Mat. 27
27
Piratuí̱ Jesusan júkiarma
(Mar. 15:1; Ruk. 23:1-2; Jṉ. 18:28-32)
1Kashin tsawa̱rmatai Yúsnan pujurniu úuntri̱sha Israer shuara úuntri̱sha Jesus maatai tiármiayi. 2Tiar Jesusan jiṉkiawar apachi úuntri̱n Punsiu Piratuí̱ júkiarmiayi.
Jútas mámamu
3Jútas Jesusan suruk tura maatai tuinian antuk atak enentáimiar traintia kuítian Yúsnan pujurniu úuntri̱ncha Israer shuara úuntri̱ncha awaṉtukiarmiayi. 4Tura chichaak “Nu áishmaṉ tunaarinchan mátarum tusan surukan wi sumamajai” takui̱ chicharainiak “Nusha íiji̱a̱i̱sha warí urukatiṉ. Nuka amek íischatniukaitiam.” 5Tinia Jútas nui̱ Yusa Uunt Je̱e̱ kuítian utsaṉ ikiuak nuyá̱ we kajempramiayi. 6Nuyá̱ Yúsnan pujurniu uuntri̱ nu kuítian júukar chichaak “Ju̱ kuit shuar sumakma asamtai Yusa kuítri̱ji̱a̱i̱ irurchamniaiti.” 7Tura nuamtak áujmatsar “nuṉka sumaktai” tiar Nuwe Najantai nuṉkan sumakarmiayi yajaya̱ shuar nui̱ iwiarsatniun. 8Shuar sumakma kuitji̱a̱i̱ sumakma asamtai yamaisha Numpá Nuṉka tuke tuíniawai. 9-10Nuja̱i̱ yaunchu Yúsnan etserin Jirimías timia nu uminkiamiayi “Uunt Yus turutmia núnisaṉ túrawarmiayi. Israer shuar traintia kuítian seawarmatai nuna akantrar nuja̱i̱ Nuwe Najantai nuṉkan sumakarmiayi.” Sak. 11:12-13
Piratu Jesusan aniasma
(Mar. 15:2-5; Ruk. 23:3-5; Jṉ. 18:33-38)
11Jesusan apachi úuntri̱i̱n ejeniarmatai ni aniasmiayi “¿Nekasmek Israer shuara úunt akupniuri̱ntiam?” tutai Jesus “Ame támena nuitjiai” tímiayi. 12Nuyá̱ Yúsnan pujurniu úuntri̱sha Israer shuara úuntri̱sha sumamtikia Jesus pachischamiayi. 13Nuyá̱ Piratu chichaak “Ashí yajauch chichartamainia nu ¿anturmammek?” 14Tútaisha Jesus peṉké áimkiachmiayi. Túmakui̱ akupin ti enentáimiar títinian nekaachmiayi.
Piratu Jesusan “mantamnati” timia
(Mar. 15:6-20; Ruk. 23:13-25; Jṉ. 18:39—19:16)
15Námper tsawantin apachi uuntri̱ Israer shuar shiir enentáimprarat tusa sepunam eṉketun shuar wakeramun ji̱i̱ki̱ aṉkant akupniuyayi. 16Nui̱ sepunam tunáa shuar Parapás náartin pujumiayi. Ashí shuar nékarmiayi. 17Tuma asamtai Piratu Israer shuar iruntrarun aniasmiayi “¿Yana aṉkant akupkat tusarum wakerarum. Parapásnak akupkáttaj, Kristu tutai Jesusnak akupkáttaj?” tímiayi. 18Kame Israer shuar ántar kajerainiak ni itiarmia nuna nekaamiayi.
19Tura Piratu sumamtiktai̱ pujutai̱nium pujus inintrak pujái̱ ni nua̱rí̱ chichaman akuptak “Ju̱ péṉker áishmaṉ súmamtikiatniunam pachinkiaip. Ni áitkiawartinian mesé mesekramkuan wáitsan tsawa̱rjai” tímiayi. 20Túrasha Yúsnan pujurniu úuntri̱sha Israer shuara úuntri̱sha “Parapás aṉkant wetí tura Jesus mantamnati” titiarum tusar shuaran akatrarmiayi. 21Apachi akupniúri̱ ataksha aniasarmiayi “Ju̱ jimiará aentsun ¿yana aṉkant akupkat tusarum wakerarum?” tutai “Parapás” tiármiayi. 22Takui̱ aniasarmiayi “Jesusnasha Yusa Anaikiamuri̱ Kristu tuinia nunasha ¿itiurkattaja?” tutai ashí aents “Krúsnum maatá” tiármiayi. 23Tuíniakui Piratu chicharainiak “¿Warí yajauchinia túrait?” tutai kakantar untsumuk “Krúsnum maatá” tiármiayi.
24Tura Piratu Jesus uwemtikrachminiaitkiui antsu ashí shuar charaatum ajainiakui entsa uturtitiarum tusa seamiayi. Tura ashí iimiainiai̱ṉ ikijmiak chichaak “Ju̱ péṉker áishmaṉ mátniunam wikia pachintsujai. Antsu atumek iistarum.” 25Tutai ashí shuar chicharainiak “Iik ii shuari̱ji̱a̱i̱ ju̱ áishmaṉka numpé̱ makurtatji” tiármiayi.
26Nuyá̱ Piratu Parapásan aṉkant akupkámiayi. Tura Jesus asutiárum krúsnum mátarum tusa akupkámiayi. 27Nuyá̱ akupin pujutai̱ je̱a̱nam akupniu suntari̱ Jesusan júkiar ashí suntaraim irunturarmiayi. 28Tura pushiri̱ áitkiar akupin entsatáin kapa̱a̱ku pushin áentsrarmiayi. 29Muuknumsha tawasap jaṉkiji̱a̱i̱ najanamun etseṉkrumtikiarmiayi. Tura karisun akupniu numiri̱ya ániun untsuurí̱ni̱ ataksarmiayi. Túrawar wishikiainiak tikishmátrar chicharainiak “Israer shuara úunt akupniuri̱nme” 30tiar usukiármiayi. Tura karisun jurukiar muuknum awatiármiayi. 31Tura núkap wishikrar kapa̱a̱ku pushin áitkiar ni pushiri̱n áentsrarmiayi. Nuyá̱ krúsnum maatai tusar júkiarmiayi.
Jesus krúsnum maamu
(Mar. 15:21-32; Ruk. 23:26-43; Jṉ. 19:17-27)
32Jesusan jukí̱ wésar Serini nuṉkanmaya̱ shuaran, ni naari̱ Semuṉ Jesusa krúsri̱n jurukit tusar achikiármiayi. 33Nuyá̱ Kúrkutanam ejeniarmiayi. Kúrkutaka, shuar chichamja̱i̱ṉkia muuka ukunch tutainti. 34Nui̱ Jesusan winiu yapaja̱i̱ pachimpra najanamun áartaj tusar súsarmiayi. Tura Jesus apas iis umarchamiayi.
35Krúsnum ajintrurar suntar yaki Jesusa pushiri̱n jukit tusar nakurúsar awakmakua nuna súsarmiayi. Núja̱i̱ṉkia yaunchu Yúsnan etserin aarmia nu uminkiamiayi “Winia entsarmarun akantrarmiayi tura nakurúsar awakmakua nuna winia pushirun súsarmiayi.” YKan. 22:18 36Nuyá̱ wáinkiatai tusar pujursarmiayi. 37Tura urukamtai máamuit ashí aents nekaawarti tusa áarman muuknumaani̱ anujtúkarmiayi. JU̱I̱TI JESUS, ISRAERA ÚUNT AKUPNIURI̱ Tu áarmauyayi.
