1 Samuelu 2
2
O le Vi‘i a Hana i le Atua
1‘Ua tatalo fo‘i Hana, ‘ua fa‘apea,#Luka 1.46-55
“‘Ua ‘oli‘oli lava lo‘u loto i le ALI‘I;
‘ua fa‘amaualugaina lo‘u nifo#2.1 lo‘u nifo po o lo‘u malosi. e le ALI‘I.
‘Ua ‘ou mautali ai i ē ita mai,
auā ‘ou te fiafia i le olataga mai ‘iā te oe.
2“E leai sē pa‘ia e tusa ma le ALI‘I;#Eso 15.11; Teu 32.30-31; Sala 18.2, 31; 86.8; 89.6, 8; 95.1
auā ‘ua leai se tasi ‘ua na o oe;
e leai fo‘i se papa e tusa ma lo tatou Atua.
3Sōia tou te fa‘atele a ‘outou ‘upu fa‘amaualuga na‘uā,
e alu a‘e ai le fa‘a‘ono‘ono i o ‘outou gutu.
Auā o le ALI‘I, o le Atua sisila mai o ia,#2.3 o le Atua sisila mai o ia: po o e silasila mai le Atua, po o e silafia mai e le Atua, po o e iloa mai e le Atua.
o ia fo‘i lē na te fuatia amio.
4‘Ua gauia ‘aufana a tagata malolosi;
a o ē na tautevateva, ‘ua fusi o latou sulugātiti i le malosi.
5O ē sa mā‘o‘ona,#Sala 113.9; Isai 54.1; Iere 15.9
‘ua fai ma ‘au‘auna i latou ‘ia maua ai mea e ‘ai;
a o ē sa fia ‘a‘ai, ‘ua mapu i latou.
O lē na pā ‘ua i‘u ‘ina fānau mai se to‘afitu;
a o ia ‘ua to‘atele ana fānau, ‘ua vaivai o ia.
6O le ALI‘I na te fasioti ma fa‘aola;
na te fa‘ao‘o ifo i le tu‘ugamau,
ma fa‘afo‘i a‘e.
7O le ALI‘I na te fa‘amativaina ma fa‘atamao‘āigaina;#Iopu 1.21; 5.11; Sala 75.7
o ia na te fa‘amaulaloina ma fa‘amaualugaina.
8Na te fa‘atula‘iina le tagatalautele nai le ‘ele‘ele,
na te fa‘aeaina fo‘i le tagata mativa nai le fa‘atafuna.
‘Ia nofo fa‘atasi ma ali‘i,
‘ia fai fo‘i mo latou tofi le nofoāli‘i mamalu.
Auā o lo‘o i le ALI‘I fa‘avae o le lalolagi,
‘ua na fa‘ae‘e ai le atu laulau.
9“E leoleo e ia vae o ona tagata pa‘ia,
‘ae fa‘alologo tagata agasala i le pouliuli;
auā e lē mālō le tagata i le malosi.
10O ē ‘ua finau i le ALI‘I e fa‘amomomoina i latou;#1 Samu 2.1; 7.10; 2 Samu 22.14; Sala 2.9; 18.13, 50; 89.24; 96.10, 13; 98.9; Luka 1.69
e fa‘apā mai e ia le faititili mai le lagi i o latou luga.
E pule le ALI‘I i tulu‘iga o le lalolagi;
na te foa‘i atu le malosi i lana tupu,
e fa‘amaualugaina fo‘i e ia le nifo o lē na ia fa‘au‘uina.”
11‘Ua alu Elekana i Rama i lona fale, ‘ae nofo le tama e ‘au‘auna i le ALI‘I i luma o Eli le ositaulaga.
