1 Korinito 16
16
O Sauniga ‘Ese‘ese ma le Moliga o le Alofa
1A o le aotelega mo le ‘au pa‘ia, pei ‘ona ‘ou poloa‘i atu i ekalesia i Kalatia, ‘ia fa‘apea fo‘i ‘outou ‘ona fai.#Galu 11.29; Kala 2.10; 2 Kori 8.9 2O le aso muamua o lea vaisapati ma lea vaisapati, ‘ia ‘outou ta‘itasi ma tu‘u ane ai ni ana mea, ‘ia fa‘atatau mea e teu ma lona manuia ‘ina ne‘i faia ni aotelega pe a ‘ou alu atu. 3Pe a ‘ou alu atu, ‘ona ‘ou ‘auina atu lea ma le tusi o i latou ē filifilia e ‘outou, latou te momoli atu ‘iā ‘outou mea alofa i Ierusalema; 4‘ae ‘āfai e tatau ‘ona ‘ou alu fo‘i, matou te o fa‘atasi ma a‘u.
O Fuafuaga a Paulo
5‘Ou te alu atu fo‘i ‘ia te ‘outou pe a ‘ou ui ane Maketonia; auā ‘ou te ui ane lava i Maketonia. 6Atonu fo‘i tatou te mau ma ‘outou, pe se‘ia te‘a mai le tau ma‘alili; ‘ina ‘ia molia e ‘outou la‘u malaga i se mea ‘ou te alu i ai.#Roma 15.24; Tito 3.12 7Auā ‘ou te lē loto ‘ina ‘ou afe atu e asiasi ‘iā te ‘outou i nei ona po; ‘ae ‘ou te fa‘amoemoe ‘ina ‘ia levaleva ane lo‘u nofo ‘iā te ‘outou, pe a finagalo i ai le Ali‘i.#Galu 20.2; 18.21
8‘Ae ‘ou te nofo pea i Efeso se‘ia o‘o i le Penetekoso. 9Auā ‘ua fa‘aavanoa mo a‘u le faitoto‘a lautele ma le matuā aogā, e to‘atele fo‘i o ē fa‘atu‘i ‘ese.#2 Kori 2.12; Kolo 4.3; Fa‘aa 3.8
10‘Āfai e alu atu Timoteo, ‘ia ‘outou fa‘aeteete ‘ina ‘ia ‘iā te ‘outou o ia ma le lē mata‘u; auā ‘ua faia e ia le galuega a le Atua pei o a‘u nei lava.#1 Kori 4.17; Fili 2.20 11O le mea lea ‘aua ne‘i ta‘ufa‘atauva‘aina ai o ia e se tasi, a ‘ia molia mai o ia e ‘outou ma le saogalemū, se‘ia o‘o mai o ia ‘iā te a‘u; auā ‘ou te fa‘atalitali atu ‘iā te ia ma le ‘au uso.#1 Timo 4.12
12O lo tatou uso fo‘i o Apolo, sa tele lo‘u ‘ai‘oi atu ‘iā te ia, ‘ina ‘ia latou ō atu ma le ‘au uso ‘iā te ‘outou; ‘ae lē loto lava ia ‘ina alu atu i ona po nei, ‘ae alu atu pe a o‘o mai ona pō e tatau ai.#1 Kori 1.12; 3.6
O ‘Upu Mulimuli
13‘Inā mataala ia ‘outou, ‘ia ‘outou tumau i le fa‘atuatua, ‘ia ‘outou fa‘atamatane, ‘ia fa‘amalolosi ‘outou.#Sala 31.24; Efe 6.10 14‘Ia faia uma a ‘outou mea i le alofa.
15Le ‘au uso e, ‘ua ‘outou iloa le ‘āiga o Setefana, o le fa‘apolopolo i latou i Akaia, ma ‘ua tu‘uina atu i latou e i latou e ‘au‘auna i le ‘au pa‘ia; ‘ou te ‘ai‘oi atu ‘iā te ‘outou,#1 Kori 1.16; Roma 16.5 16‘ia ‘outou usiusita‘i i ē o fa‘apea, ‘atoa ma i latou uma o ē fesoasoani mai ma tautigāina.#Fili 2.29
17‘Ua ‘ou fiafia i le o‘o mai o Setefana ma Fotunato ma Akaiko, auā ‘ua latou fa‘a‘ato‘atoa mai a ‘outou mea sa totoe; 18auā ‘ua latou fa‘amafanafanaina lo‘u loto, ‘atoa ma lo ‘outou; o le mea lea ‘ia ‘outou tali lelei ai i ē ‘ua fa‘apea.#1 Tesa 5.12
19O lo‘o alolofa atu ‘iā te ‘outou ekalesia o i Asia. O lo‘o alolofa tele ‘iā te ‘outou i le Ali‘i o Akula ma Pisila, ma le ekalesia i lo la fale.#Galu 18.2, 18, 26; Roma 16.3, 5 20O lo‘o alolofa atu ‘iā te ‘outou le ‘au uso uma.
‘Ia ‘outou fealofani i le feasogi pa‘ia.#Roma 16.16; 2 Kori 13.12; 1 Pete 5.14
21O a‘u o Paulo, si ‘ou alofa atu ‘iā te ‘outou i la‘u lava tusilima.#Kolo 4.18; 2 Tesa 3.17
22‘Ai se tagata e lē alofa i le Ali‘i o Iesu Keriso ‘ia anatema#16.22 anatema: po o le fa‘atō po o le ‘upu fetu‘u (va‘ai Iosu 6.17). maranata#16.22 maranata: po o mai le gagana Arama, o le fa‘amoemoe ‘ua latalata mai le afio mai o le Ali‘i, “Le Ali‘i e, afio mai” (va‘ai Roma 13.12; Fili 4.5; Iako 5.8; 1 Pete 4.7). lava ia.#Kala 1.8-9
23‘Ia ‘iā te ‘outou le alofa tunoa o le Ali‘i o Iesu Keriso.
24‘Ia ‘iā te ‘outou uma lo‘u alofa ‘iā Keriso Iesu. Amene.
Currently Selected:
1 Korinito 16: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
1 Korinito 16
16
O Sauniga ‘Ese‘ese ma le Moliga o le Alofa
1A o le aotelega mo le ‘au pa‘ia, pei ‘ona ‘ou poloa‘i atu i ekalesia i Kalatia, ‘ia fa‘apea fo‘i ‘outou ‘ona fai.#Galu 11.29; Kala 2.10; 2 Kori 8.9 2O le aso muamua o lea vaisapati ma lea vaisapati, ‘ia ‘outou ta‘itasi ma tu‘u ane ai ni ana mea, ‘ia fa‘atatau mea e teu ma lona manuia ‘ina ne‘i faia ni aotelega pe a ‘ou alu atu. 3Pe a ‘ou alu atu, ‘ona ‘ou ‘auina atu lea ma le tusi o i latou ē filifilia e ‘outou, latou te momoli atu ‘iā ‘outou mea alofa i Ierusalema; 4‘ae ‘āfai e tatau ‘ona ‘ou alu fo‘i, matou te o fa‘atasi ma a‘u.
O Fuafuaga a Paulo
5‘Ou te alu atu fo‘i ‘ia te ‘outou pe a ‘ou ui ane Maketonia; auā ‘ou te ui ane lava i Maketonia. 6Atonu fo‘i tatou te mau ma ‘outou, pe se‘ia te‘a mai le tau ma‘alili; ‘ina ‘ia molia e ‘outou la‘u malaga i se mea ‘ou te alu i ai.#Roma 15.24; Tito 3.12 7Auā ‘ou te lē loto ‘ina ‘ou afe atu e asiasi ‘iā te ‘outou i nei ona po; ‘ae ‘ou te fa‘amoemoe ‘ina ‘ia levaleva ane lo‘u nofo ‘iā te ‘outou, pe a finagalo i ai le Ali‘i.#Galu 20.2; 18.21
8‘Ae ‘ou te nofo pea i Efeso se‘ia o‘o i le Penetekoso. 9Auā ‘ua fa‘aavanoa mo a‘u le faitoto‘a lautele ma le matuā aogā, e to‘atele fo‘i o ē fa‘atu‘i ‘ese.#2 Kori 2.12; Kolo 4.3; Fa‘aa 3.8
10‘Āfai e alu atu Timoteo, ‘ia ‘outou fa‘aeteete ‘ina ‘ia ‘iā te ‘outou o ia ma le lē mata‘u; auā ‘ua faia e ia le galuega a le Atua pei o a‘u nei lava.#1 Kori 4.17; Fili 2.20 11O le mea lea ‘aua ne‘i ta‘ufa‘atauva‘aina ai o ia e se tasi, a ‘ia molia mai o ia e ‘outou ma le saogalemū, se‘ia o‘o mai o ia ‘iā te a‘u; auā ‘ou te fa‘atalitali atu ‘iā te ia ma le ‘au uso.#1 Timo 4.12
12O lo tatou uso fo‘i o Apolo, sa tele lo‘u ‘ai‘oi atu ‘iā te ia, ‘ina ‘ia latou ō atu ma le ‘au uso ‘iā te ‘outou; ‘ae lē loto lava ia ‘ina alu atu i ona po nei, ‘ae alu atu pe a o‘o mai ona pō e tatau ai.#1 Kori 1.12; 3.6
O ‘Upu Mulimuli
13‘Inā mataala ia ‘outou, ‘ia ‘outou tumau i le fa‘atuatua, ‘ia ‘outou fa‘atamatane, ‘ia fa‘amalolosi ‘outou.#Sala 31.24; Efe 6.10 14‘Ia faia uma a ‘outou mea i le alofa.
15Le ‘au uso e, ‘ua ‘outou iloa le ‘āiga o Setefana, o le fa‘apolopolo i latou i Akaia, ma ‘ua tu‘uina atu i latou e i latou e ‘au‘auna i le ‘au pa‘ia; ‘ou te ‘ai‘oi atu ‘iā te ‘outou,#1 Kori 1.16; Roma 16.5 16‘ia ‘outou usiusita‘i i ē o fa‘apea, ‘atoa ma i latou uma o ē fesoasoani mai ma tautigāina.#Fili 2.29
17‘Ua ‘ou fiafia i le o‘o mai o Setefana ma Fotunato ma Akaiko, auā ‘ua latou fa‘a‘ato‘atoa mai a ‘outou mea sa totoe; 18auā ‘ua latou fa‘amafanafanaina lo‘u loto, ‘atoa ma lo ‘outou; o le mea lea ‘ia ‘outou tali lelei ai i ē ‘ua fa‘apea.#1 Tesa 5.12
19O lo‘o alolofa atu ‘iā te ‘outou ekalesia o i Asia. O lo‘o alolofa tele ‘iā te ‘outou i le Ali‘i o Akula ma Pisila, ma le ekalesia i lo la fale.#Galu 18.2, 18, 26; Roma 16.3, 5 20O lo‘o alolofa atu ‘iā te ‘outou le ‘au uso uma.
‘Ia ‘outou fealofani i le feasogi pa‘ia.#Roma 16.16; 2 Kori 13.12; 1 Pete 5.14
21O a‘u o Paulo, si ‘ou alofa atu ‘iā te ‘outou i la‘u lava tusilima.#Kolo 4.18; 2 Tesa 3.17
22‘Ai se tagata e lē alofa i le Ali‘i o Iesu Keriso ‘ia anatema#16.22 anatema: po o le fa‘atō po o le ‘upu fetu‘u (va‘ai Iosu 6.17). maranata#16.22 maranata: po o mai le gagana Arama, o le fa‘amoemoe ‘ua latalata mai le afio mai o le Ali‘i, “Le Ali‘i e, afio mai” (va‘ai Roma 13.12; Fili 4.5; Iako 5.8; 1 Pete 4.7). lava ia.#Kala 1.8-9
23‘Ia ‘iā te ‘outou le alofa tunoa o le Ali‘i o Iesu Keriso.
24‘Ia ‘iā te ‘outou uma lo‘u alofa ‘iā Keriso Iesu. Amene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.