Jiin. 4
4
Yus kakarmari̱n Muisaisan súamu
1Nuya̱ṉka Muisais aya̱k “Warí Uunt Yuska wantintiurmakcha antra tame turutainiak wi ujamsha wáitrakum tu wekaam tusa aya kákantrichartatuak” takui̱ 2Uunt Yus anintrak “Achíakmena nusha ¿warimpiait?” tutai “Wai̱n achíakjai” tímiayi. 3Nuyá̱ Uunt Yus chicharuk “Nuṉká aju̱a̱nta” takui̱ nu wai̱ nuṉká aju̱a̱ntam napi najanarmiayi. Túrunamtai Muisais ashamak úkumur waketmiayi. 4Nuya̱ṉka Uunt Yus Muisaisan chicharuk “Uwejé̱m iwiaintiukam napi ujuknum achikta” tímiayi. Tutai napi ujuknum achikiam nápitiat ataksha ni uwejé̱n wai̱ najanarmiayi. 5Ataksha Uunt Yus Muisaisan chicharuk “Nuní̱ túrakmin nuiṉkia ‘Uunt Yus ame Úuntrumin Aprajáma Yusri̱ tura Isaka Yusri̱ nuyá̱ Jakupa Yusri̱ nekas wantintiurmakúme’ turamartatui” tímiayi. 6Nu arant Uunt Yus chicharuk “Ame netsepmea nui̱ uwejé̱m pushirmin awayá̱ta” takui̱ awayá̱miayi. Tura jusa iyaj tukamá kuchaprukmiayi. Tura nu kuchapsha micha timianú puju ajasún wáinmiayi. 7Nu arantcha chicharuk “Ataksha túrata” takui̱ netsepnum ni uwejé̱n pushiri̱n awayá̱ jusa iyaj tukamá mash tímiatrusaṉ péṉker kuchaprukcha ajasún wáinmamkamiayi. 8Tura nu túrakum emka iniakmastatmena nui̱ nekasaiti turamainiachkuisha antsu ataksha túrakum iniaktusartatmena nui̱ nekas tame turamartatui. 9Nuyá̱ nu arant jimiará túramu iniaktusartatmena nuna nekasaiti tiar anturtamainiachkuiṉkia antsu nui̱ṉkia Niru entsanmaya̱ shikikiam nu entsa nuṉka ju̱ju̱ptinnium ukarta. Tura Niru entsa shikikiam nuṉka ju̱ju̱ptinnium ukartatmena nuke numpa ajastatui.
10Nuya̱ṉka Muisais Uunt Yusan aya̱k “¡Maa Uuntá! Wikia yáunchusha tura yamái Ámin takartámin áujeamna ju̱i̱sha unuushím chicháu asan paant chichachuitjiai” tímiayi. 11Nuna takui̱ Uunt Yus aya̱k “¿Yaki aentsu wene̱ncha najatamia tura múutnasha, empekúncha, kusurúncha tura wáinmancha, ya najankamia. Kame Wiki Úunt Yuschakaitiaj? 12Tuma asamtai yamaikia wetá. Ame warí títiatam núnaka Wi jintintrattajme” tímiayi. 13Nuyá̱ Muisais chichaak “Uuntá, waitneasam chíkich aents akupkata” tímiayi. 14Nuya̱ṉka Uunt Yus Muisaisan kajerak chicharuk “¿Wi ame yatsumin Araunan Riwí shuar péṉker chichamtinia nuna nékatsjak? Kame nusha ámiji̱a̱i̱ iṉkiukataj tusa winiawai. Tura ámin wáitmak warastatui. 15Tura ámeka Wi títiatjamna ímiatrusmek jintin wetá. Kame Wikia atumji̱a̱i̱ pujuttajai. Túmakun átum túrattarmena nuna jintintratjarme. 16Ámeka Wi tájamna núnismek Araun jintintiatme tura Arauncha ame chichammin aentsun ujakártatui. Tura Araunja̱i̱ Yusa núnis átatme. 17Tura wai̱ takakmena nuka takusta. Nuja̱i̱ aents túrachmin túramu paant iniakmastatme” Yus tímiayi.
Muisais Ejiptu nuṉkanam wéamu
18Nuya̱ṉka Muisais ni we̱a̱rí̱ Jitru pujamunam waketki̱ chicharuk “Ejiptunam wi shuar túkeash iwiaaku pujuinia nuna waketkin iyuwartaj tsaṉkatrukta.” Takui̱ Jitru chicharuk “Aṉkantaitme wetá” tímiayi. 19Núnisaṉ Uunt Yus Muisaisan Matiannum pujan chicharuk “Pai yamaikia, Ejiptunam waketkitia, ámin mantamataj turamarmia nuka jákaruiti” tímiayi. 20Nuya̱ṉka Muisais ni nua̱ri̱n tura uchirí̱ armia nunasha umpurunam ekenkar Ejiptu nuṉkanam wéak Yusa wai̱ri̱ncha jukimiayi. 21Nuyá̱ Uunt Yus Muisaisan chicharuk “Ejiptunam waketkim aents túrachmin túrata tájam nuka Parauṉ íimmianum ashí túrata. Tuma ai̱ṉsha ni enentái̱n ikiatsuátrattajai, Israer shuaran akupkacharat tusan. 22Tura Parauṉ chicharkum ‘Uunt Yus chichartamuk “Israerka winia uchir iwia̱i̱ri̱nti. 23Winia uchir jíinkiar wéar tikishmátrurarat iniaisarta tájame. Tura wétin tsaṉkateachkumni̱ṉkia ame uchirmi iwia̱i̱ri̱n mantuawartatjai” Yus túramui titiá’” tímiayi.
24Tura jintiá kánuiniamunam Uunt Yus Muisaisan jiintiuki̱ iṉkiuṉ nui̱ṉ mátaj tu enentáimtusmiayi. 25Túrasha Sépura kaya iwiarar atsakamuja̱i̱ ni uchirí̱ shunirí̱ nuapchiri̱n tsupirak Muisaisa nawe̱n naṉkía tukú chicharuk “Ámeka winia nekas numparuí̱ya̱ áishruitme” tímiayi. 26Tura nuna túramtai Yus Muisaisan mátaj tu enentáimtimia núnaka iniaisámiayi. Kame Sépura “Winia nekas numparuí̱ya̱ áishruitme” timia nuka ni uchirí̱ tsupirnakmanum núnaka tímiayi.
Muisais Araunja̱i̱ Israer shuar chicharma
27Nuya̱ṉka Uunt Yus Araunan chicharuk “Kampuntin atsamunam Muisais iṉkiuṉtaj tusam wetá” tutai Arauncha we Muisaisja̱i̱ Yusa náintri̱n iṉkiunaik miniaknaikiar yapin mukutnaiyawarmiayi. 28Tura nui̱ Muisais Araunan ashí Yus ni chichame̱ etserkatniun tura aents túrachminian túratniun kakarman Yus susamia nuna mash ujarmiayi. 29Nuyá̱ Muisais Araunja̱i̱ waketkiar Israer shuara uuntri̱ armia nuna irurarmiayi. 30Tura Uunt Yus Muisaisan ujakmia nuna Arauncha ashí etserkamiayi. Nuya̱ṉka ashí Israernumia̱ iimiainiamunam aents túrachmianian túrak iniaktusarmiayi. 31Nuna iisar ashí Israernumia̱ shuar “nekasaiti, Yus Israer shuartin íirmainiaitji núnisaṉ ii wáitiamuncha nekaawiti” tusar Yusan enentáimtuiniak tikishmátrar shiir awajsarmiayi.
Currently Selected:
Jiin. 4: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Jiin. 4
4
Yus kakarmari̱n Muisaisan súamu
1Nuya̱ṉka Muisais aya̱k “Warí Uunt Yuska wantintiurmakcha antra tame turutainiak wi ujamsha wáitrakum tu wekaam tusa aya kákantrichartatuak” takui̱ 2Uunt Yus anintrak “Achíakmena nusha ¿warimpiait?” tutai “Wai̱n achíakjai” tímiayi. 3Nuyá̱ Uunt Yus chicharuk “Nuṉká aju̱a̱nta” takui̱ nu wai̱ nuṉká aju̱a̱ntam napi najanarmiayi. Túrunamtai Muisais ashamak úkumur waketmiayi. 4Nuya̱ṉka Uunt Yus Muisaisan chicharuk “Uwejé̱m iwiaintiukam napi ujuknum achikta” tímiayi. Tutai napi ujuknum achikiam nápitiat ataksha ni uwejé̱n wai̱ najanarmiayi. 5Ataksha Uunt Yus Muisaisan chicharuk “Nuní̱ túrakmin nuiṉkia ‘Uunt Yus ame Úuntrumin Aprajáma Yusri̱ tura Isaka Yusri̱ nuyá̱ Jakupa Yusri̱ nekas wantintiurmakúme’ turamartatui” tímiayi. 6Nu arant Uunt Yus chicharuk “Ame netsepmea nui̱ uwejé̱m pushirmin awayá̱ta” takui̱ awayá̱miayi. Tura jusa iyaj tukamá kuchaprukmiayi. Tura nu kuchapsha micha timianú puju ajasún wáinmiayi. 7Nu arantcha chicharuk “Ataksha túrata” takui̱ netsepnum ni uwejé̱n pushiri̱n awayá̱ jusa iyaj tukamá mash tímiatrusaṉ péṉker kuchaprukcha ajasún wáinmamkamiayi. 8Tura nu túrakum emka iniakmastatmena nui̱ nekasaiti turamainiachkuisha antsu ataksha túrakum iniaktusartatmena nui̱ nekas tame turamartatui. 9Nuyá̱ nu arant jimiará túramu iniaktusartatmena nuna nekasaiti tiar anturtamainiachkuiṉkia antsu nui̱ṉkia Niru entsanmaya̱ shikikiam nu entsa nuṉka ju̱ju̱ptinnium ukarta. Tura Niru entsa shikikiam nuṉka ju̱ju̱ptinnium ukartatmena nuke numpa ajastatui.
10Nuya̱ṉka Muisais Uunt Yusan aya̱k “¡Maa Uuntá! Wikia yáunchusha tura yamái Ámin takartámin áujeamna ju̱i̱sha unuushím chicháu asan paant chichachuitjiai” tímiayi. 11Nuna takui̱ Uunt Yus aya̱k “¿Yaki aentsu wene̱ncha najatamia tura múutnasha, empekúncha, kusurúncha tura wáinmancha, ya najankamia. Kame Wiki Úunt Yuschakaitiaj? 12Tuma asamtai yamaikia wetá. Ame warí títiatam núnaka Wi jintintrattajme” tímiayi. 13Nuyá̱ Muisais chichaak “Uuntá, waitneasam chíkich aents akupkata” tímiayi. 14Nuya̱ṉka Uunt Yus Muisaisan kajerak chicharuk “¿Wi ame yatsumin Araunan Riwí shuar péṉker chichamtinia nuna nékatsjak? Kame nusha ámiji̱a̱i̱ iṉkiukataj tusa winiawai. Tura ámin wáitmak warastatui. 15Tura ámeka Wi títiatjamna ímiatrusmek jintin wetá. Kame Wikia atumji̱a̱i̱ pujuttajai. Túmakun átum túrattarmena nuna jintintratjarme. 16Ámeka Wi tájamna núnismek Araun jintintiatme tura Arauncha ame chichammin aentsun ujakártatui. Tura Araunja̱i̱ Yusa núnis átatme. 17Tura wai̱ takakmena nuka takusta. Nuja̱i̱ aents túrachmin túramu paant iniakmastatme” Yus tímiayi.
Muisais Ejiptu nuṉkanam wéamu
18Nuya̱ṉka Muisais ni we̱a̱rí̱ Jitru pujamunam waketki̱ chicharuk “Ejiptunam wi shuar túkeash iwiaaku pujuinia nuna waketkin iyuwartaj tsaṉkatrukta.” Takui̱ Jitru chicharuk “Aṉkantaitme wetá” tímiayi. 19Núnisaṉ Uunt Yus Muisaisan Matiannum pujan chicharuk “Pai yamaikia, Ejiptunam waketkitia, ámin mantamataj turamarmia nuka jákaruiti” tímiayi. 20Nuya̱ṉka Muisais ni nua̱ri̱n tura uchirí̱ armia nunasha umpurunam ekenkar Ejiptu nuṉkanam wéak Yusa wai̱ri̱ncha jukimiayi. 21Nuyá̱ Uunt Yus Muisaisan chicharuk “Ejiptunam waketkim aents túrachmin túrata tájam nuka Parauṉ íimmianum ashí túrata. Tuma ai̱ṉsha ni enentái̱n ikiatsuátrattajai, Israer shuaran akupkacharat tusan. 22Tura Parauṉ chicharkum ‘Uunt Yus chichartamuk “Israerka winia uchir iwia̱i̱ri̱nti. 23Winia uchir jíinkiar wéar tikishmátrurarat iniaisarta tájame. Tura wétin tsaṉkateachkumni̱ṉkia ame uchirmi iwia̱i̱ri̱n mantuawartatjai” Yus túramui titiá’” tímiayi.
24Tura jintiá kánuiniamunam Uunt Yus Muisaisan jiintiuki̱ iṉkiuṉ nui̱ṉ mátaj tu enentáimtusmiayi. 25Túrasha Sépura kaya iwiarar atsakamuja̱i̱ ni uchirí̱ shunirí̱ nuapchiri̱n tsupirak Muisaisa nawe̱n naṉkía tukú chicharuk “Ámeka winia nekas numparuí̱ya̱ áishruitme” tímiayi. 26Tura nuna túramtai Yus Muisaisan mátaj tu enentáimtimia núnaka iniaisámiayi. Kame Sépura “Winia nekas numparuí̱ya̱ áishruitme” timia nuka ni uchirí̱ tsupirnakmanum núnaka tímiayi.
Muisais Araunja̱i̱ Israer shuar chicharma
27Nuya̱ṉka Uunt Yus Araunan chicharuk “Kampuntin atsamunam Muisais iṉkiuṉtaj tusam wetá” tutai Arauncha we Muisaisja̱i̱ Yusa náintri̱n iṉkiunaik miniaknaikiar yapin mukutnaiyawarmiayi. 28Tura nui̱ Muisais Araunan ashí Yus ni chichame̱ etserkatniun tura aents túrachminian túratniun kakarman Yus susamia nuna mash ujarmiayi. 29Nuyá̱ Muisais Araunja̱i̱ waketkiar Israer shuara uuntri̱ armia nuna irurarmiayi. 30Tura Uunt Yus Muisaisan ujakmia nuna Arauncha ashí etserkamiayi. Nuya̱ṉka ashí Israernumia̱ iimiainiamunam aents túrachmianian túrak iniaktusarmiayi. 31Nuna iisar ashí Israernumia̱ shuar “nekasaiti, Yus Israer shuartin íirmainiaitji núnisaṉ ii wáitiamuncha nekaawiti” tusar Yusan enentáimtuiniak tikishmátrar shiir awajsarmiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.