ROMA 16
16
O Paulo ki arira tani na enoni i Roma
1Inê kê hagarongogamu renia ka Paebe. Ngaia ki na goaka igê na tongesuriha. Ngaia ki na gete koro. Ngaia ki tagara igê na rotu i Kenikerea. 2Mu unia banu i pasimi, manga i marisimi, vi igamu na kariana God, suria ngaia nogana ki na kariana na Araha, ma kamu tamania igê na ani mavê na marâ, i obanigamu, vi gamu tamania renigi, renia ngaia ki bani tamanira bâraha rako na enoni, ma ki bani tamaniê bâraha nikâ inê.
3Inê kê visia “Mauri Koro” tangarerua ka Pirisila mo Akuila. Ngairerua karu tagara heniê, ma karu tarohenia o Kirisito Jesu heniê. 4Ngairerua karu kasi manavaterua, hanana garu hagatahiê. Inê kê visirerua koro, ma ki mareha vi inê ma, ma ngaira nikâ hete na enoni hato, ga pe Siu ma ka tongesuri. 5Inê kê visia “Mauri Koro” nikâ tangara na enoni, ga tongesuri ma ka rotu haku i pasiterua.
Inê kê visia “Mauri Koro” nikâ tanga o Epaineto, na tamaku koro. Ngaia ki tongesuria o Kirisito hagenago tarata na enoni getera, ga tongesuri i na apanena i Asia. 6Inê kê visia “Mauri Koro” tangarerua o Antoroniko ma ka Junia. 7Ngairerua ki na Siu manga inê, ma kami tage oga i ruma ni hagaitangiha. Na enoni hato ka girarerua, garu tagara koro mangara na aposotolo, ma karu tongesuria o Kirisito hagenago taraku.
8Inê kê visia “Mauri Koro” tanga o Ampilato. Ngaia ki na tamaku koro, ma kamuru tage obahaku igê na Araha. 9Inê kê visia “Mauri Koro” tanga o Urubano, i tagara henigami, kami tarohenia o Kirisito. Ma inê kê visia “Mauri Koro” nikâ tanga o Sitako, na tamaku koro. 10Inê kê visia “Mauri Koro” tanga o Apele. Na tongesuriha iana tanga o Kirisito ki nganganihaga ngavê i pasina. Inê kê visia “Mauri Koro” tangara na kariana o Arisitobolo. 11Inê kê visia “Mauri Koro” tanga o Herotione. Ngaia ki na Siu manga inê. Ma inê kê visia “Mauri Koro” tangara na goaka igê na tongesuriha i pasita na kariana o Narisiso.
12Inê kê visia “Mauru Koro” tangarerua ka Turipaina ma ka Turipesa, garu tagara tanga na Araha. Ma kê visia “Mauru Koro” tanga ka Perisi, na tamaku koro, i tagara bâraha tanga na Araha. 13Inê kê visia “Mauru Koro” tanga o Rupo, i tagara koro ngavê tanga na Araha, ma inê kê visia “Mauru Koro” nikâ tanga kenana, i katoê, manga vi o karena. 14Inê kê visia “Mauru Koro” tangara o Asunikirito mo Pelegoni mo Patorobasi mo Hemasi, ma tangara na enoni hato getera i pasita, ga tongesuria o Kirisito. 15Inê kê visia “Mauru Koro” tangara o Pilologo ma ka Julia, mo Nereo ma ka goana, mo Olimpa, ma tangara nikâ na ara ni kariana God, ga oga henira.
16Gamu hesigini mangara na ahegoata igê na tongesuriha, ma kamu hetakuiheri. Na haku hato na enoni, ga tongesuria o Kirisito, ka visia “Mauru Koro” tangagamu.
Na tagaraha ga tuguhira na enoni i Roma ga tongesuri
17Goaku igê na tongesuriha, inê kê kanukanugamu, mu hinarura na enoni, ga katora na enoni, ka totoko na aitangihata, ma ka hagaerasia na tongesuriha iata. Na enoni, ga urapusia na hagesuringa, mu bani têa, siana kamu hakunira. 18Suria na enoni, ga katokato manga ngekana, ngaira ka pe râ suria na Araha iaka o Kirisito, ma ka râ suri barisuta ma hete. Renia ngaira ka tamasi bâkoro ma ka rekora na enoni, ngaira ka hagahagaparura na enoni, ga pe hinahinaru. 19Na enoni hato ka bani giraragamu, vi igamu kamu gatagata igê na taroha koro. Tahema inê kê vagevage renigamu. Inê kê obanigamu, vi gamu takotako maninga renigi na marâ, ga koro, ma kamu hinarugi na marâ, ga pe koro. 20Ma God, i vategia na marapeha, ki sugia ma, vi ge pumenamenaria Satana i ruguhani na êgami.
Inê kê nungia na Araha o Jesu Kirisito ki mahata tangagamu.
21O Timoti, na tamaku igê na tagaraha, ki visia “Mauru Koro” tangagamu. Mo Lusio mo Jasoni mo Sosipatere ka visia nogata “Mauru Koro” tangagamu. Ngaira ka na Siu manga inê.
22Inê, Teresio, kê segegi so na tamasinga iana o Paulo igê na leta ngekê, ma kê visia nogaku “Mauru Koro” tangagamu. 23O Erasito, i bâsurigi na haga na hinua, mo Kuato, na goaka igê na tongesuriha, ngairerua nogaterua karu visia “Mauru Koro” tangagamu.
24[Inê kê nungia na Araha iaka o Jesu Kirisito, ki mahata tangagamu hato. I monari.]
O Paulo ki visia raha God
25Ka visia raha God. Ngaia ki girara, i hagagatagatanigamu igê na tongesuriha iami, i râ suria na Taroha Koro renia o Jesu Kirisito, gê ateate renia, ma ki râ suria na tamasinga mora, i bani pinihi me kere vê noga, ma i ngekê God ki bani hagagiraragia renia. 26Ma i ngekê na segesegeha iata na poropete ka bani hagabângenia mave na tamasinga mora ngekê. Ma God, i mauri tare, ki ramata, ki vi, i tuguhira na enoni hato i maveta, vi ga girara na tamasinga mora ngekê, hanana ngaira hato ka tongesuria God ma ka têtê viteana.
27Igê na raramohana o Jesu Kirisito ka visia raha tare ma tarema God, i tage togo, i takotako mataha teha nga vê igê na ara ni marâ hato. I monari.
Currently Selected:
ROMA 16: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
ROMA 16
16
O Paulo ki arira tani na enoni i Roma
1Inê kê hagarongogamu renia ka Paebe. Ngaia ki na goaka igê na tongesuriha. Ngaia ki na gete koro. Ngaia ki tagara igê na rotu i Kenikerea. 2Mu unia banu i pasimi, manga i marisimi, vi igamu na kariana God, suria ngaia nogana ki na kariana na Araha, ma kamu tamania igê na ani mavê na marâ, i obanigamu, vi gamu tamania renigi, renia ngaia ki bani tamanira bâraha rako na enoni, ma ki bani tamaniê bâraha nikâ inê.
3Inê kê visia “Mauri Koro” tangarerua ka Pirisila mo Akuila. Ngairerua karu tagara heniê, ma karu tarohenia o Kirisito Jesu heniê. 4Ngairerua karu kasi manavaterua, hanana garu hagatahiê. Inê kê visirerua koro, ma ki mareha vi inê ma, ma ngaira nikâ hete na enoni hato, ga pe Siu ma ka tongesuri. 5Inê kê visia “Mauri Koro” nikâ tangara na enoni, ga tongesuri ma ka rotu haku i pasiterua.
Inê kê visia “Mauri Koro” nikâ tanga o Epaineto, na tamaku koro. Ngaia ki tongesuria o Kirisito hagenago tarata na enoni getera, ga tongesuri i na apanena i Asia. 6Inê kê visia “Mauri Koro” tangarerua o Antoroniko ma ka Junia. 7Ngairerua ki na Siu manga inê, ma kami tage oga i ruma ni hagaitangiha. Na enoni hato ka girarerua, garu tagara koro mangara na aposotolo, ma karu tongesuria o Kirisito hagenago taraku.
8Inê kê visia “Mauri Koro” tanga o Ampilato. Ngaia ki na tamaku koro, ma kamuru tage obahaku igê na Araha. 9Inê kê visia “Mauri Koro” tanga o Urubano, i tagara henigami, kami tarohenia o Kirisito. Ma inê kê visia “Mauri Koro” nikâ tanga o Sitako, na tamaku koro. 10Inê kê visia “Mauri Koro” tanga o Apele. Na tongesuriha iana tanga o Kirisito ki nganganihaga ngavê i pasina. Inê kê visia “Mauri Koro” tangara na kariana o Arisitobolo. 11Inê kê visia “Mauri Koro” tanga o Herotione. Ngaia ki na Siu manga inê. Ma inê kê visia “Mauri Koro” tangara na goaka igê na tongesuriha i pasita na kariana o Narisiso.
12Inê kê visia “Mauru Koro” tangarerua ka Turipaina ma ka Turipesa, garu tagara tanga na Araha. Ma kê visia “Mauru Koro” tanga ka Perisi, na tamaku koro, i tagara bâraha tanga na Araha. 13Inê kê visia “Mauru Koro” tanga o Rupo, i tagara koro ngavê tanga na Araha, ma inê kê visia “Mauru Koro” nikâ tanga kenana, i katoê, manga vi o karena. 14Inê kê visia “Mauru Koro” tangara o Asunikirito mo Pelegoni mo Patorobasi mo Hemasi, ma tangara na enoni hato getera i pasita, ga tongesuria o Kirisito. 15Inê kê visia “Mauru Koro” tangara o Pilologo ma ka Julia, mo Nereo ma ka goana, mo Olimpa, ma tangara nikâ na ara ni kariana God, ga oga henira.
16Gamu hesigini mangara na ahegoata igê na tongesuriha, ma kamu hetakuiheri. Na haku hato na enoni, ga tongesuria o Kirisito, ka visia “Mauru Koro” tangagamu.
Na tagaraha ga tuguhira na enoni i Roma ga tongesuri
17Goaku igê na tongesuriha, inê kê kanukanugamu, mu hinarura na enoni, ga katora na enoni, ka totoko na aitangihata, ma ka hagaerasia na tongesuriha iata. Na enoni, ga urapusia na hagesuringa, mu bani têa, siana kamu hakunira. 18Suria na enoni, ga katokato manga ngekana, ngaira ka pe râ suria na Araha iaka o Kirisito, ma ka râ suri barisuta ma hete. Renia ngaira ka tamasi bâkoro ma ka rekora na enoni, ngaira ka hagahagaparura na enoni, ga pe hinahinaru. 19Na enoni hato ka bani giraragamu, vi igamu kamu gatagata igê na taroha koro. Tahema inê kê vagevage renigamu. Inê kê obanigamu, vi gamu takotako maninga renigi na marâ, ga koro, ma kamu hinarugi na marâ, ga pe koro. 20Ma God, i vategia na marapeha, ki sugia ma, vi ge pumenamenaria Satana i ruguhani na êgami.
Inê kê nungia na Araha o Jesu Kirisito ki mahata tangagamu.
21O Timoti, na tamaku igê na tagaraha, ki visia “Mauru Koro” tangagamu. Mo Lusio mo Jasoni mo Sosipatere ka visia nogata “Mauru Koro” tangagamu. Ngaira ka na Siu manga inê.
22Inê, Teresio, kê segegi so na tamasinga iana o Paulo igê na leta ngekê, ma kê visia nogaku “Mauru Koro” tangagamu. 23O Erasito, i bâsurigi na haga na hinua, mo Kuato, na goaka igê na tongesuriha, ngairerua nogaterua karu visia “Mauru Koro” tangagamu.
24[Inê kê nungia na Araha iaka o Jesu Kirisito, ki mahata tangagamu hato. I monari.]
O Paulo ki visia raha God
25Ka visia raha God. Ngaia ki girara, i hagagatagatanigamu igê na tongesuriha iami, i râ suria na Taroha Koro renia o Jesu Kirisito, gê ateate renia, ma ki râ suria na tamasinga mora, i bani pinihi me kere vê noga, ma i ngekê God ki bani hagagiraragia renia. 26Ma i ngekê na segesegeha iata na poropete ka bani hagabângenia mave na tamasinga mora ngekê. Ma God, i mauri tare, ki ramata, ki vi, i tuguhira na enoni hato i maveta, vi ga girara na tamasinga mora ngekê, hanana ngaira hato ka tongesuria God ma ka têtê viteana.
27Igê na raramohana o Jesu Kirisito ka visia raha tare ma tarema God, i tage togo, i takotako mataha teha nga vê igê na ara ni marâ hato. I monari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific