‘aia, po o sapati.#Roma 14.1-12 17o ata lava ia o mea atalī, a o le tino, e a Keriso lava lea.#Epe 8.5; 10.1 18‘Aua ne‘i ta‘ulēaogāina ‘outou e se tasi ‘ona ‘ua fa‘amamafaina e ia le fa‘alalolalo ma le ifo atu i agelu, o lo‘o fa‘alagolago i mea ‘ua ia va‘aia, o lo‘o fa‘afefetefuaina lona lava mafaufau fa‘aletino. 19‘Ua lē tāofi mau fo‘i i le Ulu, ‘ua tausia ai ma fa‘amalosia ai le tino uma, i mea e so‘o ai ‘atoa ma ua, o lo‘o tupu ai, ‘ina ‘ua fa‘atupuina mai e le Atua.
O le Oti ma le Ola Fa‘atasi ma Keriso
20O lenei, ‘āfai ‘ua ‘outou oti fa‘atasi ma Keriso i aitu o le lagi ma le lalolagi, se a le mea tou te sāvavali peiseaī ‘ua nonofo pea ‘outou i le lalolagi? Se a fo‘i le mea tou te usiusita‘i atu ai i fa‘atonuga?#Kala 4.3, 9 21“‘Aua ne‘i pa‘i atu i ai, ‘Aua ne‘i tofo, ‘Aua ne‘i tago,” 22o mea uma ia e uma ai pe a tagofia; e tusa ma poloa‘iga ma mea e a‘oa‘o atu e tagata?#Mata 15.9 23O mea ia e tāua ai le poto, ‘ona o le fa‘afiaamioatua, ma le fa‘amaulalo, ma le fa‘asaunoa o le tino, ‘ae lē aogā ia mea e tāofiofi ai tu‘inanau o le tino.#1 Timo 4.3
Currently Selected:
Kolose 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Kolose 2
2
‘Ia Tūtūmau i le Mea Moni
1Auā ‘ou te mana‘o ‘ina ‘ia iloa e ‘outou o lo‘u finau matuā tele ‘ona o ‘outou ma i latou o i Laotikaia ‘atoa ma i latou o ē ‘ua lē iloa mai a‘u i le tino.#Kolo 1.26; Efe 3.18 2‘Ina ‘ia fa‘amafanafanaina o latou loto, o fa‘aso‘oina i le alofa, ‘ina ‘ia maua ai le ‘oloa uma o le mautinoa i le loto matala, ‘ina ‘ia iloa lelei le mea lilo a le Atua o Keriso lea.#2.2 mea lilo a le Atua o Keriso lea: O nisi fa‘aliliuga; o le mea lilo a le Atua: a o nisi fo‘i fa‘aliliuga; O le mea lilo a le Atua le Tamā ma Keriso. 3‘Ua ‘iā te ia le ‘oloa uma o le poto ‘atoa ma le malamalama, ‘ua lilo ai.#Isai 45.3; Fa‘ata 2.3-4; Efe 3.19; 1 Kori 1.24, 30
4O le ‘upu lea ‘ou te fai atu ai, ‘ina ne‘i fa‘asesēina ‘outou e se tasi i ‘upu fa‘a‘ole‘ole.#Roma 16.18; Efe 4.17; 5.6 5Auā e ui lava ‘ina ‘ou lē i ai ‘iā te ‘outou i le tino, ‘ae peita‘i ‘ou te i ai ‘iā te ‘outou i le agaga, o lo‘o ‘ou fiafia ma ‘ou va‘ai atu i lo ‘outou nofo lelei, ma le mausalī o lo ‘outou fa‘atuatua ‘iā Keriso.#1 Kori 5.3; 14.40
O le ‘Atoaga o le Ola o lo‘o ‘iā Keriso Lea
6O lenei, fa‘apei ‘ona ‘outou talia o le Ali‘i Keriso Iesu, ‘ia sāvavali ai ‘outou o ‘iā te ia. 7‘Ia maua‘a ‘outou ma ‘ia atiina a‘e ‘iā te ia, ‘ina ‘ia fa‘atumauina i le fa‘atuatua, fa‘apei ‘ona a‘oa‘oina o ‘outou, ‘ia fa‘atele i ai ma le fa‘afetai.#Efe 3.17; 2.20, 22
8‘Ia ‘outou, ne‘i fa‘apologaina ‘outou e se tasi i le poto lē aogā e fa‘asesē ai, e tusa ma le ‘uputu‘u a tagata, e tusa ma aitu o le lagi ma le lalolagi, ‘ae lē tusa ma Keriso. 9Auā o lo‘o mau i totonu ‘iā te ia le tumu uma lava o le uiga Atua ‘ua i lona tino;#Ioane 1.14, 16 10o lo‘o ‘ua fa‘a‘ato‘atoaina fo‘i ‘outou ‘iā te ia; o le ulu ia o ali‘i sili uma lava ‘atoa ma faipule.
