Galuega 4
4
O le Tu‘uina o Peteru ma Ioane i le Fale Puipui
1O lo‘o o tautala atu i lā‘ua i le nu‘u, ‘ona tutū mai lea ‘iā te i lā‘ua o ositaulaga,#4.1 ositaulaga: O nisi fa‘aliliuga; ositaulaga sili. ma le ta‘ita‘i o le ‘au leoleo o le malumalu, ‘atoa ma satukaio.#Luka 22.4, 52 2‘Ua tigā i latou ‘ona ‘ua la a‘oa‘o atu i le nu‘u, ‘inā tala‘i atu le toetū mai o Iesu nai ē ‘ua oti. 3‘Ua pupu‘e ‘iā te i lā‘ua, ma tu‘u atu i le fale puipui se‘ia o‘o i le taeao; auā ‘ua afiafi lava.#Galu 3.1 4E to‘atele o ē na fa‘alogologo i le ‘upu, ‘ua fa‘atuatua i latou; o le faitau aofa‘i fo‘i o tagata po ‘ua lima afe.
5‘Ua o‘o i le taeao, ‘ona fa‘apotopotoina ai lea i Ierusalema o latou ali‘i, ma le ‘au toeaina, ma le ‘au tusi‘upu, 6ma Ana le ositaulaga sili, ma Kaiafa, ma Ioane, ma Alesana ‘atoa uma lava ma le ‘āiga o le au ositaulaga sili. 7‘Ua latou tu‘u ‘iā te i lā‘ua i totonu, ‘ona latou fesili mai ai lea, “O le a ‘ea le mana, po o le igoa o ai, na ‘oulua fai ai lenei mea?”#Mata 21.23
8‘Ona fai atu lea o Peteru ‘iā te i latou, ‘ua tumu o ia i le Agaga Pa‘ia, “O ‘outou ali‘i o le nu‘u, ma toeaina o Isaraelu,#Mata 10.19, 20 9‘āfai e fa‘amasinoina i mā‘ua i lenei aso i le alofa ‘ua faia i le tagata ma‘i, po o le a ‘ua mālōlō ai o ia; 10‘ia iloa e ‘outou uma, ‘atoa ma le nu‘u uma o Isaraelu, o le suafa o Iesu Keriso o le Nasareta, o lē na fa‘asatauroina e ‘outou, o lē ‘ua toe fa‘atūina e le Atua nai ē ‘ua oti, o ia lava ‘ua tu mai ai lenei tagata ‘ua mālōlō i o ‘outou luma. 11O Iesu lea sa fai mai ai le Tusi:#Sala 118.22
‘O le ma‘a lenei na fa‘alēaogāina e ‘outou tufuga fai fale,
‘ua ‘avea o ia ma ma‘a tulimanu aupitoaluga.’
12“E leai fo‘i se tasi ‘ua i ai le ola; e leai lava se isi igoa i lalo o le lagi ‘ua foa‘iina mai i tagata e mafaia ‘ona fa‘aolaina ai o i tatou.”#Mata 1.21
13‘Ua va‘ai i latou i le loto tele o Peteru ma Ioane, ‘ua iloa fo‘i o tagata e le‘i a‘oa‘oina i lā‘ua ma le vālelea, ‘ua latou ofo ai; ‘ua latou iloa fo‘i o i lā‘ua sa latou fa‘atasi ma Iesu. 14‘Ua iloa atu fo‘i e i latou le tagata ‘ua fa‘amālōlōina ‘ua tutū fa‘atasi ma i lā‘ua, ‘ona lē mautali ai lea o i latou.#Galu 3.8, 9 15‘Ua fai mai ‘iā te i lā‘ua e ō ‘ese ia i le fono; ‘ona fetautalatala‘i lea o i latou, 16‘ua fa‘apea, “Se a se mea tatou te faia i nei tagata? Auā ‘ua matuā iloa e i latou e nonofo i Ierusalema uma lava ‘ua faia lava e i lā‘ua le fa‘ailoga sili; e lē mafai fo‘i ‘ona tatou fa‘afiti i ai.#Ioane 11.47 17‘Ae peita‘i ‘ina ne‘i alualu ‘ona salalau lea i le nu‘u, ‘ia tatou matuā fa‘amata‘u atu ‘iā te i lā‘ua, ia sōia lava le toe tautala i se tasi tagata i lenā igoa.”
18‘Ua ‘a‘ami atu ‘iā te i lā‘ua, ‘ona vavao lea ‘iā te i lā‘ua, ‘aua lava ne‘i tautala atu pe a‘oa‘o atu i le igoa o Iesu. 19A ‘ua tali atu Peteru ma Ioane, ‘ua fa‘apea atu ‘iā te i latou, “‘Inā filifili ia ‘outou, pe tonu i luma o le Atua, ‘ona mā fa‘alogo atu ‘iā te ‘outou, pe mā te fa‘alogo i le Atua.#Galu 5.29 20Auā ma te lē mafaia ‘ona lē tautala i mea ‘ua ma va‘ai i ai ma fa‘alogo i ai.” 21‘Ua latou toe fa‘amata‘u mai ‘iā te i lā‘ua, ‘ona tu‘u lea o i lā‘ua e ō, ‘ua lē maua e i latou se mea e fa‘asalaina ai i lā‘ua, ‘ona o le nu‘u; auā ‘ua vivi‘i tagata uma lava i le Atua, ‘ona o le mea ‘ua faia. 22Auā ‘ua fagafulu tausaga ma ‘ona tupu o le tagata sa fai i ai lenā fa‘ailoga ‘ua mālōlō ai.
O le Tatalo a le ‘au Fa‘atuatua i o latou Fili
23‘Ua tu‘uina mai i lā‘ua e ō, ‘ona la ō atu lea i o latou, ma la fa‘amatala atu ‘iā te i latou mea uma lava na fai mai ai ‘iā te i lā‘ua e le ‘au ositaulaga sili ma toeaina. 24‘Ua fa‘alogo i ai i latou, ‘ona latou ‘alalaga lea i le Atua ma le loto gatasi, ‘ua fa‘apea atu, “Le Ali‘i e, o le Atua oe, o lē na faia le lagi, ma le lalolagi, ma le sami, ma mea uma lava o i ai;#Eso 20.11; Nee 9.6; Sala 146.6 25o lē na fetalai mai i le fofoga o lau ‘au‘auna o Tavita:
‘Se a le mea ‘ua lilivau ai nu‘u ‘ese,
ma mafaufau ai nu‘u i mea e lē aogā?
26‘Ua tutū mai tupu o le lalolagi,
‘ua fa‘apotopoto fa‘atasi fo‘i ali‘i
e tete‘e atu i le Ali‘i ma lona Keriso.’
27“Auā e moni lava, na fa‘apotopotoina e Herota ma Ponotio Pilato, ‘atoa ma nu‘u ‘ese ma le nu‘u o Isaraelu, e tete‘e atu i lau ‘au‘auna pa‘ia o Iesu, ‘ua e fa‘au‘uina;#Mata 27.1-2; Mare 15.1; Luka 23.1, 7-11; Ioane 18.28-29 28latou te faia mea uma lava ma tu‘u anamua i lou ‘a‘ao ma lau pule ‘ia faia. 29O lenei, le Ali‘i e, ia ē silasila i lo latou fa‘amata‘u mai; ‘ina ‘ia e foa‘i mai i au ‘au‘auna, ‘ina ‘ia latou matuā tautala i lau afioga, ma le loto tele,#Efe 6.19 30i le fa‘aloaloa mai o lou ‘a‘ao e fa‘amālōlō ai ma ia faia fo‘i o fa‘ailoga ma vāvega i le suafa o lau ‘au‘auna pa‘ia o Iesu.”
