HAGARAHENGA 14
14
Na hagamatarotaroana na enoni i murina na mera era ni gavona apena
1Na Araha ki vatea o Moise 2renigi na ramata igê renia na hagamatarotaroana na enoni i mavomavo tenia na mera era ni gavona apena. Igê na tangiana na mane ni vogasiha i page visia na enoni ngekana igê vi matarotaro, ka merâ me nga na enoni ngekana tanga. 3Na mane ni vogasiha ki mehura nga tarege râ tenia na tênga ma ki hahariria nga. Manga vi na mera ngekana ma ki hato, 4na mane ni vogasiha ki haribona nga, ka torererua me na manu gi rua garu matarotaro suria na ramata, na bagorana na apinige, na varo memera ma na arana sisite na hisope. 5Hemuri na mane ni vogasiha ki haribona nga, ka nahuia ki meme na hitangiterua na manu i avorana na apira na hê i oga igê na ve marava tenia na ve banga. 6Na mane ni vogasiha ki taua nga na ruata na manu ma ki kumu renia so igê na gapuna na ani ga bani nahuia ki me, henigi na bagorana na apinige, na varo memera ma na arana sisite na hisope. 7Ngaia ki tahusigenia hagepi na gapu huria na enoni ngekana, hanana i hagamatarotaroa tenia na mera era ni gavona apena ma ki kahu visia nga, vi na enoni ngekana ki matarotaro aporo. Na manu, na ani i mauri mênga, ngaia ki naka mavê ki gaha vê ki arâ. 8Na enoni ngekana ki tananigi nga na gahu iana, ki guruigi nga na varehuna hato, ki mamanu nga ma ki kahu matarotaro aporo. Ngaia ki arari ma vi bêbanu igê na tênga ma ki gâga nga hete i metara na ruma na gahu iana surigi na tangiani gi pi. 9Igê na pita na tangiana ngaia ki guruigi nga nikâ na varehuna hato: i bêna, i paratena, i avoraterua na maana ma igê na apena hagenani. Ngaia ki tananigi nga na gahu iana, ki mamanu ma ki kahu matarotaro aporo.
10Igê na varuta na tangiana ngaia ki urura me nga na karena sipi mane gi rua ma na karena sipi hehene gi tage, ga tonga gi tage na harisi iata ma ka apeapekoro ma ka pe baubêga, henigi na 8 kilo na palaua hetorariga henia na oile ni olive i kâgupu. 11Na mane ni vogasiha ki merâ nga na enoni ngekana henigi na votovoto ngegana tanga na maana na ruma na gahu apuna iana na Araha. 12Hemuri na mane ni vogasiha ki taua nga na hitangiterua na karena sipi mane henia na oile i kâgupu, hanana i tagarenia na vogasiha ni kasi mena renigi. Ngaia ki tagarenia nga na karena sipi mane henia na oile tanga na Araha manga na mahatanga tanga na mane ni vogasiha. 13Ngaia ki nahuia nga ki meme na karena sipi mane igê na agua apuna ga nahuira ka meme igê na ganiani tangagi na vogasiha ni bonoteniha ni tasi ma na vogasiha ni sungiha. Ngaia ki katokato nga vikana, suria na vogasiha ni kasi mena kani iana na mane ni vogasiha manga na vogasiha ni bonoteniha ni tasi, ma ki apuna teha ngavê. 14Na mane ni vogasiha ki tavoa nga tagua na gapuna na karena sipi mane ma ki taruhia na verona na karingana i otona na enoni ngekana i hagamatarotaroa, igê na kakêna raha na rimana na otona ma igê na kakêna raha na êgana na otona. 15Na mane ni vogasiha ki tavoa nga na oile ni olive ma ki karangia nga tagua i na ababa ni rimana marena i mahana, 16ki anumia nga na kakêna i rimana na otona ma ki tahusigenia hagepi na oile i ngekana i maana na Araha. 17Ngaia ki taugi nga tagua na oile i na ababa ni rimana ma tagua na gapuna na karena sipi mane ma ki taruhigi nga na verona na karingana i otona na mane i hagamatarotaroa, na kakêna raha i rimana na otona ma na kakêna raha na êgana i otona. 18Na agua na oile i hitahita râ i na ababa ni rimana ngaia ki taruhia râ nga i bêna na enoni ngekana. Ngaia ki katoa nga na hagamatarotaroana igê na tarana ngekana.
19Hemuri na mane ni vogasiha ki nahuia nga ki meme na karena sipi hehene tanga na vogasiha ni bonoteniha ni tasi ma ki katoa na hagamatarotaroana. I murina ngekana ngaia ki nahuia ki meme na karena sipi mane i hita râ tanga na vogasiha ni sungiha 20ma ki sungia nga henia na palaua ni vogasiha igê na bea ni vogasiha. Na mane ni vogasiha ki katoa nga na hagamatarotaroana na enoni akana igê na tarana ngekana.
21Manga vi na enoni ma ki bara tanga, suria i matareha, ngaia ki urua me ma na karena sipi mane gi tage tanga na vogasiha ni kasi mena. Ngaia ki tagarenia tanga na Araha manga na mahatanga tanga na mane ni vogasiha. Ngaia ki toregi me nga na 3 kilo na palaua hetorariga henia na oile ni olive tanga na vogasiha ni palaua henia na oile i kâgupu. 22Ngaia ki torererua me nga na barisumata gi rua se na gâ gi rua: tani tanga na vogasiha ni bonoteniha ni tasi ma tani tanga i susu renia. 23Igê na varuta na tangiana ni hagamatarotaroana ngaia ki torererua me nga tanga na mane ni vogasiha i maana na ruma na gahu apuna. 24Na mane ni vogasiha ki tagarenia nga na karena sipi henia na oile ni olive tanga na Araha manga na vogasiha ni kasi mena, ma na Araha ki mahatangenia na karena sipi henia na oile tanga na mane ni vogasiha. 25Na mane ni vogasiha ki nahuia nga ki meme na karena sipi, ki apea tagua na gapuna ma ki taruhigi na verona na karingana na otona na enoni ngekana, na kakêna raha na rimana i otona ma na kakêna raha na êgana i otona renia. 26Na mane ni vogasiha ki karangia na oile ni olive i na ababa ni rimana i mahana, 27ki anumia na kakêna rimana i otona igê ma ki tahusigenia hagepi i ngekana i maana na Araha. 28Ngaia ki taruhigi na agua i bani taruhigi re na gapuna na sipi renia na oile na olive i na ababa ni rimana: ngaigi ka na verona na karingana i otona, na kakêna raha na rimana i otona ma na kakêna raha na êgana i otona. 29Na oile i hitahita râ i na ababa ni rimana, ngaia ki taruhia râ nga i bêna na enoni ngekana. Ngaia nga kani hanana na tarana ni hagamatarotaroana na enoni ngekana.
30Hemuri ngaia ki tagarenia nga na hitangiterua na barisumata se na gâ 31manga na vogasiha ni bonoteniha ni tasi, ma tani tanga na vogasiha ni sungiha henia na vogasiha ni palaua. Ngaia nga kani hanana na mane ni vogasiha i katoa nga na hagamatarotaroana na enoni.
32Ngaigi nga ka na ramata tanga na enoni i nahunia na mera era ni gavona apena ma ki bara tanga vige tagarenira na ganiani manga bani hanani tanga na hagamatarotaroana na enoni.
