Sak. 12
12
Uunt Yus Jerusaréṉkan wainma
1Jú̱i̱ti Uunt Yusa chichame̱ Israer shuarnum ukunam átatna nu ujakma.
Uunt Yuska nayaimpin ayapá̱r iwiarka tura nuṉká tépakmari̱n najana núnisaṉ aentsun iwiaaku awajsámin wakaní̱n eṉketra núiti. 2“Wi Jerusaréṉnaka nijiamanch umarar nampetai piniṉkia nútikiattajai. Túramtai ashí nuṉka ayaam matsatainia nusha nampekua núnis nékakcha ajasártatui. Tura Jerusaréṉkan árenak Jutancha núnisaṉ áreṉkartatui. 3Tura ukunmaṉka Wi Jerusaréṉkan ashí nuṉkanmaya̱ shuar ayaam matsatainia núnanun kaya kijinia nútikiattajai. Túramtai ashí nuṉkanmaya̱ aents nú kaya takuitiai tusar wakeruiniakka nekemakartatui. Nuyá̱ ashí nuṉkanmaya̱ aents ainia nusha Jerusaréṉkan kajerkartatui.” 4Uunt Yus tawai “Nu tsawantinkia ni kawairi̱ncha sápij awajtúsartatjai tura nui̱ eketkainia nuka waurka ajasártatui. Nuyá̱ ashí nuṉkanmaya̱ kawái ainia núnaka ji̱n ukusturartatjai. Antsu Jutá shuari̱nkia péṉker wainkiattajai. 5Tura Jutá uuntri̱ ainia nu ni enentáimsaṉ chichainiak ‘Jerusaréṉnum pujuinia nuka ni Yusri̱ nayaimpinmaya̱ suntara Úunt Yusri̱ji̱a̱i̱ kakaram ajainiawai’ tiártatui. 6Nu tsawantin Jutá uuntri̱ ainia núnaka chíṉkim jinium pataram keana tura shirikip shana nuke̱n ekemana tímianu awajsartatjai. Tura nisha untsuurnumaani̱ nuyá̱ menanmaani̱ núnisaṉ ashí aents nui̱ téntakar pujuinia nunasha áeskartatui. Túramtai Jerusaréṉnumia̱sha ataksha nui̱ṉ pujusártatui. 7Tura Uunt Yus Jutá shuara pujutái̱ri̱n emka aṉkant awajsattawai. Tura Tawitia shuari̱ páantniuri̱ nuyá̱ Jerusaréṉnum pujuinia nu Jutá nuṉkanmaya̱ naṉkamantuja̱i̱ naṉkaamas ajaschartatui. 8Nu tsawantinkia Uunt Yus Jerusaréṉnum matsatainia nuna ayamprúkartatui. Nui̱ kakarmachu ainia nusha Tawitji̱a̱i̱ métek ajasártatui. Tura Tawitia shuari̱ṉkia Yusa ánis, kame Yusa suntari̱ eem wea núnis áiniawai. 9Núnisaṉ nu tsawantin chíkich nuṉkanmaya̱ aents Jerusaréṉnumia̱n kajerainia núnaka Wi ashí amukártatjai.
10Tura Tawitia shuari̱n nuyá̱ Jerusaréṉnum pujuinia nuna waitnenkartin tura Yus seamin enentái̱n súsartatjai. Nuya̱ṉka Winia ijiutiarmia nuna ijiumun wáinkiar kúntuts enentáimiainiak ni uchirí̱n chikichkiniak iwia̱i̱ri̱ ajakra núnis úttiartatui. 11Nu tsawantin Mikitiu pakari̱n Jatatrimiúnnum útiarmia núnisaṉ Jerusaréṉnumsha ti úttiartatui. 12-14Nu nuṉkanmaṉka aṉkant aṉkant ni shuari̱ji̱a̱i̱ṉ úttiartatui. Tawitia shuari̱ ni nuwe̱ja̱i̱, Natan shuar ni nuwe̱ja̱i̱, Riwí shuar ni nuwe̱ja̱i̱, Semái shuar ni nuwe̱ja̱i̱ núnisaṉ chíkich aents ainia nusha ni nuwe̱ja̱i̱ṉ, aṉkant aṉkant úttiartatui.
Currently Selected:
Sak. 12: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