31‘Ua mavae atu la latou tatalo, ‘ona lūlūina lea o le mea ‘ua fa‘apotopoto ai i latou; ‘ua tūtūmu fo‘i i latou uma i le Agaga Pa‘ia, ‘ina ‘ua tautala atu i le afioga a le Atua ma le loto tele.#Galu 2.2, 4
O le Fetufaa‘i o Meatotino a le ‘au Fa‘atuatua
32‘Ua tasi lava le loto ma le manatu o ē fa‘atuatua uma lava; ‘ua lē fai mai fo‘i e se tasi i se isi ana mea, o lana lea; a ‘ua tu‘u tele a latou mea uma.#Galu 2.44-45 33‘Ua molitino atu e le ‘au ‘aposetolo ma le mana tele i le toetū mai o le Ali‘i o Iesu; ‘ua alofateleina fo‘i i latou uma. 34‘Ua leai fo‘i so latou e mativa; auā o i latou ‘ua i ai fanua po o fale, ‘ua latou fa‘atauina, ‘ua ‘aumai fo‘i le tau o mea na fa‘atauina,#Galu 2.45 35ma tu‘u mai i le ‘au ‘aposetolo e pule; ‘ua tufatufa ‘iā te i latou ta‘ito‘atasi e fa‘atatau i le mativa o le tagata.
36O Iosefa fo‘i, ‘ua fa‘aigoaina e le ‘au ‘aposetolo o Panapa, (o lona uiga pe a fa‘amatalaina, “o le tagata fa‘amafanafana,”) o le sa Levi, o le tagata na fānau i Kuperu.#Galu 11.22, 24; 13.4; 15.39 37Sa ‘iā te ia le fanua, ‘ua ia fa‘atauina, ‘ua ‘aumaia fo‘i tupe o le tau, ma tu‘u mai i le ‘au ‘aposetolo e pule.
Currently Selected:
Galuega 4: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Galuega 4
4
O le Tu‘uina o Peteru ma Ioane i le Fale Puipui
1O lo‘o o tautala atu i lā‘ua i le nu‘u, ‘ona tutū mai lea ‘iā te i lā‘ua o ositaulaga,#4.1 ositaulaga: O nisi fa‘aliliuga; ositaulaga sili. ma le ta‘ita‘i o le ‘au leoleo o le malumalu, ‘atoa ma satukaio.#Luka 22.4, 52 2‘Ua tigā i latou ‘ona ‘ua la a‘oa‘o atu i le nu‘u, ‘inā tala‘i atu le toetū mai o Iesu nai ē ‘ua oti. 3‘Ua pupu‘e ‘iā te i lā‘ua, ma tu‘u atu i le fale puipui se‘ia o‘o i le taeao; auā ‘ua afiafi lava.#Galu 3.1 4E to‘atele o ē na fa‘alogologo i le ‘upu, ‘ua fa‘atuatua i latou; o le faitau aofa‘i fo‘i o tagata po ‘ua lima afe.
5‘Ua o‘o i le taeao, ‘ona fa‘apotopotoina ai lea i Ierusalema o latou ali‘i, ma le ‘au toeaina, ma le ‘au tusi‘upu, 6ma Ana le ositaulaga sili, ma Kaiafa, ma Ioane, ma Alesana ‘atoa uma lava ma le ‘āiga o le au ositaulaga sili. 7‘Ua latou tu‘u ‘iā te i lā‘ua i totonu, ‘ona latou fesili mai ai lea, “O le a ‘ea le mana, po o le igoa o ai, na ‘oulua fai ai lenei mea?”#Mata 21.23
8‘Ona fai atu lea o Peteru ‘iā te i latou, ‘ua tumu o ia i le Agaga Pa‘ia, “O ‘outou ali‘i o le nu‘u, ma toeaina o Isaraelu,#Mata 10.19, 20 9‘āfai e fa‘amasinoina i mā‘ua i lenei aso i le alofa ‘ua faia i le tagata ma‘i, po o le a ‘ua mālōlō ai o ia; 10‘ia iloa e ‘outou uma, ‘atoa ma le nu‘u uma o Isaraelu, o le suafa o Iesu Keriso o le Nasareta, o lē na fa‘asatauroina e ‘outou, o lē ‘ua toe fa‘atūina e le Atua nai ē ‘ua oti, o ia lava ‘ua tu mai ai lenei tagata ‘ua mālōlō i o ‘outou luma. 11O Iesu lea sa fai mai ai le Tusi:#Sala 118.22
‘O le ma‘a lenei na fa‘alēaogāina e ‘outou tufuga fai fale,
‘ua ‘avea o ia ma ma‘a tulimanu aupitoaluga.’