38Núnisaṉ Niji̱a̱i̱ métek jimiará kasa chikichkin untsuurnumaani̱ tura chikichnasha menanmaani̱ krúsnum máwarmiayi. 39Shuar nui̱ naṉkaamainiak muuke̱n pe̱a̱shim wishikiainiak 40“Ame Yusa Uunt Je̱e̱ sá̱a̱kim menaintiú tsawantin je̱a̱mtatjai tichakaitiam. Nekas Yusa Uchirí̱nkiumka krúsnumia̱ akaikim uwemprata” tiármiayi.
41Núnisaṉ Yúsnan pujurniu úuntri̱sha Israer shuara jintinniuri̱sha Pariséusha tura Israer shuara úuntri̱sha Jesusan wishikiainiak nuamtak chichainiak 42“Chikichnaka uwemtikraiti tura Níṉkikia uwemtsui. Israera Úunt Akupniuri̱ntkiuṉka krúsnumia̱ akaikímtai nekas enentáimtustatji. 43Yusan nekas enentáimtiniaitjiai tawai. Wátsek, Yus nekas Nin aneakka uwemtikrati. ‘Wi Yusa Uchirí̱ntjiai’ turamchamkajⁱ” tiármiayi. 44Kasá shuarsha Niji̱a̱i̱ ajintruamu armia nusha Nin wishikrarmiayi.
Jesus jakamu
(Mar. 15:33-41; Ruk. 23:44-49; Jṉ. 19:28-30)
45Nuyá̱ tutupin ai̱ tee ajasmiayi. Túrunayat ataksha aaṉku tsáapin ajasmiayi. 46Nuní̱ ai̱ Jesus kakantar untsumkamiayi. “Erí, Erí, rama sapaktáni” YKan. 22:1 tímiayi. Nusha “Yusru, Yusru, ¿urukamtai ajapa ikiurkiniam?” Isa. 53:10 tawai. 47Shuar nui̱ wajarmia nusha nuna enentáimtsuk antukar chicharainiak “Yaunchu Yúsnan etserniun Iríasan untsúawai.” 48Tura chikichik tsékeṉki̱ we uruchín itiamiayi. Tura churuinian ajamper sapapja̱i̱ ijiú mukunati tusa susamiayi. 49Tura chikitcha wíshikiak chichaak “Iniaisata, Irías tarí uwemtikratpiash” tiármiayi.
50Jesus ataksha kakantar untsumak nuya̱ṉka jakamiayi. 51Nu chichamaik Yusa Uunt Je̱e̱ tarach ejamu yakiní̱ya̱ nuṉkaani̱ ja̱a̱nakmiayi. Nuṉkasha ú̱u̱rkamiayi. Kayasha jakukarmiayi. 52Núnisaṉ iwiarsamusha uraniarmatai untsurí Yus shuar jákarusha nantakiarmiayi. 53Nusha emka Jesus nantakmiatai nisha nantakiar iwiarsamun ikiukiar Yusa pépruri̱n Jerusaréṉnum waya̱warmatai untsurí shuar wáinkiarmiayi.
54Nuyá̱ suntar Jesusan wáinkiarmia nusha tura ni úuntri̱ṉkia nuṉka ú̱u̱rkamtai nuyá̱ chikitcha ashammai ajasmatai ti sapijmiakarmiayi. Tura chichaak “Ju̱ áishmaṉ nekas Yusa Uchirí̱nti” tiármiayi.
55Nui̱sha nuwa̱ Jesusan nemariarmia nu, arant wajasar ii wajarmiayi. Nusha Kariréanmaya̱ pataatukiar Jesusan yaiṉki̱ ejeniarmiayi. 56Nuja̱i̱ Máktaranmaya̱ Marisha, Sepetéu nuwe̱sha tura chíkich Marisha ármiayi. Chíkich Marikia Sántiaknasha tura Jusencha nukurí̱yayi.
Jesus iwiarsamu
(Mar. 15:42-47; Ruk. 23:50-56; Jṉ. 19:38-42)
57Kí̱arai̱ shuar ti kuítrintin Arimatéa peprunmaya̱ ni naari̱ Jusé támiayi. Nusha Jesusan enentáimtiniuyayi. 58Ni Piratuí̱ we Jesusa aya̱shi̱n seamiayi. Nin súsarat tusa Piratu akupkámiayi. 59Túram Jusé Jesusa aya̱shi̱n krúsnumia̱ jusa tí peṉker tarachji̱a̱i̱ penuarmiayi. 60Tura kaya wa̱a̱ táurmanum yamaram amia nui̱ iwiarsamiayi. Ni iwiarsatin táumtikramunam Jusé iwiarsamiayi. Iwiaras kaya uuntja̱i̱ etektuk ikiuak wémiayi. 61Nui̱sha Máktaranmaya̱ Marisha tura chíkich Marisha iwiarsamunam naka ii pujuarmiayi.
Jesus iwiarsamun suntar wáinkiarma
62Nu kí̱arai̱ṉ ayampratin tsawantna mash iwiarnakui Yúsnan pujurniu úuntri̱sha tura Pariséusha Piratuí̱ wéarmiayi. 63Tura chicharainiak “Uuntá, nu wáitrin áishmaṉ iwiaaku pujus ‘Menaintiú tsawant jakan nantaktiatjai’ tíniuyi. 64Nu asamtai iwiarsamunam menaintiú tsawant suntar wáinkiarat tusa akuptukta. Ni unuiniamuri̱ kashi tariar tura ni aya̱shi̱n kasamkar ‘Pai, nantakní̱’ shuaran tíara̱i̱ṉ. Jú̱ja̱i̱ṉkia nuna naṉkaamas shuaran anaṉkawarainti” tiármiayi. 65Tutai Piratu chichaak “Nui̱ suntar takakrume. Werum iwiarsamu urakchamnia péṉker wáinkiatarum.” 66Tutai wéar iwiarsamun urankashti tusar etektukma iṉkiuṉmanum seraja̱i̱ yakarar ni áarmari̱n anujtúkarmiayi. Tura suntarnasha awajtúkiarmiayi.
Currently Selected:
Mat. 27: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Mat. 27
27
Piratuí̱ Jesusan júkiarma
(Mar. 15:1; Ruk. 23:1-2; Jṉ. 18:28-32)
1Kashin tsawa̱rmatai Yúsnan pujurniu úuntri̱sha Israer shuara úuntri̱sha Jesus maatai tiármiayi. 2Tiar Jesusan jiṉkiawar apachi úuntri̱n Punsiu Piratuí̱ júkiarmiayi.
Jútas mámamu
3Jútas Jesusan suruk tura maatai tuinian antuk atak enentáimiar traintia kuítian Yúsnan pujurniu úuntri̱ncha Israer shuara úuntri̱ncha awaṉtukiarmiayi. 4Tura chichaak “Nu áishmaṉ tunaarinchan mátarum tusan surukan wi sumamajai” takui̱ chicharainiak “Nusha íiji̱a̱i̱sha warí urukatiṉ. Nuka amek íischatniukaitiam.” 5Tinia Jútas nui̱ Yusa Uunt Je̱e̱ kuítian utsaṉ ikiuak nuyá̱ we kajempramiayi. 6Nuyá̱ Yúsnan pujurniu uuntri̱ nu kuítian júukar chichaak “Ju̱ kuit shuar sumakma asamtai Yusa kuítri̱ji̱a̱i̱ irurchamniaiti.” 7Tura nuamtak áujmatsar “nuṉka sumaktai” tiar Nuwe Najantai nuṉkan sumakarmiayi yajaya̱ shuar nui̱ iwiarsatniun. 8Shuar sumakma kuitji̱a̱i̱ sumakma asamtai yamaisha Numpá Nuṉka tuke tuíniawai. 9-10Nuja̱i̱ yaunchu Yúsnan etserin Jirimías timia nu uminkiamiayi “Uunt Yus turutmia núnisaṉ túrawarmiayi. Israer shuar traintia kuítian seawarmatai nuna akantrar nuja̱i̱ Nuwe Najantai nuṉkan sumakarmiayi.” Sak. 11:12-13
Piratu Jesusan aniasma
(Mar. 15:2-5; Ruk. 23:3-5; Jṉ. 18:33-38)
11Jesusan apachi úuntri̱i̱n ejeniarmatai ni aniasmiayi “¿Nekasmek Israer shuara úunt akupniuri̱ntiam?” tutai Jesus “Ame támena nuitjiai” tímiayi. 12Nuyá̱ Yúsnan pujurniu úuntri̱sha Israer shuara úuntri̱sha sumamtikia Jesus pachischamiayi. 13Nuyá̱ Piratu chichaak “Ashí yajauch chichartamainia nu ¿anturmammek?” 14Tútaisha Jesus peṉké áimkiachmiayi. Túmakui̱ akupin ti enentáimiar títinian nekaachmiayi.
Piratu Jesusan “mantamnati” timia
(Mar. 15:6-20; Ruk. 23:13-25; Jṉ. 18:39—19:16)
15Námper tsawantin apachi uuntri̱ Israer shuar shiir enentáimprarat tusa sepunam eṉketun shuar wakeramun ji̱i̱ki̱ aṉkant akupniuyayi. 16Nui̱ sepunam tunáa shuar Parapás náartin pujumiayi. Ashí shuar nékarmiayi. 17Tuma asamtai Piratu Israer shuar iruntrarun aniasmiayi “¿Yana aṉkant akupkat tusarum wakerarum. Parapásnak akupkáttaj, Kristu tutai Jesusnak akupkáttaj?” tímiayi. 18Kame Israer shuar ántar kajerainiak ni itiarmia nuna nekaamiayi.
19Tura Piratu sumamtiktai̱ pujutai̱nium pujus inintrak pujái̱ ni nua̱rí̱ chichaman akuptak “Ju̱ péṉker áishmaṉ súmamtikiatniunam pachinkiaip. Ni áitkiawartinian mesé mesekramkuan wáitsan tsawa̱rjai” tímiayi. 20Túrasha Yúsnan pujurniu úuntri̱sha Israer shuara úuntri̱sha “Parapás aṉkant wetí tura Jesus mantamnati” titiarum tusar shuaran akatrarmiayi. 21Apachi akupniúri̱ ataksha aniasarmiayi “Ju̱ jimiará aentsun ¿yana aṉkant akupkat tusarum wakerarum?” tutai “Parapás” tiármiayi. 22Takui̱ aniasarmiayi “Jesusnasha Yusa Anaikiamuri̱ Kristu tuinia nunasha ¿itiurkattaja?” tutai ashí aents “Krúsnum maatá” tiármiayi. 23Tuíniakui Piratu chicharainiak “¿Warí yajauchinia túrait?” tutai kakantar untsumuk “Krúsnum maatá” tiármiayi.
24Tura Piratu Jesus uwemtikrachminiaitkiui antsu ashí shuar charaatum ajainiakui entsa uturtitiarum tusa seamiayi. Tura ashí iimiainiai̱ṉ ikijmiak chichaak “Ju̱ péṉker áishmaṉ mátniunam wikia pachintsujai. Antsu atumek iistarum.” 25Tutai ashí shuar chicharainiak “Iik ii shuari̱ji̱a̱i̱ ju̱ áishmaṉka numpé̱ makurtatji” tiármiayi.
26Nuyá̱ Piratu Parapásan aṉkant akupkámiayi. Tura Jesus asutiárum krúsnum mátarum tusa akupkámiayi. 27Nuyá̱ akupin pujutai̱ je̱a̱nam akupniu suntari̱ Jesusan júkiar ashí suntaraim irunturarmiayi. 28Tura pushiri̱ áitkiar akupin entsatáin kapa̱a̱ku pushin áentsrarmiayi. 29Muuknumsha tawasap jaṉkiji̱a̱i̱ najanamun etseṉkrumtikiarmiayi. Tura karisun akupniu numiri̱ya ániun untsuurí̱ni̱ ataksarmiayi. Túrawar wishikiainiak tikishmátrar chicharainiak “Israer shuara úunt akupniuri̱nme” 30tiar usukiármiayi. Tura karisun jurukiar muuknum awatiármiayi. 31Tura núkap wishikrar kapa̱a̱ku pushin áitkiar ni pushiri̱n áentsrarmiayi. Nuyá̱ krúsnum maatai tusar júkiarmiayi.
