Juir 1
1
Titikriáts nuṉkan emeskamu
1Ju̱i̱ti Uunt Yusa chichame̱n Pitiuira uchirí̱ Juir etserkamu. 2Úuntirmesha núnisaṉ ashí nuṉkanmaya̱tirmesha ju̱ péṉker antuktarum. Yamái átum pujarmena ju̱i̱sha núnisaṉ atumí uuntri̱ pujú armia nu tsawantincha itiurchat jú̱nian ¿wáinniuash armia? 3Nu atumí uchirí̱ ujaktarum. Nisha ukunam ni uchirí̱n ujakármi tura nú ukunam akiiniawartatna nunasha ujakárat tímiayi.
4Kame maa yuámun manchisha yúawarmai
tura manchi yúawarmatai shunisha yúawarmai.
Shuni yúawarman titikriáts ukatak mash napú napurú awajsarmai. 5Tuma asamtai nampentirmesha shintiartarum túrarum úttiarum. Tura winiu umintirmesha ashí kúntuts enentáimpratarum. Warí uwa yumiri̱ karí temaaka atumí wene̱ya̱ṉka jurukmiaitrume. 6Warí chíkich nuṉkanmaya̱ aents tí kakaram tura tí untsurí nekapmarchamnia winia nuṉkarui̱ káunkarai. Nuka úunt ya̱wa̱ áishmaṉka étser nái̱ya̱na tura úunt ya̱wa̱ nuwa̱ uunt nai̱ya̱ tímianu áiniawai. 7Tuma asa winia uwa ajarnaka aya jú̱nik awajtúras ikiu ajarnaka aya númik awajtúrsarai. Tura akattúrar paká paká awajsamu ásar kanaweṉka aya númik ajasárai. 8Tuma asamtai yamaikia nuwa̱ yama nuatnaikia aishri̱ jakamtai suí̱r pushí entsar utna núnisam úttiá. 9Núnisaṉ Yúsnan pujurin ainia nusha Uunt Yusa Je̱e̱n wíniusha tura tríkiusha atsakui Uunt Yussha wariṉ susataj tusa ajakmárua núnis kúntuts pujuiniak útainiawai. 10Núnisaṉ kampunniusha ashí emesnak aya nuṉkak ajasmatai núṉkaka kúntuts ajasái. Warí tríkiusha emesnakar tura úwasha yumirtichu ajasármatai asuitisha amuwawai. 11Tuma asamtai aja takakmatirmesha tura uwa arakmatirmesha atumí ajarí̱ya̱ úwasha tríkiusha sewatasha ashí amuuka asamtai kúntuts enentáimprarum úttiarum. 12Warí úwasha íkiusha tura munchisha kuṉkuksha mantsanasha ashí káakarai. Túmakui̱ kampunniunmaya̱ numisha ashí kukakármatai aentsu waratáiri̱sha aya méṉkakarai.
13Tuma asamtai Yúsnan pujurniutirmesha suí̱r pushí entsarum kúntuts jakamnia enentáimpratarum. Yus áestutai̱niam takaatirmesha úttiarum. Winia Yusur pujurniutirmesha suí̱r pushí entsarum kanartarum. Warí árak Yus áestutai̱sha tura umutai̱sha ii Yusri̱ Je̱e̱nkia itiachmaiti. 14Tuma asamtai yamaikia ijiarmátarum titiarum túrarum uuntri̱ áiniana nu tura ashí Israer shuar untsukrum atumí Uunt Yusri̱ Je̱e̱n iruntrarum Uunt Yus seatarum. 15Kame Uunt Yusa tsawantrí̱ṉkia jeatémayi. Tuma asamtai nú tsawantka aneartarum. Warí ashí emesnaktin tsawantka Ashí Tujintkiachu Yusai̱ya̱ tátatui. 16Warí ¿ni yurumke̱sha iisha íimprini̱ṉ júsachmakauya? Kame nui̱ warastin shiir enentáimtai̱ncha ¿ii Yusri̱ Je̱e̱ya̱ jusamu wáinkiachmakajⁱ? 17Kame árakka arakármaitiat ashí kaji̱ṉcharaik núnisaraṉ tríkiu awa̱jtiutai̱sha ashí emesnakarai. Tura yurumak ikiutai̱sha aya jú̱nik awajnásarai ántsaṉ tríkiu ikiutai̱sha trikiu amukámtai emesnakar aya jú̱nik juákarai. 18¡Túrunamtai ashí yajasma útainiak urukainiawa! Núnisaraṉ waakasha sa̱a̱kri̱ atsuiniakui urukawartiṉ aya wékainiawai ántsaṉ muriksha tí untsurí wáitiainiawai. 19Kampunniunmaya̱ numincha sa̱a̱kniasha ji áesak mash amuku asamtai winia Uunt Yusru maa Aminiak seattajme. 20Núnisaraṉ ashí yajasma ainia nusha sa̱a̱kri̱ esak amuutukaram tura ashintsasha ku̱yu̱kármatai Aminiak seatmainiawai.
Currently Selected:
Juir 1: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
