Wek. 22
22
Parak Paraaman untsukma
1Tuma ai̱ṉ Israer shuarka jíintrar wéar Muap nuṉka pakarí̱n Jurtan entsa etsa̱ jintiainmaani̱ Jirikiú pépruja̱i̱ amaini̱ matsamkarmiayi. 2Kame Israer shuar Amurnumia̱ aentsun itiurkarmia núnaka Sépura uchirí̱ Parakka ashí wainkiamiayi. 3Tuma ásar Israer shuarka ti untsurí ásarmatai Muapka tí sapijmiakmiayi. Núnisaṉ Muapka Israer shuaran wáinkiar jakamnia nekaprar 4Matiannumia̱ uuntri̱ armia nuna chicharainiak “Jú̱ aentska tí untsurí áiniawai. Tuma ásar waaka sa̱a̱kin nuká nuká awajna nútikramas iiniu írunna nunasha nuká nukatrámu awajtúrmasartatji” tímiayi.
Kame nú tsawantinkia Sépura uchirí̱ Parak Muápnumka úunt akupin ajas pujumiayi. 5Nuya̱ṉka Parak Piura uchirí̱ Paraaman pujamunam Peturnum entsá yantam ni aentsri̱ nuṉke̱ni̱ṉ pujan untsuká utitiarum tusa aentsun chichaman akatar akuptak chicharuk “Maa nekaata, yamaikia aents Ejiptunmaya̱ jíintrar nuṉkan enetkí̱ wininiawai tura yamaikia winí̱ tíjiu̱ch naka matsamkarai. 6Tuma asamtai waitneasam tarutim jú̱ aents yumiṉkrutrarta, warí wíji̱a̱i̱ṉkia naṉkaamas kakaram áiniawai. Kame nupetkaran winia nuṉkaruí̱ya̱ṉka ji̱i̱raraintiajtai. Núnisnak ame péṉkernum yumiṉkramuka shiir awajsamuiti tura ame yajauchiniam yumiṉkramusha yajauch awajsamua nuna nékajai” tawai titiarum tímiayi. 7Tutai Muápnumia̱ tura Matian nuṉkanmaya̱ uuntri̱ armia nuka wénak nekamin akiktinian kuítian jurukiar wéarmiayi. Tura Paraaman jeariar Parak akatmampramun ujakármiayi. 8Túram Paraam chichaak “Yamái ju̱ káshikia ju̱i̱ kanartarum winia Uunt Yusur warinia turuttiata nuna ujaktajrume” tímiayi. Tutai Muap nuṉka uuntri̱ wéarmia nuka Paraamai̱ kanarármiayi. 9Tura Yus Paraaman tarí anintrak chicharuk “Amiin taara nusha ¿ya aentsua ainia?” tímiayi. 10Tutai Paraam Uunt Yusan aya̱k “Sépura uchirí̱ Parak Muap nuṉka úunt akupniuri̱ chícham ujaka ikiurtutarum tusa akupkarma tarutiar chichartuiniak 11‘Maa nekaata, yamaikia aents Ejiptunmaya̱ jíintrar nuṉkan enetkí̱ wininiawai. Tuma asamtai waitneasam tarutím jú̱ aents yumiṉkrutrarta. Kame túruttruawakmin nupetkaran winia nuṉkaruí̱ya̱ṉka ji̱i̱raraintiajtai’ tawai turutainiawai” tímiayi. 12Tutai Yus Paraaman chicharuk “Aents káunkara nuja̱i̱ weep ántsamek nu aentska yumiṉkraraip. Warí nu aentska péṉkernum yumiṉkramu áiniawai” tímiayi. 13Tutai Paraam kashin káshik nantaki̱ Parak akuprámu peṉkeri̱n armia nuna chicharainiak “Nuṉkemín waketkitiarum. Uunt Yus atumji̱a̱i̱ wétinian suritrukai” tímiayi. 14Nuya̱ṉka Muápnumia̱ peṉkeri̱ armia nuka waketrarmiayi. Tura Parak pujamunam jeawar chicharainiak “Paraamka iiji̱a̱i̱ winitniunka nakitráyi” tiármiayi.
