MAREKO 6
6
Na enoni i Nasarete ka usitenia o Jesu
(Mt 13.53-58; Lk 4.16-30)
1O Jesu ki pania na hinua ngekana, ma ki aporo i pasina, ma na kariana ka takua. 2Igê na Tangiana ni Mamaroha ngaia ki haganega ki hagesurira na enoni igê na ruma ni sukuru. Ga rako teha vê na enoni i ngekana, ma na matena ga rongoa, ngaira ka kone. Ngaira ka vi: “I he ki tarahugi igê na giraraha ngegana? O ti kani vatea renigi na takotako ga mataha mangagi ngegana? I katogi hega ka na mena? 3Ga pe bani girara vari? Ngaia ki na mane, i totora ruma, o karena ka Maria, ma na goana o Jakobo mo Jose mo Juta mo Simone. Ga pe bani girara vari? Ka goana kaniga gâga ikê.” Tahema ngaira ka usitenia. 4O Jesu ki vi tangara, ki vi: “Na poropete ngaia ki no vani, ga hanetasia i na ara ni hinua, nga noga ma na enoni i pasina ma na raraha iana ma na goana ga pe hanetasia.” 5Ngaia ki bara, vi ge katogi nikâ tani na mena i ngekana, nga noga ma tani na enoni, ga maeha, ngaia ki têbuhira ma ki hagakomagara. 6Ngaia ki konetenira bâraha, renia ga pe tongesuria.
O Jesu ki hagatorangenira na kariana ka ateate
(Mt 10.5-15; Lk 9.1-6)
Mo Jesu ki râhigi na ara ni hinua i ngegana, ma ki hagesurira igê na enoni. 7Ngaia ki unira haku me na kariana tangahuru matarerua, ma ki hagatorangenira na vererua ma garu arâ haku. Ngaia ki vatera na ramoha, ga girara ga paira no ataro era. 8Ngaia ki bonasira, ki vi: “Igê na râha iami siana kamu totora henigamu na ngêra, se vi na anga, se vi na haga i na anga iami, nga noga ma na vato mu totora. 9Mu buti, ma siana kamu tuguni harigapi re na tuguni gi rua.” 10Ngaia ki vi tangara nikâ, ki vi: “Matena mu atata vê i hinua, mu gâga henira na enoni, ga unigamu banu i pasita, mataro me kamu kahu arâ pania na hinua ngekana. 11Manga mu atata vê igê na hinua, ma na enoni i ngekana ka pe unigamu bani, se ga usi, vi ge rongoa na ateateha iami, mu arâ nga pania na hinua ngekana, ma kamu kangigi na mako i êgami. Vikana ngaira ka girara, vi pe koro na parongata.”
12Vikana ngaira ka râ, ma ka ateate tangara na enoni, hanana ga urusigi na parongata tenigi na tasi. 13Ngaira ka paira rako na ataro era, ma ka monera rako na enoni, ga maeha, ma ka hagakomagara.
I me o Joane Batisita
(Mt 14.1-12; Lk 9.7-9)
14Hoita, na maneraha o Herote ki rongogi na tamasinga renia o Jesu, suria na tamasinga renia o Jesu ki râhigi na ara ni hinua. Tani na enoni ka vi: “O Joane Batisita ki mêri aporo! Tahema ngaia ki katogi na mena!” 15Ma tani ka vi, vi ngaia ki no Elia. Nikâ tani ka vi, vi ngaia ki na poropete, na hitangita na poropete i nago.
16Matena o Herote ki rongo vikana, ngaia ki vi: “O Joane Batisita ngekana! Gê bani bonasia na mane ni me iaku, ki bani rete nguria na bêna. Ngaia kani mêri aporo nge!” 17Ngaia marena o Herote ki bonasira na mane ni me iana, ka rakua ma ka hagatotongoa i ruma ni hagaitangiha. O Herote ki kato vikana, suria ngaia ki rêa ka Herotia kehana, na gete iana o Pilipo. 18O Joane Batisita ki ama ni vi tanga nga o Herote, ki vi: “Ikana ki mareha vi ge oto tangago, vi gu gâga henia kehamu.”
