KI 69
69
Avarasia God#Na ki iana o Tavite.
1God, gu hagatahiê,
gê sugi tono!
2Inê kê kumukumu igê na sugu,
i manugunugu ma ki kokoro.
Inê kê tarêhia na ve raha,
ma na maganuha ki sugi su heniê.
3Inê kê avaravara bâraha,
ma ki meme na apeku,
ma ki taga na manavaku.
Ki hata era na maaku,
suria gê bâbâ renigo,
vi gu tamaniê.
4Na enoni, ga merongasiê purua,#Ps 35.19; Jn 15.25
ka rako teharigi na varehu i bêku.
Na merongaku ka hagatoraiê.
Ngaira ka ramo
ma ka rapasiê, vigê meme.
Ngaira ka tuguriê, kê barugi aporo
na marâ, gê pe hanagogi.
5God, igo ko bani giraragi na ginoku era,
na tauhaku bekabekaga.
6Siana kê hagamakira na enoni,
ga raruni togo renigo,
Araha God raramohaga hunigo.
Siana kê hagamakira na enoni, ga rahesigo,
igo God, ga hagarapego na Isiraelita.
7Renia inê kê tê viteamu,
tahema ga guhariê ma ka hagamakiê bâraha.
8Inê kê mamahuara tangara na goaku,
ma na ahemata iaku ki manga ngekana nikâ.
9Na takuiha iaku tanga na Ruma ni Rotu iamu#Jn 2.17; Ro 15.3.
ki manga na gi ramo igê na aitangihaku.
Na enoni, ga guharigo igo,
ngaira ka guhariê inê.
10Inê kê angiangi ma kê harihari,
ma na enoni ka guhariê.
11Inê kê haga ni asire ma kê angiangi maramara,
ma ngaira ka rurusiê.
12Na enoni igê na tavani ogaha ka visiê,
ma na enoni ni tonoha ka barobaro ki reniê.
13Ma tangê inê, inê kê avarasigo, Araha.
God, gu aganariê, matena i koro tangago.
Gu aganariê renia na takuiha tarema iamu.
Gu hagatahiê,
suria go hagamonarigi tare na suruha iamu.
14Gu hagatahiê,
suria gê kumukumu kê meme igê na sugusugu.
Gu anumasiê tenira na merongaku.
Gu hagatahiê tenigi na rutuni.
15Siana na maganuha ki totora susu heniê.
Siana kê tono kê meme igê na rutuni,
se vi pinihiê na mako.
16Gu aganariê, Araha,
renia na takuiha tarema iamu ki koro teha.
Gu ahariê,
suria go takuiê bâraha.
17Siana ko murisigeê, na kariamu.
Inê kê anumanuma.
Gu aganariê i ngekê.
18U râ me ku hagatahiê.
Gu hagatahiê tenira na merongaku.
19Igo ko bani girarara na merongaku hato.
Igo ko bani girara, vi ngaira ka guhariê ngavê,
ma ka hagamakiê ma ka erasiê bâraha.
20Na guhata iata ka katoê, kê rumakaka.
Ma inê kê tako tara.
Inê kê vi ma, vi na enoni ka takuiê,
ma ki mareha.
Inê kê vi ma, vi na enoni ka kanukanuê,
ma ki mareha.
21Matena gê magê, ngaira ka kuasiê igê na ngêra.#Mt 27.48; Mk 15.36; Lk 23.26; Jn 19.28-29
Matena gê pasi tono, ngaira ka vateê na ve mahe.
22Go katogi na magotoha iata, ka voravora na tu tangara,#Ro 11.9-10
ma na vogasiha iata ka voravora na suta tangara.
Gu kuasira igê na ngêra iata.
23Gu hagagurura ma ku hagamarusiga apeta.
24Gu mangariaga tangara,
ma ku hagaitangira bâraha.
25Gu hagasuhigi na hinua iata ma ku hagabarugigi,#Ac 1.20
ma ka mutemute surigi na ruma iata.
26Renia ngaira ka merongasira na ani go bani hagaitangira,
ma ka hagamamarira nikâ na ani, go bani hagamamarira.
27Gu hagaitangira nga renigi na ara ni tasi hato iata.
Siana ko takuira,
ma siana ko tako purua ma vê renira.
28Gu ahunigi na atata tenia na buka#Ex 32.32; Rev 3.5; 13.8; 17.8.
ga goga igê na enoni, ga mauri.
Siana ko tomanira henira na kariamu,
ga tê viteamu.
29Inê ki hahara na apeku ma kê tako tatara.
God, gu hagaramoniê ma ku hagatahiê.
30Inê be ki be visia raha God na Araha.
Inê be hagarahasia ma be visia koro.
31Na tarana ngekê ki hagakoro obana na Araha,
teharigi na vogasiha renira na puruka,
mane se hehene, raha ma bâkoro era.
32Ma ka page vagevage na enoni, ga hatamigi na mamasiaganiha,
matena ga bâsigi na tarani ngegê.
Ma na enoni, ga tê viteana God na Araha,
ka page ramoramo aporo.
33Na Araha ki aganarira na enoni matareha,
ma ki takusira tare na kariana,
ga oga i ruma ni hagaitangiha.
34Visia raha God, igamu na vavearo, na ano ma na asi
ma na marâ hato, ga oga igê.
35Renia God ki page hagatahia Sione,
ma ki page tagarahigi aporo na hinua raha i Juta.
Na kariana ka page oga i ngekana,
ma ka page nahunigi na mako.
36Na kareta na kariana ka page nahunigi urusira.
Ma na enoni, ga takuia God, ka page oga i ngekana.
Currently Selected:
KI 69: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
KI 69
69
Avarasia God#Na ki iana o Tavite.
1God, gu hagatahiê,
gê sugi tono!
2Inê kê kumukumu igê na sugu,
i manugunugu ma ki kokoro.
Inê kê tarêhia na ve raha,
ma na maganuha ki sugi su heniê.
3Inê kê avaravara bâraha,
ma ki meme na apeku,
ma ki taga na manavaku.
Ki hata era na maaku,
suria gê bâbâ renigo,
vi gu tamaniê.
4Na enoni, ga merongasiê purua,#Ps 35.19; Jn 15.25
ka rako teharigi na varehu i bêku.
Na merongaku ka hagatoraiê.
Ngaira ka ramo
ma ka rapasiê, vigê meme.
Ngaira ka tuguriê, kê barugi aporo
na marâ, gê pe hanagogi.
5God, igo ko bani giraragi na ginoku era,
na tauhaku bekabekaga.
6Siana kê hagamakira na enoni,
ga raruni togo renigo,
Araha God raramohaga hunigo.
Siana kê hagamakira na enoni, ga rahesigo,
igo God, ga hagarapego na Isiraelita.
7Renia inê kê tê viteamu,
tahema ga guhariê ma ka hagamakiê bâraha.
8Inê kê mamahuara tangara na goaku,
ma na ahemata iaku ki manga ngekana nikâ.
9Na takuiha iaku tanga na Ruma ni Rotu iamu#Jn 2.17; Ro 15.3.
ki manga na gi ramo igê na aitangihaku.
Na enoni, ga guharigo igo,
ngaira ka guhariê inê.
10Inê kê angiangi ma kê harihari,
ma na enoni ka guhariê.
11Inê kê haga ni asire ma kê angiangi maramara,
ma ngaira ka rurusiê.
12Na enoni igê na tavani ogaha ka visiê,
ma na enoni ni tonoha ka barobaro ki reniê.
13Ma tangê inê, inê kê avarasigo, Araha.
God, gu aganariê, matena i koro tangago.
Gu aganariê renia na takuiha tarema iamu.
Gu hagatahiê,
suria go hagamonarigi tare na suruha iamu.
14Gu hagatahiê,
suria gê kumukumu kê meme igê na sugusugu.
Gu anumasiê tenira na merongaku.
Gu hagatahiê tenigi na rutuni.
15Siana na maganuha ki totora susu heniê.
Siana kê tono kê meme igê na rutuni,
se vi pinihiê na mako.
16Gu aganariê, Araha,
renia na takuiha tarema iamu ki koro teha.
Gu ahariê,
suria go takuiê bâraha.
17Siana ko murisigeê, na kariamu.
Inê kê anumanuma.
Gu aganariê i ngekê.
18U râ me ku hagatahiê.
Gu hagatahiê tenira na merongaku.
19Igo ko bani girarara na merongaku hato.
Igo ko bani girara, vi ngaira ka guhariê ngavê,
ma ka hagamakiê ma ka erasiê bâraha.
20Na guhata iata ka katoê, kê rumakaka.
Ma inê kê tako tara.
Inê kê vi ma, vi na enoni ka takuiê,
ma ki mareha.
Inê kê vi ma, vi na enoni ka kanukanuê,
ma ki mareha.
21Matena gê magê, ngaira ka kuasiê igê na ngêra.#Mt 27.48; Mk 15.36; Lk 23.26; Jn 19.28-29
Matena gê pasi tono, ngaira ka vateê na ve mahe.
22Go katogi na magotoha iata, ka voravora na tu tangara,#Ro 11.9-10
ma na vogasiha iata ka voravora na suta tangara.
Gu kuasira igê na ngêra iata.
23Gu hagagurura ma ku hagamarusiga apeta.
24Gu mangariaga tangara,
ma ku hagaitangira bâraha.
25Gu hagasuhigi na hinua iata ma ku hagabarugigi,#Ac 1.20
ma ka mutemute surigi na ruma iata.
26Renia ngaira ka merongasira na ani go bani hagaitangira,
ma ka hagamamarira nikâ na ani, go bani hagamamarira.
27Gu hagaitangira nga renigi na ara ni tasi hato iata.
Siana ko takuira,
ma siana ko tako purua ma vê renira.
28Gu ahunigi na atata tenia na buka#Ex 32.32; Rev 3.5; 13.8; 17.8.
ga goga igê na enoni, ga mauri.
Siana ko tomanira henira na kariamu,
ga tê viteamu.
29Inê ki hahara na apeku ma kê tako tatara.
God, gu hagaramoniê ma ku hagatahiê.
30Inê be ki be visia raha God na Araha.
Inê be hagarahasia ma be visia koro.
31Na tarana ngekê ki hagakoro obana na Araha,
teharigi na vogasiha renira na puruka,
mane se hehene, raha ma bâkoro era.
32Ma ka page vagevage na enoni, ga hatamigi na mamasiaganiha,
matena ga bâsigi na tarani ngegê.
Ma na enoni, ga tê viteana God na Araha,
ka page ramoramo aporo.
33Na Araha ki aganarira na enoni matareha,
ma ki takusira tare na kariana,
ga oga i ruma ni hagaitangiha.
34Visia raha God, igamu na vavearo, na ano ma na asi
ma na marâ hato, ga oga igê.
35Renia God ki page hagatahia Sione,
ma ki page tagarahigi aporo na hinua raha i Juta.
Na kariana ka page oga i ngekana,
ma ka page nahunigi na mako.
36Na kareta na kariana ka page nahunigi urusira.
Ma na enoni, ga takuia God, ka page oga i ngekana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific