Kar. 3
3
Yus akupkámu tura Yus enentáimtustin
1¿Karaseanmaya̱tirmesha wariṉ aa? Waweamukaitrum netse enentáimprarum Yus tama umirkashtinia. Jesukrístu krúsnum mámun ti paant étserkun ¿atumín iniaktuschamkajrum? 2Wátsek, aniastatjarme, enentáimpratarum. ¿Wariji̱a̱i̱ṉ Yusa Wakaní̱ atumí enentái̱n achikmarum. Akupkámu umirkarmek enentáimin achikmarum antsu Yus enentáimtusrum ni Wakaní̱ achikchamkuram? 3¿Tuke nétsekaitrum. Yusa Wakaní̱ emka atumí enentái̱n wayá̱ takasmatai atumek yamaikia nu takat aya aya̱shí̱ kakarmari̱ji̱a̱i̱ṉ umiktájai tu enentáimprarmek. 4Peṉké ántrarmek wáitsamuram tura antsu ishichkisha unuimiárchamkarum? 5Naka enentáimpratarum. Yus ni Wakaní̱n súramtsuk tura aents túrachminian atumíin ti takaatsuk. Átum aya akupkámun umirkurmin Yus nuna túrachuiti. Antsu ni chichame̱ antukrum Yus enentáimtakrumin Yus nuna túraiti.
6Yaunchu ii uuntri̱ Aprajám enentáimpratai. Yus Chicham nin tawai “Aprajám Yusan enentáimtusmatai Yus ‘Ayu, péṉkeraitme’ Naṉ. 15:6 tímiayi” tawai. 7Iis, nuja̱i̱ páantchakait. Ashí shuar Yusan enentáimtuinia nuka Aprajámja̱i̱ métek enentáimpraru ásar ni uchirí̱a áintsaṉ ajasáru áiniawai. 8Yamái páantaiti. Yus ashí Israer shuarchancha tawai “Aya winia enentáimtursarum péṉker átatrume.” Israer shuarchasha nuja̱i̱ péṉker ajastinia nuna ti yaunchu neka asa, Aprajáman ujakmiayi “Ámiji̱a̱i̱ ashí aents ti shiir ajasártatui.” Naṉ. 12:3 9Tuma asamtai ashí shuar Yusan enentáimtuinia nuke Aprajámja̱i̱ métek péṉker ajasár shiir warasartatui.
10Antsu ashí shuar “akupkámun umirkan uwemprattajai” tuinia nuka yajauchiniam yumiṉkramu áiniawai. Yus Papinium áarchamukait “Ashí shuar Yus akupkámun ashí aarma nuna takamtsuk umirkachka yajauchiniam yumiṉkramu áiniawai.” Muis. 27:26; Jrm. 11:3 11Núja̱i̱ṉkia páantaiti. Akupkámu umirkatniuja̱i̱ péṉker ajaschamniaiti Yusja̱i̱ antsu aya “Yus enentáimtusam péṉker ajasam uwemprattame.” Awa. 2:4 12Shuar akupkámu umirkatniun enentáimna nuka aya nuja̱i̱ péṉker ajastinian enentáimiui. “Yusan enentáimtak péṉker ajastinian enentáimtsui.” Riw. 18:5; Isk. 20:11
13Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23 14Tuma asamtai Jesukrístu jakamuja̱i̱ ashí Israer shuarchasha Aprajámja̱i̱ métek péṉker shiir warasartatui. Iisha núnisrik nu shuarja̱i̱ Yusa Wakaní̱, Yus akupkataj timia nusha, achiktatji Yus enentáimtusar.
Yus akupkámu tura Yus túramu
15-16Iis, yatsuru, Yus Aprajáman chichaman najana anajmatuk “Ámiji̱a̱i̱ tura amé wea akiinkiattana núja̱i̱sha ashí aents ti shiir ajasártatui” tímiayi. Kame “amé wea akiinkiartatna nuja̱i̱” tíchamiayi antsu “akiintiatta nuja̱i̱” tímiayi.Naṉ. 17:7 Nuna taku chikichik átinia nuna enentáimpramiayi. Nusha Krístuiti. Aentstisha enentáimpratai. Shuar chichaman najana tura papinium aar nuyá̱ ni naari̱ apujas nuikia nekas yapají̱tsuk umiktiniaiti. Umitsuk iniaisachminiaiti. Patattasha patattsachminiaiti. 17Wátsek, Yus núnisaṉ chichaman Aprajámja̱i̱ najana ukunam umitsuk iniaisachminiaiti. Tura chichaman najanamia nú ukunam kuatrusiántu traintia uwí naṉkaamasmatai Yus ni akupkámuri̱n Muisaisan susamiayi. Túramaitiat nuja̱i̱ Yusa yaunchu chichame̱n iniaisatniun yapaji̱áchmiayi. 18Tuma asamtai Yus timia nuka tuke uminkiattawai, Yus yaunchu Aprajámja̱i̱ chichaman najana asamtai. Núja̱i̱ṉkia páantaiti, péṉker ajastajtsar akupkámu umikrikia shiir pujuschartatji antsu Yus timia nuja̱i̱ iikia takatsuk shiir pujustatji. Nuna tsaṉkatkamiayi Yus Aprajámja̱i̱ chichaman najaneakᵘ.
19“¿Nuikia Yus urukamtai akupkámun susamia?” tíchaintmeash. Ayu, Aprajám wean Kristu táatsa̱i̱ṉ Yus timia nu uminkiachminiuyayi. Tuma asamtai ni táatsa̱i̱ṉ ashí yajauchin túrawarmia nu timiá yajauchiti tusa Yus akupkámun susamiayi. Tura Yusa suntari̱ ju̱ akupkámun ashí iwiarar Muisaisan susar akatrarmiayi Israer shuaran súsarti tusar. 20Antsu chikichik shuar niṉki takastinian enentáimkiuṉka chikichan atsumatsui. Tura Yus aya chikichkiti. Niṉki chikichan akattsuk ashí aentsun Aprajámja̱i̱ péṉker awajsatniun Aprajáma anajmatar niji̱a̱i̱ chichaman najanamiayi.
Yus akupkámu itiurkatiṉ
21¿Tura Yus jimiará chichamja̱i̱ chichaawak, tíchaintmeash. Emka Aprajáman “Ju̱ja̱i̱ uwemprattame” tíchamkia, nuyá̱ Muisaisan ni akupkámuri̱n súsachmakia? tíchaintmeash. Tura áintsachuiti. Nekaata, akupkámu umirkatniuja̱i̱ Yusja̱i̱ tuke péṉker pujusminiaitkiumka nuyá̱ aya akupkámuja̱i̱ uwempram yajauch túramuja̱i̱nchu ajasaintme. 22Tura Yus Chicham “Ashí aents tunáa kakarmari̱ji̱a̱i̱ pujuiniawai” paant tawai. Nu asamtai yamaikia ashí Jesukrístu nekas Yusa uchirí̱nti nekas tiar enentáimtuinia nú shuar aya Yus timiá asamtai uwemprartatui. 23Tura Kristu táatsa̱i̱ṉ Nin enentáimtuschamniauyayi. Tuma asamtai Ni táatsa̱i̱ṉ akupkámuka iin emettama pujurtamji aya akupkámu tana nu umirkatin. Tura ukunam ju̱ nekanayi, Kristu enentáimtusar uwempratniuitji. 24Akupkámu nuikia iin waitmakmaji uchin kuírchin wainnia áintsaṉ. Kristu tatí tusa waitmakmaji. Tura Kristu támatai ashí nekas Nin enentáimtuinia nuka Yusja̱i̱ péṉker áiniawai. 25Yamái Kristu nekas enentáimtustiniaiti tuma asamtai yamaikia akupkámu kuirchia áintsaṉ wáitmatsji. 26Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji. 27Ashí Kristu náari̱i̱n imiaimiutirmeka Kristua áintsaṉ ajasuitrume. 28Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji. 29Tura Krístunuitkiurmeka Aprajám wea áintsaṉ ajasurme atumsha. Tuma asarum Yus Aprajáman anajmatramia nu atumsha jurumkitniuitrume.
Currently Selected:
Kar. 3: jiv
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Kar. 3
3
Yus akupkámu tura Yus enentáimtustin
1¿Karaseanmaya̱tirmesha wariṉ aa? Waweamukaitrum netse enentáimprarum Yus tama umirkashtinia. Jesukrístu krúsnum mámun ti paant étserkun ¿atumín iniaktuschamkajrum? 2Wátsek, aniastatjarme, enentáimpratarum. ¿Wariji̱a̱i̱ṉ Yusa Wakaní̱ atumí enentái̱n achikmarum. Akupkámu umirkarmek enentáimin achikmarum antsu Yus enentáimtusrum ni Wakaní̱ achikchamkuram? 3¿Tuke nétsekaitrum. Yusa Wakaní̱ emka atumí enentái̱n wayá̱ takasmatai atumek yamaikia nu takat aya aya̱shí̱ kakarmari̱ji̱a̱i̱ṉ umiktájai tu enentáimprarmek. 4Peṉké ántrarmek wáitsamuram tura antsu ishichkisha unuimiárchamkarum? 5Naka enentáimpratarum. Yus ni Wakaní̱n súramtsuk tura aents túrachminian atumíin ti takaatsuk. Átum aya akupkámun umirkurmin Yus nuna túrachuiti. Antsu ni chichame̱ antukrum Yus enentáimtakrumin Yus nuna túraiti.
6Yaunchu ii uuntri̱ Aprajám enentáimpratai. Yus Chicham nin tawai “Aprajám Yusan enentáimtusmatai Yus ‘Ayu, péṉkeraitme’ Naṉ. 15:6 tímiayi” tawai. 7Iis, nuja̱i̱ páantchakait. Ashí shuar Yusan enentáimtuinia nuka Aprajámja̱i̱ métek enentáimpraru ásar ni uchirí̱a áintsaṉ ajasáru áiniawai. 8Yamái páantaiti. Yus ashí Israer shuarchancha tawai “Aya winia enentáimtursarum péṉker átatrume.” Israer shuarchasha nuja̱i̱ péṉker ajastinia nuna ti yaunchu neka asa, Aprajáman ujakmiayi “Ámiji̱a̱i̱ ashí aents ti shiir ajasártatui.” Naṉ. 12:3 9Tuma asamtai ashí shuar Yusan enentáimtuinia nuke Aprajámja̱i̱ métek péṉker ajasár shiir warasartatui.
10Antsu ashí shuar “akupkámun umirkan uwemprattajai” tuinia nuka yajauchiniam yumiṉkramu áiniawai. Yus Papinium áarchamukait “Ashí shuar Yus akupkámun ashí aarma nuna takamtsuk umirkachka yajauchiniam yumiṉkramu áiniawai.” Muis. 27:26; Jrm. 11:3 11Núja̱i̱ṉkia páantaiti. Akupkámu umirkatniuja̱i̱ péṉker ajaschamniaiti Yusja̱i̱ antsu aya “Yus enentáimtusam péṉker ajasam uwemprattame.” Awa. 2:4 12Shuar akupkámu umirkatniun enentáimna nuka aya nuja̱i̱ péṉker ajastinian enentáimiui. “Yusan enentáimtak péṉker ajastinian enentáimtsui.” Riw. 18:5; Isk. 20:11
13Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23 14Tuma asamtai Jesukrístu jakamuja̱i̱ ashí Israer shuarchasha Aprajámja̱i̱ métek péṉker shiir warasartatui. Iisha núnisrik nu shuarja̱i̱ Yusa Wakaní̱, Yus akupkataj timia nusha, achiktatji Yus enentáimtusar.
Yus akupkámu tura Yus túramu
15-16Iis, yatsuru, Yus Aprajáman chichaman najana anajmatuk “Ámiji̱a̱i̱ tura amé wea akiinkiattana núja̱i̱sha ashí aents ti shiir ajasártatui” tímiayi. Kame “amé wea akiinkiartatna nuja̱i̱” tíchamiayi antsu “akiintiatta nuja̱i̱” tímiayi.Naṉ. 17:7 Nuna taku chikichik átinia nuna enentáimpramiayi. Nusha Krístuiti. Aentstisha enentáimpratai. Shuar chichaman najana tura papinium aar nuyá̱ ni naari̱ apujas nuikia nekas yapají̱tsuk umiktiniaiti. Umitsuk iniaisachminiaiti. Patattasha patattsachminiaiti. 17Wátsek, Yus núnisaṉ chichaman Aprajámja̱i̱ najana ukunam umitsuk iniaisachminiaiti. Tura chichaman najanamia nú ukunam kuatrusiántu traintia uwí naṉkaamasmatai Yus ni akupkámuri̱n Muisaisan susamiayi. Túramaitiat nuja̱i̱ Yusa yaunchu chichame̱n iniaisatniun yapaji̱áchmiayi. 18Tuma asamtai Yus timia nuka tuke uminkiattawai, Yus yaunchu Aprajámja̱i̱ chichaman najana asamtai. Núja̱i̱ṉkia páantaiti, péṉker ajastajtsar akupkámu umikrikia shiir pujuschartatji antsu Yus timia nuja̱i̱ iikia takatsuk shiir pujustatji. Nuna tsaṉkatkamiayi Yus Aprajámja̱i̱ chichaman najaneakᵘ.
19“¿Nuikia Yus urukamtai akupkámun susamia?” tíchaintmeash. Ayu, Aprajám wean Kristu táatsa̱i̱ṉ Yus timia nu uminkiachminiuyayi. Tuma asamtai ni táatsa̱i̱ṉ ashí yajauchin túrawarmia nu timiá yajauchiti tusa Yus akupkámun susamiayi. Tura Yusa suntari̱ ju̱ akupkámun ashí iwiarar Muisaisan susar akatrarmiayi Israer shuaran súsarti tusar. 20Antsu chikichik shuar niṉki takastinian enentáimkiuṉka chikichan atsumatsui. Tura Yus aya chikichkiti. Niṉki chikichan akattsuk ashí aentsun Aprajámja̱i̱ péṉker awajsatniun Aprajáma anajmatar niji̱a̱i̱ chichaman najanamiayi.
Yus akupkámu itiurkatiṉ
21¿Tura Yus jimiará chichamja̱i̱ chichaawak, tíchaintmeash. Emka Aprajáman “Ju̱ja̱i̱ uwemprattame” tíchamkia, nuyá̱ Muisaisan ni akupkámuri̱n súsachmakia? tíchaintmeash. Tura áintsachuiti. Nekaata, akupkámu umirkatniuja̱i̱ Yusja̱i̱ tuke péṉker pujusminiaitkiumka nuyá̱ aya akupkámuja̱i̱ uwempram yajauch túramuja̱i̱nchu ajasaintme. 22Tura Yus Chicham “Ashí aents tunáa kakarmari̱ji̱a̱i̱ pujuiniawai” paant tawai. Nu asamtai yamaikia ashí Jesukrístu nekas Yusa uchirí̱nti nekas tiar enentáimtuinia nú shuar aya Yus timiá asamtai uwemprartatui. 23Tura Kristu táatsa̱i̱ṉ Nin enentáimtuschamniauyayi. Tuma asamtai Ni táatsa̱i̱ṉ akupkámuka iin emettama pujurtamji aya akupkámu tana nu umirkatin. Tura ukunam ju̱ nekanayi, Kristu enentáimtusar uwempratniuitji. 24Akupkámu nuikia iin waitmakmaji uchin kuírchin wainnia áintsaṉ. Kristu tatí tusa waitmakmaji. Tura Kristu támatai ashí nekas Nin enentáimtuinia nuka Yusja̱i̱ péṉker áiniawai. 25Yamái Kristu nekas enentáimtustiniaiti tuma asamtai yamaikia akupkámu kuirchia áintsaṉ wáitmatsji. 26Antsu Jesukrístu enentáimtusar nuja̱i̱ Yusa uchirí̱ úuntmaru ajasuitji. 27Ashí Kristu náari̱i̱n imiaimiutirmeka Kristua áintsaṉ ajasuitrume. 28Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji. 29Tura Krístunuitkiurmeka Aprajám wea áintsaṉ ajasurme atumsha. Tuma asarum Yus Aprajáman anajmatramia nu atumsha jurumkitniuitrume.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.