1 Peteru 2
2
O le Ma‘a Ola ma le Nu‘u Pa‘ia
1O lenei, ‘ia tu‘u‘eseina e ‘outou le loto leaga uma lava, ma le fa‘a‘ole‘ole uma, ma le taupelopelo, ma le mata‘u‘a, ma tautalatalaga leaga uma lava. 2Fa‘apei o tama meamea fa‘ato‘ā fānau mai, ‘ia naunau ‘outou i le suāsusu fa‘aleagaga e lē suia, ‘ina ‘ia ‘outou tutupu ai i le fa‘aolataga. 3Pe ‘āfai ‘ua ‘outou iloa e agalelei lava le Ali‘i. #Sala 34.8
4‘Ia ‘outou ō mai ‘iā te ia, o le ma‘a ola o ia na lafoa‘iina e tagata, a ‘ua filifilia e le Atua, ‘ua tāua lava, #Sala 118.22; Isai 28.16; Mata 21.42; Galu 4.11 5O ‘outou fo‘i, ‘ua atiina a‘e ‘outou pei o ma‘a ola, o le fale fa‘aleagaga, o le ‘au ositaulaga pa‘ia, e avatu taulaga fa‘aleagaga e mālie i le Atua ‘ona o Iesu Keriso. 6Auā fo‘i ‘ua i le Tusi, #Isai 28.16; Roma 9.33
“Fa‘auta, ‘ou te tu‘u i Siona le ma‘a tulimanu ‘ua filifilia,
ma le tāua; e lē mā fo‘i sē fa‘atuatua ‘iā te ia.”
7O lenei, ‘ua ‘iā te ‘outou o ē fa‘atuatua o lenei mamalu; a o ē lē fa‘atuatua, #Sala 118.2; Mata 21.42
“O le ma‘a na lafoa‘iina e tufuga fai fale,
‘ua ‘avea lava lea ma tulimanu aupitoaluga,”
8ma
“Ma‘a e tausuai ai, #Isai 8.14-15; Roma 9.33
ma papa e tautevateva ai.”
E tausuai i latou ‘ua fa‘alogogatā i le ‘upu, na tofia fo‘i i latou i lea lava mea.
9A o ‘outou o le tupulaga ‘ua filifilia ‘outou, o tupu ma ositaulaga, o le nu‘u pa‘ia, ma le nu‘u na fa‘atauina mai e le Atua, ‘ina ‘ia ‘outou ta‘uta‘u atu ana galuega lelei, o lē na vala‘au ‘iā te ‘outou nai le pouliuli e o‘o i lona lava malamalama o matuā ofo ai. #Isai 43.20; Eso 19.6; Galu 26.18; 2 Kori 4.6; Efe 5.8; Fili 2.15; Fa‘aa 1.6 10O ē na lē fai ma nu‘u anamua, a o ona po nei ‘ua fai ai ma nu‘u o le Atua; o ē na lē alofaina, a o lenei ‘ua alofaina lava. #Hose 1.6, 9; 2.1, 23; Roma 9.25
O ‘Au‘auna a le Atua
11Le ‘au pele e, ‘ou te ‘ai‘oi atu ‘iā te ‘outou o tagata ‘ese ma ē āumau, ‘ia mamao ‘outou ma tu‘inanau o le tino, o mea ia e tau ma le agaga. #Sala 39.12; Kala 5.17, 24; Efe 2.19; Iako 4.1 12‘Ia lelei a ‘outou amio i luma o nu‘u ‘ese, o le mea latou te fai ‘upu leaga ai ‘iā te ‘outou, peiseaī o tagata amio leaga ‘outou, latou te va‘ava‘ai ai ‘iā ‘outou amio lelei, ‘ona latou vivi‘i atu ai lea i le Atua i le aso e asiasi mai ai. #Isai 10.3; Mata 5.16; Iako 3.13
13O lenei, ‘ia ‘outou usiusita‘i atu i tofiga uma a tagata auā o le Ali‘i; po o le tupu ‘ina ‘ua sili; 14po o ali‘i, o i latou ‘ua ‘a‘auina mai e ia ‘ina ‘ia fa‘asalaina ai ē amio leaga, a ‘ia vi‘ia e amio lelei. 15Auā ‘ua finagalo le Atua, ‘ina ‘ia ‘outou amio lelei ‘ia i‘u ai ‘ina fa‘alologo le valea o tagata pouliuli. 16Pei o ē sa‘oloto, ‘ae ‘aua ne‘i fai le sa‘olotoga ma ufiufi o le loto leaga, a ‘ia fa‘apei o ‘au‘auna a le Atua. 17‘Ia ‘outou āva i tagata uma; ‘ia alolofa atu i le ‘au uso, ‘ia matata‘u i le Atua; ‘ia āva le tupu. #Roma 12.10; Fa‘ata 24.21; Mata 22.21
O Fa‘ata‘ita‘iga o Puapuagā o Keriso
18O ‘outou ‘au‘auna, ‘ia ‘outou usiusita‘i ma le mata‘u uma i o ‘outou matai, ‘aua ne‘i gata ai i ē agalelei ma ē agamalū, a o ē amio pa‘a‘ā fo‘i. 19Auā o le mea lenei e mālie, pe ‘āfai o le loto fuatia i la le Atua e ‘onosa‘i ai se tasi i le tigā, a o fa‘atigāina fua lava o ia. 20Auā pe se a se vi‘iga e maua pe ‘āfai tou te ‘onosa‘i pe a tu‘ia ‘outou ‘ona o le agasala? ‘Ae ‘āfai tou te ‘onosa‘i pe a tigāina ‘outou a o amio lelei, o le mea lava lea e mālie i le Atua. 21Auā na vala‘auina ‘outou ‘ona o lea lava mea; auā na tigāina Keriso lava mo ‘outou, ‘ua tu‘uina mai ai e ia le fa‘aa‘oa‘o mo ‘outou, ‘ina ‘ia ‘outou mulimuli atu i ona tulaga‘a‘ao.
22“O lē na lē agasala lava,
na lē iloa fo‘i se pepelo i lona fofoga.” #Isai 53.12; 1 Ioane 3.5; Roma 6.11; Epe 9.28
23O lē sa agateleina, ‘ae le‘i toe agatele atu, na fa‘atigāina o ia, ‘ae le‘i fa‘amata‘u atu, a ‘ua tu‘uina atu o ia e ia i lē na te fa‘amasino tonu. #Isai 53.7 24O lē na ‘aveina e ia lava a tatou agasala i lona lava tino i luga i le la‘au, ‘ina ‘iā tēte‘a i ‘outou ma agasala, tatou te nofo ai i le amiotonu. O ona fa‘alavalava ‘ua mālōlō ai i ‘outou. #Isai 53.5, 12; 1 Ioane 3.5; Roma 6.11; Epe 9.28 25Auā o ‘outou sa fa‘apei o mamoe na sē a o lenei ‘ua toe liliu mai ‘outou i Lē na te leoleoina ma tausia o ‘outou agaga. #Isai 53.6; Eseki 34.5; 1 Pete 5.4; Ioane 10.12
Currently Selected:
1 Peteru 2: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
1 Peteru 2
2
O le Ma‘a Ola ma le Nu‘u Pa‘ia
1O lenei, ‘ia tu‘u‘eseina e ‘outou le loto leaga uma lava, ma le fa‘a‘ole‘ole uma, ma le taupelopelo, ma le mata‘u‘a, ma tautalatalaga leaga uma lava. 2Fa‘apei o tama meamea fa‘ato‘ā fānau mai, ‘ia naunau ‘outou i le suāsusu fa‘aleagaga e lē suia, ‘ina ‘ia ‘outou tutupu ai i le fa‘aolataga. 3Pe ‘āfai ‘ua ‘outou iloa e agalelei lava le Ali‘i. #Sala 34.8
4‘Ia ‘outou ō mai ‘iā te ia, o le ma‘a ola o ia na lafoa‘iina e tagata, a ‘ua filifilia e le Atua, ‘ua tāua lava, #Sala 118.22; Isai 28.16; Mata 21.42; Galu 4.11 5O ‘outou fo‘i, ‘ua atiina a‘e ‘outou pei o ma‘a ola, o le fale fa‘aleagaga, o le ‘au ositaulaga pa‘ia, e avatu taulaga fa‘aleagaga e mālie i le Atua ‘ona o Iesu Keriso. 6Auā fo‘i ‘ua i le Tusi, #Isai 28.16; Roma 9.33
“Fa‘auta, ‘ou te tu‘u i Siona le ma‘a tulimanu ‘ua filifilia,
ma le tāua; e lē mā fo‘i sē fa‘atuatua ‘iā te ia.”
7O lenei, ‘ua ‘iā te ‘outou o ē fa‘atuatua o lenei mamalu; a o ē lē fa‘atuatua, #Sala 118.2; Mata 21.42
“O le ma‘a na lafoa‘iina e tufuga fai fale,
‘ua ‘avea lava lea ma tulimanu aupitoaluga,”
8ma
“Ma‘a e tausuai ai, #Isai 8.14-15; Roma 9.33
ma papa e tautevateva ai.”
E tausuai i latou ‘ua fa‘alogogatā i le ‘upu, na tofia fo‘i i latou i lea lava mea.