O Fānau a Eli
12A o atali‘i o Eli, o tagata ulavavale i lā‘ua, ‘ua la lē iloa le ALI‘I.#Fa‘ama 2.10; 19.22; Hose 4.1; Roma 1.28 13O le tu lenei a ositaulaga e fai i le nu‘u; a avatu e se tasi le taulaga, pe a tunu tufa‘aga, ‘ona alu atu ai lea o le ‘au‘auna a le ositaulaga ma le tui mata tolu i lona lima; 14ona tutu‘i atu lea i le tanoa, po o le pani, po le ‘ulo, po o se tasi mea e tunu a‘i mea, o mea uma na ‘ava‘e i le tui ‘ua ‘ave e le ositaulaga māna; ‘ua fa‘apea lava ‘ona fai e i lā‘ua ‘iā Isaraelu uma na ō a‘e i Sailo. 15‘Ua alu le ‘au‘auna a le ositaulaga, a o le‘i susunuina e i latou le ga‘o, ma na fai atu i le tagata e ana le taulaga, “‘Aumai ia se tufa‘aga e tunu mā le ositaulaga; auā na te lē talia mai ‘iā te oe se tufa‘aga ‘ua vela, a o se tufa‘aga mata lava.”#Levi 3.16; 7.23, 25, 31
16I le a fai mai le tagata ‘iā te ia, “Se‘ia latou lua‘i susunu le ga‘o,” ‘ona ‘ave ai lea mā oe le mea ‘e te loto i ai; ‘ona fai atu lea o ia ‘iā te ia, “E leai, a ‘ia e ‘aumai nei lava, a leai ‘ou te faoa.”
17O lea sa matuā tele ai le agasala a nei taulele‘a i luma o le ALI‘I, auā na ‘ino‘ino ai tagata i taulaga i le ALI‘I.
O Samuelu i Sailo
18A o Samuelu, na ‘au‘auna o ia i luma o le ALI‘I; ‘ua ‘ofu le tama i le efota ‘ie lino.#Eso 28.4; 1 Samu 2.11; 3.1; 22.18; 2 Samu 6.14; 1 No 15.27 19Na faia e lona tinā se ‘ofu itiiti mōna, na ‘avea ai ‘iā te ia i lea tausaga ma lea tausaga, pe a la ō a‘e ma lana tane e avatu ai le taulaga e fai i tausaga. 20‘Ua fa‘amanuia fo‘i Eli ‘iā Elekana ma lana avā, ma ‘ua fai atu, “‘Ia foa‘i mai e le ALI‘I ‘iā te oe fānau i lenei fafine e sui a‘i lana na ia tu‘u mai i le ALI‘I.”
‘Ona la ō ai lea i lona nu‘u.
21O lea na asiasi ai le ALI‘I ‘iā Hana, ‘ua tō ia, ‘ona fānau mai lea; o ana tama tane o to‘atolu ma tama teine e to‘alua. ‘Ua tupu le tama o Samuelu i luma o le ALI‘I.#Kene 21.1; Fa‘ama 13.24; 1 Samu 2.26; 3.19; Luka 1.80; 2.40
O Eli ma ona Atali‘i
22Sa matuā toeaina Eli, ‘ua fa‘alogo fo‘i o ia i mea uma na faia e ona atali‘i ‘iā Isaraelu uma ma latou momoe ma fafine o ē na fa‘apotopoto atu i le faitoto‘a o le fale fetāfa‘i o le fa‘apotopotoga. 23‘Ua fai atu o ia ‘iā te i lā‘ua, “Se a le mea lua te fai ai nei mea? Auā ‘ou te fa‘alogo i le nu‘u nei uma lava ‘iā ‘oulua amio leaga; 24o‘u atali‘i e, sōia, auā e lē se tala lelei ‘ou te fa‘alogo ai ‘iā te ‘oulua, ‘ina ‘ua ‘oulua fa‘asesē i le nu‘u o le ALI‘I. 25‘Āfai e agasala se tasi tagata i le tasi tagata e fa‘amasino le Atua ‘iā te ia; ‘ae ‘āfai e agasala se tagata i le ALI‘I, o ai ‘ea sē fai ma puluvaga ‘iā te ia?”
