Mat. 10
10
Jesus tuse unuiniamuri̱n nemarsatniun anaikiamu
(Mar. 3:13-19; Ruk. 6:12-16)
1Nuyá̱ Jesus tuse unuiniamuri̱n achik Yusa kakarmari̱n súsarmiayi yajauch wakaní̱n shuara enentái̱ya̱ ji̱i̱ki̱ akupkatniun. Núnisaṉ ashí suṉkurja̱i̱ jáinian tsuárartinian susamiayi.
2Ju̱ áiniawai Jesus tuse unuiniamuri̱n achikiármia nu emka Semuṉ núnisaṉ Pítiur náartiniuyayi. Nuyá̱ ni yachi̱ Antres. Nuyá̱ nuamtak yáchintin Jakupusha Juaṉsha, Sepetéu uchirí̱ armia nu. 3Nuyá̱ Jirip, Parturumí, Tumas, Matéu. Mateusha kuítian achiniuyayi. Arpeu uchirí̱ Jakupusha. Ripíu núnisaṉ Tateu náartiniuyayi. 4Ásumpⁱ Semuṉsha nuyá̱ Jútas Iskariúti Jesusan ukunam surukmia nu. Nu tuse achikma ármiayi.
Jesus etserkarat tusa akupkarma
(Mar. 6:7-13; Ruk. 9:1-6)
5Nu tuse unuiniamuri̱n Jesus jú̱nis chicharak akupkarmiayi. “Israer shuarcha matsatmanum weerap. Samarianam weerap. 6Antsu Israer shuar murikiua áinis Yusai̱ya̱ waakaru ainia nu weritiarum. 7‘Tsawant ishichik ajasái Yus jú̱ nuṉkanam akupin ajastin’ tu etserki̱ wetarum. 8Tunamárusha chíkich suṉkurja̱i̱ jainia nusha tsuartarum. Jakasha iniantkitiarum. Yajauch wakancha shuara enentái̱ya̱ ji̱i̱ki̱ awematarum. Nu túratin kuítchaja̱i̱ kakaram susamuitrume tuma asamtai atumsha ashí ántrarmek túratarum.
9 Kurisha ashí kuitcha jukiirap. 10U̱yuncha jukiirap. Sapatcha tura ushukrustincha jukiirap. Antsu chikichik pushí jukitiarum. Takáu asakrumin yurumkan ajampramsartin áiniawai.
11 Péprunam jearmesha péṉker shuar wainkiarum nui̱ waya̱rum tuke nui̱ṉ pujustarum. 12Nu je̱a̱nam waya̱msha ‘Ju̱ je̱a̱ shiir atí’ titiá. 13Nekas péṉker shuaraitkiuṉka shiir ajasárti. Antsu nu shuar péṉker itiarmachkuṉka shiir ajascharti. 14Tura náṉkamsaṉ atumín awa̱intiámainiachkuiṉkia anturtamainiachkuiṉkia nuyá̱ jíinkitiarum. Nu shuar yajauch ásarmatai jiinkirum atumí nawe̱ya̱ nuṉka japimiarum ikiuktiarum. Ni tunaarí̱ aents nekaawarat tusarum túratarum. 15Nu shuaran nekapsatin tsawant jeamtai Yus asutiáshtatuak. Sutumanmaya̱ tura Kumuranmaya̱ aentsnasha naṉkaamas Yus asutiáttawai nu shuaran” tímiayi.
Yajauch awajsatniun ujakma
16 “Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum. 17Yajauch shuarja̱i̱ aneartarum. Akupniúnam juramkiartatui. Israer shuar iruntai̱niam asutiámawartatui. 18Winia ajasu asakrumin úuntnumsha tura nuyá̱ akupniúnmasha juramkiartatui. Núnisrum akupniúncha tura Israer shuarchancha winia chichamur ujaktatrume. 19Tura akupniúnam surutmakakrumnisha wariniak títiaj tu enentáimprairap. Nui̱ uuntja̱i̱ chichaakrumin Yus títinian jintintrámattarme. 20Nuiṉkia átum enentáimmiaja̱i̱ chichaschattarme antsu atumí Aparí̱ Yusa Wakaní̱ atumín chichamtikramsattarme.
