KI 78
78
God ma na kariana#Na vivita iana o Asapa.
1Kariaku, mu karinga na hagesuringa iaku,
ma kamu rongogi na marâ, ve visigi.
2Inê be tamasi maramaraveta,#Mt 13.35
ma be ramatenigi na sihonga i nago.
3Inê kê tamasigi na marâ,
igia ka bani rongogi ma ka bani giraragi:
na marâ, ga hagatarêngenigi tangagia.
4Ki tuguhigia, viga hagatarêngenigi nogaka
na sihonga renia na raramohana na Araha.
Ki tuguhigia, ga hagarongora na kareka
renigi na tagaraha raha ma na mena iana.
5Ngaia ki naka na suruheri iana henira na Isiraelita.
Ngaia ki vatera na raraha iana o Jakobo na ramata iana.
Ngaia ki bonasira na uvarika,
hanana ga hagesurira na kareta renigi na ramata iana,
6hanana ga hagatarêngenigi nogata.
7Igê na tarana ngekê ngaira nogata ka page hagêguria na Araha,
ma ka pe bonotenigi na tagaraha raha iana,
ma ka marupegi tare na ramata iana.
8Vikê ngaira ki asa, vige mangara na uvarita,
ga guguruga bâraha ma ka haritohe.
Ngaira ka pe tari suria tare na Araha,
ma ka pe toto suria tare igê na ogaha iata.
9Na raraha iana o Eperemo ka aresurira na mage ma na epage.
Ngaira ka migigava
igê na tangiana tanga na hearihatana.
10Ngaira ka pe marupea na suruheri,
God ki bani naka henira.
Ngaira ka usi, vige râ surigi na ramata iana.
11Ngaira ka pe takusigi na tagaraha iana,
ma ka bonotenigi na mena,
ga bâsia, i tanugi.
12I maata na uvarita God ki tanugi na mena#Ex 7.8—12.32.
igê na masusu i Soane i Esipito.
13Ngaia ki voasia na asi, ki ura i na apanena heri,#Ex 14.21-22
ma ki merarâ igê.
14Surigi na tangiani ngaia ki bêngenira renia na vaha,#Ex 13.21-22
ma surigi na bungiani renia na gi mave.
15Igê na bagamasusu raha ngaia ki tahurugi na hê raha,#Ex 17.1-7; Nu 20.2-13
ma ka bangobango me igê na ve,
i hagatonomira renigi.
16Ngaia ki katogi na ve, ka pusupusu me
tenigi na hê ngegana,
ma ka vora me na ve oto.
17Ngaira ka ama ni guguruga nga tanga God na Araha.
Ngaira ka ama ni tasitasi nga,
matena ga oga igê na bagamanihê raha.
18Ngaira ka uhungia God na Araha,#Ex 16.2-15; Nu 11.4-23, 31-35
suria ga tuguria,
vi vatera na ngêra, ga obanigi.
19Ngaira ka heriga God, ka vivi:
“God ki pe girara vari, vi vategia na ngêra
igê na bagamanihê raha.
20I monari, ngaia ki tahurua na hê raha,
ma na ve ka pusupusu me igê.
Ma ngaia ki girara vari nikâ, i hagangêra na kariana
renigi na bereti ma na ganiani?”
21Tahema na Araha ki mangariaga tangara,
suria ga tamasi heriga.
I ama ni raharaha nga na mangariaganiha iana.
Ngaia ki manga na gi,
i hagaitangira na kariana.
22Renia ngaira ka pe hagêguri togo renia.
Ma ngaira ka pe tongesuria,
vi ngaia ki page hagatahira.
23Ma ngaia ki bonasia na vavearo, ki tahataha,
24ma tenia i pasina ngaia ki karangigi na bereti,#Jn 6.31
na mana, i vatera, ka ngêgi.
25Vikê ngaira ka ngêa na ngêra iata na angero.
Ma God ki vatera, ka ngê masu tare.
26Renia na raramohana
ngaia ki katogi na roga, i rogaroga,
tani i kerekê, ma tani ki na toragina.
27Tangara na kariana ngaia ki hagatorangenira vota na manu,
ga rako mangagi na one i one.
28Ngaira ka vota so i hinua,
i berarogani na ruhu iata.
29Vikê na enoni ka ngê masu renigi.
God ki vatera na ngêra, ga turigi.
30Matena ngaira ka ngêngê mênga
ma ka mamênga, vige masumasu,
God ki hata ni mangariaga tangara.
31Ngaia ki nahuira ka me na mane ramo iata,
na mane haoru ramo, ga maongo
ma ka ngêngê papasi.
32Nakagi ma na tarani ngegê,
ma ngaira ka ama ni tasitasi nga.
Naka ma God ki katogi na mena,
ma ngaira ka pe tongesuria.
33Ngaia ki hagabubugi na mêriha iata,
manga na kere manavasua,
ma na mêrihata ka hata ni era ngavê.
34Na ara ni mateni God ki nahuira tani ka meme,
ngaira ka takusia aporo God,
ka urisi parongata ma ka rahesia maninga.
35Ngaira ka takusia aporo God raramohaga hunia,
vi anumasira ma ki hagatahira.
36Ngaira ka sukasuka ma, ma ka hagaparu.
Ngaira ka nakanaka bêta tanga.
37Ngaira ka pe toto suria.#Ac 8.21
Ngaira ka pe hagamonaria na suruheri,
i bani naka henira.
38Ma God ki takuira na kariana.
Ngaia ki bonotenigi na tasi iata,
ma ki pe nahuira ke meme.
Hagarako ngaia ki naka vê ma na mangariaganiha iana,
ma ki pe mangariaga bâraha tangara.
39Ngaia ki bani girara,
vi ngaira ka na enoni makumakusiga,
manga na roga i riri tare.
40Hagarako era ngaira ka guguruga tanga na Araha,
ma ka hagabono obana igê na bagamanihê raha.
41Ngaira ka uhungia God hagarako tare,
ma ka urapusia na Araha,
ga rahesia na Isiraelita.
42Ngaira ka pe takusigi na raramohana raha,
matena i hagatahira tenira na merongata.
43Ngaira ka pe takusigi na tagaraha raha ma na mena,
i katogi igê na masusu i Soane i Esipito.
44Ngaia ki katogi na ve, ki vora re na gapu.#Ex 7.17-21
Ma na ai ni Esipito ki marehasira na ve ni tonoha.
45Ngaia ki kasira me rako era na rango ru,#Ex 8.20-24; Ex 8.1-6
ka hagamamasiaga apeta,
ma rako na êrê nikâ ka erasira.
46Ngaia ki kasira me na oru ka ngêgi na ngêra iata,#Ex 10.12-15
ma nikâ na pê, ka ngêgi na mu iata.
47Ngaia ki hagamêgugi na varo ni vaini#Ex 9.22-25.
ma ki hagamariagi na apinige na fiki
renirerua na rangi ma na roga, ga magarisi ngavê.
48Ngaia ki hagamesira na puruka ma na sipi
renigi na maeha, ga tatarê.
49Ngaia ki mangariaga ngavê tangara,
ma na mangariaganiha iana
ki hagamamasiaga apeta bâraha.
Ngaia ki hagatorangenira na angero iana,
hanana ga hagamesira.
50Ngaia ki mangariaga ngavê nga tangara
ma ki hagamesira renia na ringa.
51Ngaia ki hagamesira na bêbê ni kare#Ex 12.29.
igê na ara ni ahemata iata na ai ni Esipito.
52Me muri ngaia ki bêngenira hura na kariana,#Ex 13.17-22
manga na avanu ni sipi,
ma ki hagaotora igê na bagamanihê raha.
53Ngaia ki bêngenira ka ape tatara ma ka pe magu,#Ex 14.26-28
ma na asi ki marupi hurira na merongata.
54Ngaia ki merarâ tanga na agua ni suruha iana,#Ex 15.17; Js 3.14-17
tangagi na hungani, i bani parênigi.
55Ngaia ki tarira hurira na enoni, ga oga i ngekana,#Js 11.16-23
ma na kariana ka urusira.
Ngaia ki votoa na mako tangara na raraha iana o Isiraele.
Ma ngaira ka nahunigi na hinua iata, ka oga igê.
56Ngaira ka guguruga tanga God raramohaga hunia.#Jg 2.11-15
Ngaira ka uhungia,
ma ka aharêngigi na ramata iana.
57Ngaira ka murisigea ma ka pe toto suria,
mangara na uvarita, ga pe tari suria nogata.
