Mat. 8
8
Jesus tunamárun tsuarma
(Mar. 1:40-45; Ruk. 5:12-16)
1Jesus muraya̱ támatai untsurí shuar Nin nemariarmiayi. 2Nui̱ shuar tunamáru Jesusan jearin tikishmátramiayi. Tura chichaak “Uuntá, wakerakmeka tsuáramniaitme.” 3Tutai Jesus uwejé̱ja̱i̱ antiṉ chicharuk “Wakerajai. Péṉker ajasta” tutai ni tunamármari̱ya̱ péṉker ajasmiayi. 4Tura Jesus chichaak “Pai, peṉké etserkaip. Áyatik Yúsnan pujurniuí̱ iniakmamsam ashí shuar nekaawarti tusam Muisais timia nu susata” tímiayi.
Jesus suntara uchirí̱n tsuarma
(Ruk. 7:1-10)
5Jesus Kapernáumnum waya̱mtai apachi suntara uuntri̱ Nin tarí 6chicharuk “Uuntá, Winia uchir tampemar je̱á̱ tepes ti wait ajá tepawai” 7tutai Jesus chicharuk “Ayu, wini̱n tsuartajai” tímiayi. 8Takui̱ uuntri̱ chichaak “Uuntá, Ame ti naṉkamantu asam winia je̱a̱rui̱ waya̱chminiaitme. Áyatik ‘Péṉker ajasti’ tákumni̱ṉ winia uchir péṉker ajatrústatui. 9Iistá, winiasha akuptuiniatsuk tura wisha suntaran akupénatsjak. Ju̱na ‘Wetá’ takui̱ wéawai. Tura chikichnasha ‘Winitiá’ tutai winiawai. Tura takartinian ‘Ju̱ túrata’ tutai umíawai” tímiayi.
10Suntara uuntri̱ takui̱ Jesus “Ausha imiá shiiraitia” tu enentáimtak Nin nemarainian chicharainiak “Nekasan tájarme, Israer shuar Yusan tímiatrus enentáimtinian wáinkiachuitjiai. 11Maa, yajaya̱ untsurí shuar Yus akupeana nui̱ jeawar Aprajámja̱i̱sha Isakja̱i̱sha Jakupja̱i̱sha iruntrar yurumáwartatui. 12Tura Israer shuarsha Yusai̱ jeamnia áiniayat a̱a̱ kiritniunam ajapnawartatui. Nui̱ ti útkur tura tí waitsatin átatui” tímiayi. 13Nuyá̱ Jesus suntara úuntri̱n chicharuk “Je̱e̱miin waketkitia. Nekas enentáimtursa asakmin uchiram péṉker ajatrámsattawai” tímiayi. Nu chichamtaik ni uchirí̱ péṉker ajatsamiayi.
Jesus Pitru tsatsarí̱n tsuarma
(Mar. 1:29-31; Ruk. 4:38-39)
14Jesus Pitru je̱e̱n we Pitru tsatsarí̱n tsuemuja̱i̱ jaa tepan wainkiamiayi. 15Tura ni uwejé̱n antiṉkiam tsué̱mun michatramiayi. Tura nuwa̱ nantakin ashí ajamsarmiayi.
Jesus untsurí jáinian tsuarma
(Mar. 1:32-34; Ruk. 4:40-41)
16Kashi ajasmatai yajauch wakantrukarun Jesusan itiariármiayi. Tura nu yajauch wakaní̱n chikichík chichamja̱i̱ chicharas ji̱i̱ki̱ akupiármiayi. Ashí jáiniancha tsuararmiayi. 17Yúsnan etserin Isayas “Ii pimpirmári̱ncha ii suṉkuri̱ncha jurutrámkimiaji” yaunchu timia nu uminkiati tusa nu túrunamiayi.Isa. 53:4
Jesus nemarsatin
(Ruk. 9:57-62)
18Shuar untsurí Jesusan káutkarmatai “Entsa amain katiṉtai” tímiayi. 19Nui̱ Israer shuara jintinniuri̱ Jesusan tarí chicharuk “Uuntá, Ame tui̱ wéam nui̱sha nemarsattajme” 20tutai Jesus chichaak “Ku̱janchmasha ni pujutái̱ri̱n tura chiṉkisha pasuṉke̱n takakainiatsuk. Tura Wi Yusai̱ya̱itiatan tepestintrusha atsawai” tímiayi. 21Nin nemarniusha chicharuk “Uuntá, emka winia aparun iwiarsan ikiutjai” 22tutai Jesus chicharuk “Nemartusta. Wakannium jaka ainia nu nú jakanka iwiarsarti” tímiayi.