Jesus krúsnum maamu
(Mar. 15:21-32; Ruk. 23:26-43; Jṉ. 19:17-27)
32Jesusan jukí̱ wésar Serini nuṉkanmaya̱ shuaran, ni naari̱ Semuṉ Jesusa krúsri̱n jurukit tusar achikiármiayi. 33Nuyá̱ Kúrkutanam ejeniarmiayi. Kúrkutaka, shuar chichamja̱i̱ṉkia muuka ukunch tutainti. 34Nui̱ Jesusan winiu yapaja̱i̱ pachimpra najanamun áartaj tusar súsarmiayi. Tura Jesus apas iis umarchamiayi.
35Krúsnum ajintrurar suntar yaki Jesusa pushiri̱n jukit tusar nakurúsar awakmakua nuna súsarmiayi. Núja̱i̱ṉkia yaunchu Yúsnan etserin aarmia nu uminkiamiayi “Winia entsarmarun akantrarmiayi tura nakurúsar awakmakua nuna winia pushirun súsarmiayi.” YKan. 22:18 36Nuyá̱ wáinkiatai tusar pujursarmiayi. 37Tura urukamtai máamuit ashí aents nekaawarti tusa áarman muuknumaani̱ anujtúkarmiayi. JU̱I̱TI JESUS, ISRAERA ÚUNT AKUPNIURI̱ Tu áarmauyayi.
38Núnisaṉ Niji̱a̱i̱ métek jimiará kasa chikichkin untsuurnumaani̱ tura chikichnasha menanmaani̱ krúsnum máwarmiayi. 39Shuar nui̱ naṉkaamainiak muuke̱n pe̱a̱shim wishikiainiak 40“Ame Yusa Uunt Je̱e̱ sá̱a̱kim menaintiú tsawantin je̱a̱mtatjai tichakaitiam. Nekas Yusa Uchirí̱nkiumka krúsnumia̱ akaikim uwemprata” tiármiayi.
41Núnisaṉ Yúsnan pujurniu úuntri̱sha Israer shuara jintinniuri̱sha Pariséusha tura Israer shuara úuntri̱sha Jesusan wishikiainiak nuamtak chichainiak 42“Chikichnaka uwemtikraiti tura Níṉkikia uwemtsui. Israera Úunt Akupniuri̱ntkiuṉka krúsnumia̱ akaikímtai nekas enentáimtustatji. 43Yusan nekas enentáimtiniaitjiai tawai. Wátsek, Yus nekas Nin aneakka uwemtikrati. ‘Wi Yusa Uchirí̱ntjiai’ turamchamkajⁱ” tiármiayi. 44Kasá shuarsha Niji̱a̱i̱ ajintruamu armia nusha Nin wishikrarmiayi.
Jesus jakamu
(Mar. 15:33-41; Ruk. 23:44-49; Jṉ. 19:28-30)
45Nuyá̱ tutupin ai̱ tee ajasmiayi. Túrunayat ataksha aaṉku tsáapin ajasmiayi. 46Nuní̱ ai̱ Jesus kakantar untsumkamiayi. “Erí, Erí, rama sapaktáni” YKan. 22:1 tímiayi. Nusha “Yusru, Yusru, ¿urukamtai ajapa ikiurkiniam?” Isa. 53:10 tawai. 47Shuar nui̱ wajarmia nusha nuna enentáimtsuk antukar chicharainiak “Yaunchu Yúsnan etserniun Iríasan untsúawai.” 48Tura chikichik tsékeṉki̱ we uruchín itiamiayi. Tura churuinian ajamper sapapja̱i̱ ijiú mukunati tusa susamiayi. 49Tura chikitcha wíshikiak chichaak “Iniaisata, Irías tarí uwemtikratpiash” tiármiayi.
50Jesus ataksha kakantar untsumak nuya̱ṉka jakamiayi. 51Nu chichamaik Yusa Uunt Je̱e̱ tarach ejamu yakiní̱ya̱ nuṉkaani̱ ja̱a̱nakmiayi. Nuṉkasha ú̱u̱rkamiayi. Kayasha jakukarmiayi. 52Núnisaṉ iwiarsamusha uraniarmatai untsurí Yus shuar jákarusha nantakiarmiayi. 53Nusha emka Jesus nantakmiatai nisha nantakiar iwiarsamun ikiukiar Yusa pépruri̱n Jerusaréṉnum waya̱warmatai untsurí shuar wáinkiarmiayi.
54Nuyá̱ suntar Jesusan wáinkiarmia nusha tura ni úuntri̱ṉkia nuṉka ú̱u̱rkamtai nuyá̱ chikitcha ashammai ajasmatai ti sapijmiakarmiayi. Tura chichaak “Ju̱ áishmaṉ nekas Yusa Uchirí̱nti” tiármiayi.
55Nui̱sha nuwa̱ Jesusan nemariarmia nu, arant wajasar ii wajarmiayi. Nusha Kariréanmaya̱ pataatukiar Jesusan yaiṉki̱ ejeniarmiayi. 56Nuja̱i̱ Máktaranmaya̱ Marisha, Sepetéu nuwe̱sha tura chíkich Marisha ármiayi. Chíkich Marikia Sántiaknasha tura Jusencha nukurí̱yayi.
Jesus iwiarsamu
(Mar. 15:42-47; Ruk. 23:50-56; Jṉ. 19:38-42)
57Kí̱arai̱ shuar ti kuítrintin Arimatéa peprunmaya̱ ni naari̱ Jusé támiayi. Nusha Jesusan enentáimtiniuyayi. 58Ni Piratuí̱ we Jesusa aya̱shi̱n seamiayi. Nin súsarat tusa Piratu akupkámiayi. 59Túram Jusé Jesusa aya̱shi̱n krúsnumia̱ jusa tí peṉker tarachji̱a̱i̱ penuarmiayi. 60Tura kaya wa̱a̱ táurmanum yamaram amia nui̱ iwiarsamiayi. Ni iwiarsatin táumtikramunam Jusé iwiarsamiayi. Iwiaras kaya uuntja̱i̱ etektuk ikiuak wémiayi. 61Nui̱sha Máktaranmaya̱ Marisha tura chíkich Marisha iwiarsamunam naka ii pujuarmiayi.
Jesus iwiarsamun suntar wáinkiarma
62Nu kí̱arai̱ṉ ayampratin tsawantna mash iwiarnakui Yúsnan pujurniu úuntri̱sha tura Pariséusha Piratuí̱ wéarmiayi. 63Tura chicharainiak “Uuntá, nu wáitrin áishmaṉ iwiaaku pujus ‘Menaintiú tsawant jakan nantaktiatjai’ tíniuyi. 64Nu asamtai iwiarsamunam menaintiú tsawant suntar wáinkiarat tusa akuptukta. Ni unuiniamuri̱ kashi tariar tura ni aya̱shi̱n kasamkar ‘Pai, nantakní̱’ shuaran tíara̱i̱ṉ. Jú̱ja̱i̱ṉkia nuna naṉkaamas shuaran anaṉkawarainti” tiármiayi. 65Tutai Piratu chichaak “Nui̱ suntar takakrume. Werum iwiarsamu urakchamnia péṉker wáinkiatarum.” 66Tutai wéar iwiarsamun urankashti tusar etektukma iṉkiuṉmanum seraja̱i̱ yakarar ni áarmari̱n anujtúkarmiayi. Tura suntarnasha awajtúkiarmiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.