A ‘ua la lē fa‘alogo i le ‘upu a lo la tamā, auā ‘ua finagalo le ALI‘I e fasioti ‘iā te i lā‘ua.#Iosu 11.20
26‘Ua tupu pea lava le tama o Samuelu ma ‘ua fa‘apelepeleina e le ALI‘I ‘atoa fo‘i ma tagata.#Luka 2.52
O le Valo‘aga e Fa‘asagatau i le ‘Āiga o Eli
27‘Ua alu atu se tasi tagata o le Atua ‘iā Eli, ‘ua fai atu ‘iā te ia, “‘Ua fa‘apea ‘ona fetalai mai o le ALI‘I, ‘Na ‘ou lē matuā fa‘aali ‘ea a‘u i le ‘āiga o lou tamā ‘ina o i ai i latou i Aikupito i le ‘āiga o Farao?#Eso 4.27; 1 Samu 9.6; 3.11-14; 1 Tu 13.1; 17.18; 2 Tu 4.9 28Na ‘ou lē filifili ‘ea ‘iā te ia nai itū‘āiga uma o Isaraelu ‘ia fai ma ositaulaga ‘iā te a‘u, ‘ia alu a‘e i lo‘u fatafaitaulaga, ‘ia susunu i mea manogi, ‘ia ‘ofu i le efota i o‘u luma? Na ‘ou le foa‘i ‘ea i le ‘āiga o lou tamā taulaga uma lava a le fānauga a Isaraelu e fai i le afi? 29Se a le mea e fa‘alēaogā ai e ‘outou le taulaga e fai ‘iā te a‘u ma mea e foa‘i mai, na ‘ou poloa‘i e fai i lo‘u fale; ma ‘ua e fa‘asili i ou atali‘i ‘iā te a‘u, e fa‘apuputa ai ‘outou ‘iā te ‘outou i tufa‘aga sili i mea foa‘i mai uma lava e Isaraelu lo‘u nu‘u?’ 30O le mea lea ‘ua fetalai mai ai le ALI‘I le Atua o Isaraelu: ‘Na ‘ou fai atu lava i lou ‘āiga ma le ‘āiga o lou tamā latou te feoa‘i i o‘u luma e fa‘avavau;’ a o lenei, ‘ua fetalai mai le ALI‘I, ‘‘Ia mamao lea mea ‘iā te a‘u, a o ē fa‘asili ‘iā te a‘u, ‘ou te fa‘asili ‘iā te i latou; a o ē ‘ino‘ino mai ‘iā te a‘u, e ta‘u fa‘atauva‘aina i latou.#Eso 29.9; Nume 15.31; Sala 18.25-26; 91.15; Mala 1.6; Luka 10.16; Ioane 12.26 31Fa‘auta, o le a o‘o mai aso ‘ou te gagau ai lou lima ma lima o le ‘āiga o lou tamā, ‘ina ‘ia lē toe i ai se toeaina i lou ‘āiga. 32‘E te iloa atu se fili i le malumalu i mea uma e fa‘amanuia ai Isaraelu; o lea e leai se toeaina i lou ‘āiga i aso uma lava. 33O le tagata o lou ‘āiga ‘ou te lē vavae‘eseina i lo‘u fatafaitaulaga, e fa‘atauasoina ai ou mata ma vaivai ai lou loto; a o le vao tagata uma o lou ‘āiga e oti i latou o taulele‘a.#Levi 26.16; 1 Tu 2.27 34O lenei fo‘i le fa‘ailoga ‘iā te oe e o‘o ai i ou atali‘i e to‘alua o Hofeni ma Fineaso, e oti i lā‘ua i le aso e tasi. 35‘Ou te fa‘atūina mo a‘u se ositaulaga fa‘amaoni, na te faia e tusa ma lo‘u loto ma la‘u manatu, ‘ou te ati a‘e fo‘i se fale tumau mōna; e savali o ia i aso uma lava i luma o lē ‘ua a‘u fa‘au‘uina.#2 Samu 7.11, 27; 22.51; 1 Tu 2.35; 11.38; 1 No 29.22; Sala 18.50; Eseki 44.15 36O ē ‘ua totoe uma lava i lou ‘āiga e ta‘itasi ma sau ma fa‘atoga ‘iā te ia i se tupe ario, po o se pōtoi areto, e fai ane fo‘i, ‘Ou te ‘ai‘oi ‘iā te oe, ‘ia e tofi mai ‘iā te a‘u i sina faiva o ositaulaga, ‘ina ‘ia ‘ou ‘ai ai sina mea e ‘ai.’”
Currently Selected:
1 Samuelu 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
1 Samuelu 2
2
O le Vi‘i a Hana i le Atua
1‘Ua tatalo fo‘i Hana, ‘ua fa‘apea,#Luka 1.46-55
“‘Ua ‘oli‘oli lava lo‘u loto i le ALI‘I;
‘ua fa‘amaualugaina lo‘u nifo#2.1 lo‘u nifo po o lo‘u malosi. e le ALI‘I.
‘Ua ‘ou mautali ai i ē ita mai,
auā ‘ou te fiafia i le olataga mai ‘iā te oe.
2“E leai sē pa‘ia e tusa ma le ALI‘I;#Eso 15.11; Teu 32.30-31; Sala 18.2, 31; 86.8; 89.6, 8; 95.1
auā ‘ua leai se tasi ‘ua na o oe;
e leai fo‘i se papa e tusa ma lo tatou Atua.
3Sōia tou te fa‘atele a ‘outou ‘upu fa‘amaualuga na‘uā,
e alu a‘e ai le fa‘a‘ono‘ono i o ‘outou gutu.
Auā o le ALI‘I, o le Atua sisila mai o ia,#2.3 o le Atua sisila mai o ia: po o e silasila mai le Atua, po o e silafia mai e le Atua, po o e iloa mai e le Atua.
o ia fo‘i lē na te fuatia amio.
4‘Ua gauia ‘aufana a tagata malolosi;
a o ē na tautevateva, ‘ua fusi o latou sulugātiti i le malosi.
5O ē sa mā‘o‘ona,#Sala 113.9; Isai 54.1; Iere 15.9
‘ua fai ma ‘au‘auna i latou ‘ia maua ai mea e ‘ai;
a o ē sa fia ‘a‘ai, ‘ua mapu i latou.
O lē na pā ‘ua i‘u ‘ina fānau mai se to‘afitu;
a o ia ‘ua to‘atele ana fānau, ‘ua vaivai o ia.
6O le ALI‘I na te fasioti ma fa‘aola;
na te fa‘ao‘o ifo i le tu‘ugamau,
ma fa‘afo‘i a‘e.
7O le ALI‘I na te fa‘amativaina ma fa‘atamao‘āigaina;#Iopu 1.21; 5.11; Sala 75.7
o ia na te fa‘amaulaloina ma fa‘amaualugaina.
8Na te fa‘atula‘iina le tagatalautele nai le ‘ele‘ele,
na te fa‘aeaina fo‘i le tagata mativa nai le fa‘atafuna.
‘Ia nofo fa‘atasi ma ali‘i,
‘ia fai fo‘i mo latou tofi le nofoāli‘i mamalu.
Auā o lo‘o i le ALI‘I fa‘avae o le lalolagi,
‘ua na fa‘ae‘e ai le atu laulau.
9“E leoleo e ia vae o ona tagata pa‘ia,
‘ae fa‘alologo tagata agasala i le pouliuli;
auā e lē mālō le tagata i le malosi.
10O ē ‘ua finau i le ALI‘I e fa‘amomomoina i latou;#1 Samu 2.1; 7.10; 2 Samu 22.14; Sala 2.9; 18.13, 50; 89.24; 96.10, 13; 98.9; Luka 1.69
e fa‘apā mai e ia le faititili mai le lagi i o latou luga.
E pule le ALI‘I i tulu‘iga o le lalolagi;
na te foa‘i atu le malosi i lana tupu,
e fa‘amaualugaina fo‘i e ia le nifo o lē na ia fa‘au‘uina.”
11‘Ua alu Elekana i Rama i lona fale, ‘ae nofo le tama e ‘au‘auna i le ALI‘I i luma o Eli le ositaulaga.
O Fānau a Eli
12A o atali‘i o Eli, o tagata ulavavale i lā‘ua, ‘ua la lē iloa le ALI‘I.#Fa‘ama 2.10; 19.22; Hose 4.1; Roma 1.28 13O le tu lenei a ositaulaga e fai i le nu‘u; a avatu e se tasi le taulaga, pe a tunu tufa‘aga, ‘ona alu atu ai lea o le ‘au‘auna a le ositaulaga ma le tui mata tolu i lona lima; 14ona tutu‘i atu lea i le tanoa, po o le pani, po le ‘ulo, po o se tasi mea e tunu a‘i mea, o mea uma na ‘ava‘e i le tui ‘ua ‘ave e le ositaulaga māna; ‘ua fa‘apea lava ‘ona fai e i lā‘ua ‘iā Isaraelu uma na ō a‘e i Sailo. 15‘Ua alu le ‘au‘auna a le ositaulaga, a o le‘i susunuina e i latou le ga‘o, ma na fai atu i le tagata e ana le taulaga, “‘Aumai ia se tufa‘aga e tunu mā le ositaulaga; auā na te lē talia mai ‘iā te oe se tufa‘aga ‘ua vela, a o se tufa‘aga mata lava.”#Levi 3.16; 7.23, 25, 31
16I le a fai mai le tagata ‘iā te ia, “Se‘ia latou lua‘i susunu le ga‘o,” ‘ona ‘ave ai lea mā oe le mea ‘e te loto i ai; ‘ona fai atu lea o ia ‘iā te ia, “E leai, a ‘ia e ‘aumai nei lava, a leai ‘ou te faoa.”
17O lea sa matuā tele ai le agasala a nei taulele‘a i luma o le ALI‘I, auā na ‘ino‘ino ai tagata i taulaga i le ALI‘I.
O Samuelu i Sailo
18A o Samuelu, na ‘au‘auna o ia i luma o le ALI‘I; ‘ua ‘ofu le tama i le efota ‘ie lino.#Eso 28.4; 1 Samu 2.11; 3.1; 22.18; 2 Samu 6.14; 1 No 15.27 19Na faia e lona tinā se ‘ofu itiiti mōna, na ‘avea ai ‘iā te ia i lea tausaga ma lea tausaga, pe a la ō a‘e ma lana tane e avatu ai le taulaga e fai i tausaga. 20‘Ua fa‘amanuia fo‘i Eli ‘iā Elekana ma lana avā, ma ‘ua fai atu, “‘Ia foa‘i mai e le ALI‘I ‘iā te oe fānau i lenei fafine e sui a‘i lana na ia tu‘u mai i le ALI‘I.”
‘Ona la ō ai lea i lona nu‘u.
21O lea na asiasi ai le ALI‘I ‘iā Hana, ‘ua tō ia, ‘ona fānau mai lea; o ana tama tane o to‘atolu ma tama teine e to‘alua. ‘Ua tupu le tama o Samuelu i luma o le ALI‘I.#Kene 21.1; Fa‘ama 13.24; 1 Samu 2.26; 3.19; Luka 1.80; 2.40
O Eli ma ona Atali‘i
22Sa matuā toeaina Eli, ‘ua fa‘alogo fo‘i o ia i mea uma na faia e ona atali‘i ‘iā Isaraelu uma ma latou momoe ma fafine o ē na fa‘apotopoto atu i le faitoto‘a o le fale fetāfa‘i o le fa‘apotopotoga. 23‘Ua fai atu o ia ‘iā te i lā‘ua, “Se a le mea lua te fai ai nei mea? Auā ‘ou te fa‘alogo i le nu‘u nei uma lava ‘iā ‘oulua amio leaga; 24o‘u atali‘i e, sōia, auā e lē se tala lelei ‘ou te fa‘alogo ai ‘iā te ‘oulua, ‘ina ‘ua ‘oulua fa‘asesē i le nu‘u o le ALI‘I. 25‘Āfai e agasala se tasi tagata i le tasi tagata e fa‘amasino le Atua ‘iā te ia; ‘ae ‘āfai e agasala se tagata i le ALI‘I, o ai ‘ea sē fai ma puluvaga ‘iā te ia?”
A ‘ua la lē fa‘alogo i le ‘upu a lo la tamā, auā ‘ua finagalo le ALI‘I e fasioti ‘iā te i lā‘ua.#Iosu 11.20
26‘Ua tupu pea lava le tama o Samuelu ma ‘ua fa‘apelepeleina e le ALI‘I ‘atoa fo‘i ma tagata.#Luka 2.52
O le Valo‘aga e Fa‘asagatau i le ‘Āiga o Eli
27‘Ua alu atu se tasi tagata o le Atua ‘iā Eli, ‘ua fai atu ‘iā te ia, “‘Ua fa‘apea ‘ona fetalai mai o le ALI‘I, ‘Na ‘ou lē matuā fa‘aali ‘ea a‘u i le ‘āiga o lou tamā ‘ina o i ai i latou i Aikupito i le ‘āiga o Farao?#Eso 4.27; 1 Samu 9.6; 3.11-14; 1 Tu 13.1; 17.18; 2 Tu 4.9 28Na ‘ou lē filifili ‘ea ‘iā te ia nai itū‘āiga uma o Isaraelu ‘ia fai ma ositaulaga ‘iā te a‘u, ‘ia alu a‘e i lo‘u fatafaitaulaga, ‘ia susunu i mea manogi, ‘ia ‘ofu i le efota i o‘u luma? Na ‘ou le foa‘i ‘ea i le ‘āiga o lou tamā taulaga uma lava a le fānauga a Isaraelu e fai i le afi? 29Se a le mea e fa‘alēaogā ai e ‘outou le taulaga e fai ‘iā te a‘u ma mea e foa‘i mai, na ‘ou poloa‘i e fai i lo‘u fale; ma ‘ua e fa‘asili i ou atali‘i ‘iā te a‘u, e fa‘apuputa ai ‘outou ‘iā te ‘outou i tufa‘aga sili i mea foa‘i mai uma lava e Isaraelu lo‘u nu‘u?’ 30O le mea lea ‘ua fetalai mai ai le ALI‘I le Atua o Isaraelu: ‘Na ‘ou fai atu lava i lou ‘āiga ma le ‘āiga o lou tamā latou te feoa‘i i o‘u luma e fa‘avavau;’ a o lenei, ‘ua fetalai mai le ALI‘I, ‘‘Ia mamao lea mea ‘iā te a‘u, a o ē fa‘asili ‘iā te a‘u, ‘ou te fa‘asili ‘iā te i latou; a o ē ‘ino‘ino mai ‘iā te a‘u, e ta‘u fa‘atauva‘aina i latou.#Eso 29.9; Nume 15.31; Sala 18.25-26; 91.15; Mala 1.6; Luka 10.16; Ioane 12.26 31Fa‘auta, o le a o‘o mai aso ‘ou te gagau ai lou lima ma lima o le ‘āiga o lou tamā, ‘ina ‘ia lē toe i ai se toeaina i lou ‘āiga. 32‘E te iloa atu se fili i le malumalu i mea uma e fa‘amanuia ai Isaraelu; o lea e leai se toeaina i lou ‘āiga i aso uma lava. 33O le tagata o lou ‘āiga ‘ou te lē vavae‘eseina i lo‘u fatafaitaulaga, e fa‘atauasoina ai ou mata ma vaivai ai lou loto; a o le vao tagata uma o lou ‘āiga e oti i latou o taulele‘a.#Levi 26.16; 1 Tu 2.27 34O lenei fo‘i le fa‘ailoga ‘iā te oe e o‘o ai i ou atali‘i e to‘alua o Hofeni ma Fineaso, e oti i lā‘ua i le aso e tasi. 35‘Ou te fa‘atūina mo a‘u se ositaulaga fa‘amaoni, na te faia e tusa ma lo‘u loto ma la‘u manatu, ‘ou te ati a‘e fo‘i se fale tumau mōna; e savali o ia i aso uma lava i luma o lē ‘ua a‘u fa‘au‘uina.#2 Samu 7.11, 27; 22.51; 1 Tu 2.35; 11.38; 1 No 29.22; Sala 18.50; Eseki 44.15 36O ē ‘ua totoe uma lava i lou ‘āiga e ta‘itasi ma sau ma fa‘atoga ‘iā te ia i se tupe ario, po o se pōtoi areto, e fai ane fo‘i, ‘Ou te ‘ai‘oi ‘iā te oe, ‘ia e tofi mai ‘iā te a‘u i sina faiva o ositaulaga, ‘ina ‘ia ‘ou ‘ai ai sina mea e ‘ai.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.