Jiin. 35
35
Ayampratin tsawant Yus akantúkma
1Nuya̱ṉka Israer shuarnaka ashí irurar Muisais chicharainak “Uunt Yus chichaak ju̱na túrawarti. 2Sais tsawant takakmasarti antsu tsawant siátikia Uunt Yusna atí tusa akantúkma tura ayampratin tsawantaiti. Yaaksha nu tsawantin takakmaka jakattawai. 3Ayampratin tsawantinkia yana jé̱e̱nkisha jikia ikiapántrashti tawai” tímiayi Muisais.
Yus Shiir Awajtai̱ Je̱a̱ je̱a̱mtin untsumma
4-29 Nuyá̱ Muisais Israer shuaran ashí untsukar irur chicharainiak “Ashí tsaṉka enentáintin ainia nu Uunt Yus ántar súsatin Yus Shiir Awajtai̱ Je̱a̱ je̱a̱mtinian núnisaṉ ashí Yusna akantúkma ainia nu najankatniuncha nuyá̱ Yúsnan pujurin entsarartin apartincha ikiankatarum tawai Uunt Yus” tímiayi. Tura Muisais nuna takui̱ ashí Israer shuar áishmaṉsha nuwa̱sha shiir enentáiji̱a̱i̱ Uunt Yus ántar súsatniun ikiankarmiayi. Túruiniak atsumiarmia núna naṉkaamas patasáar ikiankarmiayi.
30Nuya̱ṉka Muisais Israer shuaran chicharuk “Wats nekaatarum, Uunt Yus Pisaríiran, Urí uchirí̱n Ura tiraṉki̱n Jutá weanmaya̱n anaikiayi. 31Tura nisha Yusa Wakaní̱ pimiutkamu asa péṉker enentáimias nekatai̱ji̱a̱i̱ nekaar najankatniuncha nekamtikiayi. 32Túramu asa kuriji̱a̱i̱, kuitji̱a̱i̱, yaṉkú jiruja̱i̱sha péṉker nakumprar najankatniuncha 33núnisaṉ shíirmach kaya anujratniuncha numiji̱a̱i̱sha tura ashí takat iwiarkar najankatniun Uunt Yus anaikiayi. 34Nisha takaak jútikia najankata tusa jintíatniun jean Uunt Yus nekamtikia apujsayi. Núnisaṉ chikichniasha Ajismáka uchirí̱n Uriapan, Tan shuarnumia̱ncha jintíatniun jean Uunt Yus nekamtikia apujsayi. 35Nisha riniu tarach tura yamákái núnisaṉ kiṉkia nuyá̱ kapantin tarach nakumkar náimkiur eteṉkrar tí shiirmach najankatniuncha Yus anaikiarai. Tura enentáimsar nekaar nu takat péṉker najankatniun Uunt Yus neka awajsarai.
Currently Selected:
Jiin. 35: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