15Nuyá̱ Parakka peṉkeri̱n emka akuprámia nuna núkap tura nuna naṉkaamas náakam armia nuna ataksha akuprámiayi. 16Tura ataksha Paraamam jeariar chicharainiak “Sépura uchirí̱ Parak chichartamuk ‘Winitricha̱i̱ṉ waitneas winitriti. 17Warí nekas ti náakam awajsattajai túran ní seattiatna núnaka ashí susattajai. Túrasha waitneasam tarutím jú̱ aents yumiṉkrutrarta’ túramui” tiármiayi. 18Túrasha Paraka takarniúri̱n Paraam chicharainiak “Kame Parak ni je̱e̱n kuít jiru tura kuri piákun surakuisha winia Yúsrun Uunt Yus akupkámunka umirtsukka uunt takatnaksha tura uchichinkisha túrachminiaitjiai. 19Túmaitkiuisha waitneasrum jú̱ kashikia ju̱i̱ṉ kanartarum. Winia Uunt Yusur ¿warí turuttiṉ? nuna nekaataj” tímiayi. 20Tura Paraaman kashi tarí Yus chicharuk “Ju̱ aents ámin juramkittsa tarutmacharaik. Tuma asamtai yamaikia wetá. Túrasha Wi títiatjamna nuke túrattame” tímiayi.
Uunt Yusa suntari̱ Paraaman jintia akirtuamu
21Tura Paraam kashin káshik ni umpururi̱n iwiar ekemak Muap nuṉkanmaya̱ uuntri̱ taarmia nuja̱i̱ wémiayi. 22Tura nisha wéakui Uunt Yus suíran ka̱e̱ kaje̱ntukmiayi. Kame Paraamka umpururi̱n ekemak wéakui ni yaintri̱ jímiar némarkamu jintiá wéan ní nemasri̱ya núnis Uunt Yusa suntari̱ wantintiukmiayi Paraaman. 23Kame Uunt Yusa suntari̱ puya̱n ukuiniak takus jintiá wajan umpuruka wainkiamiayi. Nuna wainiak umpuruka jíntiachunmaani̱ wéakui jintiak wetí tusa Paraamka umpurun asutmiayi. 24Nuyá̱ uwa arakmanumaani̱ jintia naṉkaamamunam tura mái̱ yantamen kayaja̱i̱ wénuimiunam Uunt Yusa suntari̱ṉkia wajasmiayi. 25Tura umpuruka Uunt Yusa suntari̱n wainiak wenuknum tee atuumak Paraaman nawe̱n chanuntamiayi. Túram Paraamka umpurun ataksha asutiámiayi. 26Nuyá̱ Uunt Yusa suntari̱ṉkia nu arant eem we jintia ménakmanum untsurnumaani̱sha tura menanmaani̱sha menaṉchamnia̱num nakak wajattsamiayi. 27Tura umpurusha Yusa suntari̱n wainiak Paraamka eketai̱ṉᵏⁱ tee tepesmiayi. Túrunamtai Paraam ti kajerak numiji̱a̱i̱ píi pit asutmiayi. 28Túramtai Uunt Yus umpurun ichachkiamiayi túram umpuru Paraaman chicharuk “¿Wisha amincha warí itiurkajam winia menaintiú asuttiuátniusha?” tímiayi. 29Tutai Paraam umpurun chicharuk “¡Entá urukamtai winiasha wishikram! ¡Maa puya̱n uwejruí̱ takakuitkiunka yamaik máwaintjiame!” tímiayi. 30Tutai umpuru Paraaman chicharuk “¿Enta nuikia wikia ame umpururmechukaitiaj? Kame yámak winí̱ ekemam, warí winia ayatkamna nuyá̱ ekemtursamek yamaisha tuke ekemturme. Tura nui̱sha ¿túkek jú̱tikniukaitjiam?” tutai nisha chicharuk “atsá” tímiayi.
31Nuya̱ṉka Uunt Yus Paraama íimtikmiayi. Túram Uunt Yusa suntari̱ puya̱n ukuiniak takus jintiá wajan wainkiamiayi. Nuna wainiak Paraamka tikishmar nijia̱i̱ji̱a̱i̱ nuṉkan antiastatuk tsuntsupruámiayi. 32Tura Uunt Yusa suntari̱ chicharuk “¿Urukamtai umpururmesha menaintiusha asutiam? Wats jú̱ nekaata, Wí iisam ame túramuram netse asamtai ame nemasrumea núnisan jiintiukjiame. 33Tura umpuruka waitiak wini̱ya̱ṉka menaintiú menantruki̱. Tura wini̱ya̱ wéachkui̱ṉkia wikia ámin yaunchu máawa̱a̱jme antsu umpurunka iwiaakuk ikiukia̱a̱jai” tímiayi. 34Tutai Paraam Uunt Yusa suntari̱n chicharuk “Maaj tunaan túrajai. Warí winia nákarkam jintiá ame wajamunka wikia nekaachjai. Túrasha ámiji̱a̱i̱ nu yajauchitkiuiṉkia antsu nui̱ṉkia wikia waketkitjiai” tímiayi. 35Tutai Uunt Yusa suntari̱ Paraaman chicharuk “Nu aents weena nuja̱i̱ wetá. Túrasha Wi títiatjamna nuke chichakta” tímiayi. Nui̱ṉkia Paraamsha Parak akuprámu uuntri̱ armia nuja̱i̱ wémiayi.
Paraam Israer shuaran péṉker yúmiṉma
36Kame Parakka Paraam winiawai táman antuk iṉkiuṉtaj tusa Arnun nuṉka tesamunam náṉkatkamu ayamach Muapa pépruri̱n werimiayi. 37Tura Parak Paraaman chicharuk “¿Kame wárikmas winitriti tusanka untsukchamkajam? ¿Enta urukamtai tarutchamam? ¿Kame wikia páantin naat awajsachminkiaitjiam?” tímiayi. 38Tutai Paraam áimiuk “Pai yamaikia nekaata, ámin tarijme tura yamaisha ¿Warinkísha títinian jeattajak? Túrasha chichaman Yus winia wenuruí̱ ikiustatna nunak chichaktatjai” tímiayi. 39Nuya̱ṉka Paraamka Parakja̱i̱ wéar Kiriat Jusutnum jeawarmiayi. 40Tura Parakka waakan tura murikiun aentsun mámtikiawarmiayi nuyá̱ tsupik Paraaman nuyá̱ aents peṉkeri̱ Paraamja̱i̱ pujuarmia nuna akuptúkarmiayi. 41Nuya̱ṉka kashin Parakka Paraaman jukí̱ Pamutpáar nainnium iwiakmiayi. Tura Paraamka nui̱ wajas Israer shuar aya nekant matsatainian wainkiamiayi.
Currently Selected:
Wek. 22: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Wek. 22
22
Parak Paraaman untsukma
1Tuma ai̱ṉ Israer shuarka jíintrar wéar Muap nuṉka pakarí̱n Jurtan entsa etsa̱ jintiainmaani̱ Jirikiú pépruja̱i̱ amaini̱ matsamkarmiayi. 2Kame Israer shuar Amurnumia̱ aentsun itiurkarmia núnaka Sépura uchirí̱ Parakka ashí wainkiamiayi. 3Tuma ásar Israer shuarka ti untsurí ásarmatai Muapka tí sapijmiakmiayi. Núnisaṉ Muapka Israer shuaran wáinkiar jakamnia nekaprar 4Matiannumia̱ uuntri̱ armia nuna chicharainiak “Jú̱ aentska tí untsurí áiniawai. Tuma ásar waaka sa̱a̱kin nuká nuká awajna nútikramas iiniu írunna nunasha nuká nukatrámu awajtúrmasartatji” tímiayi.
Kame nú tsawantinkia Sépura uchirí̱ Parak Muápnumka úunt akupin ajas pujumiayi. 5Nuya̱ṉka Parak Piura uchirí̱ Paraaman pujamunam Peturnum entsá yantam ni aentsri̱ nuṉke̱ni̱ṉ pujan untsuká utitiarum tusa aentsun chichaman akatar akuptak chicharuk “Maa nekaata, yamaikia aents Ejiptunmaya̱ jíintrar nuṉkan enetkí̱ wininiawai tura yamaikia winí̱ tíjiu̱ch naka matsamkarai. 6Tuma asamtai waitneasam tarutim jú̱ aents yumiṉkrutrarta, warí wíji̱a̱i̱ṉkia naṉkaamas kakaram áiniawai. Kame nupetkaran winia nuṉkaruí̱ya̱ṉka ji̱i̱raraintiajtai. Núnisnak ame péṉkernum yumiṉkramuka shiir awajsamuiti tura ame yajauchiniam yumiṉkramusha yajauch awajsamua nuna nékajai” tawai titiarum tímiayi. 7Tutai Muápnumia̱ tura Matian nuṉkanmaya̱ uuntri̱ armia nuka wénak nekamin akiktinian kuítian jurukiar wéarmiayi. Tura Paraaman jeariar Parak akatmampramun ujakármiayi. 8Túram Paraam chichaak “Yamái ju̱ káshikia ju̱i̱ kanartarum winia Uunt Yusur warinia turuttiata nuna ujaktajrume” tímiayi. Tutai Muap nuṉka uuntri̱ wéarmia nuka Paraamai̱ kanarármiayi. 9Tura Yus Paraaman tarí anintrak chicharuk “Amiin taara nusha ¿ya aentsua ainia?” tímiayi. 10Tutai Paraam Uunt Yusan aya̱k “Sépura uchirí̱ Parak Muap nuṉka úunt akupniuri̱ chícham ujaka ikiurtutarum tusa akupkarma tarutiar chichartuiniak 11‘Maa nekaata, yamaikia aents Ejiptunmaya̱ jíintrar nuṉkan enetkí̱ wininiawai. Tuma asamtai waitneasam tarutím jú̱ aents yumiṉkrutrarta. Kame túruttruawakmin nupetkaran winia nuṉkaruí̱ya̱ṉka ji̱i̱raraintiajtai’ tawai turutainiawai” tímiayi. 12Tutai Yus Paraaman chicharuk “Aents káunkara nuja̱i̱ weep ántsamek nu aentska yumiṉkraraip. Warí nu aentska péṉkernum yumiṉkramu áiniawai” tímiayi. 13Tutai Paraam kashin káshik nantaki̱ Parak akuprámu peṉkeri̱n armia nuna chicharainiak “Nuṉkemín waketkitiarum. Uunt Yus atumji̱a̱i̱ wétinian suritrukai” tímiayi. 14Nuya̱ṉka Muápnumia̱ peṉkeri̱ armia nuka waketrarmiayi. Tura Parak pujamunam jeawar chicharainiak “Paraamka iiji̱a̱i̱ winitniunka nakitráyi” tiármiayi.
15Nuyá̱ Parakka peṉkeri̱n emka akuprámia nuna núkap tura nuna naṉkaamas náakam armia nuna ataksha akuprámiayi. 16Tura ataksha Paraamam jeariar chicharainiak “Sépura uchirí̱ Parak chichartamuk ‘Winitricha̱i̱ṉ waitneas winitriti. 17Warí nekas ti náakam awajsattajai túran ní seattiatna núnaka ashí susattajai. Túrasha waitneasam tarutím jú̱ aents yumiṉkrutrarta’ túramui” tiármiayi. 18Túrasha Paraka takarniúri̱n Paraam chicharainiak “Kame Parak ni je̱e̱n kuít jiru tura kuri piákun surakuisha winia Yúsrun Uunt Yus akupkámunka umirtsukka uunt takatnaksha tura uchichinkisha túrachminiaitjiai. 19Túmaitkiuisha waitneasrum jú̱ kashikia ju̱i̱ṉ kanartarum. Winia Uunt Yusur ¿warí turuttiṉ? nuna nekaataj” tímiayi. 20Tura Paraaman kashi tarí Yus chicharuk “Ju̱ aents ámin juramkittsa tarutmacharaik. Tuma asamtai yamaikia wetá. Túrasha Wi títiatjamna nuke túrattame” tímiayi.