19Tahema ka Herotia ki mangariaga baraha tanga o Joane, ma ki rapasia, vi nahuia ki meme, ma ki asa suria o Herote. 20O Herote ki magutenia o Joane, renia ngaia ki bani girara, vi o Joane ki na mane koro ma ki oto na parongana. Tahema ngaia ki anumasia. Ngaia ki obania, vi rongoa, henaka i hata era na obana ma i na ara ni bevoana ki rongoa.
21Hoita, i ngekê ki na matena iana ka Herotia. Na tangiana ki na tangiana iana o Herote i vora igê, ma ki magoto tangara na enoni raha igê na gavumane ma tangara na maneraha igê na henahuita ma tangara na maneraha ni hinua i Galilea. 22Ka karena ka Herotia ki banu me ma ki mâ, ma ki hagakoro obata o Herote ma na kariana. Ngekana o Herote ki vi tanga na kere gete, ki vi: “Na ta kanigo obania? Inê page vatego na ani mavê na marâ, go obania.” 23Ngaia ki tohe gatagata, ki vi: “Inê kê surua, vigê vatego nga na ani mavê na marâ, go obania. Manga vigu nungia teniê ta apanena na apanena iaku, ma be girara ve vatego.”
24Vikana na kere gete ki hura vê, ma ki hagatea kenana, ki vi: “Na ta kani ve nungia?” Ngaia ki arami, ki vi: “Na bêna o Joane Batisita.” 25Ki parama na kere gete, ma ki hatani aporo râ tanga o Herote, ma ki nungia, ki vi: “Inê kê obania, go vateê nga i ngekê na bêna o Joane Batisita igê ma apira.”
26Henaka o Herote ki hata era nga me renia na tarana ngekana, ma ngaia ki asa, vi ge manimania, renia i bani tohe gatagata i maata na enoni hato. 27Tahema ngaia ki hagatorangenia ototo râ nga ta na mane ni me iana, ki torea me na bêna o Joane. Na mane ni me ki hura vê, ki râ i ruma ni hagaitangiha, ma ki rete nguria râ na bêna o Joane, 28ma ki torea igê na apira ki me banu, ma ki vatea na kere gete, ma na kere gete ki vatea kenana. 29Matena ga rongo na kariana o Joane, ngaira ka râ me, ma ka torea na gahua ka naka.
O Jesu ki hagangêra tani na rehagaro na enoni
(Mt 14.13-21; Lk 9.10-17; Jn 6.1-14)
30Ngaira na aposotolo ka aporo me i pasina o Jesu, ma ka hagarongoa renigi na tagaraha, ga tanugi. 31O Jesu ma na kariana ka pe nahunia na matena hanana vi ge ngê igê, suria ga rako teha ngavê na enoni, ga heheuri me i pasita. Ngekana ngaia ki vi tangara, ki vi: “Nika, ge râ getegia i ta na agua panira na enoni, hanana mu girara mu mamaro sisite.” 32Vikê ngaira ka tage getera igê na kere haka, ma ka râ tanga na agua, i hihirunga.
33Ma ka rako na enoni, ga bâsira râ ga râ, ma ka bâgirarara nga. Tahema ngaira ka panigi na hinua hato iata ma ka tango hagenago i tara, ma ka ata i nago igê na agua, vi ga gotogoto igê o Jesu ma na kariana. 34Matena o Jesu ki so tenia na kere haka, ngaia ki bâsia na hakuta raha na enoni i ngekana, ma ki takuira bâraha i obana, renia ga bâ mangara na sipi, ga mareha na avanuta, vi ge marupera. Tahema ngaia ki haganega ki hagesurira renigi rako na marâ. 35Bevoana i pane na arito, na kariana ka râ me tanga o Jesu, ma ka vi: “Na arito ki susu noga ma na agua ikê ki asa, vi ge tarahua igê na ngêra. 36Nakara vê na enoni, ke râ tange na ruma ma na hinua hagarangi hanana ge vuri mareta na ngêra.” 37O Jesu ki arami, ki vi: “Igamu maremi mu vatera na ngêra.” Ngaira ka hagatea ka vi: “Igo ko obania vari, vi gami arâ kami kasikasi na haga i rakorako ngavê na ararina na mena na tagaraha igê na hageha gi varu, hanana mi vurivuri na bereti renigi tangara tani na rehagaro na enoni, ka ngêngê?” 38Ngekana o Jesu ki hagatera, ki vi: “Na bereti gi hita kanimu nahunigi? Mu râ kamu bâ.” Matena ga râ ka bâ hato, ngaira ka hagarongoa, ka vi: “Na bereti gi rima ma na siare gi rua nikâ.”
39Mo Jesu ki vi tangara na kariana, ka voavoasira na enoni hato, ka oga hehegitigi, ma ka oga so igê na go. 40Vikana na enoni ka oga harahara na anie na me ma na anie, tani na me ka tangarê gi tage ma tani na me ka tangahuru gi rima. 41Mo Jesu ki têgi na bereti gi rima ma na siare gi rua, ki atakê, ma ki rahesia God. Ngaia ki pipigi na bereti ma ki vatera na kariana, ka vutungira na enoni renigi. Nikâ ngaia ki votorerua na siare gi rua tangara ngaira hato na enoni. 42Ngaira hato na enoni ka ngê ma ka ngê masu. 43Ma hemuri na kariana o Jesu ka hagavunusigi na heni tangahuru gi tage matarerua renigi na bereti ma na siare, ga hita râ. 44I pasita ngaira hato na enoni, ga ngê, ka vora na mane na rehagaro gi rima.
O Jesu ki râ i basina na rano
(Mt 14.22-33; Jn 6.15-21)
45Ki parama o Jesu, ma ki vi tangara na kariana, ka tage igê na kere haka ma ka nanago tarana i Betesaita, igê na apanena tarê na rano, ma ngaia ki oga so, hanana vi hagatorangenira vê na hakuta na enoni. 46Matena i arira hato na kariana, ngaia ki tagere igê na kere hungana, hanana vi nunginungi. 47Matena i su na arito, na kere haka ki tariha i gupuna na rano, mo Jesu ki oga getea i bemu. 48Ngaia ki bâsira na kariana ga tagara bâraha, renia ga harutea na kere haka, suria i tora i matota na roga. Tahema igê na kahuagana na tangiana ngaia ki râ i pasita, i râ igê na basina na rano. Ngaia ki râ ki teharenira. 49Ma ngaira ka basia, i arâ i basina na rano. Ngaira ka vi ma vi, “Na ataro!” Ma ka hengerehi. 50Renia na matena ga bâsia, ngaira ka magu bâraha. Mo Jesu ki parama, ma ki tamasi tangara, ki vi: “Mu ape gatagata! Inê nga! Siana mu magu!” 51Ma ngaia ki akê i pasita igê na kere haka, ma na roga ki hato panira. Na kariana ka kone ngavê ma ka bubununuga. 52Ngaira ka pe girara, vi na ta kani renigi na bereti. Ngaira ka takotako tugupu.
O Jesu ki hagakomagara na enoni maeha i Senesarete
(Mt 14.34-36)
53Ngaira ka tarê igê na rano, ma ka goto i Senesarete, ma ka huna i ngekana. 54Matena ga pania na kere haka, na enoni ka bâgirara ototo râ nga, vi o Jesu. 55Ma ngaira ka râhigi na ara ni hinua i ngekana, ma na enoni ka tugira na enoni ga maeha igê na bea iata tange na agua, ga rongoa, vi i oga igê o Jesu. 56Ma i na ara ni agua o Jesu ki râ igê, tange na kere hinua, na hinua raha, se na ruma, na enoni ka torera me na enoni, ga maeha, tange na mahera, ma ka nungia, vi ge hagamarumungenira na enoni maeha, ke hataria na taretarena na tuguni iana; ma na ani hato, ga hataria, ngaira ka komaga aporo renia.