9A o ‘outou o le tupulaga ‘ua filifilia ‘outou, o tupu ma ositaulaga, o le nu‘u pa‘ia, ma le nu‘u na fa‘atauina mai e le Atua, ‘ina ‘ia ‘outou ta‘uta‘u atu ana galuega lelei, o lē na vala‘au ‘iā te ‘outou nai le pouliuli e o‘o i lona lava malamalama o matuā ofo ai. #Isai 43.20; Eso 19.6; Galu 26.18; 2 Kori 4.6; Efe 5.8; Fili 2.15; Fa‘aa 1.6 10O ē na lē fai ma nu‘u anamua, a o ona po nei ‘ua fai ai ma nu‘u o le Atua; o ē na lē alofaina, a o lenei ‘ua alofaina lava. #Hose 1.6, 9; 2.1, 23; Roma 9.25
O ‘Au‘auna a le Atua
11Le ‘au pele e, ‘ou te ‘ai‘oi atu ‘iā te ‘outou o tagata ‘ese ma ē āumau, ‘ia mamao ‘outou ma tu‘inanau o le tino, o mea ia e tau ma le agaga. #Sala 39.12; Kala 5.17, 24; Efe 2.19; Iako 4.1 12‘Ia lelei a ‘outou amio i luma o nu‘u ‘ese, o le mea latou te fai ‘upu leaga ai ‘iā te ‘outou, peiseaī o tagata amio leaga ‘outou, latou te va‘ava‘ai ai ‘iā ‘outou amio lelei, ‘ona latou vivi‘i atu ai lea i le Atua i le aso e asiasi mai ai. #Isai 10.3; Mata 5.16; Iako 3.13
13O lenei, ‘ia ‘outou usiusita‘i atu i tofiga uma a tagata auā o le Ali‘i; po o le tupu ‘ina ‘ua sili; 14po o ali‘i, o i latou ‘ua ‘a‘auina mai e ia ‘ina ‘ia fa‘asalaina ai ē amio leaga, a ‘ia vi‘ia e amio lelei. 15Auā ‘ua finagalo le Atua, ‘ina ‘ia ‘outou amio lelei ‘ia i‘u ai ‘ina fa‘alologo le valea o tagata pouliuli. 16Pei o ē sa‘oloto, ‘ae ‘aua ne‘i fai le sa‘olotoga ma ufiufi o le loto leaga, a ‘ia fa‘apei o ‘au‘auna a le Atua. 17‘Ia ‘outou āva i tagata uma; ‘ia alolofa atu i le ‘au uso, ‘ia matata‘u i le Atua; ‘ia āva le tupu. #Roma 12.10; Fa‘ata 24.21; Mata 22.21
O Fa‘ata‘ita‘iga o Puapuagā o Keriso
18O ‘outou ‘au‘auna, ‘ia ‘outou usiusita‘i ma le mata‘u uma i o ‘outou matai, ‘aua ne‘i gata ai i ē agalelei ma ē agamalū, a o ē amio pa‘a‘ā fo‘i. 19Auā o le mea lenei e mālie, pe ‘āfai o le loto fuatia i la le Atua e ‘onosa‘i ai se tasi i le tigā, a o fa‘atigāina fua lava o ia. 20Auā pe se a se vi‘iga e maua pe ‘āfai tou te ‘onosa‘i pe a tu‘ia ‘outou ‘ona o le agasala? ‘Ae ‘āfai tou te ‘onosa‘i pe a tigāina ‘outou a o amio lelei, o le mea lava lea e mālie i le Atua. 21Auā na vala‘auina ‘outou ‘ona o lea lava mea; auā na tigāina Keriso lava mo ‘outou, ‘ua tu‘uina mai ai e ia le fa‘aa‘oa‘o mo ‘outou, ‘ina ‘ia ‘outou mulimuli atu i ona tulaga‘a‘ao.
22“O lē na lē agasala lava,
na lē iloa fo‘i se pepelo i lona fofoga.” #Isai 53.12; 1 Ioane 3.5; Roma 6.11; Epe 9.28
23O lē sa agateleina, ‘ae le‘i toe agatele atu, na fa‘atigāina o ia, ‘ae le‘i fa‘amata‘u atu, a ‘ua tu‘uina atu o ia e ia i lē na te fa‘amasino tonu. #Isai 53.7 24O lē na ‘aveina e ia lava a tatou agasala i lona lava tino i luga i le la‘au, ‘ina ‘iā tēte‘a i ‘outou ma agasala, tatou te nofo ai i le amiotonu. O ona fa‘alavalava ‘ua mālōlō ai i ‘outou. #Isai 53.5, 12; 1 Ioane 3.5; Roma 6.11; Epe 9.28 25Auā o ‘outou sa fa‘apei o mamoe na sē a o lenei ‘ua toe liliu mai ‘outou i Lē na te leoleoina ma tausia o ‘outou agaga. #Isai 53.6; Eseki 34.5; 1 Pete 5.4; Ioane 10.12
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.