Nasesha entsasha Jesusan umirkarma
(Mar. 4:35-41; Ruk. 8:22-25)
23Nuyá̱ Jesus uunt kanunam eṉkemámtai ni unuiniamuri̱sha nemariarmiayi. 24Nui̱ nase ti kakaram násenkui antumiaṉ ti tamparintin ajas entsa kanunam yaráná piákmiayi. Túmai̱ṉ Jesuska kanunam kanú eṉkemiayi. 25Nuyá̱ ni unuiniamuri̱ sapijmiakar Jesusan ishintiainiak “¡Uuntá, waya̱ji uwemtikkiarturta. Jákartatji!” tiármiayi. 26Tuíniakui Jesus chichaak “¿Urukamtai timiá ashamarum Yus enentáimtutskesha?” tinia wajaki̱ nasencha entsancha chicharkamiayi. Túram mash miyaaku ajasmiayi. 27Nuna wáinkiar ni unuiniamuri̱ ti enentáimsar chichainiak “Ju̱sha ¿warí áentsuit? Nasesha entsasha Nin umirainiatsuk” tiármiayi.
Jataranam Jesus yajauch wakantrukun tsuarma
(Mar. 5:1-20; Ruk. 8:26-39)
28Nuyá̱ Jesus entsá amaini̱ katiṉ Jataranam jeamiayi. Nui̱ jimiará shuar yajauch wakantruku jaka iwiartai̱nium matsamin Jesusan tariarmiayi. Mai̱ yajauch wakantruku ásar ti kajen ármiayi. Tuma asamtai nú jintianam yaaksha naṉkaamachu ármiayi. 29Nisha Jesusan wáinkiar kakantar chicharainiak “¿Warí pujuram iiji̱a̱i̱, Jesusá, Yusa Uchirí̱a. Tsawant jeatsa̱i̱ṉ iin amukratkataj tusamek taum?” tiármiayi. 30Nui̱ arant kuchi untsurí shushuṉmak yujarmiayi. 31Yajauch wakancha Jesusan seainiak “Ji̱i̱ki̱ akupkartakmeka kuchiniam waya̱tin tsaṉkatkartukta” tiármiayi. 32Tutai Jesus “Pai, wetarum” tímiayi. Yajauch wakancha shuara enentái̱ya̱ jíinkiar kuchiniam eṉkemáwarmiayi. Túramtai kuchi wáurkiar aráu̱ utsanamiayi. Nuyá̱ entsá iniaṉkar jakerarmiayi.
33Kuchí wainniusha nuna ashamkar péprunam tseke wéarmiayi. Nui̱ jeawar ashí túrunamun etserkarmiayi. Yajauch wakantrukun péṉker ajasmancha etserkarmiayi. 34Nuyá̱ ashí nú peprunmaya̱ shuar Jesusan iṉkiuṉtai tusar ashinkiarmiayi. Tura iṉkiuṉkar ni nuṉke̱ya̱ waketkiti tusar seawarmiayi.
Currently Selected:
Mat. 8: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Mat. 8
8
Jesus tunamárun tsuarma
(Mar. 1:40-45; Ruk. 5:12-16)
1Jesus muraya̱ támatai untsurí shuar Nin nemariarmiayi. 2Nui̱ shuar tunamáru Jesusan jearin tikishmátramiayi. Tura chichaak “Uuntá, wakerakmeka tsuáramniaitme.” 3Tutai Jesus uwejé̱ja̱i̱ antiṉ chicharuk “Wakerajai. Péṉker ajasta” tutai ni tunamármari̱ya̱ péṉker ajasmiayi. 4Tura Jesus chichaak “Pai, peṉké etserkaip. Áyatik Yúsnan pujurniuí̱ iniakmamsam ashí shuar nekaawarti tusam Muisais timia nu susata” tímiayi.
Jesus suntara uchirí̱n tsuarma
(Ruk. 7:1-10)
5Jesus Kapernáumnum waya̱mtai apachi suntara uuntri̱ Nin tarí 6chicharuk “Uuntá, Winia uchir tampemar je̱á̱ tepes ti wait ajá tepawai” 7tutai Jesus chicharuk “Ayu, wini̱n tsuartajai” tímiayi. 8Takui̱ uuntri̱ chichaak “Uuntá, Ame ti naṉkamantu asam winia je̱a̱rui̱ waya̱chminiaitme. Áyatik ‘Péṉker ajasti’ tákumni̱ṉ winia uchir péṉker ajatrústatui. 9Iistá, winiasha akuptuiniatsuk tura wisha suntaran akupénatsjak. Ju̱na ‘Wetá’ takui̱ wéawai. Tura chikichnasha ‘Winitiá’ tutai winiawai. Tura takartinian ‘Ju̱ túrata’ tutai umíawai” tímiayi.
10Suntara uuntri̱ takui̱ Jesus “Ausha imiá shiiraitia” tu enentáimtak Nin nemarainian chicharainiak “Nekasan tájarme, Israer shuar Yusan tímiatrus enentáimtinian wáinkiachuitjiai. 11Maa, yajaya̱ untsurí shuar Yus akupeana nui̱ jeawar Aprajámja̱i̱sha Isakja̱i̱sha Jakupja̱i̱sha iruntrar yurumáwartatui. 12Tura Israer shuarsha Yusai̱ jeamnia áiniayat a̱a̱ kiritniunam ajapnawartatui. Nui̱ ti útkur tura tí waitsatin átatui” tímiayi. 13Nuyá̱ Jesus suntara úuntri̱n chicharuk “Je̱e̱miin waketkitia. Nekas enentáimtursa asakmin uchiram péṉker ajatrámsattawai” tímiayi. Nu chichamtaik ni uchirí̱ péṉker ajatsamiayi.
