Sak. 6
6
Kuatru karu mesetnum mánitiai ímiaja̱i̱k wainma
1Ataksha paṉkái̱ íimiaj tukamán jimiará naint ámanum ajapéni̱ṉ kuatru karu jiiniainian wainkiamjai. Nu naintkia yaṉkú jirunu armai. 2Emka káruka kawái kapanniunam tura nuyá̱ káruka kawái mukusanam nenamu armai. 3Tura karu menaintiua núnaka kawái pújunam nuyá̱ karu kuátruka kawái yantsa tura tsake tsake apujturmanum nenamu ármayi. 4Nuya̱ṉka Yusa suntari̱ wiji̱a̱i̱ chichama nuna chicharkun “Winia uuntru ausha ¿warí ainia?” tímiajai. 5Tutai Yusa suntari̱ chichartak “Ju̱ka nayaimpinmaya̱ kuatru nase tui̱ ainia nuyá̱ Ashí Nuṉka Uuntri̱ pujamunmaya̱ jiiniainia nu áiniawai. 6Tura kawái mukusa kárun japíakainia nuka arakaani̱ wénawai. Núnisaṉ kawái puju ainia nuka mukusa kawain nemarainiawai. Ántsaṉ kawái yantsa ainia nuka nuṉkaani̱ ashiniui. 7Antsu kawái kapanniuka jíintrar nuṉkan wárikmas téntaktinian wakeriarmai.” Túmainiakui Yusa suntari̱ chicharainiak “Ashí nuṉka wekaatusrum téntaktarum” timiai. Tutai tímiatrusaṉ túrawarmai. 8Nuya̱ṉka untsurak chichartak “Iisiana, arakaani̱ wénana nuka nui̱ Winia Wakantrun shiir enentáimtikrutrarai” turutmiai.
Jusuin akuptai̱ tawaspan susamu
9Uunt Yus chichartak turutmiai 10“Papirúnianam achirar yaruakma Jertai, Tuwías, nuyá̱ Jetayas ataksha waketrar káunkar Yus súamu juuktá. Túram nu tsawantini̱ṉ Supuníasa uchirí̱ Jusíasai̱ jukim ni je̱e̱n wetá. 11Nuyá̱ kuri kuitji̱a̱i̱ tawasap najanam Yúsnan pujurniu uuntri̱ Jusuí Jusatáka uchirí̱ etseṉkrumtikiata. 12Tura Ashí Akupin Uunt Yusri̱ chichartamuk ‘Ju̱ áishmaṉka náari̱ṉkia Kanawe asa numia áintsaṉ jé̱e̱rtatui. Tura ni kaṉkapé̱ya̱ je̱e̱r Yusa Uunt Je̱e̱n je̱a̱mtiatui túramui’ titiá. 13Ni Yusa Uunt Je̱e̱n je̱a̱mtatui tura naṉkamantu úunt akupin pujus pujutai̱ri̱ya̱ akupkáttawai. Ni pujana nui̱ṉ Yúsnan pujurniusha pujustatui. Nuiṉkia mái̱mtek shiir chichasar pujusártatui. 14Yusa Uunt Je̱e̱n tawaspan takusartatna nuka Jertai, Tuwías, Jetayas nuyá̱ Supuníasa uchirí̱ Jusías amasmaiti tusar enentáimtiartatui. 15Núnisaṉ arantia̱ káunkar Yusa Uunt Je̱e̱n je̱a̱martatui. Nuja̱i̱ atumsha winia Ashí Akupin Uunt Yus atumíin akuptúkua nu nekaattarme. Túrasha atumí Yusri̱ Uunt Yus nekas tímiatrusam umirkurminkia núnis túrunattawai” tímiayi Sakarías.
Currently Selected:
Sak. 6: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Sak. 6
6
Kuatru karu mesetnum mánitiai ímiaja̱i̱k wainma
1Ataksha paṉkái̱ íimiaj tukamán jimiará naint ámanum ajapéni̱ṉ kuatru karu jiiniainian wainkiamjai. Nu naintkia yaṉkú jirunu armai. 2Emka káruka kawái kapanniunam tura nuyá̱ káruka kawái mukusanam nenamu armai. 3Tura karu menaintiua núnaka kawái pújunam nuyá̱ karu kuátruka kawái yantsa tura tsake tsake apujturmanum nenamu ármayi. 4Nuya̱ṉka Yusa suntari̱ wiji̱a̱i̱ chichama nuna chicharkun “Winia uuntru ausha ¿warí ainia?” tímiajai. 5Tutai Yusa suntari̱ chichartak “Ju̱ka nayaimpinmaya̱ kuatru nase tui̱ ainia nuyá̱ Ashí Nuṉka Uuntri̱ pujamunmaya̱ jiiniainia nu áiniawai. 6Tura kawái mukusa kárun japíakainia nuka arakaani̱ wénawai. Núnisaṉ kawái puju ainia nuka mukusa kawain nemarainiawai. Ántsaṉ kawái yantsa ainia nuka nuṉkaani̱ ashiniui. 7Antsu kawái kapanniuka jíintrar nuṉkan wárikmas téntaktinian wakeriarmai.” Túmainiakui Yusa suntari̱ chicharainiak “Ashí nuṉka wekaatusrum téntaktarum” timiai. Tutai tímiatrusaṉ túrawarmai. 8Nuya̱ṉka untsurak chichartak “Iisiana, arakaani̱ wénana nuka nui̱ Winia Wakantrun shiir enentáimtikrutrarai” turutmiai.
Jusuin akuptai̱ tawaspan susamu
9Uunt Yus chichartak turutmiai 10“Papirúnianam achirar yaruakma Jertai, Tuwías, nuyá̱ Jetayas ataksha waketrar káunkar Yus súamu juuktá. Túram nu tsawantini̱ṉ Supuníasa uchirí̱ Jusíasai̱ jukim ni je̱e̱n wetá. 11Nuyá̱ kuri kuitji̱a̱i̱ tawasap najanam Yúsnan pujurniu uuntri̱ Jusuí Jusatáka uchirí̱ etseṉkrumtikiata. 12Tura Ashí Akupin Uunt Yusri̱ chichartamuk ‘Ju̱ áishmaṉka náari̱ṉkia Kanawe asa numia áintsaṉ jé̱e̱rtatui. Tura ni kaṉkapé̱ya̱ je̱e̱r Yusa Uunt Je̱e̱n je̱a̱mtiatui túramui’ titiá. 13Ni Yusa Uunt Je̱e̱n je̱a̱mtatui tura naṉkamantu úunt akupin pujus pujutai̱ri̱ya̱ akupkáttawai. Ni pujana nui̱ṉ Yúsnan pujurniusha pujustatui. Nuiṉkia mái̱mtek shiir chichasar pujusártatui. 14Yusa Uunt Je̱e̱n tawaspan takusartatna nuka Jertai, Tuwías, Jetayas nuyá̱ Supuníasa uchirí̱ Jusías amasmaiti tusar enentáimtiartatui. 15Núnisaṉ arantia̱ káunkar Yusa Uunt Je̱e̱n je̱a̱martatui. Nuja̱i̱ atumsha winia Ashí Akupin Uunt Yus atumíin akuptúkua nu nekaattarme. Túrasha atumí Yusri̱ Uunt Yus nekas tímiatrusam umirkurminkia núnis túrunattawai” tímiayi Sakarías.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.