1 Tesalonia 1
1
O ‘Upu Fa‘afeiloa‘i
1O Paulo, Siluano, ma Timoteo.
I le ekalesia o tagata Tesalonia, o i le Atua le Tamā, ma le Ali‘i o Iesu Keriso.#Galu 15.40; 17.1; 2 Tesa 1.1
‘Ia ‘iā te ‘outou le alofa tunoa, ma le manuia.
O le Ola ma le Fa‘atuatua o le Ekalesia i Tesalonia
2Matou te fa‘afetai pea lava i le Atua, ‘ona o ‘outou uma lava, o lo‘o ta‘uta‘ua ‘outou ‘iā matou tatalo, 3e lē aunoa ‘ona matou manatua i luma o le Atua lo tatou Tamā lea, la ‘outou galuega i le fa‘atuatua, ma le fa‘amalosi i le alofa, ma le tumau pea i le fa‘amoemoe i lo tatou Ali‘i o Iesu Keriso.#1 Kori 13.13; Kolo 1.4-5 4‘Ua matou iloa le filifilia o ‘outou, le ‘au uso e, o ē ‘ua alofagia e le Atua. 5Auā e le‘i o‘o atu la matou tala lelei ‘iā te ‘outou na o le ‘upu, a o le mana, ma le Agaga Pa‘ia, ‘atoa ma le mautinoa lava. ‘Ua ‘outou iloa a matou amio ‘ona o ‘outou, a o matou i ai ma ‘outou. 6Sa ‘outou fa‘aa‘oa‘o mai fo‘i ‘iā te i matou ‘atoa ma le Ali‘i ‘ina ‘ua ‘outou talia le ‘upu i le puapuagā tele, ma le ‘oli‘oli mai le Agaga Pa‘ia.#1 Kori 4.16; Galu 13.52; 2 Tesa 3.9 7O lea ‘ua ‘avea ai ‘outou ma fa‘aa‘oa‘o i ē ‘ua fa‘atuatua uma lava o i Maketonia ‘atoa ma Akaia.#1 Tesa 4.10; Fili 3.7; 1 Pete 5.3 8Auā ‘ua logo atu nai ‘iā te ‘outou le afioga a le Ali‘i, e lē gata i Maketonia ma Akaia, a ‘ua salalau atu fo‘i i mea uma lava le tala i lo ‘outou fa‘atuatua i le Atua; o lea e lē aogā ai sa matou ‘upu e fai atu ai. 9Auā o i latou lava ‘ua iloa ai le tala ‘iā te i matou i le uiga o lo matou o‘o atu ‘iā te ‘outou na, ma lo ‘outou liliu mai i le Atua nai tupua, ‘ina ‘ia ‘outou ‘au‘auna i le Atua soifua ma lē ‘ua moni,#Galu 14.15; Ioane 17.3; 1 Kori 12.2 10ma ‘ia fa‘atali atu i lona Alo mai le lagi, o lē na toe fa‘atūina mai e ia, nai ē ‘ua oti, o Iesu lea, o lē lavea‘i mai ‘iā i tatou i le to‘asā atalī.#1 Tesa 5.9; Tito 2.13; Galu 17.31
Currently Selected:
1 Tesalonia 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
1 Tesalonia 1
1
O ‘Upu Fa‘afeiloa‘i
1O Paulo, Siluano, ma Timoteo.
I le ekalesia o tagata Tesalonia, o i le Atua le Tamā, ma le Ali‘i o Iesu Keriso.#Galu 15.40; 17.1; 2 Tesa 1.1
‘Ia ‘iā te ‘outou le alofa tunoa, ma le manuia.
O le Ola ma le Fa‘atuatua o le Ekalesia i Tesalonia
2Matou te fa‘afetai pea lava i le Atua, ‘ona o ‘outou uma lava, o lo‘o ta‘uta‘ua ‘outou ‘iā matou tatalo, 3e lē aunoa ‘ona matou manatua i luma o le Atua lo tatou Tamā lea, la ‘outou galuega i le fa‘atuatua, ma le fa‘amalosi i le alofa, ma le tumau pea i le fa‘amoemoe i lo tatou Ali‘i o Iesu Keriso.#1 Kori 13.13; Kolo 1.4-5 4‘Ua matou iloa le filifilia o ‘outou, le ‘au uso e, o ē ‘ua alofagia e le Atua. 5Auā e le‘i o‘o atu la matou tala lelei ‘iā te ‘outou na o le ‘upu, a o le mana, ma le Agaga Pa‘ia, ‘atoa ma le mautinoa lava. ‘Ua ‘outou iloa a matou amio ‘ona o ‘outou, a o matou i ai ma ‘outou. 6Sa ‘outou fa‘aa‘oa‘o mai fo‘i ‘iā te i matou ‘atoa ma le Ali‘i ‘ina ‘ua ‘outou talia le ‘upu i le puapuagā tele, ma le ‘oli‘oli mai le Agaga Pa‘ia.#1 Kori 4.16; Galu 13.52; 2 Tesa 3.9 7O lea ‘ua ‘avea ai ‘outou ma fa‘aa‘oa‘o i ē ‘ua fa‘atuatua uma lava o i Maketonia ‘atoa ma Akaia.#1 Tesa 4.10; Fili 3.7; 1 Pete 5.3 8Auā ‘ua logo atu nai ‘iā te ‘outou le afioga a le Ali‘i, e lē gata i Maketonia ma Akaia, a ‘ua salalau atu fo‘i i mea uma lava le tala i lo ‘outou fa‘atuatua i le Atua; o lea e lē aogā ai sa matou ‘upu e fai atu ai. 9Auā o i latou lava ‘ua iloa ai le tala ‘iā te i matou i le uiga o lo matou o‘o atu ‘iā te ‘outou na, ma lo ‘outou liliu mai i le Atua nai tupua, ‘ina ‘ia ‘outou ‘au‘auna i le Atua soifua ma lē ‘ua moni,#Galu 14.15; Ioane 17.3; 1 Kori 12.2 10ma ‘ia fa‘atali atu i lona Alo mai le lagi, o lē na toe fa‘atūina mai e ia, nai ē ‘ua oti, o Iesu lea, o lē lavea‘i mai ‘iā i tatou i le to‘asā atalī.#1 Tesa 5.9; Tito 2.13; Galu 17.31
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.