21 Shuar ni yachi̱ncha máwarti tusa suruktatui. Apasha ni uchirí̱n surukartatui. Uchisha ni aparí̱n máwarti tusa surukartatui. 22Tura Winia ajasu asakrumin mash muí̱jramkartatui. Tura tuke katsuntea nu uwemprattawai. 23Kame tu péprunmaṉsha apapétmainiakuiṉkia chíkich péprunam pisartarum. Wi Aents Ajasuitjiai. Tuma asan nekasan tájarme, átum Israer shuar mashⁱ ujatsrumni̱ṉ wantinkiattajai.
24 Unuiniamuka nin unuiniana nuna naṉkaamaschaiti. Takarniusha ni uuntri̱ naṉkaamaschaiti. 25Unuiniamuka nin unuinia nuja̱i̱ métek ajaska maak. Takarniusha ni úuntri̱ji̱a̱i̱ métek ajaska maak. Wátsek, Winia atumí úuntri̱n ‘Iwianchi uuntri̱ Pirsepú’ turutainiakui ¡atumniasha nuna naṉkaamas yajauch turamtatui!
Yusak ashamkatniuiti
(Ruk. 12:2-9)
26 Tuma asamtai aentska ashamkairap. Ashí u̱kma nu paant nekanattawai. 27Ishishmasan kiritniunam ujajrumna nu, tsawái̱ kakantrarum etserkatarum. 28Aya aya̱shniak main ainia nu ashamkairap. Wakanin máchmin áiniawai. Antsu wakanmincha aya̱shmíncha mái̱mtek jinium emesramnia asamtai Yus nekas ashamkatarum.
29 Jimiará chiṉki peṉké ishichik kuitji̱a̱i̱ surukmin áiniawai. Túmaitiat Yus tsaṉkateachkuiṉkia nuṉká jaka iniainiatsui. 30Ame intiashmisha mash nekapmarmaiti. 31Nu asamtai ashamkairap. Warí átumka ti untsurí chiṉkiji̱a̱i̱ naṉkaamas péṉkerchakaitrum.
Jesus natsantrashtiniaiti
(Ruk. 12:8-9)
32 Ashí shuar ashí ímiainiai̱ṉ Winia natsantruiniatsna núnaka Winia Apar yakí̱ nayaimpiniam pujana nui̱ natsantrashtatjai. 33Antsu shuar iimiainiamunam Winia natsantra núnaka Wisha yakí̱ nayaimpiniam winia Apar pujana nui̱ natsantrattajai.
Shuar Jesusa chichame̱ja̱i̱ shuar akannartatui
(Ruk. 12:51-53; 14:26-27)
34 Ashí shuar nawamnairar shiir matsamsarat tusan ju̱ nuṉkanam táwiti tu enentáimtursairap. Antsu wi támaj nuka shuar péṉker ajasármatai yajauch shuar nin nakitrartatui. 35Tuma asamtai shuar ní apari̱niak nakitrattawai. Nawantri̱sha nekas ní nukuri̱niak nakitrattawai. Núnisaṉ najatí̱sha tsatsarí̱ ának nakitrattawai. 36Tuma ásar shuarka ní shuari̱ji̱a̱i̱ṉᵏⁱ nemasrintin ártatui.Mik. 7:6
37 Shuar ni aparí̱n tura nukurí̱ncha Wiji̱a̱i̱ naṉkatus aneakka Wí shuar áchamniaiti. Núnisaṉ ni uchirí̱ncha tura nawantri̱ncha Wiji̱a̱i̱ naṉkaamas aneakka Winia unuiniamur ajastinniaka táasuiti. 38Tura ashí wáitsatniun surimiatsuk ni krúsri̱n yanakí̱ jukí̱ nemartachkuṉka Winia unuiniamur ajastinniaka táasuiti. 39Kame aya jú̱ nuṉkanam péṉker pujustaj tana nu ni iwiaakmari̱n emeṉkáktatui. Antsu Winia enentáimturuka ni iwiaakmari̱ji̱a̱i̱ itit nekapmamtsuna nu ni iwiaakmari̱n wainkiattawai.
Akinkiatin
(Mar. 9:41)
40 Atumín itiarma nuka Winia itiarui. Tura itiarea nusha Winia akuptúkmia nunasha itiaawai. 41Yúsnan etserin asamtai Yúsnan etserin itiaakka etserin akinkiáttana nuja̱i̱ métek akiktatui. Péṉker shuaran aya péṉker asamtai itiaakka péṉker shuarja̱i̱ métek akinkiáttawai. 42Uchincha Wí shuar asamtai entsa michan shikirak susaṉka imiá nekas nusha akinkiáttawai” tímiayi Jesus.
