Use. 2
2
1Nuya̱ṉka atumí yachi̱ chicharkuram ‘Ami’ titiarum. Tura atumí umai̱ṉkia ‘Rujama’ titiarum” Yus tímiayi.#2:1 Ami támaka Ipríu chichamnum Wi shuar tawai tura Rujama támaka aneamu tawai.
Uunt Yus Ni shuari̱ ántuiniachkui asutiámu
2“Atumí nukurí̱ súmamtikiakrumka sumamtikiatarum.
Warí yamaikia winia nuá̱rchaiti
tura wisha ni áishri̱sh áishri̱nchuitjiai.
Tura tsanirmatainkia iniaisati
tura tsaniri̱n netsepnum awaṉ tsanirmatainkia iniaisati.
3Tsanirmatan iniaiyachkuiṉkia misú áiktatjai
túran akiiniuk urukuya áitkiawa̱i̱j.
Kampuntin atsú nuṉka ajasmatai
tura káakmatai kitiakai jaka̱i̱.
4Tsanirnumia̱ uchi ásarmatai
ni uchirí̱ncha waitnentrachartatjai.
5Ni nukurí̱ tsanirmatamai
tura ajapruk uchin natsamtsuk takus chichaak
‘Winia anentin armia nui̱ yurumátniurun,
winia entsarun tura urerun, ríniurun nuyá̱ winia asuitirun
tura winia umutairun surusarat tusan wetajai’ tímiayi.
6Tura ni jinti̱nkia jaṉkiji̱a̱i̱ akirtuktatjai tura jaṉkin irutrattajai.
Túram ni jinti̱nkia nekashtatui.
7Ni anetairi̱nkia pataatuktatui túrasha amayá̱nchartatui,
e̱a̱ktatui túrasha wáinkiashtatui.
Nuiṉkia chichaak ‘Winia emka áishrui̱ni̱ṉ waketkitjiai’ títiatui.
Yamái pujajna nuja̱i̱ naṉkaamas yáunchuka Niji̱a̱i̱ péṉker pujuyajai.
8Wi, tríkiun, wíniun, asuitin súmiaj núnaka niṉkia nekaachmai.
Wi tí nukap kuítian kurin súarmajai.
Nuja̱i̱ ni yusri̱n Páaran najanawarmai.
9Tuma asamtai yamaikia winia tríkiur neretai tsawantnasha
tura winia wíniur umutai tsawantnasha
tura winia ríniurnasha ure̱ja̱i̱ najanamu misú pujakui entsatáirnasha ataksha wini̱i̱ṉ ashí awaṉtumkittiajai.
10Yamaikia ní anetai armia nu iimiainiamunam
ni wáurtairi̱ni̱ṉ misú áiktatjai
tura Winia uwejruí̱ya̱ṉka peṉké uwemprachartatui.
11Ashí ni nampermatai yamaram nantuncha sáwar enentáimtutai̱ncha
tura ashí namper najantaincha ni waratáiri̱n mitia awajtústatjai.
12Íkiuncha tura uwa ajancha
‘Ju̱ja̱i̱ winia tsanir akirkarmai’ tiarma núnaka emestukarjai.
Túrawaram ni ajarí̱nkia kampuntin ajasármatai kampunniunmaya̱ yajasma yuáwartatui.
13Kame Páaran kuṉkuinian áestak kuishniun aki̱i̱tia̱i̱n aki̱a̱r
tura tí shiirmach iwiarmamtaiji̱a̱i̱ iwiarmameak tsawantan ántar wasurka asamtai asutiáttajai.
Túmak Wíniaka kajinmátruki̱ ni tsaniri̱ji̱a̱i̱ weúwiti” tawai Uunt Yus.
14“Túrasha ju̱ nekaata,
wikia péṉker chichasan
kampuntin atsunum jukin ni enentái̱n chichastatjai.
15Uwa ajarí̱nkia nuya̱ṉ susattajai
tura Akur pákaka péṉker átin nákamua núnis niṉkia arittiawai.
Núnisaṉ natsa asa tura Ejiptunmaya̱ yama jíinkiuṉ chichamia núnis ai̱rkattawai.”
16Uunt Yus chichaak
“Nu tsawantinkia ‘Paari’ túruttsuk
antsu ‘Ishi’ turuttiatrume.#2:16 Paari támaka Ipríu chichamnum Uuntru tawai tura Ishi támaka Aishru tawai.
17Kame nu tsawantinkia najankamu yus untsurí Paara naari̱ pachia asakrumin kajinmamtikiattajrume
túramu asarum ni náari̱ṉkia atakka peṉké pachischattarme.
18Tura nu tsawantinkia Israer shuaran waitnentraran
ashí kampunniunmaya̱ yajasma ainia nuja̱i̱ tura yakiya̱ nanamtin ainia núja̱i̱sha
nuyá̱ napiji̱a̱i̱sha nawamnairar pujusárat tusan chichaman najanattajai.
Tura tíshimkiuncha puya̱ncha núnisaṉ mesetnasha atsutí tusan amuktatjai.
Túran imiatkinchanum aṉkant apujsartatjai.
19Israer shuartirmeka winia nekas nua̱r átatrume.
Kame winia nekasa nu túrutairja̱i̱sha péṉker túrutairja̱i̱sha
tura waitnenkartutairja̱i̱sha nuwa̱ papiji̱a̱i̱ nuatkamua áintsarum átatrume.
20Kame nekas winia nua̱r ajasrum péṉker wáiniam
Uunt Yus paant nekaattarme” tímiayi.
21Uunt Yus chichaak “Nu tsawantinkia nayaimpinkia Wi íistatjai
tura nayaimp nuṉkan íistatui.
22Nuṉkasha tríkiun nuyá̱ asuitin
tura uwa yumiri̱n Jisriiran susattawai.
23Nu tsawantiṉkia Israer shuaran araatniua áitkiasnak Jisriirnum apujsartatjai.
Túran Ru-rujaman waitnentrattajai
tura Ru-amincha chicharkun ‘Wí shuaraitrume’ tiártatjai
tura nisha chichartuiniak ‘Ámeka ii Yúsri̱nme’ turutiartatui” tawai Uunt Yus.
Currently Selected:
Use. 2: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
