2 Samuelu 16
16
O Tavita ma Sipa
1‘Ua mavae atu teisi o Tavita i le tumutumu o le mauga, fa‘auta fo‘i, ‘ua fetaia‘i ma ia o Sipa le ‘au‘auna a Mefiposeta, ma asini e lua ‘ua fa‘anofoaina, ‘ua fa‘ae‘e i o la luga o areto e lua lau, ma fuifui vine mamago e selau, ma mati mamago e pōtoi selau, ma le fagu pa‘u o uaina.#2 Samu 9.9-10 2‘Ua fetalai atu le tupu ‘iā Sipa, “O a ‘ea aumea nei?”
‘Ua tali mai Sipa, “O asini ia mo le ‘āiga o le tupu e ti‘eti‘e ai; a o areto ma mati mamago e ‘a‘ai ai taulele‘a ma le uaina e inu ai ē ‘ua lailoa i le vao.”#Fa‘ama 5.10; 10.4; 2 Samu 17.29
3‘Ona fetalai atu lea o le tupu, “Po o fea o i ai le atali‘i o lo‘u ali‘i?”
‘Ua fai mai Sipa i le tupu, “Fa‘auta, o lo‘o nofo o ia i Ierusalema, auā ‘ua fa‘apea o ia, ‘O le asō e fa‘afoisia mai ai ‘iā te a‘u e le ‘āiga o Isaraelu le mālō o lo‘u tamā.’”#2 Samu 19.26-27
4‘Ona fai atu lea o le tupu ‘iā Sipa, “Fa‘auta, e ‘iā te oe mea uma a Mefiposeta.”
‘Ua fai mai Sipa, “‘Ou te ifo lava ‘iā te oe, ‘ia alofagia a‘u e oe lo‘u ali‘i le tupu.”
‘Ua Fetu‘u e Semi ‘iā Tavita
5‘Ona o‘o atu lea o le tupu o Tavita i Pauri; fa‘auta fo‘i, ‘ua alu ane ai le tagata o le ‘āiga o Saulo, o Semi lona igoa, le atali‘i o Kira, o lo‘o alu ane ma fetu‘u fano.#2 Samu 3.16; 19.16, 21; 1 Tu 2.8, 36-46 6‘Ua ia fetogi fo‘i i ma‘a ‘iā Tavita, ‘atoa ma ‘au‘auna uma a le tupu o Tavita; a o le nu‘u uma, ‘atoa ma ē fitafita uma sa i lona itū taumatau ma lona itū tauagavale. 7‘Ua fa‘apea ‘ona fai mai o Semi i lona fetu‘u, “Alu atu, ‘inā alu atu ia oe le tagata ‘ua totolima, le tagata ulavale; 8‘ua taui atu e le ALI‘I ‘iā te oe le toto uma o le ‘āiga o Saulo, na fai oe ma tupu e sui a‘i o ia; ‘ua tu‘u atu fo‘i e le ALI‘I le mālō i le pule a Apisaloma lou atali‘i; fa‘auta fo‘i, ‘ua tua ‘iā te oe lou lava leaga, auā o le tagata totolima lava oe.”
9‘Ona fai mai lea o Apisai le tama a Seruia i le tupu, “O le a le mea e fetu‘u mai ai lenā ulī mate i lo‘u ali‘i le tupu? se‘i ‘ou alu atu, ‘ou te ‘oti‘eseina lona ulu.”#Eso 22.28; 1 Samu 26.8
10‘Ua fai atu le tupu, “O le a ‘ea la ‘oulua na ‘iā te a‘u, o ‘oulua le fānau a Seruia? ‘Ia fetu‘u pea ia, auā ‘ua fetalai le ALI‘I ‘iā te ia, ‘‘Inā fetu‘u ia ‘iā Tavita;’ o ai ‘ea sē na te fai atu ai, ‘Se a le mea ‘ua e fa‘apea ai?’” 11‘Ua fai atu fo‘i Tavita ‘iā Apisai ma ana ‘au‘auna uma, “Fa‘auta, o lo‘u atali‘i, o lo‘u lava ga‘au, o lo‘o sā‘ili o ia ‘ia oti a‘u; a le sili ‘ona fa‘apea i se a o lenei sa Peniamina? ‘Ia tu‘u ai pea ‘iā te ia, ma ‘ia fetu‘u pea, auā ‘ua fetalai mai ai le ALI‘I ‘iā te ia.#2 Samu 12.11 12Atonu e silasila mai le ALI‘I i lo‘u puapuagā,#16.12 O isi fa‘aliliuga lo‘u puapuagā: Eperu “o‘u vaivaiga.” ma fa‘afo‘i mai ‘iā te a‘u e le ALI‘I le manuia e sui a‘i lana fetu‘u i lenei aso.”#Paru 3.28-33 13‘Ona ō atu lea o Tavita ma ona tagata i le ala, ‘ua ō gatasi fo‘i ma ia o Semi i le itū o le mauga, ‘ua fetu‘u fano o ia, ma togi atu ma‘a ‘iā te ia, ma fa‘a‘ele‘elea o ia i efu. 14‘Ona o‘o atu lea o le tupu ma le nu‘u uma sa ‘iā te ia, o lo‘o lailoa, ‘ona mapu lea o i latou i lea mea.