Ngaira ka hagahagabeka,
manga na mage, i gogo ahiohio.
58Ngaira ka hagamangaria ma ka katoa ki hengari,
suria ga vogasira na ataro, ga tahe nununi.
59God ki mangariaga, matena i rigia na tarana ngekana.
Tahema ngaia ki kasi renira ngavê na kariana.
60Ngaia ki pania na agua i Silo, ga vogasia igê,#Js 18.1; Jr 7.12-14; 26.6
na hinua i oga berarogaka.
61Ngaia ki hagamarumungenira na merongata,#1 S 4.4-22
ka henahuraua na bokesi na suruheri,
na girarana na raramohana ma na bâbâhana raha.
62Ngaia ki mangariaga tangara na kariana.
Tahema na merongata ka nahuira ngavê.
63Na mane haoru ka me igê na hearihatana,
ma na gete haoru ka mareha na mane tangara,
viga êragira.
64Na mane ni hagarahenga ka me igê na henahunahu.
Ma na gete iata, ga nâ, ki apu,
vige angi maramara renira.
65Me muri na Araha ki aharaga manga na mane i rite.
Ngaia ki manga na mane ramo, i ngere,
suria i tono na vaini.
66Ngaia ki teharira na merongana,
ka gava ma ka maki teha tare.
67Ma ngaia ki usitenira na raraha iana o Josepo,
ma ki pe atera na raraha iana o Eperemo.
68Ngaia ki atera hete na raraha iana o Juta
ma na hungana i Sione,
na hungana i takuia bâraha.
69I ngekana ngaia ki torea igê na Ruma ni Rotu iana,
i akê ngavê kerekê noga,
ma ki nganganihaga tare manga na maveta.
70Ngaia ki atea o Tavite na kariana.#1 S 16.11-12; 2 S 7.8; Ch 17.7
Ngaia ki tavoa hura tenigi na pariki,
71suria ngaia ki bâsuri sipi.
Ngaia ki kasia ki maneraha iata na Isiraelita,
hanana i bâbâsurira na kariana God na Araha.
72O Tavite ki marupera ma ki takusira na enoni,
ma ki hagaotora bâkoro era.
Currently Selected:
KI 78: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
KI 78
78
God ma na kariana#Na vivita iana o Asapa.
1Kariaku, mu karinga na hagesuringa iaku,
ma kamu rongogi na marâ, ve visigi.
2Inê be tamasi maramaraveta,#Mt 13.35
ma be ramatenigi na sihonga i nago.
3Inê kê tamasigi na marâ,
igia ka bani rongogi ma ka bani giraragi:
na marâ, ga hagatarêngenigi tangagia.
4Ki tuguhigia, viga hagatarêngenigi nogaka
na sihonga renia na raramohana na Araha.
Ki tuguhigia, ga hagarongora na kareka
renigi na tagaraha raha ma na mena iana.
5Ngaia ki naka na suruheri iana henira na Isiraelita.
Ngaia ki vatera na raraha iana o Jakobo na ramata iana.
Ngaia ki bonasira na uvarika,
hanana ga hagesurira na kareta renigi na ramata iana,
6hanana ga hagatarêngenigi nogata.
7Igê na tarana ngekê ngaira nogata ka page hagêguria na Araha,
ma ka pe bonotenigi na tagaraha raha iana,
ma ka marupegi tare na ramata iana.
8Vikê ngaira ki asa, vige mangara na uvarita,
ga guguruga bâraha ma ka haritohe.
Ngaira ka pe tari suria tare na Araha,
ma ka pe toto suria tare igê na ogaha iata.
9Na raraha iana o Eperemo ka aresurira na mage ma na epage.
Ngaira ka migigava
igê na tangiana tanga na hearihatana.
10Ngaira ka pe marupea na suruheri,
God ki bani naka henira.
Ngaira ka usi, vige râ surigi na ramata iana.
11Ngaira ka pe takusigi na tagaraha iana,
ma ka bonotenigi na mena,
ga bâsia, i tanugi.
12I maata na uvarita God ki tanugi na mena#Ex 7.8—12.32.
igê na masusu i Soane i Esipito.
13Ngaia ki voasia na asi, ki ura i na apanena heri,#Ex 14.21-22
ma ki merarâ igê.
14Surigi na tangiani ngaia ki bêngenira renia na vaha,#Ex 13.21-22
ma surigi na bungiani renia na gi mave.
