MATEO 1
1
Na raraha iana o Jesu Kirisito
(Lk 3.23-38)
1Ikê ki na raraha iana o Jesu Kirisito. Ngaia ki râ me tenia na raraha iana o Tavite. Mo Tavite ki râ me tenia na raraha iana o Abaramo.
2O Abaramo ki apara o Isako.
O Isako ki apara o Jakobo.
O Jakobo ki aparara o Juta mo vesina.
3O Juta ma ka Tamara karu apararerua o Peresi mo Sera.
O Peresi ki apara o Heseroni.
O Heseroni ki apara o Ramo.
4O Ramo ki apara o Aminataba.
O Aminataba ki apara o Nasoni.
O Nasoni ki apara o Salamone.
5O Salamone ma ka Ragaba karu apara o Boasi.
O Boasi ma ka Ruti karu apara o Obeti.
O Obeti ki apara o Jese.
6O Jese ki apara o Tavite, na maneraha.
O Tavite ma kaniana o Uria karu apara o Solomone. 7O Solomone ki apara o Rehoboamo.
O Rehoboamo ki apara o Abia.
O Abia ki apara o Asa.
8O Asa ki apara o Jehosapa.
O Jehosapa ki apara o Joramo.
O Joramo ki apara o Usia.
9O Usia ki apara o Jotamo.
O Jotamo ki apara o Agasa.
O Agasa ki apara o Hesekia.
10O Hesekia ki apara o Manase.
O Manase ki apara o Amoni.
O Amoni ki apara o Josia.
11O Josia ki aparara o Jekonia mo vesina igê na matena na me i Babilone ka henahuraura igê na Ai ni Isiraele i pasita.
12Matena na Ai ni Isiraele ka oga i Babilone, o Jekonia ki apara o Salatiele.
O Salatiele ki apara o Serubabele.
13O Serubabele ki apara o Abiuti.
O Abiuti ki apara o Eliakimo.
O Eliakimo ki apara o Asore.
14O Asore ki apara o Sadoki.
O Sadoki ki apara o Akimo.
O Akimo ki apara o Eliuti.
15O Eliuti ki apara o Eleasare.
O Eleasare ki apara o Matano.
O Matano ki apara o Jakobo.
16O Jakobo ki apara o Josepo, na mane iana ka Maria, i apara o Jesu, ga hêtana vi o Kirisito.
17Hoita, haganega tenia o Abaramo mataro me o Tavite ka vora na apaparaha tangahuru matara gi he. Ma nikâ na apaparaha tangahuru matara gi he ka haganega tenia o Tavite mataro me na matena na me ni Babilone ka henahuraura igê na Ai ni Isiraele i pasita. Ma nikâ na apaparaha tangahuru matara gi he ka haganega tenia na matena ngekana mataro me ki vora me o Kirisito.
O Jesu ki vora me
(Lk 2.1-7)
18O Jesu Kirisito ki vora me manga ikê. Ga bani atengenia ka Maria, na kenana o Jesu, tanga o Josepo. I mamênga vi garu auragi ma o Josepo ki girara, vi ka Maria ki obara renia na Higona Apu. 19O Josepo, i atengenia ngekana ngaia ki na mane, i koro ma ki oto i maana God. Ngaia ki pe obania, vi ge hagamakia ka Maria i maata na enoni. Tahema ngaia ki kato, vi kasia pinihi. 20Matena i tako vikana, na angero iana na Araha ki vora me tanga igê na maruteha, ma ki vi: “Josepo, igo na raraha iana o Tavite, gu torea ka Maria manga na gete iamu. I koro ma. Suria ngaia ki bani atui renia na raramohana na Higona Apu. 21Ngaia ki page apara na kare mane, ma ko page hêtana renia vi o Jesu, renia ngaia ki page hagatahira na kariana tenigi na tasi iata.”
22Hoi, na ara ni marâ ngegê ka voravora me, hanana ga hagamonarigi na marâ, God i bani tamasi i harana na poropete renigi. 23Ngaia ki tamasi vikê: “Bâ, na kare viru ni page obara ma ki page apara na kare mane, ma ka page hêtana renia vi o Emanuele,” (i vi, vi “God ki ngahisigia”).
24Vike, matena o Josepo ki rite, ngaia ki râ suria na marâ, na angero iana na Araha i bani visia tanga, ma ki êragia ka Maria. 25Ma ngaia ki pe mêru rârâ henia, mataro me ki apara na kare mane. Ma o Josepo ki hêtana vi o Jesu.
Currently Selected:
MATEO 1: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