O Apisaloma i Ierusalema
15A o Apisaloma ma le nu‘u uma o tagata Isaraelu ‘ua o‘o i latou i Ierusalema, ‘atoa ma Aitofele fa‘atasi ma ia.#2 Samu 15.37 16‘Ua o‘o atu fo‘i Usai le Araki le uō a Tavita ‘iā Apisaloma; ‘ona fai atu ai lea o Usai ‘iā Apisaloma, “‘Ia soifua le tupu! ‘ia soifua le tupu!”
17‘Ona fai mai lea o Apisaloma ‘iā Usai, “O lou alofa ‘ea lenei i lau uō? O le a le mea na lua le ō atu ai ma lau uō?”
18A ‘ua fai atu Usai ‘iā Apisaloma, “E leai lava; auā o lē ‘ua filifilia e le ALI‘I, ma lenei nu‘u, ma tagata uma o Isaraelu, ‘ou te i ai a‘u, ma ‘ou nofo ai ‘iā te ia; 19i le ma lea fo‘i, o ai ‘ea ‘ou te ‘au‘auna i ai? e lē o lona alo ‘ea? e pei ‘ona ‘ou ‘au‘auna i lou tamā, e fa‘apea lava ‘ona ‘ou ‘au‘auna ‘iā te oe.”#2 Samu 15.34
20‘Ona fai ane lea o Apisaloma ‘iā Aitofele, “‘Inā filifili ‘iā ‘outou, pe se a se mea tatou te faia.”
21‘Ua fai atu Aitofele ‘iā Apisaloma, “Alu ane ia oe i palake a lo‘u tamā, ‘ua tu‘ua e ia e leoleo i le fale; ‘ona lagona lea e Isaraelu uma, ‘ua ‘inosia oe e lou tamā; ‘ona malolosi ai lea o i latou uma e ‘au ‘iā te oe.”#2 Samu 15.16; 20.3 22‘Ona latou tō ai lea o le fale ‘ie mo Apisaloma i luga o le fale; ‘ona alu ane lea o Apisaloma i palake a lona tamā i luma o Isaraelu uma.#2 Samu 12.11-12
23O le pule a Aitofele na ia pule ai i ia ona aso, ‘ua peiseaī na fesili se tasi i le afioga a le Atua; sa fa‘apea le pule uma a Aitofele ‘ia Tavita ‘atoa ma Apisaloma.#2 Samu 15.12
Currently Selected:
2 Samuelu 16: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
2 Samuelu 16
16
O Tavita ma Sipa
1‘Ua mavae atu teisi o Tavita i le tumutumu o le mauga, fa‘auta fo‘i, ‘ua fetaia‘i ma ia o Sipa le ‘au‘auna a Mefiposeta, ma asini e lua ‘ua fa‘anofoaina, ‘ua fa‘ae‘e i o la luga o areto e lua lau, ma fuifui vine mamago e selau, ma mati mamago e pōtoi selau, ma le fagu pa‘u o uaina.#2 Samu 9.9-10 2‘Ua fetalai atu le tupu ‘iā Sipa, “O a ‘ea aumea nei?”
‘Ua tali mai Sipa, “O asini ia mo le ‘āiga o le tupu e ti‘eti‘e ai; a o areto ma mati mamago e ‘a‘ai ai taulele‘a ma le uaina e inu ai ē ‘ua lailoa i le vao.”#Fa‘ama 5.10; 10.4; 2 Samu 17.29
3‘Ona fetalai atu lea o le tupu, “Po o fea o i ai le atali‘i o lo‘u ali‘i?”
‘Ua fai mai Sipa i le tupu, “Fa‘auta, o lo‘o nofo o ia i Ierusalema, auā ‘ua fa‘apea o ia, ‘O le asō e fa‘afoisia mai ai ‘iā te a‘u e le ‘āiga o Isaraelu le mālō o lo‘u tamā.’”#2 Samu 19.26-27
4‘Ona fai atu lea o le tupu ‘iā Sipa, “Fa‘auta, e ‘iā te oe mea uma a Mefiposeta.”
‘Ua fai mai Sipa, “‘Ou te ifo lava ‘iā te oe, ‘ia alofagia a‘u e oe lo‘u ali‘i le tupu.”
‘Ua Fetu‘u e Semi ‘iā Tavita
5‘Ona o‘o atu lea o le tupu o Tavita i Pauri; fa‘auta fo‘i, ‘ua alu ane ai le tagata o le ‘āiga o Saulo, o Semi lona igoa, le atali‘i o Kira, o lo‘o alu ane ma fetu‘u fano.#2 Samu 3.16; 19.16, 21; 1 Tu 2.8, 36-46 6‘Ua ia fetogi fo‘i i ma‘a ‘iā Tavita, ‘atoa ma ‘au‘auna uma a le tupu o Tavita; a o le nu‘u uma, ‘atoa ma ē fitafita uma sa i lona itū taumatau ma lona itū tauagavale. 7‘Ua fa‘apea ‘ona fai mai o Semi i lona fetu‘u, “Alu atu, ‘inā alu atu ia oe le tagata ‘ua totolima, le tagata ulavale; 8‘ua taui atu e le ALI‘I ‘iā te oe le toto uma o le ‘āiga o Saulo, na fai oe ma tupu e sui a‘i o ia; ‘ua tu‘u atu fo‘i e le ALI‘I le mālō i le pule a Apisaloma lou atali‘i; fa‘auta fo‘i, ‘ua tua ‘iā te oe lou lava leaga, auā o le tagata totolima lava oe.”
