1 Korinito 11
11
1‘Ia ‘outou fa‘aa‘oa‘o mai ‘iā te a‘u, pei o a‘u ‘iā Keriso.#1 Kori 4.16; Fili 3.17
O le Pulouina o fafine i le Lotu
2Le ‘au uso e, ‘ou te vivi‘i atu ‘iā te ‘outou, ‘ina ‘ua ‘outou manatua mai a‘u i mea uma, ma ‘outou tāofi mau i ‘uputu‘u#11.2 ‘uputu‘u: O nisi fa‘aliliuga; poloa‘iga. pei ‘ona ‘ou tu‘uina atu ai ‘iā te ‘outou. 3A ‘ou te loto ‘ina ‘ia ‘outou iloa, o le ulu o tane ta‘ito‘atasi o Keriso lea, o le ulu o le avā o le tane lea, a o le ulu o Keriso o le Atua lea.#1 Kori 3.23; Efe 5.23; Kene 3.16 4‘Ai se tane e tatalo pe perofeta ma lona ulu ‘ua ufiufitia, ‘ua fa‘alemigao ia i lona ulu. 5‘Ai se fafine fo‘i e tatalo pe perofeta ma lona ulu e lē ufiufitia, ‘ua fa‘alemigao ia i lona lava ulu; auā o le mea e tasi lava lea ma le tafi o lona lauulu. 6Auā a lē ufiufitia le fafine ‘ia sele mamā lona lauulu; ‘ae ‘āfai o le mea e māsiasi ai ‘ona sele mamā pe tafi, ia ufiufitia lava ia. 7Auā e lē tatau i le tane ‘ona ufiufitia e ia lona ulu, auā ‘ua foliga o ia i le Atua, ma lē vi‘ia ai o ia; a o le fafine o ia lē e vi‘ia ai le tane.#Kene 1.27; 5.1 8Auā e lē mai le fafine le tane, a o le fafine mai le tane ia.#Kene 2.22-23; 1 Timo 2.13 9Auā fo‘i na lē faia le tane ‘ona o le fafine, a o le fafine ‘ona o le tane.#Kene 2.18 10O le mea lea e tatau ai i le fafine ‘ina ‘ia i ai le ufiufi i lona ulu, ‘ona o agelu.#Kene 6.2 11‘Ae ui lea, i le mafutaga a le Ali‘i, e lē ola to‘atasi le tane po‘o le fafine; 12auā pei ‘ona maua mai le fafine i le tane, e fa‘apea fo‘i ‘ona fānau mai le tane i le fafine. A o mea uma lava mai le Atua ia.
13‘Inā mānatunatu ifo ia ‘outou, pe tatau ‘ona tatalo o le fafine i le Atua ma le lē ufiufitia. 14E lē a‘oa‘o mai ‘ea le mafaufau ‘iā te ‘outou, a ‘u‘umi le lauulu o le tane, o le mea lava lea e mā ai o ia? 15‘Ae ‘āfai e ‘u‘umi le lauulu o le fafine, o le mea lea e vi‘ia ai o ia; auā ‘ua foa‘i mai lona lauulu e fai ma ufiufi ‘iā te ia. 16‘Ae ‘āfai e fia fīnau se tasi, e leai se tu fa‘apea ‘iā i matou, e leai fo‘i i ekalesia a le Atua.
O le Taumafataga a le Ali‘i
(Mata 26.26-29; Mare 14.22-25; Luka 22.14-20)
17A ‘ou te lē vivi‘i atu ‘iā te ‘outou i le mea ‘ou te fai atu ai nei, ‘ona ‘ua lē i‘u i se lelei la ‘outou fa‘apotopoto, ‘ae i‘u i le leaga. 18Auā e muamua lea, ‘ua logo mai ‘iā te a‘u, pe a potopoto ‘outou i le ekalesia, ‘ua ‘iā te ‘outou māseiga; ‘ua ‘ou tāofi fo‘i e moni nisi mea;#1 Kori 1.10-12; 3.3 19auā e ao ‘ina tupu o fēvaevaea‘iga ‘iā te ‘outou, ‘ina ‘ia fa‘aalia o ē ‘ua fa‘amaoni o ‘iā te ‘outou.#1 Ioane 2.19; Teu 13.3 20O lenei, pe a potopoto ‘outou i le mea e tasi, e lē fa‘apea ‘outou ‘ina ‘ia ‘outou ‘a‘ai i le talisuaga a le Ali‘i. 21Auā a ‘a‘ai, ‘ua ta‘ito‘atasi ma mua‘i fai lana lava talisuaga; ‘ua laina le tasi, ‘ua ‘onā le tasi. 22E leai ‘ea lava ni o ‘outou fale tou te ‘a‘ai ai ma inu ai? Po ‘ua fa‘atauva‘a ‘ea ‘iā te ‘outou le ekalesia a le Atua, ma ‘outou fa‘amāina e ‘ua matitiva? Se a ‘ea se ‘upu ‘ou te fai atu ai ‘iā te ‘outou? ‘Ou te vivi‘i atu ‘ea ‘iā te ‘outou i lenā mea? ‘Ou te lē vivi‘i lava.#Iako 2.5-6
23O a‘u, na ‘ou maua mai le Ali‘i le mea na ‘ou tu‘uina atu ‘iā te ‘outou, o lea lava po na fa‘alataina ai le Ali‘i o Iesu, na ia tago ai i le areto,#Mata 26.26-28; Mare 14.22-24; Luka 22.19-20 24‘ua ia fa‘afetai, ‘ona tofitofi ai lea, ma fai atu, “O lo‘u tino lenei mo ‘outou, ‘ia ‘outou faia lenei mea ma fa‘amanatuga ‘iā te a‘u.” 25‘Ua ia fa‘apea fo‘i i le ipu ‘ina ‘ua uma ‘ona ‘a‘ai, ‘ua fa‘apea atu, “O le ipu lenei o le feagaiga fou lea i lo‘u toto; ‘ia ‘outou faia lenei mea ma fa‘amanatuga ‘iā te a‘u i aso uma tou te feinu ai.”#Eso 24.8; Saka 9.11
26Auā o aso uma tou te ‘a‘ai ai i lenei areto, ma feinu i lenei ipu, tou te fa‘ailoa atu ai le maliu o le Ali‘i se‘ia afio mai o ia.#Mata 26.29 27O lenei, ‘ai sē ‘ai i lenei areto, pe inu i le ipu a le Ali‘i ma le fa‘alētatau, e nofo sala o ia i le fa‘aleagaina o le tino ma le toto o le Ali‘i.#Epe 6.6; 10.29 28A ‘ia su‘esu‘e ifo le tagata ‘iā te ia, i le ‘ai ai o ia i lenei areto, ma inu i lenei ipu.#Mata 26.22; 2 Kori 13.5 29Auā o lē ‘ai ma inu,#11.29 Auā o lē ‘ai ma inu: O nisi fa‘aliliuga; Auā o lē ‘ai ma inu fa‘alētatau. ‘ua ‘ai ma inu o ia i lona lava fa‘amasinoga pe a lē fa‘autauta o ia i le tino. 30O le mea lea ‘ua mama‘i ai ma vaivai ai nisi o ‘outou e to‘atele, ma nisi e to‘atele ‘ua latou momoe.#1 Kori 15.20; Efe 5.14; 1 Tesa 5.6 31Auā ‘āfai ‘ana tatou fa‘amasino ‘iā te i tatou, po ‘ua lē fa‘asalaina i tatou. 32A ‘ua a‘oa‘iina i tatou e le Ali‘i ‘ina ‘ua fa‘amasinoina, ‘ina ne‘i matuā fa‘asalaina i tatou fa‘atasi ma le lalolagi.#Epe 12.5-6
33O lenei, o‘u uso e, pe a ‘outou fa‘apotopoto e ‘a‘ai, ‘ia fa‘atalitali ‘outou le tasi i le tasi; 34‘āfai fo‘i e fia ‘ai se tasi, ‘inā ‘ai ia i lona lava fale; ‘ina ne‘i ‘avea la ‘outou potopotoga ma mea e fa‘asalaina ai ‘outou. O mea o totoe ‘ou te fa‘atonu i ai pe a ‘ou alu atu.
Currently Selected:
1 Korinito 11: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
1 Korinito 11
11
1‘Ia ‘outou fa‘aa‘oa‘o mai ‘iā te a‘u, pei o a‘u ‘iā Keriso.#1 Kori 4.16; Fili 3.17
O le Pulouina o fafine i le Lotu
2Le ‘au uso e, ‘ou te vivi‘i atu ‘iā te ‘outou, ‘ina ‘ua ‘outou manatua mai a‘u i mea uma, ma ‘outou tāofi mau i ‘uputu‘u#11.2 ‘uputu‘u: O nisi fa‘aliliuga; poloa‘iga. pei ‘ona ‘ou tu‘uina atu ai ‘iā te ‘outou. 3A ‘ou te loto ‘ina ‘ia ‘outou iloa, o le ulu o tane ta‘ito‘atasi o Keriso lea, o le ulu o le avā o le tane lea, a o le ulu o Keriso o le Atua lea.#1 Kori 3.23; Efe 5.23; Kene 3.16 4‘Ai se tane e tatalo pe perofeta ma lona ulu ‘ua ufiufitia, ‘ua fa‘alemigao ia i lona ulu. 5‘Ai se fafine fo‘i e tatalo pe perofeta ma lona ulu e lē ufiufitia, ‘ua fa‘alemigao ia i lona lava ulu; auā o le mea e tasi lava lea ma le tafi o lona lauulu. 6Auā a lē ufiufitia le fafine ‘ia sele mamā lona lauulu; ‘ae ‘āfai o le mea e māsiasi ai ‘ona sele mamā pe tafi, ia ufiufitia lava ia. 7Auā e lē tatau i le tane ‘ona ufiufitia e ia lona ulu, auā ‘ua foliga o ia i le Atua, ma lē vi‘ia ai o ia; a o le fafine o ia lē e vi‘ia ai le tane.#Kene 1.27; 5.1 8Auā e lē mai le fafine le tane, a o le fafine mai le tane ia.#Kene 2.22-23; 1 Timo 2.13 9Auā fo‘i na lē faia le tane ‘ona o le fafine, a o le fafine ‘ona o le tane.#Kene 2.18 10O le mea lea e tatau ai i le fafine ‘ina ‘ia i ai le ufiufi i lona ulu, ‘ona o agelu.#Kene 6.2 11‘Ae ui lea, i le mafutaga a le Ali‘i, e lē ola to‘atasi le tane po‘o le fafine; 12auā pei ‘ona maua mai le fafine i le tane, e fa‘apea fo‘i ‘ona fānau mai le tane i le fafine. A o mea uma lava mai le Atua ia.
13‘Inā mānatunatu ifo ia ‘outou, pe tatau ‘ona tatalo o le fafine i le Atua ma le lē ufiufitia. 14E lē a‘oa‘o mai ‘ea le mafaufau ‘iā te ‘outou, a ‘u‘umi le lauulu o le tane, o le mea lava lea e mā ai o ia? 15‘Ae ‘āfai e ‘u‘umi le lauulu o le fafine, o le mea lea e vi‘ia ai o ia; auā ‘ua foa‘i mai lona lauulu e fai ma ufiufi ‘iā te ia. 16‘Ae ‘āfai e fia fīnau se tasi, e leai se tu fa‘apea ‘iā i matou, e leai fo‘i i ekalesia a le Atua.
O le Taumafataga a le Ali‘i
(Mata 26.26-29; Mare 14.22-25; Luka 22.14-20)
17A ‘ou te lē vivi‘i atu ‘iā te ‘outou i le mea ‘ou te fai atu ai nei, ‘ona ‘ua lē i‘u i se lelei la ‘outou fa‘apotopoto, ‘ae i‘u i le leaga. 18Auā e muamua lea, ‘ua logo mai ‘iā te a‘u, pe a potopoto ‘outou i le ekalesia, ‘ua ‘iā te ‘outou māseiga; ‘ua ‘ou tāofi fo‘i e moni nisi mea;#1 Kori 1.10-12; 3.3 19auā e ao ‘ina tupu o fēvaevaea‘iga ‘iā te ‘outou, ‘ina ‘ia fa‘aalia o ē ‘ua fa‘amaoni o ‘iā te ‘outou.#1 Ioane 2.19; Teu 13.3 20O lenei, pe a potopoto ‘outou i le mea e tasi, e lē fa‘apea ‘outou ‘ina ‘ia ‘outou ‘a‘ai i le talisuaga a le Ali‘i. 21Auā a ‘a‘ai, ‘ua ta‘ito‘atasi ma mua‘i fai lana lava talisuaga; ‘ua laina le tasi, ‘ua ‘onā le tasi. 22E leai ‘ea lava ni o ‘outou fale tou te ‘a‘ai ai ma inu ai? Po ‘ua fa‘atauva‘a ‘ea ‘iā te ‘outou le ekalesia a le Atua, ma ‘outou fa‘amāina e ‘ua matitiva? Se a ‘ea se ‘upu ‘ou te fai atu ai ‘iā te ‘outou? ‘Ou te vivi‘i atu ‘ea ‘iā te ‘outou i lenā mea? ‘Ou te lē vivi‘i lava.#Iako 2.5-6
23O a‘u, na ‘ou maua mai le Ali‘i le mea na ‘ou tu‘uina atu ‘iā te ‘outou, o lea lava po na fa‘alataina ai le Ali‘i o Iesu, na ia tago ai i le areto,#Mata 26.26-28; Mare 14.22-24; Luka 22.19-20 24‘ua ia fa‘afetai, ‘ona tofitofi ai lea, ma fai atu, “O lo‘u tino lenei mo ‘outou, ‘ia ‘outou faia lenei mea ma fa‘amanatuga ‘iā te a‘u.” 25‘Ua ia fa‘apea fo‘i i le ipu ‘ina ‘ua uma ‘ona ‘a‘ai, ‘ua fa‘apea atu, “O le ipu lenei o le feagaiga fou lea i lo‘u toto; ‘ia ‘outou faia lenei mea ma fa‘amanatuga ‘iā te a‘u i aso uma tou te feinu ai.”#Eso 24.8; Saka 9.11
26Auā o aso uma tou te ‘a‘ai ai i lenei areto, ma feinu i lenei ipu, tou te fa‘ailoa atu ai le maliu o le Ali‘i se‘ia afio mai o ia.#Mata 26.29 27O lenei, ‘ai sē ‘ai i lenei areto, pe inu i le ipu a le Ali‘i ma le fa‘alētatau, e nofo sala o ia i le fa‘aleagaina o le tino ma le toto o le Ali‘i.#Epe 6.6; 10.29 28A ‘ia su‘esu‘e ifo le tagata ‘iā te ia, i le ‘ai ai o ia i lenei areto, ma inu i lenei ipu.#Mata 26.22; 2 Kori 13.5 29Auā o lē ‘ai ma inu,#11.29 Auā o lē ‘ai ma inu: O nisi fa‘aliliuga; Auā o lē ‘ai ma inu fa‘alētatau. ‘ua ‘ai ma inu o ia i lona lava fa‘amasinoga pe a lē fa‘autauta o ia i le tino. 30O le mea lea ‘ua mama‘i ai ma vaivai ai nisi o ‘outou e to‘atele, ma nisi e to‘atele ‘ua latou momoe.#1 Kori 15.20; Efe 5.14; 1 Tesa 5.6 31Auā ‘āfai ‘ana tatou fa‘amasino ‘iā te i tatou, po ‘ua lē fa‘asalaina i tatou. 32A ‘ua a‘oa‘iina i tatou e le Ali‘i ‘ina ‘ua fa‘amasinoina, ‘ina ne‘i matuā fa‘asalaina i tatou fa‘atasi ma le lalolagi.#Epe 12.5-6
33O lenei, o‘u uso e, pe a ‘outou fa‘apotopoto e ‘a‘ai, ‘ia fa‘atalitali ‘outou le tasi i le tasi; 34‘āfai fo‘i e fia ‘ai se tasi, ‘inā ‘ai ia i lona lava fale; ‘ina ne‘i ‘avea la ‘outou potopotoga ma mea e fa‘asalaina ai ‘outou. O mea o totoe ‘ou te fa‘atonu i ai pe a ‘ou alu atu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.