11‘Ua fa‘aperitomeina fo‘i ‘outou ‘iā te ia i le peritomega e le‘i faia e lima, i le tō‘eseina o le tino fa‘aletino i le peritomega mai ‘iā Keriso.#1 Pete 3.21; Roma 2.29 12Na tanumia ‘outou fa‘atasi ma ia i le papatisoga, o lea fo‘i ‘ua ‘outou toe tutū mai ai fa‘atasi ma ia i le fa‘atuatua i le mana o le Atua, o lē na fa‘atū mai ‘iā te ia i ē na oti.#Kolo 3.1; Roma 6.4; Efe 1.19-20 13O ‘outou fo‘i sa oti i amio leaga ma le lē peritomeina o ‘outou tino, na ia fa‘aola mai fa‘atasi ma ia, ‘ina ‘ua fa‘amāgaloina mai a tatou#2.13 tatou: O nisi fa‘aliliuga; ‘outou. amioga leaga uma lava. 14‘Ina ‘ua sōloia le tusi o la tatou ‘aitalafu na nofo sala ai tatou i tulafono sa tete‘e mai ‘iā te i tatou, ‘ua ‘ave‘eseina ai fo‘i nai le vaeloto, ma fa‘amauina ai i fao i le satauro.#Efe 2.14-15; 1 Pete 2.24 15‘Ua tu‘u‘eseina e ia#2.15 ‘Ua tu‘u‘eseina e ia: po o ‘Ua tu‘u‘eseina e Keriso le malosi o ali‘i sili ma faipule. o ali‘i sili ma faipule, ‘ona fa‘aalia mai lea o i latou ‘ia iloa uma, ‘ua manumālō o ia ‘iā te i latou i lea lava mea.
16O lenei, ‘aua ne‘i fa‘amasino atu se tasi ‘iā te ‘outou i mea e ‘a‘ai ai, po o mea e inu ai, po o mea ia o tausamiga, po o masina fa‘ato‘ā va‘aia, po o sapati.#Roma 14.1-12 17o ata lava ia o mea atalī, a o le tino, e a Keriso lava lea.#Epe 8.5; 10.1 18‘Aua ne‘i ta‘ulēaogāina ‘outou e se tasi ‘ona ‘ua fa‘amamafaina e ia le fa‘alalolalo ma le ifo atu i agelu, o lo‘o fa‘alagolago i mea ‘ua ia va‘aia, o lo‘o fa‘afefetefuaina lona lava mafaufau fa‘aletino. 19‘Ua lē tāofi mau fo‘i i le Ulu, ‘ua tausia ai ma fa‘amalosia ai le tino uma, i mea e so‘o ai ‘atoa ma ua, o lo‘o tupu ai, ‘ina ‘ua fa‘atupuina mai e le Atua.
O le Oti ma le Ola Fa‘atasi ma Keriso
20O lenei, ‘āfai ‘ua ‘outou oti fa‘atasi ma Keriso i aitu o le lagi ma le lalolagi, se a le mea tou te sāvavali peiseaī ‘ua nonofo pea ‘outou i le lalolagi? Se a fo‘i le mea tou te usiusita‘i atu ai i fa‘atonuga?#Kala 4.3, 9 21“‘Aua ne‘i pa‘i atu i ai, ‘Aua ne‘i tofo, ‘Aua ne‘i tago,” 22o mea uma ia e uma ai pe a tagofia; e tusa ma poloa‘iga ma mea e a‘oa‘o atu e tagata?#Mata 15.9 23O mea ia e tāua ai le poto, ‘ona o le fa‘afiaamioatua, ma le fa‘amaulalo, ma le fa‘asaunoa o le tino, ‘ae lē aogā ia mea e tāofiofi ai tu‘inanau o le tino.#1 Timo 4.3
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.