12“E leai fo‘i se tasi ‘ua i ai le ola; e leai lava se isi igoa i lalo o le lagi ‘ua foa‘iina mai i tagata e mafaia ‘ona fa‘aolaina ai o i tatou.”#Mata 1.21
13‘Ua va‘ai i latou i le loto tele o Peteru ma Ioane, ‘ua iloa fo‘i o tagata e le‘i a‘oa‘oina i lā‘ua ma le vālelea, ‘ua latou ofo ai; ‘ua latou iloa fo‘i o i lā‘ua sa latou fa‘atasi ma Iesu. 14‘Ua iloa atu fo‘i e i latou le tagata ‘ua fa‘amālōlōina ‘ua tutū fa‘atasi ma i lā‘ua, ‘ona lē mautali ai lea o i latou.#Galu 3.8, 9 15‘Ua fai mai ‘iā te i lā‘ua e ō ‘ese ia i le fono; ‘ona fetautalatala‘i lea o i latou, 16‘ua fa‘apea, “Se a se mea tatou te faia i nei tagata? Auā ‘ua matuā iloa e i latou e nonofo i Ierusalema uma lava ‘ua faia lava e i lā‘ua le fa‘ailoga sili; e lē mafai fo‘i ‘ona tatou fa‘afiti i ai.#Ioane 11.47 17‘Ae peita‘i ‘ina ne‘i alualu ‘ona salalau lea i le nu‘u, ‘ia tatou matuā fa‘amata‘u atu ‘iā te i lā‘ua, ia sōia lava le toe tautala i se tasi tagata i lenā igoa.”
18‘Ua ‘a‘ami atu ‘iā te i lā‘ua, ‘ona vavao lea ‘iā te i lā‘ua, ‘aua lava ne‘i tautala atu pe a‘oa‘o atu i le igoa o Iesu. 19A ‘ua tali atu Peteru ma Ioane, ‘ua fa‘apea atu ‘iā te i latou, “‘Inā filifili ia ‘outou, pe tonu i luma o le Atua, ‘ona mā fa‘alogo atu ‘iā te ‘outou, pe mā te fa‘alogo i le Atua.#Galu 5.29 20Auā ma te lē mafaia ‘ona lē tautala i mea ‘ua ma va‘ai i ai ma fa‘alogo i ai.” 21‘Ua latou toe fa‘amata‘u mai ‘iā te i lā‘ua, ‘ona tu‘u lea o i lā‘ua e ō, ‘ua lē maua e i latou se mea e fa‘asalaina ai i lā‘ua, ‘ona o le nu‘u; auā ‘ua vivi‘i tagata uma lava i le Atua, ‘ona o le mea ‘ua faia. 22Auā ‘ua fagafulu tausaga ma ‘ona tupu o le tagata sa fai i ai lenā fa‘ailoga ‘ua mālōlō ai.
O le Tatalo a le ‘au Fa‘atuatua i o latou Fili
23‘Ua tu‘uina mai i lā‘ua e ō, ‘ona la ō atu lea i o latou, ma la fa‘amatala atu ‘iā te i latou mea uma lava na fai mai ai ‘iā te i lā‘ua e le ‘au ositaulaga sili ma toeaina. 24‘Ua fa‘alogo i ai i latou, ‘ona latou ‘alalaga lea i le Atua ma le loto gatasi, ‘ua fa‘apea atu, “Le Ali‘i e, o le Atua oe, o lē na faia le lagi, ma le lalolagi, ma le sami, ma mea uma lava o i ai;#Eso 20.11; Nee 9.6; Sala 146.6 25o lē na fetalai mai i le fofoga o lau ‘au‘auna o Tavita:
‘Se a le mea ‘ua lilivau ai nu‘u ‘ese,
ma mafaufau ai nu‘u i mea e lē aogā?
26‘Ua tutū mai tupu o le lalolagi,
‘ua fa‘apotopoto fa‘atasi fo‘i ali‘i
e tete‘e atu i le Ali‘i ma lona Keriso.’
27“Auā e moni lava, na fa‘apotopotoina e Herota ma Ponotio Pilato, ‘atoa ma nu‘u ‘ese ma le nu‘u o Isaraelu, e tete‘e atu i lau ‘au‘auna pa‘ia o Iesu, ‘ua e fa‘au‘uina;#Mata 27.1-2; Mare 15.1; Luka 23.1, 7-11; Ioane 18.28-29 28latou te faia mea uma lava ma tu‘u anamua i lou ‘a‘ao ma lau pule ‘ia faia. 29O lenei, le Ali‘i e, ia ē silasila i lo latou fa‘amata‘u mai; ‘ina ‘ia e foa‘i mai i au ‘au‘auna, ‘ina ‘ia latou matuā tautala i lau afioga, ma le loto tele,#Efe 6.19 30i le fa‘aloaloa mai o lou ‘a‘ao e fa‘amālōlō ai ma ia faia fo‘i o fa‘ailoga ma vāvega i le suafa o lau ‘au‘auna pa‘ia o Iesu.”
31‘Ua mavae atu la latou tatalo, ‘ona lūlūina lea o le mea ‘ua fa‘apotopoto ai i latou; ‘ua tūtūmu fo‘i i latou uma i le Agaga Pa‘ia, ‘ina ‘ua tautala atu i le afioga a le Atua ma le loto tele.#Galu 2.2, 4
O le Fetufaa‘i o Meatotino a le ‘au Fa‘atuatua
32‘Ua tasi lava le loto ma le manatu o ē fa‘atuatua uma lava; ‘ua lē fai mai fo‘i e se tasi i se isi ana mea, o lana lea; a ‘ua tu‘u tele a latou mea uma.#Galu 2.44-45 33‘Ua molitino atu e le ‘au ‘aposetolo ma le mana tele i le toetū mai o le Ali‘i o Iesu; ‘ua alofateleina fo‘i i latou uma. 34‘Ua leai fo‘i so latou e mativa; auā o i latou ‘ua i ai fanua po o fale, ‘ua latou fa‘atauina, ‘ua ‘aumai fo‘i le tau o mea na fa‘atauina,#Galu 2.45 35ma tu‘u mai i le ‘au ‘aposetolo e pule; ‘ua tufatufa ‘iā te i latou ta‘ito‘atasi e fa‘atatau i le mativa o le tagata.
36O Iosefa fo‘i, ‘ua fa‘aigoaina e le ‘au ‘aposetolo o Panapa, (o lona uiga pe a fa‘amatalaina, “o le tagata fa‘amafanafana,”) o le sa Levi, o le tagata na fānau i Kuperu.#Galu 11.22, 24; 13.4; 15.39 37Sa ‘iā te ia le fanua, ‘ua ia fa‘atauina, ‘ua ‘aumaia fo‘i tupe o le tau, ma tu‘u mai i le ‘au ‘aposetolo e pule.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.