Riw. 22
22
Yúsnan pujurin ainia nu umikiartin
1Nuyá̱ Uunt Yus Muisaisan áujeak chicharuk 2“Araun tura Arauna uchirí̱ ju̱ ujakárta. Winia akankámu áiniana nuja̱i̱ Winia Tunaarincha Náarum imiatkímpra awajka̱i̱j tusar Israer shuarnum Yusna akantúkma áiniana nuna tsuntsumpruá tí arantúkmaja̱i̱ takasárti. Witjiai Uunt Yus. 3Tura ju̱sha ujakárta. Ukunam atum weanmaya̱ aents chikichkisha atum shuar imiatkímpra ajasuítiat Uunt Yusna akantúkman Israer shuar akantúkar susamun weantúkka nú aentska Wini̱i̱ya̱ṉka ji̱i̱kmia átatui. Witjiai Uunt Yus. 4Aents chikichkisha Araun weanmaya̱ kuchaprukuitkiuṉka núja̱i̱nchuka aents uchi najanatai̱n ájapkuṉka imiatkincha ajaamam Yusna akantúkma áiniana núnaka yúashtiniaiti. Kame aents jaká antiṉ imiatkímpra ajasún antiṉkiusha núja̱i̱nchuka aents uchi najanatai̱n ájapusha 5túrutskesha nuṉká japinias yujá áiniana nuna antiṉ imiatkímpra ajasusha núja̱i̱nchuka aents warinkisha takas imiatkímpra ajasún antiṉkiusha 6nu aentska ki̱i̱miam imiatkímpra ajasu pujus Yusna akantúkma áiniana núnaka yúashtiniaiti. Túraka aya̱shí̱n entsaja̱i̱ nijiamam yuámniaiti. 7Etsa̱ akaikímtai imiatkincha ajasu juáktatui. Antsu nuya̱ṉka Yusna akantúkma áiniana núnaka yuámniaiti. Warí jú̱chakait ni yurumkari̱ya. 8Tura imiatkímpra ajasá̱i̱j tusa kuntin mejearuncha nuyá̱ yajasma esái achia̱rmancha yúashtiniaiti. Witjiai Uunt Yus. 9Kame umikchamunam iik makura̱i̱j tura imiatkímpra awajkámunam jáka̱i̱j tusar niṉkia Wi akupkámun péṉker enentáimtusar umikiartiniaiti. Warí, Witjiai Tunaarincha awajkartin Uunt Yus.
10Yajaya̱ aentska chikichkisha Yus akantúkma áiniana núnaka yúachartiniaiti. Yúsnan pujurniu irari̱sha tura kuitji̱a̱i̱ takakmak nui̱ pujasha Yus akantúkma áiniana núnaka yúashtin áiniawai. 11Antsu Yúsnan pujurniu iniatairi̱ ni kuítri̱ji̱a̱i̱ sumakma tura iniatai̱ nui̱ akiiniawaru áiniana nuka nu yurumkanka yuamnia áiniawai. 12Núnisaṉ Yúsnan pujurniu nawantri̱ Yúsnan pujurchaja̱i̱ nuatnaikiasha Yus akantúkma núnaka yúashtiniaiti. 13Túrasha Yúsnan pujurniu nawantri̱ waje̱ juak núja̱i̱nchuka áishri̱ji̱a̱i̱ ajapnaiya uchinkia takuscha nátsauya núnis aparí̱ je̱e̱n taa pujakka antsu nui̱ṉkia aparí̱ yurumkari̱ṉkia yuámniaiti. Túrasha chíkich aentska núnaka peṉké yúashtiniaiti. 14Yaaksha nékatsuk Yusna akantúkman yuaṉka nuna kuitri̱ urutmá jea nuna seṉku nakakmanumia̱n chikichik nakasmachin Yus akantúkma nú yurumámu kuítian patak Yúsnan pujurniun súsatniuiti. 15Israer shuar Uunt Yusan susamunka Yúsnan pujurin Yusna akantúkman imiatkímpra awajkachartiniaiti. 16Tuma asamtai Israer shuar Yusna akantúkman yuíniak niṉki makurara̱i̱ tusar Yúsnan pujurin núnaka tsaṉkatkachartiniaiti. Warí, Witjiai Tunaarincha awajkartin Uunt Yus tawai tiartá” tímiayi Muisaisan.
