Ams. 3
3
Yúsnan etserin Amus étserma
1Ashí Israer shuartirmin Ejiptunmaya̱ juramsamiarmena nútirmin Jiuwá átum asutniátniun túramprumna jú̱ chicham antuktarum. 2“Ashí nuṉkanmaya̱ja̱i̱ naṉkaamas imiankaska atumniak eteṉmasan anaikiaitjiarme. Túrasha atumí tunaari̱ni̱ṉ asutiáttajrume” tawai. 3Wats jimiará aents mái̱mtek nu enentáiniak enentáimiainiachkuṉka tsaniṉ ¿wekaasamniak ainia? 4Kame úunt ya̱wa̱ kampunniunam ¿yukartutskek júrur ajawit? Núnisaṉ úunt ya̱wa̱ uchirí̱ wá̱a̱nam júrur ajainiak namaṉke̱n akasmatainiachkuṉ ¿tiniu ainia? 5Tura nanamtincha e̱a̱mniua nu tukachmaka nuṉká ¿iniarminkiait? Núnisaṉ netuamu kuenak ántraṉkek ¿kuenainiait? 6Ántsaṉ péprunam kachun umpuararmatai aents ¿sapijmiakchartatuak? Wats péprunam itiurchat naṉkama nuka Jiuwá ¿túrachmakait? 7Warí ii Uuntri̱ Jiuwaka ni takarniúri̱ Yúsnan etserin ainia nuna paant ujatskeka nekaachminia nuna túrichuiti. 8Úunt ya̱wa̱ júrur ajakui ¿yaki ashamkachaint? Núnisaṉ ii Uuntri̱ Jiuwá winia chichamur etserkata tákuiṉkia ¿yaki etserkachaint?
Samaria emeskatin etserkamu
9Astutnum tura Ejiptunmasha akupin pujutai̱ je̱a̱ ainia nui̱sha chícham étserkuram jú̱nisrum titiarum “Naint Samarianam írunna nui̱ waká iruntrarum túrarum aents náṉkamas iruntrar ti itiurchat ajainiak chikichnasha ti wáitkiainiana nu iistarum. 10Péṉkernaka túrichu áiniawai. Awakmakar ata̱rma ainia núnaka ni je̱e̱n irumainiawai” tíniuiti Jiuwá.
11Tuma asamtai Jiuwá ii Uuntri̱ tíniuiti “Atumí nemasri̱ṉkia tuyá̱ tuya̱ṉsha káutramkattarme. Túrawar pepru wenuke̱ iwiarkar utúachmin awajsamu ainia núnaka emesturmakar tura úunt akupniu je̱e̱nka juu juu aya jú̱nik awajsártatui. 12Israer shuar Samarianam peak péṉker iwiarkamunam pujuiniaka murikiu jimiará makuin núja̱i̱nchuka kuishi̱ tsakari̱n úunt ya̱wa̱ apakun murikiu wáinin ata̱i̱nia núnisar pisarartatui” tú tíniuiti Jiuwá.
13“Antuktarum tura Jakupa shuari̱ makuntraratⁱ etsertuktarum” tíniuiti Nayaimpinmaya̱ Suntara Uuntri̱ Jiuwá. 14“Kame Israer shuar Yusan nakitín ántichun asutiáwartataj nu tsawantinkia Pitirnum najankamu yus aestutai̱ ainia nunasha emeskartatjai. Túram aestutai̱ kachurí̱ncha kupiraram nuṉkáa utsanawartatui. 15Yumí je̱a̱sha esat je̱a̱ja̱i̱ métek emesnakartatui. Tura márjirja̱i̱ tí shiirmach je̱a̱mkamu irunainiana nunasha emesnakartatui. Untsurí je̱a̱ emeskamu ártatui” tíniuiti Jiuwá.
Currently Selected:
Ams. 3: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