9‘Ona fai mai lea o Apisai le tama a Seruia i le tupu, “O le a le mea e fetu‘u mai ai lenā ulī mate i lo‘u ali‘i le tupu? se‘i ‘ou alu atu, ‘ou te ‘oti‘eseina lona ulu.”#Eso 22.28; 1 Samu 26.8
10‘Ua fai atu le tupu, “O le a ‘ea la ‘oulua na ‘iā te a‘u, o ‘oulua le fānau a Seruia? ‘Ia fetu‘u pea ia, auā ‘ua fetalai le ALI‘I ‘iā te ia, ‘‘Inā fetu‘u ia ‘iā Tavita;’ o ai ‘ea sē na te fai atu ai, ‘Se a le mea ‘ua e fa‘apea ai?’” 11‘Ua fai atu fo‘i Tavita ‘iā Apisai ma ana ‘au‘auna uma, “Fa‘auta, o lo‘u atali‘i, o lo‘u lava ga‘au, o lo‘o sā‘ili o ia ‘ia oti a‘u; a le sili ‘ona fa‘apea i se a o lenei sa Peniamina? ‘Ia tu‘u ai pea ‘iā te ia, ma ‘ia fetu‘u pea, auā ‘ua fetalai mai ai le ALI‘I ‘iā te ia.#2 Samu 12.11 12Atonu e silasila mai le ALI‘I i lo‘u puapuagā,#16.12 O isi fa‘aliliuga lo‘u puapuagā: Eperu “o‘u vaivaiga.” ma fa‘afo‘i mai ‘iā te a‘u e le ALI‘I le manuia e sui a‘i lana fetu‘u i lenei aso.”#Paru 3.28-33 13‘Ona ō atu lea o Tavita ma ona tagata i le ala, ‘ua ō gatasi fo‘i ma ia o Semi i le itū o le mauga, ‘ua fetu‘u fano o ia, ma togi atu ma‘a ‘iā te ia, ma fa‘a‘ele‘elea o ia i efu. 14‘Ona o‘o atu lea o le tupu ma le nu‘u uma sa ‘iā te ia, o lo‘o lailoa, ‘ona mapu lea o i latou i lea mea.
O Apisaloma i Ierusalema
15A o Apisaloma ma le nu‘u uma o tagata Isaraelu ‘ua o‘o i latou i Ierusalema, ‘atoa ma Aitofele fa‘atasi ma ia.#2 Samu 15.37 16‘Ua o‘o atu fo‘i Usai le Araki le uō a Tavita ‘iā Apisaloma; ‘ona fai atu ai lea o Usai ‘iā Apisaloma, “‘Ia soifua le tupu! ‘ia soifua le tupu!”
17‘Ona fai mai lea o Apisaloma ‘iā Usai, “O lou alofa ‘ea lenei i lau uō? O le a le mea na lua le ō atu ai ma lau uō?”
18A ‘ua fai atu Usai ‘iā Apisaloma, “E leai lava; auā o lē ‘ua filifilia e le ALI‘I, ma lenei nu‘u, ma tagata uma o Isaraelu, ‘ou te i ai a‘u, ma ‘ou nofo ai ‘iā te ia; 19i le ma lea fo‘i, o ai ‘ea ‘ou te ‘au‘auna i ai? e lē o lona alo ‘ea? e pei ‘ona ‘ou ‘au‘auna i lou tamā, e fa‘apea lava ‘ona ‘ou ‘au‘auna ‘iā te oe.”#2 Samu 15.34
20‘Ona fai ane lea o Apisaloma ‘iā Aitofele, “‘Inā filifili ‘iā ‘outou, pe se a se mea tatou te faia.”
21‘Ua fai atu Aitofele ‘iā Apisaloma, “Alu ane ia oe i palake a lo‘u tamā, ‘ua tu‘ua e ia e leoleo i le fale; ‘ona lagona lea e Isaraelu uma, ‘ua ‘inosia oe e lou tamā; ‘ona malolosi ai lea o i latou uma e ‘au ‘iā te oe.”#2 Samu 15.16; 20.3 22‘Ona latou tō ai lea o le fale ‘ie mo Apisaloma i luga o le fale; ‘ona alu ane lea o Apisaloma i palake a lona tamā i luma o Isaraelu uma.#2 Samu 12.11-12
23O le pule a Aitofele na ia pule ai i ia ona aso, ‘ua peiseaī na fesili se tasi i le afioga a le Atua; sa fa‘apea le pule uma a Aitofele ‘ia Tavita ‘atoa ma Apisaloma.#2 Samu 15.12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.