Renigi na tongo ga raharaha ka arâ i ruma
33Na Araha ki vatererua o Moise mo Aroni 34renigi na ramata igê renigi na tongo ga raharaha ka arâ i ruma. Na ramata ngegê na Isiraelita ka arâ surigi nga i murina ga bani oga i Kanane, na agua na Araha i page haganahunira renia. 35Na enoni i tarahugi na tongo ngegana i ruma iana ngaia ki arâ ki hagarongoa nga na mane ni vogasiha renigi. 36Na mane ni vogasiha ki haribona nga, ka hagarurugu hura na ara ni marâ tenia na ruma ma ki kahu haharirigi na tongo, i era ma ki visigi vi na ara ni marâ i ruma ka pe matarotaro. Hemuri ngaia ki bêbanu nga igê na ruma 37ma ki haharirigi na tongo. Manga vi na tongo ma ka maravarava se ga memera ma ka ngaugi na apê, 38ngaia ki huhura nga tenia na ruma ma ki raburia ki purupuru surigi na tangiani gi pi. 39Igê na pita na tangiana ngaia ki aporo râ nga ma ki haharirigi nikâ. Manga vi na tongo ma ka raharaha ka arâ monari, 40ngaia ki haribona nga ka tavogi râ na hê ga oga igê na tongo, ma ka kasigi râ i na agua i pe matarotaro tarege râ tenia na hinua. 41Hato vikana ngaia ki haribona nga ka garasigi na apê ma ka kasigi na momogani i na agua i pe matarotaro tarege râ tenia na hinua. 42Hemuri ngaira ka urusigi nga na hê ga bani tavogi râ ma ka taruhigi aporo na apê manga bani hanani.
43Manga vi na tongo ma ka akê me aporo nikâ i ruma, i murina ga bani tavogi râ na hê, ka bani garasigi na apê ma ka bani taruhigi aporo, 44na mane ni vogasiha ki arâ nga ki haharirigi na tongo. Manga vi ngaigi ma ka raharaha ka arâ, na ruma ki pe matarotaro. 45Ngaira ka hogea nga ma ka toregi vê na hê, na apinige ma na marâ ga taruhigi re na apê tanga na agua i pe matarotaro tarege râ tenia na hinua. 46Na enoni i bêbanu igê na ruma ngekana matena i purupuru, ngaia ki pe matarotaro nogana mataro me ki bungibungi. 47Na enoni i mauru se i ngêngê i ruma ngekana, ngaia ki tananigi nga na gahu iana.
48Manga vi na mane ni vogasiha ma ki arâ me ki hahariria na ruma ma ki tarahua, vi na tongo ka pe akê me nikâ, i murina ga bani taruhigi aporo na apê, ngaia ki visia nga, vi na ruma ki matarotaro, suria na tongo ka magahuru ngavê. 49Tanga na hagamatarotaroana na ruma, ngaia ki taugi nga na manu gi rua, na bagorana na apinige, na varo memera ma na arana sisite na hisope. 50Ngaia ki nahuia nga ki meme na hitangiterua na manu i avorana na apira na hê, i oga igê na ve marava tenia na ve banga. 51Hemuri ngaia ki taugi nga na bagorana na apinige, na arana sisite na hisope, na varo memera ma na ani i mauri na manu ma ki anumigi igê na gapuna na manu i bani nahuia ki meme ma igê na ve marava. Ngaia ki kamusia nga hagepi na ruma. 52Vikana ngaia ki hagamatarotaroa nga na ruma renigi na gapuna na manu, na ve marava, na ani i mauri na manu, na bagorana na apinige, na arana sisite na hisope ma na varo memera. 53Hemuri ngaia ki torea tenia na hinua na manu i mauri mênga ma ki kasia ki gaha vê ki râ. Ngaia nga ka na tarana tanga na hagamatarotaroana na ruma ma na ruma ki kahu matarotaro aporo.
54Ngegana nga ka na ramata renigi na mera era ni gavona apena na enoni, 55-56renigi na agua ga harahara se ga sugusugu se ga gagaro, renigi na tongo ga raharaha ka arâ igê na gahu se i ruma. 57Ngaigi ka na ramata tanga ga tarahua vi i na keta na enoni se ta na marâ ki matarotaro igê se mareha.
Currently Selected:
HAGARAHENGA 14: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
HAGARAHENGA 14
14
Na hagamatarotaroana na enoni i murina na mera era ni gavona apena
1Na Araha ki vatea o Moise 2renigi na ramata igê renia na hagamatarotaroana na enoni i mavomavo tenia na mera era ni gavona apena. Igê na tangiana na mane ni vogasiha i page visia na enoni ngekana igê vi matarotaro, ka merâ me nga na enoni ngekana tanga. 3Na mane ni vogasiha ki mehura nga tarege râ tenia na tênga ma ki hahariria nga. Manga vi na mera ngekana ma ki hato, 4na mane ni vogasiha ki haribona nga, ka torererua me na manu gi rua garu matarotaro suria na ramata, na bagorana na apinige, na varo memera ma na arana sisite na hisope. 5Hemuri na mane ni vogasiha ki haribona nga, ka nahuia ki meme na hitangiterua na manu i avorana na apira na hê i oga igê na ve marava tenia na ve banga. 6Na mane ni vogasiha ki taua nga na ruata na manu ma ki kumu renia so igê na gapuna na ani ga bani nahuia ki me, henigi na bagorana na apinige, na varo memera ma na arana sisite na hisope. 7Ngaia ki tahusigenia hagepi na gapu huria na enoni ngekana, hanana i hagamatarotaroa tenia na mera era ni gavona apena ma ki kahu visia nga, vi na enoni ngekana ki matarotaro aporo. Na manu, na ani i mauri mênga, ngaia ki naka mavê ki gaha vê ki arâ. 8Na enoni ngekana ki tananigi nga na gahu iana, ki guruigi nga na varehuna hato, ki mamanu nga ma ki kahu matarotaro aporo. Ngaia ki arari ma vi bêbanu igê na tênga ma ki gâga nga hete i metara na ruma na gahu iana surigi na tangiani gi pi. 9Igê na pita na tangiana ngaia ki guruigi nga nikâ na varehuna hato: i bêna, i paratena, i avoraterua na maana ma igê na apena hagenani. Ngaia ki tananigi nga na gahu iana, ki mamanu ma ki kahu matarotaro aporo.
10Igê na varuta na tangiana ngaia ki urura me nga na karena sipi mane gi rua ma na karena sipi hehene gi tage, ga tonga gi tage na harisi iata ma ka apeapekoro ma ka pe baubêga, henigi na 8 kilo na palaua hetorariga henia na oile ni olive i kâgupu. 11Na mane ni vogasiha ki merâ nga na enoni ngekana henigi na votovoto ngegana tanga na maana na ruma na gahu apuna iana na Araha. 12Hemuri na mane ni vogasiha ki taua nga na hitangiterua na karena sipi mane henia na oile i kâgupu, hanana i tagarenia na vogasiha ni kasi mena renigi. Ngaia ki tagarenia nga na karena sipi mane henia na oile tanga na Araha manga na mahatanga tanga na mane ni vogasiha. 13Ngaia ki nahuia nga ki meme na karena sipi mane igê na agua apuna ga nahuira ka meme igê na ganiani tangagi na vogasiha ni bonoteniha ni tasi ma na vogasiha ni sungiha. Ngaia ki katokato nga vikana, suria na vogasiha ni kasi mena kani iana na mane ni vogasiha manga na vogasiha ni bonoteniha ni tasi, ma ki apuna teha ngavê. 14Na mane ni vogasiha ki tavoa nga tagua na gapuna na karena sipi mane ma ki taruhia na verona na karingana i otona na enoni ngekana i hagamatarotaroa, igê na kakêna raha na rimana na otona ma igê na kakêna raha na êgana na otona. 15Na mane ni vogasiha ki tavoa nga na oile ni olive ma ki karangia nga tagua i na ababa ni rimana marena i mahana, 16ki anumia nga na kakêna i rimana na otona ma ki tahusigenia hagepi na oile i ngekana i maana na Araha. 17Ngaia ki taugi nga tagua na oile i na ababa ni rimana ma tagua na gapuna na karena sipi mane ma ki taruhigi nga na verona na karingana i otona na mane i hagamatarotaroa, na kakêna raha i rimana na otona ma na kakêna raha na êgana i otona. 18Na agua na oile i hitahita râ i na ababa ni rimana ngaia ki taruhia râ nga i bêna na enoni ngekana. Ngaia ki katoa nga na hagamatarotaroana igê na tarana ngekana.
19Hemuri na mane ni vogasiha ki nahuia nga ki meme na karena sipi hehene tanga na vogasiha ni bonoteniha ni tasi ma ki katoa na hagamatarotaroana. I murina ngekana ngaia ki nahuia ki meme na karena sipi mane i hita râ tanga na vogasiha ni sungiha 20ma ki sungia nga henia na palaua ni vogasiha igê na bea ni vogasiha. Na mane ni vogasiha ki katoa nga na hagamatarotaroana na enoni akana igê na tarana ngekana.
21Manga vi na enoni ma ki bara tanga, suria i matareha, ngaia ki urua me ma na karena sipi mane gi tage tanga na vogasiha ni kasi mena. Ngaia ki tagarenia tanga na Araha manga na mahatanga tanga na mane ni vogasiha. Ngaia ki toregi me nga na 3 kilo na palaua hetorariga henia na oile ni olive tanga na vogasiha ni palaua henia na oile i kâgupu. 22Ngaia ki torererua me nga na barisumata gi rua se na gâ gi rua: tani tanga na vogasiha ni bonoteniha ni tasi ma tani tanga i susu renia. 23Igê na varuta na tangiana ni hagamatarotaroana ngaia ki torererua me nga tanga na mane ni vogasiha i maana na ruma na gahu apuna. 24Na mane ni vogasiha ki tagarenia nga na karena sipi henia na oile ni olive tanga na Araha manga na vogasiha ni kasi mena, ma na Araha ki mahatangenia na karena sipi henia na oile tanga na mane ni vogasiha. 25Na mane ni vogasiha ki nahuia nga ki meme na karena sipi, ki apea tagua na gapuna ma ki taruhigi na verona na karingana na otona na enoni ngekana, na kakêna raha na rimana i otona ma na kakêna raha na êgana i otona renia. 26Na mane ni vogasiha ki karangia na oile ni olive i na ababa ni rimana i mahana, 27ki anumia na kakêna rimana i otona igê ma ki tahusigenia hagepi i ngekana i maana na Araha. 28Ngaia ki taruhigi na agua i bani taruhigi re na gapuna na sipi renia na oile na olive i na ababa ni rimana: ngaigi ka na verona na karingana i otona, na kakêna raha na rimana i otona ma na kakêna raha na êgana i otona. 29Na oile i hitahita râ i na ababa ni rimana, ngaia ki taruhia râ nga i bêna na enoni ngekana. Ngaia nga kani hanana na tarana ni hagamatarotaroana na enoni ngekana.
30Hemuri ngaia ki tagarenia nga na hitangiterua na barisumata se na gâ 31manga na vogasiha ni bonoteniha ni tasi, ma tani tanga na vogasiha ni sungiha henia na vogasiha ni palaua. Ngaia nga kani hanana na mane ni vogasiha i katoa nga na hagamatarotaroana na enoni.
32Ngaigi nga ka na ramata tanga na enoni i nahunia na mera era ni gavona apena ma ki bara tanga vige tagarenira na ganiani manga bani hanani tanga na hagamatarotaroana na enoni.
Renigi na tongo ga raharaha ka arâ i ruma
33Na Araha ki vatererua o Moise mo Aroni 34renigi na ramata igê renigi na tongo ga raharaha ka arâ i ruma. Na ramata ngegê na Isiraelita ka arâ surigi nga i murina ga bani oga i Kanane, na agua na Araha i page haganahunira renia. 35Na enoni i tarahugi na tongo ngegana i ruma iana ngaia ki arâ ki hagarongoa nga na mane ni vogasiha renigi. 36Na mane ni vogasiha ki haribona nga, ka hagarurugu hura na ara ni marâ tenia na ruma ma ki kahu haharirigi na tongo, i era ma ki visigi vi na ara ni marâ i ruma ka pe matarotaro. Hemuri ngaia ki bêbanu nga igê na ruma 37ma ki haharirigi na tongo. Manga vi na tongo ma ka maravarava se ga memera ma ka ngaugi na apê, 38ngaia ki huhura nga tenia na ruma ma ki raburia ki purupuru surigi na tangiani gi pi. 39Igê na pita na tangiana ngaia ki aporo râ nga ma ki haharirigi nikâ. Manga vi na tongo ma ka raharaha ka arâ monari, 40ngaia ki haribona nga ka tavogi râ na hê ga oga igê na tongo, ma ka kasigi râ i na agua i pe matarotaro tarege râ tenia na hinua. 41Hato vikana ngaia ki haribona nga ka garasigi na apê ma ka kasigi na momogani i na agua i pe matarotaro tarege râ tenia na hinua. 42Hemuri ngaira ka urusigi nga na hê ga bani tavogi râ ma ka taruhigi aporo na apê manga bani hanani.
43Manga vi na tongo ma ka akê me aporo nikâ i ruma, i murina ga bani tavogi râ na hê, ka bani garasigi na apê ma ka bani taruhigi aporo, 44na mane ni vogasiha ki arâ nga ki haharirigi na tongo. Manga vi ngaigi ma ka raharaha ka arâ, na ruma ki pe matarotaro. 45Ngaira ka hogea nga ma ka toregi vê na hê, na apinige ma na marâ ga taruhigi re na apê tanga na agua i pe matarotaro tarege râ tenia na hinua. 46Na enoni i bêbanu igê na ruma ngekana matena i purupuru, ngaia ki pe matarotaro nogana mataro me ki bungibungi. 47Na enoni i mauru se i ngêngê i ruma ngekana, ngaia ki tananigi nga na gahu iana.
48Manga vi na mane ni vogasiha ma ki arâ me ki hahariria na ruma ma ki tarahua, vi na tongo ka pe akê me nikâ, i murina ga bani taruhigi aporo na apê, ngaia ki visia nga, vi na ruma ki matarotaro, suria na tongo ka magahuru ngavê. 49Tanga na hagamatarotaroana na ruma, ngaia ki taugi nga na manu gi rua, na bagorana na apinige, na varo memera ma na arana sisite na hisope. 50Ngaia ki nahuia nga ki meme na hitangiterua na manu i avorana na apira na hê, i oga igê na ve marava tenia na ve banga. 51Hemuri ngaia ki taugi nga na bagorana na apinige, na arana sisite na hisope, na varo memera ma na ani i mauri na manu ma ki anumigi igê na gapuna na manu i bani nahuia ki meme ma igê na ve marava. Ngaia ki kamusia nga hagepi na ruma. 52Vikana ngaia ki hagamatarotaroa nga na ruma renigi na gapuna na manu, na ve marava, na ani i mauri na manu, na bagorana na apinige, na arana sisite na hisope ma na varo memera. 53Hemuri ngaia ki torea tenia na hinua na manu i mauri mênga ma ki kasia ki gaha vê ki râ. Ngaia nga ka na tarana tanga na hagamatarotaroana na ruma ma na ruma ki kahu matarotaro aporo.
54Ngegana nga ka na ramata renigi na mera era ni gavona apena na enoni, 55-56renigi na agua ga harahara se ga sugusugu se ga gagaro, renigi na tongo ga raharaha ka arâ igê na gahu se i ruma. 57Ngaigi ka na ramata tanga ga tarahua vi i na keta na enoni se ta na marâ ki matarotaro igê se mareha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific