Tur. 22
22
Papru aentsun timia
1Nui̱ Papru chichaak “Yatsurtiram, tura úuntur árumna nu antuktarum. Wikia Pápruitjiai. Kíishtumaktaj tusan títiatjana nu waitneasrum anturtuktarum” tímiayi. 2Tura Papru Israer chichaman chichaakui aents nuna antukar nú naṉkaamas itiatkarmiayi. 3Nui̱ Papru chichaak “Wikia Israer shuaraitjiai. Társunam Sirisia nuṉkanam akiiniaitjiai. Túmaitiatnak ju̱i̱ Jerusaréṉnum tsakaruitjiai. Tura unuikiartin Kamaríran chichame̱n unuimiáruitjiai. Tuma asan ii uuntri̱ akupkarmia nuna ashí umirkaitjiai. Tura átum yamái túrarmena nuna wisha nútiksanak Yusna ana nuna tuke enentáiji̱a̱i̱ wakerukuitjiai. 4Tura Jesusan umirkaru armia nuna mátaj tusan pataatukní̱ wekaimiajai. Túran áishmaṉkan nuwa̱ncha achikian sepunam eṉkeataj tusan túrimiajai. 5Yúsnan pujurniu úuntri̱sha tura Israer shuara úuntri̱sha Tamaskunam íi shuar susata tusar papin ataktusar akuptúkarmia nuna niṉkia nékainiawai. Jesusan umirkarun achikia ikiaankan ju̱i̱ Jerusaréṉnum asutniáwarat tusan werimjiai” tímiayi.
(Tur. 9:1-19; 26:12-18)
6“Tura wi jintiá weai̱ Tamaskunam jeastatuk ajasái nantu tutupin ai̱ aya aneachma nayaimpinmaya̱ newaat wajantruntmiayi. 7Túrunamtai wisha nuṉká iniaarmajai. Nuya̱ṉka chichaamun antukmajai. Chichartak ‘Sauru, Sauru, ¿urukamtia imiá pataaturam?’ turutmiai. 8Takui̱ wi aniasmajai ‘¿Amesha Uuntá yáitiam?’ Tutai ‘Wikia Nasarétnumia̱ Jesusaitjiai. Ame pataaturmena nuitjiai’ turutmiai. 9Wiji̱a̱i̱ pujuarmia nu, newaat wajantun wáinkiar ti ashamkarmai. Túrasha niṉkia túrutun antukcharmai. 10Tura wi tímiajai ‘¿Nuiṉkia Uuntá, warí itiurkattaj?’ tímiajai. Tutai Uunt chichartak ‘Wajakím Tamaskunam wetá. Nui̱sha ame túrattamna nuna ujatmákartatui’ turutmiai. 11Kame wikia nú newaat ajakun iisan ji̱ru kusurmai. Tuma asamtai winia tsaniakmar eṉkeki̱ jurukiar Tamaskunam ejetiarmai.
12Tura nui̱ Tamaskunam áishmaṉ Ananías pujumai. Nisha Yusan aneak Muisais akupkámia nuna umirkauyi. Tura nú péprunmaya̱ Israer shuar armia nu nin péṉker enentáimtiarmiai. 13Nú Ananías winia íirsataj tusa tamai. Taa turutmiai ‘Yatsuru Sauru, péṉker íimtiá’ túrutkui nú chichamaik péṉker íimmiajai. Túrunan Ananíasnasha wainkiamjai. 14Tura Ananías chichaak ‘Iwiaaku Yus, winia wakeramurun nekartuat tusa winia Uchirnasha tunaarinchaa nuna íisat tusa winia chichampruncha antukat tusa ámin yaunchu Yus anaitiamkaiti. 15Amesha Papru, Yusna ana nu íisumna nusha antukumna nusha ashí aents ujakártatme. 16Tuma asamtai yamaisha ¿warí nákam? Tunaarun asakátrurat tusam Uunt Jesus enentáimtusam weme ni naari̱ pachisam imiantia’ turutmai.
17Tura Jerusaréṉnum waketkin Yusa Uunt Je̱e̱n wémajai Yusan áujsataj tusan. Nui̱ íimiarmajai. 18Nui̱ Jesus chichartak ‘Ju̱i̱ Jerusaréṉnum Wí túramur etserkattamna nuna antukchartatui. Tuma asamtai wari jiinkim wetá’ turutmiai. 19Túrutkui wi tímiajai ‘Túrasha Uuntá, ju̱yá̱ aents wi Israer shuara iruntai̱ je̱e̱n waya̱n Ámin nekas enentáiji̱a̱i̱ enentáimturmainia nuna nui̱ matsatun achikiáran awatiáran sepunam eṉkeawarmiaj nuna nékainiawai. 20Tura nuyá̱ áminiu etserniun Estepaṉkan máiniakuisha wisha wajamjai. Túruiniakui “péṉkeraiti áitkiarum nuka” tímiajai. Nú arantcha ni pushiri̱n íirsamjai’ tímiajai. 21Túrasha Uunt Jesus winia turutmiai ‘Wetá. Israer shuarcha matsatainia nui̱ akupkátjame’ turutmiai” tímiayi Papru.
Suntara úuntri̱i̱n túrunamu
22Nui̱ matsamármia nu, nuna antukarka untsumtan juáriarmiayi. “Ju̱ka mantamnati. ¿Urukamtaik iwiaakusha pujusat?” tiármiayi. 23Tura aentska Páprun kajerainiak ti untsumainiak pushiri̱n tujaat ajapawar nuṉkancha naṉkimkiamaikia ajarmiayi. 24Tura suntara uuntri̱ nuna wainiak Páprun suntar pujamunam awayá̱miayi. Tura suntaran chicharuk “Átum asutiárum áimtikiatarum. ¿Urukamtaik aents nin kajerainiak imiá untsumainia? Nekaatarum” tímiayi. 25Tura Páprun asutiátai tusar jiṉkiarar awajsam Pápruka suntara úuntri̱n chicharuk “¿Rúmanmaya̱ aents áyatik asutiámniakait, ni túramuri̱ nekartsuk?” tímiayi.
26Nuna táman suntara uuntri̱ antuk kapitiánin ujaktaj tusa werí chichaak “Maaj, túrataj támena nu anearta. Ju̱ áishmaṉ Rúmanam páchitkiaiti” tímiayi.
27Nuna antuk kapitián Páprun werí aniasmiayi “¿Amesha nekasmek Rúmanam páchitkaitiam?” Tutai Papru “Ee” 28tutai “Wikia ti kuítian akikmakmiajai Rúmanam pachinkiatniun” uunt kapitián tímiayi. Tutai Papru chichaak “Túrasha winia aparka Rúmanam páchitkia asamtai wisha Rúmanam pachinkian akiiniaitjiai” tímiayi. 29Nuna takui̱ Páprun asutiátaj tiarmia nuna wárik iniaisar jíiniar wéarmiayi. Tura imia uunt kapitiáncha Rúmanam páchitkian jiṉkiá asa ashamkamiayi.
30Tuma asa kashin tsawa̱r kapitián urukamtaik Páprun imiá kajerainia nekaataj tusa wakerak Páprun werí jiṉkiamun atirmiayi. Tura Yúsnan pujurniu úuntri̱n chíkich naamka armia núja̱i̱sha ikiaankamiayi. Tura nuiṉkia ni matsatmanum Páprun itiar ajapén awajsámiayi.
Currently Selected:
Tur. 22: jiv
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.
Tur. 22
22
Papru aentsun timia
1Nui̱ Papru chichaak “Yatsurtiram, tura úuntur árumna nu antuktarum. Wikia Pápruitjiai. Kíishtumaktaj tusan títiatjana nu waitneasrum anturtuktarum” tímiayi. 2Tura Papru Israer chichaman chichaakui aents nuna antukar nú naṉkaamas itiatkarmiayi. 3Nui̱ Papru chichaak “Wikia Israer shuaraitjiai. Társunam Sirisia nuṉkanam akiiniaitjiai. Túmaitiatnak ju̱i̱ Jerusaréṉnum tsakaruitjiai. Tura unuikiartin Kamaríran chichame̱n unuimiáruitjiai. Tuma asan ii uuntri̱ akupkarmia nuna ashí umirkaitjiai. Tura átum yamái túrarmena nuna wisha nútiksanak Yusna ana nuna tuke enentáiji̱a̱i̱ wakerukuitjiai. 4Tura Jesusan umirkaru armia nuna mátaj tusan pataatukní̱ wekaimiajai. Túran áishmaṉkan nuwa̱ncha achikian sepunam eṉkeataj tusan túrimiajai. 5Yúsnan pujurniu úuntri̱sha tura Israer shuara úuntri̱sha Tamaskunam íi shuar susata tusar papin ataktusar akuptúkarmia nuna niṉkia nékainiawai. Jesusan umirkarun achikia ikiaankan ju̱i̱ Jerusaréṉnum asutniáwarat tusan werimjiai” tímiayi.
(Tur. 9:1-19; 26:12-18)
6“Tura wi jintiá weai̱ Tamaskunam jeastatuk ajasái nantu tutupin ai̱ aya aneachma nayaimpinmaya̱ newaat wajantruntmiayi. 7Túrunamtai wisha nuṉká iniaarmajai. Nuya̱ṉka chichaamun antukmajai. Chichartak ‘Sauru, Sauru, ¿urukamtia imiá pataaturam?’ turutmiai. 8Takui̱ wi aniasmajai ‘¿Amesha Uuntá yáitiam?’ Tutai ‘Wikia Nasarétnumia̱ Jesusaitjiai. Ame pataaturmena nuitjiai’ turutmiai. 9Wiji̱a̱i̱ pujuarmia nu, newaat wajantun wáinkiar ti ashamkarmai. Túrasha niṉkia túrutun antukcharmai. 10Tura wi tímiajai ‘¿Nuiṉkia Uuntá, warí itiurkattaj?’ tímiajai. Tutai Uunt chichartak ‘Wajakím Tamaskunam wetá. Nui̱sha ame túrattamna nuna ujatmákartatui’ turutmiai. 11Kame wikia nú newaat ajakun iisan ji̱ru kusurmai. Tuma asamtai winia tsaniakmar eṉkeki̱ jurukiar Tamaskunam ejetiarmai.
12Tura nui̱ Tamaskunam áishmaṉ Ananías pujumai. Nisha Yusan aneak Muisais akupkámia nuna umirkauyi. Tura nú péprunmaya̱ Israer shuar armia nu nin péṉker enentáimtiarmiai. 13Nú Ananías winia íirsataj tusa tamai. Taa turutmiai ‘Yatsuru Sauru, péṉker íimtiá’ túrutkui nú chichamaik péṉker íimmiajai. Túrunan Ananíasnasha wainkiamjai. 14Tura Ananías chichaak ‘Iwiaaku Yus, winia wakeramurun nekartuat tusa winia Uchirnasha tunaarinchaa nuna íisat tusa winia chichampruncha antukat tusa ámin yaunchu Yus anaitiamkaiti. 15Amesha Papru, Yusna ana nu íisumna nusha antukumna nusha ashí aents ujakártatme. 16Tuma asamtai yamaisha ¿warí nákam? Tunaarun asakátrurat tusam Uunt Jesus enentáimtusam weme ni naari̱ pachisam imiantia’ turutmai.
17Tura Jerusaréṉnum waketkin Yusa Uunt Je̱e̱n wémajai Yusan áujsataj tusan. Nui̱ íimiarmajai. 18Nui̱ Jesus chichartak ‘Ju̱i̱ Jerusaréṉnum Wí túramur etserkattamna nuna antukchartatui. Tuma asamtai wari jiinkim wetá’ turutmiai. 19Túrutkui wi tímiajai ‘Túrasha Uuntá, ju̱yá̱ aents wi Israer shuara iruntai̱ je̱e̱n waya̱n Ámin nekas enentáiji̱a̱i̱ enentáimturmainia nuna nui̱ matsatun achikiáran awatiáran sepunam eṉkeawarmiaj nuna nékainiawai. 20Tura nuyá̱ áminiu etserniun Estepaṉkan máiniakuisha wisha wajamjai. Túruiniakui “péṉkeraiti áitkiarum nuka” tímiajai. Nú arantcha ni pushiri̱n íirsamjai’ tímiajai. 21Túrasha Uunt Jesus winia turutmiai ‘Wetá. Israer shuarcha matsatainia nui̱ akupkátjame’ turutmiai” tímiayi Papru.
Suntara úuntri̱i̱n túrunamu
22Nui̱ matsamármia nu, nuna antukarka untsumtan juáriarmiayi. “Ju̱ka mantamnati. ¿Urukamtaik iwiaakusha pujusat?” tiármiayi. 23Tura aentska Páprun kajerainiak ti untsumainiak pushiri̱n tujaat ajapawar nuṉkancha naṉkimkiamaikia ajarmiayi. 24Tura suntara uuntri̱ nuna wainiak Páprun suntar pujamunam awayá̱miayi. Tura suntaran chicharuk “Átum asutiárum áimtikiatarum. ¿Urukamtaik aents nin kajerainiak imiá untsumainia? Nekaatarum” tímiayi. 25Tura Páprun asutiátai tusar jiṉkiarar awajsam Pápruka suntara úuntri̱n chicharuk “¿Rúmanmaya̱ aents áyatik asutiámniakait, ni túramuri̱ nekartsuk?” tímiayi.
26Nuna táman suntara uuntri̱ antuk kapitiánin ujaktaj tusa werí chichaak “Maaj, túrataj támena nu anearta. Ju̱ áishmaṉ Rúmanam páchitkiaiti” tímiayi.
27Nuna antuk kapitián Páprun werí aniasmiayi “¿Amesha nekasmek Rúmanam páchitkaitiam?” Tutai Papru “Ee” 28tutai “Wikia ti kuítian akikmakmiajai Rúmanam pachinkiatniun” uunt kapitián tímiayi. Tutai Papru chichaak “Túrasha winia aparka Rúmanam páchitkia asamtai wisha Rúmanam pachinkian akiiniaitjiai” tímiayi. 29Nuna takui̱ Páprun asutiátaj tiarmia nuna wárik iniaisar jíiniar wéarmiayi. Tura imia uunt kapitiáncha Rúmanam páchitkian jiṉkiá asa ashamkamiayi.
30Tuma asa kashin tsawa̱r kapitián urukamtaik Páprun imiá kajerainia nekaataj tusa wakerak Páprun werí jiṉkiamun atirmiayi. Tura Yúsnan pujurniu úuntri̱n chíkich naamka armia núja̱i̱sha ikiaankamiayi. Tura nuiṉkia ni matsatmanum Páprun itiar ajapén awajsámiayi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2009 Avant Ministries in cooperation with Wycliffe Bible Translators, Inc. All rights reserved.