Currently Selected:
MAREKO 6: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
MAREKO 6
6
Na enoni i Nasarete ka usitenia o Jesu
(Mt 13.53-58; Lk 4.16-30)
1O Jesu ki pania na hinua ngekana, ma ki aporo i pasina, ma na kariana ka takua. 2Igê na Tangiana ni Mamaroha ngaia ki haganega ki hagesurira na enoni igê na ruma ni sukuru. Ga rako teha vê na enoni i ngekana, ma na matena ga rongoa, ngaira ka kone. Ngaira ka vi: “I he ki tarahugi igê na giraraha ngegana? O ti kani vatea renigi na takotako ga mataha mangagi ngegana? I katogi hega ka na mena? 3Ga pe bani girara vari? Ngaia ki na mane, i totora ruma, o karena ka Maria, ma na goana o Jakobo mo Jose mo Juta mo Simone. Ga pe bani girara vari? Ka goana kaniga gâga ikê.” Tahema ngaira ka usitenia. 4O Jesu ki vi tangara, ki vi: “Na poropete ngaia ki no vani, ga hanetasia i na ara ni hinua, nga noga ma na enoni i pasina ma na raraha iana ma na goana ga pe hanetasia.” 5Ngaia ki bara, vi ge katogi nikâ tani na mena i ngekana, nga noga ma tani na enoni, ga maeha, ngaia ki têbuhira ma ki hagakomagara. 6Ngaia ki konetenira bâraha, renia ga pe tongesuria.
O Jesu ki hagatorangenira na kariana ka ateate
(Mt 10.5-15; Lk 9.1-6)
Mo Jesu ki râhigi na ara ni hinua i ngegana, ma ki hagesurira igê na enoni. 7Ngaia ki unira haku me na kariana tangahuru matarerua, ma ki hagatorangenira na vererua ma garu arâ haku. Ngaia ki vatera na ramoha, ga girara ga paira no ataro era. 8Ngaia ki bonasira, ki vi: “Igê na râha iami siana kamu totora henigamu na ngêra, se vi na anga, se vi na haga i na anga iami, nga noga ma na vato mu totora. 9Mu buti, ma siana kamu tuguni harigapi re na tuguni gi rua.” 10Ngaia ki vi tangara nikâ, ki vi: “Matena mu atata vê i hinua, mu gâga henira na enoni, ga unigamu banu i pasita, mataro me kamu kahu arâ pania na hinua ngekana. 11Manga mu atata vê igê na hinua, ma na enoni i ngekana ka pe unigamu bani, se ga usi, vi ge rongoa na ateateha iami, mu arâ nga pania na hinua ngekana, ma kamu kangigi na mako i êgami. Vikana ngaira ka girara, vi pe koro na parongata.”
12Vikana ngaira ka râ, ma ka ateate tangara na enoni, hanana ga urusigi na parongata tenigi na tasi. 13Ngaira ka paira rako na ataro era, ma ka monera rako na enoni, ga maeha, ma ka hagakomagara.
I me o Joane Batisita
(Mt 14.1-12; Lk 9.7-9)
14Hoita, na maneraha o Herote ki rongogi na tamasinga renia o Jesu, suria na tamasinga renia o Jesu ki râhigi na ara ni hinua. Tani na enoni ka vi: “O Joane Batisita ki mêri aporo! Tahema ngaia ki katogi na mena!” 15Ma tani ka vi, vi ngaia ki no Elia. Nikâ tani ka vi, vi ngaia ki na poropete, na hitangita na poropete i nago.
16Matena o Herote ki rongo vikana, ngaia ki vi: “O Joane Batisita ngekana! Gê bani bonasia na mane ni me iaku, ki bani rete nguria na bêna. Ngaia kani mêri aporo nge!” 17Ngaia marena o Herote ki bonasira na mane ni me iana, ka rakua ma ka hagatotongoa i ruma ni hagaitangiha. O Herote ki kato vikana, suria ngaia ki rêa ka Herotia kehana, na gete iana o Pilipo. 18O Joane Batisita ki ama ni vi tanga nga o Herote, ki vi: “Ikana ki mareha vi ge oto tangago, vi gu gâga henia kehamu.”
19Tahema ka Herotia ki mangariaga baraha tanga o Joane, ma ki rapasia, vi nahuia ki meme, ma ki asa suria o Herote. 20O Herote ki magutenia o Joane, renia ngaia ki bani girara, vi o Joane ki na mane koro ma ki oto na parongana. Tahema ngaia ki anumasia. Ngaia ki obania, vi rongoa, henaka i hata era na obana ma i na ara ni bevoana ki rongoa.
21Hoita, i ngekê ki na matena iana ka Herotia. Na tangiana ki na tangiana iana o Herote i vora igê, ma ki magoto tangara na enoni raha igê na gavumane ma tangara na maneraha igê na henahuita ma tangara na maneraha ni hinua i Galilea. 22Ka karena ka Herotia ki banu me ma ki mâ, ma ki hagakoro obata o Herote ma na kariana. Ngekana o Herote ki vi tanga na kere gete, ki vi: “Na ta kanigo obania? Inê page vatego na ani mavê na marâ, go obania.” 23Ngaia ki tohe gatagata, ki vi: “Inê kê surua, vigê vatego nga na ani mavê na marâ, go obania. Manga vigu nungia teniê ta apanena na apanena iaku, ma be girara ve vatego.”
24Vikana na kere gete ki hura vê, ma ki hagatea kenana, ki vi: “Na ta kani ve nungia?” Ngaia ki arami, ki vi: “Na bêna o Joane Batisita.” 25Ki parama na kere gete, ma ki hatani aporo râ tanga o Herote, ma ki nungia, ki vi: “Inê kê obania, go vateê nga i ngekê na bêna o Joane Batisita igê ma apira.”
26Henaka o Herote ki hata era nga me renia na tarana ngekana, ma ngaia ki asa, vi ge manimania, renia i bani tohe gatagata i maata na enoni hato. 27Tahema ngaia ki hagatorangenia ototo râ nga ta na mane ni me iana, ki torea me na bêna o Joane. Na mane ni me ki hura vê, ki râ i ruma ni hagaitangiha, ma ki rete nguria râ na bêna o Joane, 28ma ki torea igê na apira ki me banu, ma ki vatea na kere gete, ma na kere gete ki vatea kenana. 29Matena ga rongo na kariana o Joane, ngaira ka râ me, ma ka torea na gahua ka naka.
O Jesu ki hagangêra tani na rehagaro na enoni
(Mt 14.13-21; Lk 9.10-17; Jn 6.1-14)
30Ngaira na aposotolo ka aporo me i pasina o Jesu, ma ka hagarongoa renigi na tagaraha, ga tanugi. 31O Jesu ma na kariana ka pe nahunia na matena hanana vi ge ngê igê, suria ga rako teha ngavê na enoni, ga heheuri me i pasita. Ngekana ngaia ki vi tangara, ki vi: “Nika, ge râ getegia i ta na agua panira na enoni, hanana mu girara mu mamaro sisite.” 32Vikê ngaira ka tage getera igê na kere haka, ma ka râ tanga na agua, i hihirunga.
33Ma ka rako na enoni, ga bâsira râ ga râ, ma ka bâgirarara nga. Tahema ngaira ka panigi na hinua hato iata ma ka tango hagenago i tara, ma ka ata i nago igê na agua, vi ga gotogoto igê o Jesu ma na kariana. 34Matena o Jesu ki so tenia na kere haka, ngaia ki bâsia na hakuta raha na enoni i ngekana, ma ki takuira bâraha i obana, renia ga bâ mangara na sipi, ga mareha na avanuta, vi ge marupera. Tahema ngaia ki haganega ki hagesurira renigi rako na marâ. 35Bevoana i pane na arito, na kariana ka râ me tanga o Jesu, ma ka vi: “Na arito ki susu noga ma na agua ikê ki asa, vi ge tarahua igê na ngêra. 36Nakara vê na enoni, ke râ tange na ruma ma na hinua hagarangi hanana ge vuri mareta na ngêra.” 37O Jesu ki arami, ki vi: “Igamu maremi mu vatera na ngêra.” Ngaira ka hagatea ka vi: “Igo ko obania vari, vi gami arâ kami kasikasi na haga i rakorako ngavê na ararina na mena na tagaraha igê na hageha gi varu, hanana mi vurivuri na bereti renigi tangara tani na rehagaro na enoni, ka ngêngê?” 38Ngekana o Jesu ki hagatera, ki vi: “Na bereti gi hita kanimu nahunigi? Mu râ kamu bâ.” Matena ga râ ka bâ hato, ngaira ka hagarongoa, ka vi: “Na bereti gi rima ma na siare gi rua nikâ.”
39Mo Jesu ki vi tangara na kariana, ka voavoasira na enoni hato, ka oga hehegitigi, ma ka oga so igê na go. 40Vikana na enoni ka oga harahara na anie na me ma na anie, tani na me ka tangarê gi tage ma tani na me ka tangahuru gi rima. 41Mo Jesu ki têgi na bereti gi rima ma na siare gi rua, ki atakê, ma ki rahesia God. Ngaia ki pipigi na bereti ma ki vatera na kariana, ka vutungira na enoni renigi. Nikâ ngaia ki votorerua na siare gi rua tangara ngaira hato na enoni. 42Ngaira hato na enoni ka ngê ma ka ngê masu. 43Ma hemuri na kariana o Jesu ka hagavunusigi na heni tangahuru gi tage matarerua renigi na bereti ma na siare, ga hita râ. 44I pasita ngaira hato na enoni, ga ngê, ka vora na mane na rehagaro gi rima.
O Jesu ki râ i basina na rano
(Mt 14.22-33; Jn 6.15-21)
45Ki parama o Jesu, ma ki vi tangara na kariana, ka tage igê na kere haka ma ka nanago tarana i Betesaita, igê na apanena tarê na rano, ma ngaia ki oga so, hanana vi hagatorangenira vê na hakuta na enoni. 46Matena i arira hato na kariana, ngaia ki tagere igê na kere hungana, hanana vi nunginungi. 47Matena i su na arito, na kere haka ki tariha i gupuna na rano, mo Jesu ki oga getea i bemu. 48Ngaia ki bâsira na kariana ga tagara bâraha, renia ga harutea na kere haka, suria i tora i matota na roga. Tahema igê na kahuagana na tangiana ngaia ki râ i pasita, i râ igê na basina na rano. Ngaia ki râ ki teharenira. 49Ma ngaira ka basia, i arâ i basina na rano. Ngaira ka vi ma vi, “Na ataro!” Ma ka hengerehi. 50Renia na matena ga bâsia, ngaira ka magu bâraha. Mo Jesu ki parama, ma ki tamasi tangara, ki vi: “Mu ape gatagata! Inê nga! Siana mu magu!” 51Ma ngaia ki akê i pasita igê na kere haka, ma na roga ki hato panira. Na kariana ka kone ngavê ma ka bubununuga. 52Ngaira ka pe girara, vi na ta kani renigi na bereti. Ngaira ka takotako tugupu.
O Jesu ki hagakomagara na enoni maeha i Senesarete
(Mt 14.34-36)
53Ngaira ka tarê igê na rano, ma ka goto i Senesarete, ma ka huna i ngekana. 54Matena ga pania na kere haka, na enoni ka bâgirara ototo râ nga, vi o Jesu. 55Ma ngaira ka râhigi na ara ni hinua i ngekana, ma na enoni ka tugira na enoni ga maeha igê na bea iata tange na agua, ga rongoa, vi i oga igê o Jesu. 56Ma i na ara ni agua o Jesu ki râ igê, tange na kere hinua, na hinua raha, se na ruma, na enoni ka torera me na enoni, ga maeha, tange na mahera, ma ka nungia, vi ge hagamarumungenira na enoni maeha, ke hataria na taretarena na tuguni iana; ma na ani hato, ga hataria, ngaira ka komaga aporo renia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific