1 Korinito 1
1
O ‘Upu Fa‘afeiloa‘i
1O a‘u o Paulo na vala‘auina i le finagalo o le Atua e fai ma ‘aposetolo a Iesu Keriso, ‘atoa ma Sosene lo tatou uso.
2I le ekalesia a le Atua o lo‘o i Korinito, o ē ‘ua fa‘apa‘iaina ‘iā Keriso Iesu, ‘ua vala‘auina e fai ma tagata pa‘ia, ‘atoa uma ma ē vala‘au atu i le suafa o lo tatou Ali‘i o Iesu Keriso i mea uma, o lo latou Ali‘i ‘atoa ma lo tatou.#1 Kori 6.11; Galu 9.14
3‘Ia ‘iā te ‘outou le alofa tunoa ma le manuia mai le Atua lo tatou Tamā ma le Ali‘i o Iesu Keriso.#Roma 1.7
O Fa‘amanuiaga e Ala mai ‘iā Keriso
4‘Ou te fa‘afetai atu i lo‘u Atua e lē aunoa ‘ona o ‘outou, auā o le alofa tunoa o le Atua ‘ua foa‘iina mai ‘iā te ‘outou ‘iā Keriso Iesu; 5‘ina ‘ua fa‘atamao‘āigaina ‘outou e ia i mea uma, i le ‘upu ma le malamalama ‘atoa. 6e fa‘apei ‘ona fa‘amaonia le molimau ‘iā Keriso ‘iā te ‘outou; 7o lea ‘ua ‘outou lē matitiva ai i se mea alofa e tasi; a o fa‘atalitali ‘outou i le fa‘aaliga o lo tatou Ali‘i o Iesu Keriso.#Luka 17.30; 2 Tesa 1.7; Tito 2.13 8O ia fo‘i na te fa‘atumauina ‘outou se‘ia o‘o atu i le i‘uga, ‘ina ‘ia leai se mea e fa‘asalaina ai ‘outou i le aso o lo tatou Ali‘i o Iesu Keriso.#Fili 1.6; 1 Tesa 3.13; 5.23 9E fa‘amaoni le Atua, o lē ‘ua vala‘auina ‘outou ‘ina ‘ia mafuta fa‘atasi ma lona Alo o Iesu Keriso lo tatou Ali‘i.#1 Tesa 5.14; 1 Ioane 1.3
O Fe‘ese‘esega i Totonu o le Ekalesia
10Le au uso e, ‘ou te ‘ai‘oi atu ‘iā te ‘outou i le suafa o lo tatou Ali‘i o Iesu Keriso, ‘ina ‘ia tasi la ‘outou ‘upu uma lava, ‘ina ne‘i i ai ni māseiga ‘iā te ‘outou; a ‘ia maopoopo lava i le loto e tasi ma le manatu e tasi.#Fili 2.2; 3.16 11Auā ‘ua ta‘ua mai ‘outou, o‘u uso e, ‘iā te a‘u e o sa Keloē, o ‘iā te ‘outou misa. 12O lona uiga la, ‘ua ta‘ito‘atasi ‘outou ma fa‘apea ane, “O a‘u o lo sa Paulō,” “O a‘u o lo sa Apolō,” “O a‘u o lo sa Kefā,” “O a‘u o lo sa Kerisō.”#Galu 18.24, 27; 1 Kori 3.4; Ioane 1.42 13Po ‘ua vaevaeina ‘ea Keriso? Pe na fa‘asatauroina ‘ea Paulo mo ‘outou? Pe na papatisoina ‘ea ‘outou i le igoa o Paulo?
14‘Ou te fa‘afetai atu i le Atua ‘ou te le‘i papatisoina so ‘outou, na o Kiripo ma Kaio;#Galu 18.8; Roma 16.23 15‘ina ne‘i fai mai se tasi na ‘ou papatiso atu i lo‘u nei igoa. 16Na ‘ou papatisoina fo‘i le ‘āiga o Setefana; a ‘ou te lē iloa pe i ai se tasi na ‘ou papatisoina. 17Auā e le‘i ‘auina mai a‘u e Keriso e papatiso, a ‘ia folafola atu, le tala lelei, e lē o le poto i ‘upu, ‘ina ne‘i fa‘alēaogāina le satauro o Keriso.#Ioane 4.2; Mata 28.19
O Keriso o le Mana ma le Poto o le Atua
18Auā o le matā‘upu i le satauro, o le valea lea i ē o malaia, a o le mana o le Atua ‘iā te i tatou ‘ua fa‘aolaina.#2 Kori 4.3; Roma 1.16 19Auā ‘ua tusia,
“‘Ou te fa‘aumatia le poto o ē popoto,
ma ‘ou fa‘alēaogāina le atamai o ē atamamai.”#Isai 29.14
20Po o ifea le tagata poto? Po o ifea le tusi‘upu? Po o ifea le filifiliga o lenei lalolagi? E lē ‘ua ‘avea ‘ea e le Atua le poto o lenei lalolagi ma valea?#Iopu 12.17; Isai 19.12; 33.18
21Auā o le poto o le Atua, ‘ina ‘ua lē iloa le Atua e le lalolagi i lo latou poto, ‘ua finagalo ai le Atua ‘ia fa‘aolaina i le valea o le tala‘iga ē ‘ua fa‘atuatua.#Mata 11.25; Luka 8.12 22Auā o lo‘o fai mai Iutaia i se fa‘ailoga, ma Eleni o lo‘o sā‘ili i latou i le poto.#Mata 12.38; Ioane 4.48; Galu 17.18, 32 23A o i matou, ‘ua matou tala‘i atu ia Keriso na fa‘asatauroina, o le mea e tausuai ai Iutaia ma le valea ‘iā Eleni.#1 Kori 2.14; Roma 9.32 24‘Ae peita‘i o ē ‘ua vala‘auina, o Iutaia ‘atoa ma Eleni, ‘ua fai Keriso ma mana o le Atua ma poto o le Atua ‘iā te i latou. 25Auā o le valea o le Atua e sili lona poto i tagata; o le vaivai fo‘i o le Atua e sili lona malosi i tagata.#2 Kori 13.4
26‘Ia ‘outou mānatunatu i lo ‘outou vala‘auina, le ‘au uso e; e lē to‘atele o ē popoto e tusa ma le manatu o lenei lalolagi, e lē to‘atele faipule, e lē to‘atele ali‘i.#Mata 11.25; Ioane 7.48; Iako 2.1-5 27‘Ae peita‘i ‘ua filifilia e le Atua mea vālea a le lalolagi, ‘ina ‘ia fa‘amāina ē popoto, ma mea vaivai a le lalolagi ‘ua filifilia ia e le Atua e fa‘amāina ai mea malolosi. 28‘Ua filifilia e le Atua mea maulalo ma le fa‘atauva‘a i le lalolagi e o‘o i mea e leai, ‘ina ‘ia lafotūina mea o i ai. 29‘Ina ne‘i mitamita se tagata e to‘atasi i luma o le Atua.#Roma 3.27; Efe 2.9 30‘Ua āfua mai ‘iā te ia lo ‘outou ola ‘iā Keriso Iesu, o lē ‘ua tu‘uina mai e le Atua e fai ma o tatou poto, o lo tatou amiotonu ia; o lē ‘ua fa‘apa‘iaina mai; o lo tatou togiola fo‘i ia.#Iere 23.5-6; 2 Kori 5.21; Ioane 17.19 31‘Ina ‘ia fa‘apei ‘ona tusia, “O lē mitamita, ‘ia mitamita o ia i le Ali‘i.”#Iere 9.23-24
Currently Selected:
1 Korinito 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
1 Korinito 1
1
O ‘Upu Fa‘afeiloa‘i
1O a‘u o Paulo na vala‘auina i le finagalo o le Atua e fai ma ‘aposetolo a Iesu Keriso, ‘atoa ma Sosene lo tatou uso.
2I le ekalesia a le Atua o lo‘o i Korinito, o ē ‘ua fa‘apa‘iaina ‘iā Keriso Iesu, ‘ua vala‘auina e fai ma tagata pa‘ia, ‘atoa uma ma ē vala‘au atu i le suafa o lo tatou Ali‘i o Iesu Keriso i mea uma, o lo latou Ali‘i ‘atoa ma lo tatou.#1 Kori 6.11; Galu 9.14
3‘Ia ‘iā te ‘outou le alofa tunoa ma le manuia mai le Atua lo tatou Tamā ma le Ali‘i o Iesu Keriso.#Roma 1.7
O Fa‘amanuiaga e Ala mai ‘iā Keriso
4‘Ou te fa‘afetai atu i lo‘u Atua e lē aunoa ‘ona o ‘outou, auā o le alofa tunoa o le Atua ‘ua foa‘iina mai ‘iā te ‘outou ‘iā Keriso Iesu; 5‘ina ‘ua fa‘atamao‘āigaina ‘outou e ia i mea uma, i le ‘upu ma le malamalama ‘atoa. 6e fa‘apei ‘ona fa‘amaonia le molimau ‘iā Keriso ‘iā te ‘outou; 7o lea ‘ua ‘outou lē matitiva ai i se mea alofa e tasi; a o fa‘atalitali ‘outou i le fa‘aaliga o lo tatou Ali‘i o Iesu Keriso.#Luka 17.30; 2 Tesa 1.7; Tito 2.13 8O ia fo‘i na te fa‘atumauina ‘outou se‘ia o‘o atu i le i‘uga, ‘ina ‘ia leai se mea e fa‘asalaina ai ‘outou i le aso o lo tatou Ali‘i o Iesu Keriso.#Fili 1.6; 1 Tesa 3.13; 5.23 9E fa‘amaoni le Atua, o lē ‘ua vala‘auina ‘outou ‘ina ‘ia mafuta fa‘atasi ma lona Alo o Iesu Keriso lo tatou Ali‘i.#1 Tesa 5.14; 1 Ioane 1.3
O Fe‘ese‘esega i Totonu o le Ekalesia
10Le au uso e, ‘ou te ‘ai‘oi atu ‘iā te ‘outou i le suafa o lo tatou Ali‘i o Iesu Keriso, ‘ina ‘ia tasi la ‘outou ‘upu uma lava, ‘ina ne‘i i ai ni māseiga ‘iā te ‘outou; a ‘ia maopoopo lava i le loto e tasi ma le manatu e tasi.#Fili 2.2; 3.16 11Auā ‘ua ta‘ua mai ‘outou, o‘u uso e, ‘iā te a‘u e o sa Keloē, o ‘iā te ‘outou misa. 12O lona uiga la, ‘ua ta‘ito‘atasi ‘outou ma fa‘apea ane, “O a‘u o lo sa Paulō,” “O a‘u o lo sa Apolō,” “O a‘u o lo sa Kefā,” “O a‘u o lo sa Kerisō.”#Galu 18.24, 27; 1 Kori 3.4; Ioane 1.42 13Po ‘ua vaevaeina ‘ea Keriso? Pe na fa‘asatauroina ‘ea Paulo mo ‘outou? Pe na papatisoina ‘ea ‘outou i le igoa o Paulo?
14‘Ou te fa‘afetai atu i le Atua ‘ou te le‘i papatisoina so ‘outou, na o Kiripo ma Kaio;#Galu 18.8; Roma 16.23 15‘ina ne‘i fai mai se tasi na ‘ou papatiso atu i lo‘u nei igoa. 16Na ‘ou papatisoina fo‘i le ‘āiga o Setefana; a ‘ou te lē iloa pe i ai se tasi na ‘ou papatisoina. 17Auā e le‘i ‘auina mai a‘u e Keriso e papatiso, a ‘ia folafola atu, le tala lelei, e lē o le poto i ‘upu, ‘ina ne‘i fa‘alēaogāina le satauro o Keriso.#Ioane 4.2; Mata 28.19
O Keriso o le Mana ma le Poto o le Atua
18Auā o le matā‘upu i le satauro, o le valea lea i ē o malaia, a o le mana o le Atua ‘iā te i tatou ‘ua fa‘aolaina.#2 Kori 4.3; Roma 1.16 19Auā ‘ua tusia,
“‘Ou te fa‘aumatia le poto o ē popoto,
ma ‘ou fa‘alēaogāina le atamai o ē atamamai.”#Isai 29.14
20Po o ifea le tagata poto? Po o ifea le tusi‘upu? Po o ifea le filifiliga o lenei lalolagi? E lē ‘ua ‘avea ‘ea e le Atua le poto o lenei lalolagi ma valea?#Iopu 12.17; Isai 19.12; 33.18
21Auā o le poto o le Atua, ‘ina ‘ua lē iloa le Atua e le lalolagi i lo latou poto, ‘ua finagalo ai le Atua ‘ia fa‘aolaina i le valea o le tala‘iga ē ‘ua fa‘atuatua.#Mata 11.25; Luka 8.12 22Auā o lo‘o fai mai Iutaia i se fa‘ailoga, ma Eleni o lo‘o sā‘ili i latou i le poto.#Mata 12.38; Ioane 4.48; Galu 17.18, 32 23A o i matou, ‘ua matou tala‘i atu ia Keriso na fa‘asatauroina, o le mea e tausuai ai Iutaia ma le valea ‘iā Eleni.#1 Kori 2.14; Roma 9.32 24‘Ae peita‘i o ē ‘ua vala‘auina, o Iutaia ‘atoa ma Eleni, ‘ua fai Keriso ma mana o le Atua ma poto o le Atua ‘iā te i latou. 25Auā o le valea o le Atua e sili lona poto i tagata; o le vaivai fo‘i o le Atua e sili lona malosi i tagata.#2 Kori 13.4
26‘Ia ‘outou mānatunatu i lo ‘outou vala‘auina, le ‘au uso e; e lē to‘atele o ē popoto e tusa ma le manatu o lenei lalolagi, e lē to‘atele faipule, e lē to‘atele ali‘i.#Mata 11.25; Ioane 7.48; Iako 2.1-5 27‘Ae peita‘i ‘ua filifilia e le Atua mea vālea a le lalolagi, ‘ina ‘ia fa‘amāina ē popoto, ma mea vaivai a le lalolagi ‘ua filifilia ia e le Atua e fa‘amāina ai mea malolosi. 28‘Ua filifilia e le Atua mea maulalo ma le fa‘atauva‘a i le lalolagi e o‘o i mea e leai, ‘ina ‘ia lafotūina mea o i ai. 29‘Ina ne‘i mitamita se tagata e to‘atasi i luma o le Atua.#Roma 3.27; Efe 2.9 30‘Ua āfua mai ‘iā te ia lo ‘outou ola ‘iā Keriso Iesu, o lē ‘ua tu‘uina mai e le Atua e fai ma o tatou poto, o lo tatou amiotonu ia; o lē ‘ua fa‘apa‘iaina mai; o lo tatou togiola fo‘i ia.#Iere 23.5-6; 2 Kori 5.21; Ioane 17.19 31‘Ina ‘ia fa‘apei ‘ona tusia, “O lē mitamita, ‘ia mitamita o ia i le Ali‘i.”#Iere 9.23-24
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.