15Igê na bagamasusu raha ngaia ki tahurugi na hê raha,#Ex 17.1-7; Nu 20.2-13
ma ka bangobango me igê na ve,
i hagatonomira renigi.
16Ngaia ki katogi na ve, ka pusupusu me
tenigi na hê ngegana,
ma ka vora me na ve oto.
17Ngaira ka ama ni guguruga nga tanga God na Araha.
Ngaira ka ama ni tasitasi nga,
matena ga oga igê na bagamanihê raha.
18Ngaira ka uhungia God na Araha,#Ex 16.2-15; Nu 11.4-23, 31-35
suria ga tuguria,
vi vatera na ngêra, ga obanigi.
19Ngaira ka heriga God, ka vivi:
“God ki pe girara vari, vi vategia na ngêra
igê na bagamanihê raha.
20I monari, ngaia ki tahurua na hê raha,
ma na ve ka pusupusu me igê.
Ma ngaia ki girara vari nikâ, i hagangêra na kariana
renigi na bereti ma na ganiani?”
21Tahema na Araha ki mangariaga tangara,
suria ga tamasi heriga.
I ama ni raharaha nga na mangariaganiha iana.
Ngaia ki manga na gi,
i hagaitangira na kariana.
22Renia ngaira ka pe hagêguri togo renia.
Ma ngaira ka pe tongesuria,
vi ngaia ki page hagatahira.
23Ma ngaia ki bonasia na vavearo, ki tahataha,
24ma tenia i pasina ngaia ki karangigi na bereti,#Jn 6.31
na mana, i vatera, ka ngêgi.
25Vikê ngaira ka ngêa na ngêra iata na angero.
Ma God ki vatera, ka ngê masu tare.
26Renia na raramohana
ngaia ki katogi na roga, i rogaroga,
tani i kerekê, ma tani ki na toragina.
27Tangara na kariana ngaia ki hagatorangenira vota na manu,
ga rako mangagi na one i one.
28Ngaira ka vota so i hinua,
i berarogani na ruhu iata.
29Vikê na enoni ka ngê masu renigi.
God ki vatera na ngêra, ga turigi.
30Matena ngaira ka ngêngê mênga
ma ka mamênga, vige masumasu,
God ki hata ni mangariaga tangara.
31Ngaia ki nahuira ka me na mane ramo iata,
na mane haoru ramo, ga maongo
ma ka ngêngê papasi.
32Nakagi ma na tarani ngegê,
ma ngaira ka ama ni tasitasi nga.
Naka ma God ki katogi na mena,
ma ngaira ka pe tongesuria.
33Ngaia ki hagabubugi na mêriha iata,
manga na kere manavasua,
ma na mêrihata ka hata ni era ngavê.
34Na ara ni mateni God ki nahuira tani ka meme,
ngaira ka takusia aporo God,
ka urisi parongata ma ka rahesia maninga.
35Ngaira ka takusia aporo God raramohaga hunia,
vi anumasira ma ki hagatahira.
36Ngaira ka sukasuka ma, ma ka hagaparu.
Ngaira ka nakanaka bêta tanga.
37Ngaira ka pe toto suria.#Ac 8.21
Ngaira ka pe hagamonaria na suruheri,
i bani naka henira.
38Ma God ki takuira na kariana.
Ngaia ki bonotenigi na tasi iata,
ma ki pe nahuira ke meme.
Hagarako ngaia ki naka vê ma na mangariaganiha iana,
ma ki pe mangariaga bâraha tangara.
39Ngaia ki bani girara,
vi ngaira ka na enoni makumakusiga,
manga na roga i riri tare.
40Hagarako era ngaira ka guguruga tanga na Araha,
ma ka hagabono obana igê na bagamanihê raha.
41Ngaira ka uhungia God hagarako tare,
ma ka urapusia na Araha,
ga rahesia na Isiraelita.
42Ngaira ka pe takusigi na raramohana raha,
matena i hagatahira tenira na merongata.
43Ngaira ka pe takusigi na tagaraha raha ma na mena,
i katogi igê na masusu i Soane i Esipito.
44Ngaia ki katogi na ve, ki vora re na gapu.#Ex 7.17-21
Ma na ai ni Esipito ki marehasira na ve ni tonoha.
45Ngaia ki kasira me rako era na rango ru,#Ex 8.20-24; Ex 8.1-6
ka hagamamasiaga apeta,
ma rako na êrê nikâ ka erasira.
46Ngaia ki kasira me na oru ka ngêgi na ngêra iata,#Ex 10.12-15
ma nikâ na pê, ka ngêgi na mu iata.
47Ngaia ki hagamêgugi na varo ni vaini#Ex 9.22-25.
ma ki hagamariagi na apinige na fiki
renirerua na rangi ma na roga, ga magarisi ngavê.
48Ngaia ki hagamesira na puruka ma na sipi
renigi na maeha, ga tatarê.
49Ngaia ki mangariaga ngavê tangara,
ma na mangariaganiha iana
ki hagamamasiaga apeta bâraha.
Ngaia ki hagatorangenira na angero iana,
hanana ga hagamesira.
50Ngaia ki mangariaga ngavê nga tangara
ma ki hagamesira renia na ringa.
51Ngaia ki hagamesira na bêbê ni kare#Ex 12.29.
igê na ara ni ahemata iata na ai ni Esipito.
52Me muri ngaia ki bêngenira hura na kariana,#Ex 13.17-22
manga na avanu ni sipi,
ma ki hagaotora igê na bagamanihê raha.
53Ngaia ki bêngenira ka ape tatara ma ka pe magu,#Ex 14.26-28
ma na asi ki marupi hurira na merongata.
54Ngaia ki merarâ tanga na agua ni suruha iana,#Ex 15.17; Js 3.14-17
tangagi na hungani, i bani parênigi.
55Ngaia ki tarira hurira na enoni, ga oga i ngekana,#Js 11.16-23
ma na kariana ka urusira.
Ngaia ki votoa na mako tangara na raraha iana o Isiraele.
Ma ngaira ka nahunigi na hinua iata, ka oga igê.
56Ngaira ka guguruga tanga God raramohaga hunia.#Jg 2.11-15
Ngaira ka uhungia,
ma ka aharêngigi na ramata iana.
57Ngaira ka murisigea ma ka pe toto suria,
mangara na uvarita, ga pe tari suria nogata.
Ngaira ka hagahagabeka,
manga na mage, i gogo ahiohio.
58Ngaira ka hagamangaria ma ka katoa ki hengari,
suria ga vogasira na ataro, ga tahe nununi.
59God ki mangariaga, matena i rigia na tarana ngekana.
Tahema ngaia ki kasi renira ngavê na kariana.
60Ngaia ki pania na agua i Silo, ga vogasia igê,#Js 18.1; Jr 7.12-14; 26.6
na hinua i oga berarogaka.
61Ngaia ki hagamarumungenira na merongata,#1 S 4.4-22
ka henahuraua na bokesi na suruheri,
na girarana na raramohana ma na bâbâhana raha.
62Ngaia ki mangariaga tangara na kariana.
Tahema na merongata ka nahuira ngavê.
63Na mane haoru ka me igê na hearihatana,
ma na gete haoru ka mareha na mane tangara,
viga êragira.
64Na mane ni hagarahenga ka me igê na henahunahu.
Ma na gete iata, ga nâ, ki apu,
vige angi maramara renira.
65Me muri na Araha ki aharaga manga na mane i rite.
Ngaia ki manga na mane ramo, i ngere,
suria i tono na vaini.
66Ngaia ki teharira na merongana,
ka gava ma ka maki teha tare.
67Ma ngaia ki usitenira na raraha iana o Josepo,
ma ki pe atera na raraha iana o Eperemo.
68Ngaia ki atera hete na raraha iana o Juta
ma na hungana i Sione,
na hungana i takuia bâraha.
69I ngekana ngaia ki torea igê na Ruma ni Rotu iana,
i akê ngavê kerekê noga,
ma ki nganganihaga tare manga na maveta.
70Ngaia ki atea o Tavite na kariana.#1 S 16.11-12; 2 S 7.8; Ch 17.7
Ngaia ki tavoa hura tenigi na pariki,
71suria ngaia ki bâsuri sipi.
Ngaia ki kasia ki maneraha iata na Isiraelita,
hanana i bâbâsurira na kariana God na Araha.
72O Tavite ki marupera ma ki takusira na enoni,
ma ki hagaotora bâkoro era.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific