Aji. 1
1
Yus Je̱a̱ je̱a̱mtin chichampramu
1Uunt akupin Taríu akupin ajas jimiará uwí wéamunam nantu sáistin nantu juarma tsawantin Yúsnan etserin Ajíui̱ní̱ Jutanmaya̱ shuara uuntri̱ Saratiára uchirí̱ Surupapíran núnisaṉ Yúsnan takarniu uuntri̱ Jusatáka uchirí̱ Jusuin#1:1 Jusuí támaka Ístras 2:2 tura Neemías 7:7 Jesúa tuíniawai. Uunt Yusa chichame̱n akuptúkmiayi. Tura Ajíu chicharainiak 2“Ashí Akupin Uunt Yus chichaak ‘Ju̱ aentska chichainiak “Uunt Yusa Je̱e̱ ataksha je̱a̱mtinkia tsawantka jeatsui” tuíniawai’ Uunt Yus túramprume” tímiayi. 3Núnisaṉ Yúsnan etserin Ajíui̱ní̱ Uunt Yus chichaak 4“Ju̱ Je̱a̱ka emeskamu ¿wáiniatrumek átumka je̱a̱ tí peṉker iwiarkamunam pujustiniaitrum?” túramprume. 5Ashí Akupin Uunt Yus chichaak “Átum túrarmena nu ¿péṉkerashit? Enentáimpratarum. 6Núkap arakmayatrumek ishichik juwarme. Yurumkurmesha ejematsrume. Úmakrumsha kitiaksha imikiatsrume. Entsariatrumek tsue̱rsha ajatsrume. Takatan takakmaasha kuítian achíaksha kuit eṉketai̱ chiṉkianum eṉkea nútikiainiawai” tawai Uunt Yus.
7Ashí Akupin Uunt Yus chichaak “Átum túrarmena nu ¿péṉkerashit? Enentáimpratarum 8Naint werum numi ikiankarum Yusa Je̱e̱ ataksha je̱a̱mtarum. Nu túrakrumin shiir enentáimsattajai nuyá̱ shiir awajsamu átatjai” tawai Uunt Yus. 9“Atumsha núkap takustin wakerayatrumek ishichik wáintrume. Atumí je̱e̱n juármena nunasha jú̱u̱ umpuiniak emeṉkátjarme ¿urukamtaik nunasha túraj? Warí Winia Je̱a̱rka emeskamu wáiniatrum páchitsuk atumí je̱e̱ṉ péṉker iwiararum pujustin enentáimtakrumin túrajrume” tawai Ashí Akupin Uunt Yus. Mks. 3:8-11 10“Tuma asamtai atumí yajauchiri̱ni̱ṉ yurumkasha tsapartámtsurme núnisaṉ yumisha yuturtamtsurme. 11Nu arantcha pakanmasha tura nainniumsha uwa yumiri̱ncha tura asuitincha árak súana nunasha tríkiuncha núnisnak ashí árak nuṉká tsapainiana nui̱sha áitkiasnak aentsnasha waakancha ántsaṉ ashí takat ainia nunasha úunt esatan untsukan akuptúkarmajai” tawai Uunt Yus tímiayi.
Uunt Yusa Je̱e̱ je̱a̱mtin juarma
12Tura Saratiára uchirí̱ Surupapír nuyá̱ Yúsnan pujurniu uuntri̱ Jusatáka uchirí̱ Jusuí nuyá̱ ashí shuar waketkiar matsamármia nu Yúsnan etserin Ajíu Uunt Yusa chichame̱ étserman antukar Uunt Yusan ti ashamkarmiayi. 13Nuyá̱ Yúsnan etserin Ajíu Yus akupkámu asa ashí ni shuari̱n Uunt Yusa chichame̱ ujainiak “Wi Uunt Yus atumji̱a̱i̱ pujajai” tawai tu etserkamiayi. 14Tura Uunt Yus nuní̱ chicharkar Jutanmaya̱ shuara uuntri̱ Saratiára uchirí̱n Surupapíran tura Yúsnan pujurniu úuntri̱n Jusatáka uchirí̱ Jusuin nuyá̱ Israer shuar waketraru káunkar matsamármia nunasha ashí enentáimtikrarmiayi. Túram ashí káutkar Ashí Akupin Uunt Yusa Je̱e̱n ataksha takastinian naṉkamawarmiayi. 15Nuiṉkia Taríu úunt akupin ajasmaka chikichik uwí nuyá̱ sais nantu wéamunam tsawant paintikuátrutin ataksha ni Yusri̱ Je̱e̱n takastinian juárkiarmiayi.
Currently Selected:
Aji. 1: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