Uunt Yusa suntari̱ Paraaman jintia akirtuamu
21Tura Paraam kashin káshik ni umpururi̱n iwiar ekemak Muap nuṉkanmaya̱ uuntri̱ taarmia nuja̱i̱ wémiayi. 22Tura nisha wéakui Uunt Yus suíran ka̱e̱ kaje̱ntukmiayi. Kame Paraamka umpururi̱n ekemak wéakui ni yaintri̱ jímiar némarkamu jintiá wéan ní nemasri̱ya núnis Uunt Yusa suntari̱ wantintiukmiayi Paraaman. 23Kame Uunt Yusa suntari̱ puya̱n ukuiniak takus jintiá wajan umpuruka wainkiamiayi. Nuna wainiak umpuruka jíntiachunmaani̱ wéakui jintiak wetí tusa Paraamka umpurun asutmiayi. 24Nuyá̱ uwa arakmanumaani̱ jintia naṉkaamamunam tura mái̱ yantamen kayaja̱i̱ wénuimiunam Uunt Yusa suntari̱ṉkia wajasmiayi. 25Tura umpuruka Uunt Yusa suntari̱n wainiak wenuknum tee atuumak Paraaman nawe̱n chanuntamiayi. Túram Paraamka umpurun ataksha asutiámiayi. 26Nuyá̱ Uunt Yusa suntari̱ṉkia nu arant eem we jintia ménakmanum untsurnumaani̱sha tura menanmaani̱sha menaṉchamnia̱num nakak wajattsamiayi. 27Tura umpurusha Yusa suntari̱n wainiak Paraamka eketai̱ṉᵏⁱ tee tepesmiayi. Túrunamtai Paraam ti kajerak numiji̱a̱i̱ píi pit asutmiayi. 28Túramtai Uunt Yus umpurun ichachkiamiayi túram umpuru Paraaman chicharuk “¿Wisha amincha warí itiurkajam winia menaintiú asuttiuátniusha?” tímiayi. 29Tutai Paraam umpurun chicharuk “¡Entá urukamtai winiasha wishikram! ¡Maa puya̱n uwejruí̱ takakuitkiunka yamaik máwaintjiame!” tímiayi. 30Tutai umpuru Paraaman chicharuk “¿Enta nuikia wikia ame umpururmechukaitiaj? Kame yámak winí̱ ekemam, warí winia ayatkamna nuyá̱ ekemtursamek yamaisha tuke ekemturme. Tura nui̱sha ¿túkek jú̱tikniukaitjiam?” tutai nisha chicharuk “atsá” tímiayi.
31Nuya̱ṉka Uunt Yus Paraama íimtikmiayi. Túram Uunt Yusa suntari̱ puya̱n ukuiniak takus jintiá wajan wainkiamiayi. Nuna wainiak Paraamka tikishmar nijia̱i̱ji̱a̱i̱ nuṉkan antiastatuk tsuntsupruámiayi. 32Tura Uunt Yusa suntari̱ chicharuk “¿Urukamtai umpururmesha menaintiusha asutiam? Wats jú̱ nekaata, Wí iisam ame túramuram netse asamtai ame nemasrumea núnisan jiintiukjiame. 33Tura umpuruka waitiak wini̱ya̱ṉka menaintiú menantruki̱. Tura wini̱ya̱ wéachkui̱ṉkia wikia ámin yaunchu máawa̱a̱jme antsu umpurunka iwiaakuk ikiukia̱a̱jai” tímiayi. 34Tutai Paraam Uunt Yusa suntari̱n chicharuk “Maaj tunaan túrajai. Warí winia nákarkam jintiá ame wajamunka wikia nekaachjai. Túrasha ámiji̱a̱i̱ nu yajauchitkiuiṉkia antsu nui̱ṉkia wikia waketkitjiai” tímiayi. 35Tutai Uunt Yusa suntari̱ Paraaman chicharuk “Nu aents weena nuja̱i̱ wetá. Túrasha Wi títiatjamna nuke chichakta” tímiayi. Nui̱ṉkia Paraamsha Parak akuprámu uuntri̱ armia nuja̱i̱ wémiayi.
Paraam Israer shuaran péṉker yúmiṉma
36Kame Parakka Paraam winiawai táman antuk iṉkiuṉtaj tusa Arnun nuṉka tesamunam náṉkatkamu ayamach Muapa pépruri̱n werimiayi. 37Tura Parak Paraaman chicharuk “¿Kame wárikmas winitriti tusanka untsukchamkajam? ¿Enta urukamtai tarutchamam? ¿Kame wikia páantin naat awajsachminkiaitjiam?” tímiayi. 38Tutai Paraam áimiuk “Pai yamaikia nekaata, ámin tarijme tura yamaisha ¿Warinkísha títinian jeattajak? Túrasha chichaman Yus winia wenuruí̱ ikiustatna nunak chichaktatjai” tímiayi. 39Nuya̱ṉka Paraamka Parakja̱i̱ wéar Kiriat Jusutnum jeawarmiayi. 40Tura Parakka waakan tura murikiun aentsun mámtikiawarmiayi nuyá̱ tsupik Paraaman nuyá̱ aents peṉkeri̱ Paraamja̱i̱ pujuarmia nuna akuptúkarmiayi. 41Nuya̱ṉka kashin Parakka Paraaman jukí̱ Pamutpáar nainnium iwiakmiayi. Tura Paraamka nui̱ wajas Israer shuar aya nekant matsatainian wainkiamiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.