Taṉku Yus súsatin akupkámu Yúsnan pujurin umiktin
17Uunt Yus Muisaisan áujuk chicharuk 18“Araun tura Arauna uchirí̱n núnisaṉ Israer shuarka ashí chicharainiakum ‘Yaaksha Israer shuarnumia̱ núja̱i̱ṉchuka yajaya̱ aents Israernum pujuinia Yus akupkámun umíak túrutskesha ni súsatniun wakerak Uunt Yus takamtsuk áestuatniun súakka 19susamu péṉker atí tusaṉka wáakaitkiui̱sha murikiuitkiuisha tura chípiuitkiuisha áishmaṉ peṉké tunamárcha átiniaiti. 20Taṉku tunamáruka peṉké itiashtiniatrume. Warí nuka péṉkeraiti tunashtatui. 21Núnisaṉ yaaksha ju̱na umiktatjai tiniu asa núja̱i̱nchuka ni súsatniun wakerak aṉkant pujustin áestutai̱n Uunt Yusan súakka susamu péṉker atí takurkia waaka tura chipiu núwaitkiusha peṉké tunamárcha súsatniuti. 22Taṉku kusurúksha nawe̱ kupiniakuksha warirí̱ṉsha tsupirkamusha turirkáksha teremúrkaksha kuchaprúkuksha Uunt Yuska súsashtiniaitrume. Taṉku túmaka Uunt Yus áestutai̱nmaṉka awaṉchatniuitrume. 23Kame ame wakerakum suákmeka antsu nuiṉkia waaka núja̱i̱ṉchuka murik áishmaṉ anu úuntaitkiuisha túrutskesha tunamáruitkiuisha susamniaitme túrasha ju̱na umiktatjai tiniu asam súakminkia antsu nui̱ṉkia péṉkeraiti tunashtatme. 24Taṉku suki̱ emesturmaka tura jurusmáksha núja̱i̱nchuka tsupirkamuksha Uunt Yuska súsashtiniaitrume. Nuka atumí nuṉke̱nka peṉké túrashtiniaitrume. 25Núnisaṉ atumí Yusri̱ yurumkari̱n yajaya̱ aents taṉku tunamáku suíniakui achikchatniuitrume. Warí niṉkia tunamáku áiniawai. Tuma ásarmatai péṉkeraiti tíchatniuitrume’ tawai titiá” tímiayi.
26Uunt Yus Muisaisan áujuk chicharuk 27“Waakasha muriksha tura chípiusha yama akiiniaṉka ni nukurí̱ji̱a̱i̱ siati tsawant pujustatui. Tura uchu tsawant naṉkaamas nuyá̱ emka antsu nui̱ṉkia Uunt Yus takamtsuk áestuatniusha péṉkeraiti. 28Kame waaka tura murik nuwa̱sha nu tsawantinkikia ni uchirí̱ji̱a̱i̱ṉkia apatkarmeka máshtiniaitrume. 29Tura Uunt Yus yúmiṉkiakum suákmeka itiur túrawakminia Uunt Yus péṉkeraiti tíminiait tímiatrusam túrata. 30Nu tsawantini̱ṉ amukta tura kashiniuka peṉké ikiusaip. Witjiai Uunt Yus. 31Chícham akupkámu umiktin Wi najankamu ashí arantúktarum túrakrum péṉker enentáimtusrum umiktarum. Witjiai Uunt Yus. 32Winia Naar Tunaarincha nu imiatkímpra awajkairap. Warí Wikia Israer shuarnum Tunaarincha awajsamu átatjai. Warí, Witjiai Tunaarincha awajkartin Uunt Yus. 33Atumí Yusri̱ átaj tusan Ejiptunam matsatrumin jí̱i̱rmiajrume. Witjiai Uunt Yus” tímiayi.
Currently Selected:
Riw. 22: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Riw. 22
22
Yúsnan pujurin ainia nu umikiartin
1Nuyá̱ Uunt Yus Muisaisan áujeak chicharuk 2“Araun tura Arauna uchirí̱ ju̱ ujakárta. Winia akankámu áiniana nuja̱i̱ Winia Tunaarincha Náarum imiatkímpra awajka̱i̱j tusar Israer shuarnum Yusna akantúkma áiniana nuna tsuntsumpruá tí arantúkmaja̱i̱ takasárti. Witjiai Uunt Yus. 3Tura ju̱sha ujakárta. Ukunam atum weanmaya̱ aents chikichkisha atum shuar imiatkímpra ajasuítiat Uunt Yusna akantúkman Israer shuar akantúkar susamun weantúkka nú aentska Wini̱i̱ya̱ṉka ji̱i̱kmia átatui. Witjiai Uunt Yus. 4Aents chikichkisha Araun weanmaya̱ kuchaprukuitkiuṉka núja̱i̱nchuka aents uchi najanatai̱n ájapkuṉka imiatkincha ajaamam Yusna akantúkma áiniana núnaka yúashtiniaiti. Kame aents jaká antiṉ imiatkímpra ajasún antiṉkiusha núja̱i̱nchuka aents uchi najanatai̱n ájapusha 5túrutskesha nuṉká japinias yujá áiniana nuna antiṉ imiatkímpra ajasusha núja̱i̱nchuka aents warinkisha takas imiatkímpra ajasún antiṉkiusha 6nu aentska ki̱i̱miam imiatkímpra ajasu pujus Yusna akantúkma áiniana núnaka yúashtiniaiti. Túraka aya̱shí̱n entsaja̱i̱ nijiamam yuámniaiti. 7Etsa̱ akaikímtai imiatkincha ajasu juáktatui. Antsu nuya̱ṉka Yusna akantúkma áiniana núnaka yuámniaiti. Warí jú̱chakait ni yurumkari̱ya. 8Tura imiatkímpra ajasá̱i̱j tusa kuntin mejearuncha nuyá̱ yajasma esái achia̱rmancha yúashtiniaiti. Witjiai Uunt Yus. 9Kame umikchamunam iik makura̱i̱j tura imiatkímpra awajkámunam jáka̱i̱j tusar niṉkia Wi akupkámun péṉker enentáimtusar umikiartiniaiti. Warí, Witjiai Tunaarincha awajkartin Uunt Yus.
10Yajaya̱ aentska chikichkisha Yus akantúkma áiniana núnaka yúachartiniaiti. Yúsnan pujurniu irari̱sha tura kuitji̱a̱i̱ takakmak nui̱ pujasha Yus akantúkma áiniana núnaka yúashtin áiniawai. 11Antsu Yúsnan pujurniu iniatairi̱ ni kuítri̱ji̱a̱i̱ sumakma tura iniatai̱ nui̱ akiiniawaru áiniana nuka nu yurumkanka yuamnia áiniawai. 12Núnisaṉ Yúsnan pujurniu nawantri̱ Yúsnan pujurchaja̱i̱ nuatnaikiasha Yus akantúkma núnaka yúashtiniaiti. 13Túrasha Yúsnan pujurniu nawantri̱ waje̱ juak núja̱i̱nchuka áishri̱ji̱a̱i̱ ajapnaiya uchinkia takuscha nátsauya núnis aparí̱ je̱e̱n taa pujakka antsu nui̱ṉkia aparí̱ yurumkari̱ṉkia yuámniaiti. Túrasha chíkich aentska núnaka peṉké yúashtiniaiti. 14Yaaksha nékatsuk Yusna akantúkman yuaṉka nuna kuitri̱ urutmá jea nuna seṉku nakakmanumia̱n chikichik nakasmachin Yus akantúkma nú yurumámu kuítian patak Yúsnan pujurniun súsatniuiti. 15Israer shuar Uunt Yusan susamunka Yúsnan pujurin Yusna akantúkman imiatkímpra awajkachartiniaiti. 16Tuma asamtai Israer shuar Yusna akantúkman yuíniak niṉki makurara̱i̱ tusar Yúsnan pujurin núnaka tsaṉkatkachartiniaiti. Warí, Witjiai Tunaarincha awajkartin Uunt Yus tawai tiartá” tímiayi Muisaisan.
Taṉku Yus súsatin akupkámu Yúsnan pujurin umiktin
17Uunt Yus Muisaisan áujuk chicharuk 18“Araun tura Arauna uchirí̱n núnisaṉ Israer shuarka ashí chicharainiakum ‘Yaaksha Israer shuarnumia̱ núja̱i̱ṉchuka yajaya̱ aents Israernum pujuinia Yus akupkámun umíak túrutskesha ni súsatniun wakerak Uunt Yus takamtsuk áestuatniun súakka 19susamu péṉker atí tusaṉka wáakaitkiui̱sha murikiuitkiuisha tura chípiuitkiuisha áishmaṉ peṉké tunamárcha átiniaiti. 20Taṉku tunamáruka peṉké itiashtiniatrume. Warí nuka péṉkeraiti tunashtatui. 21Núnisaṉ yaaksha ju̱na umiktatjai tiniu asa núja̱i̱nchuka ni súsatniun wakerak aṉkant pujustin áestutai̱n Uunt Yusan súakka susamu péṉker atí takurkia waaka tura chipiu núwaitkiusha peṉké tunamárcha súsatniuti. 22Taṉku kusurúksha nawe̱ kupiniakuksha warirí̱ṉsha tsupirkamusha turirkáksha teremúrkaksha kuchaprúkuksha Uunt Yuska súsashtiniaitrume. Taṉku túmaka Uunt Yus áestutai̱nmaṉka awaṉchatniuitrume. 23Kame ame wakerakum suákmeka antsu nuiṉkia waaka núja̱i̱ṉchuka murik áishmaṉ anu úuntaitkiuisha túrutskesha tunamáruitkiuisha susamniaitme túrasha ju̱na umiktatjai tiniu asam súakminkia antsu nui̱ṉkia péṉkeraiti tunashtatme. 24Taṉku suki̱ emesturmaka tura jurusmáksha núja̱i̱nchuka tsupirkamuksha Uunt Yuska súsashtiniaitrume. Nuka atumí nuṉke̱nka peṉké túrashtiniaitrume. 25Núnisaṉ atumí Yusri̱ yurumkari̱n yajaya̱ aents taṉku tunamáku suíniakui achikchatniuitrume. Warí niṉkia tunamáku áiniawai. Tuma ásarmatai péṉkeraiti tíchatniuitrume’ tawai titiá” tímiayi.
26Uunt Yus Muisaisan áujuk chicharuk 27“Waakasha muriksha tura chípiusha yama akiiniaṉka ni nukurí̱ji̱a̱i̱ siati tsawant pujustatui. Tura uchu tsawant naṉkaamas nuyá̱ emka antsu nui̱ṉkia Uunt Yus takamtsuk áestuatniusha péṉkeraiti. 28Kame waaka tura murik nuwa̱sha nu tsawantinkikia ni uchirí̱ji̱a̱i̱ṉkia apatkarmeka máshtiniaitrume. 29Tura Uunt Yus yúmiṉkiakum suákmeka itiur túrawakminia Uunt Yus péṉkeraiti tíminiait tímiatrusam túrata. 30Nu tsawantini̱ṉ amukta tura kashiniuka peṉké ikiusaip. Witjiai Uunt Yus. 31Chícham akupkámu umiktin Wi najankamu ashí arantúktarum túrakrum péṉker enentáimtusrum umiktarum. Witjiai Uunt Yus. 32Winia Naar Tunaarincha nu imiatkímpra awajkairap. Warí Wikia Israer shuarnum Tunaarincha awajsamu átatjai. Warí, Witjiai Tunaarincha awajkartin Uunt Yus. 33Atumí Yusri̱ átaj tusan Ejiptunam matsatrumin jí̱i̱rmiajrume. Witjiai Uunt Yus” tímiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.