Currently Selected:
Mat. 10: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Mat. 10
10
Jesus tuse unuiniamuri̱n nemarsatniun anaikiamu
(Mar. 3:13-19; Ruk. 6:12-16)
1Nuyá̱ Jesus tuse unuiniamuri̱n achik Yusa kakarmari̱n súsarmiayi yajauch wakaní̱n shuara enentái̱ya̱ ji̱i̱ki̱ akupkatniun. Núnisaṉ ashí suṉkurja̱i̱ jáinian tsuárartinian susamiayi.
2Ju̱ áiniawai Jesus tuse unuiniamuri̱n achikiármia nu emka Semuṉ núnisaṉ Pítiur náartiniuyayi. Nuyá̱ ni yachi̱ Antres. Nuyá̱ nuamtak yáchintin Jakupusha Juaṉsha, Sepetéu uchirí̱ armia nu. 3Nuyá̱ Jirip, Parturumí, Tumas, Matéu. Mateusha kuítian achiniuyayi. Arpeu uchirí̱ Jakupusha. Ripíu núnisaṉ Tateu náartiniuyayi. 4Ásumpⁱ Semuṉsha nuyá̱ Jútas Iskariúti Jesusan ukunam surukmia nu. Nu tuse achikma ármiayi.
Jesus etserkarat tusa akupkarma
(Mar. 6:7-13; Ruk. 9:1-6)
5Nu tuse unuiniamuri̱n Jesus jú̱nis chicharak akupkarmiayi. “Israer shuarcha matsatmanum weerap. Samarianam weerap. 6Antsu Israer shuar murikiua áinis Yusai̱ya̱ waakaru ainia nu weritiarum. 7‘Tsawant ishichik ajasái Yus jú̱ nuṉkanam akupin ajastin’ tu etserki̱ wetarum. 8Tunamárusha chíkich suṉkurja̱i̱ jainia nusha tsuartarum. Jakasha iniantkitiarum. Yajauch wakancha shuara enentái̱ya̱ ji̱i̱ki̱ awematarum. Nu túratin kuítchaja̱i̱ kakaram susamuitrume tuma asamtai atumsha ashí ántrarmek túratarum.
9 Kurisha ashí kuitcha jukiirap. 10U̱yuncha jukiirap. Sapatcha tura ushukrustincha jukiirap. Antsu chikichik pushí jukitiarum. Takáu asakrumin yurumkan ajampramsartin áiniawai.
11 Péprunam jearmesha péṉker shuar wainkiarum nui̱ waya̱rum tuke nui̱ṉ pujustarum. 12Nu je̱a̱nam waya̱msha ‘Ju̱ je̱a̱ shiir atí’ titiá. 13Nekas péṉker shuaraitkiuṉka shiir ajasárti. Antsu nu shuar péṉker itiarmachkuṉka shiir ajascharti. 14Tura náṉkamsaṉ atumín awa̱intiámainiachkuiṉkia anturtamainiachkuiṉkia nuyá̱ jíinkitiarum. Nu shuar yajauch ásarmatai jiinkirum atumí nawe̱ya̱ nuṉka japimiarum ikiuktiarum. Ni tunaarí̱ aents nekaawarat tusarum túratarum. 15Nu shuaran nekapsatin tsawant jeamtai Yus asutiáshtatuak. Sutumanmaya̱ tura Kumuranmaya̱ aentsnasha naṉkaamas Yus asutiáttawai nu shuaran” tímiayi.
Yajauch awajsatniun ujakma
16 “Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum. 17Yajauch shuarja̱i̱ aneartarum. Akupniúnam juramkiartatui. Israer shuar iruntai̱niam asutiámawartatui. 18Winia ajasu asakrumin úuntnumsha tura nuyá̱ akupniúnmasha juramkiartatui. Núnisrum akupniúncha tura Israer shuarchancha winia chichamur ujaktatrume. 19Tura akupniúnam surutmakakrumnisha wariniak títiaj tu enentáimprairap. Nui̱ uuntja̱i̱ chichaakrumin Yus títinian jintintrámattarme. 20Nuiṉkia átum enentáimmiaja̱i̱ chichaschattarme antsu atumí Aparí̱ Yusa Wakaní̱ atumín chichamtikramsattarme.
21 Shuar ni yachi̱ncha máwarti tusa suruktatui. Apasha ni uchirí̱n surukartatui. Uchisha ni aparí̱n máwarti tusa surukartatui. 22Tura Winia ajasu asakrumin mash muí̱jramkartatui. Tura tuke katsuntea nu uwemprattawai. 23Kame tu péprunmaṉsha apapétmainiakuiṉkia chíkich péprunam pisartarum. Wi Aents Ajasuitjiai. Tuma asan nekasan tájarme, átum Israer shuar mashⁱ ujatsrumni̱ṉ wantinkiattajai.
24 Unuiniamuka nin unuiniana nuna naṉkaamaschaiti. Takarniusha ni uuntri̱ naṉkaamaschaiti. 25Unuiniamuka nin unuinia nuja̱i̱ métek ajaska maak. Takarniusha ni úuntri̱ji̱a̱i̱ métek ajaska maak. Wátsek, Winia atumí úuntri̱n ‘Iwianchi uuntri̱ Pirsepú’ turutainiakui ¡atumniasha nuna naṉkaamas yajauch turamtatui!
Yusak ashamkatniuiti
(Ruk. 12:2-9)
26 Tuma asamtai aentska ashamkairap. Ashí u̱kma nu paant nekanattawai. 27Ishishmasan kiritniunam ujajrumna nu, tsawái̱ kakantrarum etserkatarum. 28Aya aya̱shniak main ainia nu ashamkairap. Wakanin máchmin áiniawai. Antsu wakanmincha aya̱shmíncha mái̱mtek jinium emesramnia asamtai Yus nekas ashamkatarum.
29 Jimiará chiṉki peṉké ishichik kuitji̱a̱i̱ surukmin áiniawai. Túmaitiat Yus tsaṉkateachkuiṉkia nuṉká jaka iniainiatsui. 30Ame intiashmisha mash nekapmarmaiti. 31Nu asamtai ashamkairap. Warí átumka ti untsurí chiṉkiji̱a̱i̱ naṉkaamas péṉkerchakaitrum.
Jesus natsantrashtiniaiti
(Ruk. 12:8-9)
32 Ashí shuar ashí ímiainiai̱ṉ Winia natsantruiniatsna núnaka Winia Apar yakí̱ nayaimpiniam pujana nui̱ natsantrashtatjai. 33Antsu shuar iimiainiamunam Winia natsantra núnaka Wisha yakí̱ nayaimpiniam winia Apar pujana nui̱ natsantrattajai.
Shuar Jesusa chichame̱ja̱i̱ shuar akannartatui
(Ruk. 12:51-53; 14:26-27)
34 Ashí shuar nawamnairar shiir matsamsarat tusan ju̱ nuṉkanam táwiti tu enentáimtursairap. Antsu wi támaj nuka shuar péṉker ajasármatai yajauch shuar nin nakitrartatui. 35Tuma asamtai shuar ní apari̱niak nakitrattawai. Nawantri̱sha nekas ní nukuri̱niak nakitrattawai. Núnisaṉ najatí̱sha tsatsarí̱ ának nakitrattawai. 36Tuma ásar shuarka ní shuari̱ji̱a̱i̱ṉᵏⁱ nemasrintin ártatui.Mik. 7:6
37 Shuar ni aparí̱n tura nukurí̱ncha Wiji̱a̱i̱ naṉkatus aneakka Wí shuar áchamniaiti. Núnisaṉ ni uchirí̱ncha tura nawantri̱ncha Wiji̱a̱i̱ naṉkaamas aneakka Winia unuiniamur ajastinniaka táasuiti. 38Tura ashí wáitsatniun surimiatsuk ni krúsri̱n yanakí̱ jukí̱ nemartachkuṉka Winia unuiniamur ajastinniaka táasuiti. 39Kame aya jú̱ nuṉkanam péṉker pujustaj tana nu ni iwiaakmari̱n emeṉkáktatui. Antsu Winia enentáimturuka ni iwiaakmari̱ji̱a̱i̱ itit nekapmamtsuna nu ni iwiaakmari̱n wainkiattawai.
Akinkiatin
(Mar. 9:41)
40 Atumín itiarma nuka Winia itiarui. Tura itiarea nusha Winia akuptúkmia nunasha itiaawai. 41Yúsnan etserin asamtai Yúsnan etserin itiaakka etserin akinkiáttana nuja̱i̱ métek akiktatui. Péṉker shuaran aya péṉker asamtai itiaakka péṉker shuarja̱i̱ métek akinkiáttawai. 42Uchincha Wí shuar asamtai entsa michan shikirak susaṉka imiá nekas nusha akinkiáttawai” tímiayi Jesus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.