Jesus Pitru tsatsarí̱n tsuarma
(Mar. 1:29-31; Ruk. 4:38-39)
14Jesus Pitru je̱e̱n we Pitru tsatsarí̱n tsuemuja̱i̱ jaa tepan wainkiamiayi. 15Tura ni uwejé̱n antiṉkiam tsué̱mun michatramiayi. Tura nuwa̱ nantakin ashí ajamsarmiayi.
Jesus untsurí jáinian tsuarma
(Mar. 1:32-34; Ruk. 4:40-41)
16Kashi ajasmatai yajauch wakantrukarun Jesusan itiariármiayi. Tura nu yajauch wakaní̱n chikichík chichamja̱i̱ chicharas ji̱i̱ki̱ akupiármiayi. Ashí jáiniancha tsuararmiayi. 17Yúsnan etserin Isayas “Ii pimpirmári̱ncha ii suṉkuri̱ncha jurutrámkimiaji” yaunchu timia nu uminkiati tusa nu túrunamiayi.Isa. 53:4
Jesus nemarsatin
(Ruk. 9:57-62)
18Shuar untsurí Jesusan káutkarmatai “Entsa amain katiṉtai” tímiayi. 19Nui̱ Israer shuara jintinniuri̱ Jesusan tarí chicharuk “Uuntá, Ame tui̱ wéam nui̱sha nemarsattajme” 20tutai Jesus chichaak “Ku̱janchmasha ni pujutái̱ri̱n tura chiṉkisha pasuṉke̱n takakainiatsuk. Tura Wi Yusai̱ya̱itiatan tepestintrusha atsawai” tímiayi. 21Nin nemarniusha chicharuk “Uuntá, emka winia aparun iwiarsan ikiutjai” 22tutai Jesus chicharuk “Nemartusta. Wakannium jaka ainia nu nú jakanka iwiarsarti” tímiayi.
Nasesha entsasha Jesusan umirkarma
(Mar. 4:35-41; Ruk. 8:22-25)
23Nuyá̱ Jesus uunt kanunam eṉkemámtai ni unuiniamuri̱sha nemariarmiayi. 24Nui̱ nase ti kakaram násenkui antumiaṉ ti tamparintin ajas entsa kanunam yaráná piákmiayi. Túmai̱ṉ Jesuska kanunam kanú eṉkemiayi. 25Nuyá̱ ni unuiniamuri̱ sapijmiakar Jesusan ishintiainiak “¡Uuntá, waya̱ji uwemtikkiarturta. Jákartatji!” tiármiayi. 26Tuíniakui Jesus chichaak “¿Urukamtai timiá ashamarum Yus enentáimtutskesha?” tinia wajaki̱ nasencha entsancha chicharkamiayi. Túram mash miyaaku ajasmiayi. 27Nuna wáinkiar ni unuiniamuri̱ ti enentáimsar chichainiak “Ju̱sha ¿warí áentsuit? Nasesha entsasha Nin umirainiatsuk” tiármiayi.
Jataranam Jesus yajauch wakantrukun tsuarma
(Mar. 5:1-20; Ruk. 8:26-39)
28Nuyá̱ Jesus entsá amaini̱ katiṉ Jataranam jeamiayi. Nui̱ jimiará shuar yajauch wakantruku jaka iwiartai̱nium matsamin Jesusan tariarmiayi. Mai̱ yajauch wakantruku ásar ti kajen ármiayi. Tuma asamtai nú jintianam yaaksha naṉkaamachu ármiayi. 29Nisha Jesusan wáinkiar kakantar chicharainiak “¿Warí pujuram iiji̱a̱i̱, Jesusá, Yusa Uchirí̱a. Tsawant jeatsa̱i̱ṉ iin amukratkataj tusamek taum?” tiármiayi. 30Nui̱ arant kuchi untsurí shushuṉmak yujarmiayi. 31Yajauch wakancha Jesusan seainiak “Ji̱i̱ki̱ akupkartakmeka kuchiniam waya̱tin tsaṉkatkartukta” tiármiayi. 32Tutai Jesus “Pai, wetarum” tímiayi. Yajauch wakancha shuara enentái̱ya̱ jíinkiar kuchiniam eṉkemáwarmiayi. Túramtai kuchi wáurkiar aráu̱ utsanamiayi. Nuyá̱ entsá iniaṉkar jakerarmiayi.
33Kuchí wainniusha nuna ashamkar péprunam tseke wéarmiayi. Nui̱ jeawar ashí túrunamun etserkarmiayi. Yajauch wakantrukun péṉker ajasmancha etserkarmiayi. 34Nuyá̱ ashí nú peprunmaya̱ shuar Jesusan iṉkiuṉtai tusar ashinkiarmiayi. Tura iṉkiuṉkar ni nuṉke̱ya̱ waketkiti tusar seawarmiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.