Wek. 3
3
Riwí shuar tura Yúsnan pujurin túrawartin
1Kame Senái nainnium Uunt Yus Muisaisan áujsamia nú tsawantinkia Muisais tura Araun shuarka ju̱ ármiayi. 2Arauna uchirí̱ náari̱ṉkia ju̱ áiniawai, iwia̱i̱ri̱ṉkia Natap tura Apiú nuyá̱ Iriasár núnisaṉ Itiamár. 3Ju̱ áiniawai Arauna uchirí̱ naari̱ asuiti ukatkar Yúsnan pujurin awajsarmaka. Kame Yúsnan pujurin pujusárat tusa ní asuitin muuknum ukatkar Yúsnan pujurin awajsarmiayi. 4Túrasha Natapka Apiuja̱i̱ náṉkamas jiji̱a̱i̱ Uunt Yus íimmianum áestuawaru ásar atsamunam Senainium uchinkia yajutmatsuk jákarmiayi. Túrunamtai Iriasár Itiamárja̱i̱ ní aparí̱sha íimmianumaṉ Yúsnan pujurin pujusármiayi. 5Nuya̱ṉka Uunt Yus Muisaisan áujuk chicharuk 6“Riwí shuar ikiankarta túram Yúsnan pujurin Araunan yaiṉkiarat niin júkiarta. 7Tura Yus Shiir Awajtai̱ Je̱e̱n Araun ju̱ túrata tutai núnisaṉ Israer shuar warí túratarum tiarmait nunasha niṉkia túrawartiniaiti. Nuna túruiniak Yus Shiir Awajtai̱ Je̱e̱n takakmasartatui. 8Tura Yus Shiir Awajtai̱ Je̱e̱n takakmainiak nui̱ takakmatai̱ jiru najankamu irunainia núnaka ashí wáinkiartatui núnisaṉ Israer shuar ju̱ túratarum tiarma nunasha ashí túrawartiniaiti. 9Tuma asamtai Riwí shuarka Araun tura Arauna uchirí̱ súsarta. Warí Israer shuarnumia̱ṉka niṉkia takamtsuk nuna pujursartiniaiti. 10Tura Araunka ni uchirí̱ji̱a̱i̱ Yúsnan pujurin árat tusam anaikiarta. Núnisaṉ chíkich aents nui̱ weankuṉka mantamnatniuiti” tímiayi.
11Tura Uunt Yus Muisaisan áujuk chicharuk 12“Jú̱ nekaata, ashí Israer shuarnumia̱ ashí iwia̱i̱ri̱ Israer shuarnum áiniana nuja̱i̱ yapaji̱áwaran Riwí shuarnaka Winia awajsaruitjiai. Tuma ásar Riwí shuarka Winia áiniawai. 13Warí, ashí iwia̱i̱ri̱ṉkia Winia áiniawai. Ejiptunam ashí iwia̱i̱ri̱n kajeṉkármiaj nu tsawantin Israer shuarnumka ashí iwia̱i̱ri̱ Winia árat tusan akankámiajai. Kame shuarsha tura taṉkusha iwia̱i̱ri̱ṉkia Winia áiniawai. Witjiai Uunt Yus” tímiayi.#3:13 Wek. 3:14-51; 4:1-49; 5:1-31 Shuar chichamnum yapaji̱áchmaiti.
Currently Selected:
Wek. 3: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
