JAKOBO 2
2
Na suriha purupuru
1Goaku, igamu kamu tongesuria na Araha iaka o Jesu Kirisito, na Araha raramohaga hunia. Siana hagetage ka arâ hegitigi na marâ, mu katogi tangara na enoni, suria tani ka ruruguha, ma tani ka matareha. 2Ata ni vi ma: manga vi na mane gi rua, ma karu râ me igê na ruma ni hekarigiana. Ma ta na hitangiterua ki rêni bâkoro, ma ki tuguni bâkoro. Ma na ruata na mane ki matareha, ma ki tuguni kakaga. 3Vikê igamu kamu hagahigasia bâraha na mane, i tuguni bâkoro, ma kamu vi tanga, kamu vi, “Gu oga so ikê igê na âgâga koro.” Ma tanga na mane, i matareha, kamu vi, “Gu ura ikana”, se, “Oga so i ano hagarangia na atohaku.” 4Manga ngekana, igamu kamu tasi, suria mu voasigamu hegitigi so maremi ma na marâ, mu surirerua renia, ki mareha vi oto.
5Goaku koro, mu rongo! God ki atera na enoni matareha i maveta, ka ruruguha igê na tongesuriha, ma ka nahunia na Arahanga, God i bani surua tangara na enoni, ga takuia. 6Ma kamu ruhira na enoni matareha! O ti kaniga hagamamasiaga apemi ma ka toregamu igê na tamasinga? Na enoni rurugua nogata! 7Ngaira ka na ani, ga tamasi erasigi na ata kirisitiano, na ata, God i bani vategamu renigi.
8Igamu kamu page paronga oto, manga vi gamu arâ suria na ramata iana na Araha, na ramata mu tarahua igê na Buka Apuna, i vi, “Takuira na enoni getera manga igamu maremi.” 9Ma ki manga mu voasira na enoni, suria vi ga bâ hegitigi, igamu kamu tasi, ma na Ramata ki surigamu ki hagaitangigamu, suria igamu kamu aharê igê na ramata. 10Renia i manga vi na enoni, ma ki henaka i aharê igê na ani gi tage togo ma na ramata, ngaia ki aharêngigi na ramata hato. 11Renia God ki vi, “Siana ko gamogamo”, ma nikâ i vi, “Siana ko nahu enoni.” Henaka vi igamu kamu pe gamogamo vari, igamu kamu aharê igê na ramata, manga vi gamu nahunahu enoni. 12Mu tamasi, ma kamu paronga mangara na enoni, i page surira na ramata, na ramata, i rupasira na enoni. 13Renia God ki pe takia na enoni, i pe nahunia na hetakiha. Ma na takiha ki teharia na suriha.
Na tongesuriha ma na tagaraha
14Goaku! Na ta kani koro tanga na mane, i vivi, “Inê kê nahunia na tongesuriha”, ma ki manga i pe paronga suria na tongesuriha iana? Ki hega, na tongesuriha ngekana ki girara, i hagatahia? 15Ata ni vi ma: manga vi na goaka, ma ka pe nahunigi na gahu, ma nikâ ga magê. 16Ma ki hega, mu tamanira vari, igê na matena mu vi tangara, kamu vivi, “Mauru koro! Mu hagesuru, ma kamu ngêngê masu,” manga vi gamu pe vatera na marâ, hanana vi ge mauri renigi? 17Na tongesuriha ki tagenana ma: manga vi ga pe hagamonaria na tongesuriha igê na tagaraha, na tongesuriha ki meme. 18Ma ta na enoni ki vivi vari, “Igo ko nahunia na tongesuriha, ma inê kê katogi na tagaraha na tongesuriha.” Menê kê arami, kê vivi, “Manga i he kanigo nahunia na tongesuriha, i mareha henigi na tagaraha? Inê kê hagabâsigo renia na tongesuriha iaku igê na tagaraha iaku.” 19Mu tongesuria vari vi God ki gi tage togo ma iê? Koro! Satana nikâ ki tongesuriha, ma ki magu, ki tatata. 20Mu bonobonoga! Mu obania vari, vi gamu rongorongogirara na tongesuriha, i mareha henigi na tagaraha, ki na marâ purua ma? 21Takusia o Abaramo, na êvarika. Manga i he kani koro ma ki oto i maana God? Surigi na tagaraha iana. Renia ngaia ki vogasi renia o Isako na karena. 22Mu pe bâsia? Na tongesuriha iana ma na tagaraha iana karu râ haku. Na tongesuriha iana ki voravora koro teha renigi na tagaraha iana. 23Ma ki monari na tamasinga igê na Buka Apuna, i vi, “O Abaramo ki tongesuria God, ma suria na tongesuriha iana tahema God ki visia, vi ngaia ka na mane koro.” Ma God ki visia, ki vi: “Goaku Abaramo.” 24Hoita, mu bâsia, na enoni ki korokoro ma ki ototo i maana God renigi na tagaraha iana, mareha vi renia ma na tongesuriha iana.
25I tagenana ma ka Ragaba, na êra. Ngaia ki koro ma ki oto i maana God renigi na tagaraha iana. Suria ngaia ki unira banu i pasina na mane tora tamasinga iata na Siu, ma ki tamanira, ka gava ka râ suria na tara getea. 26Manga vi na atarona na enoni, ma ke pe gâga henia na apena, vikê na apena ke me. Tahema, manga vi na tongesuriha, ma ki mareha henigi na tagaraha, na tongesuriha ki meme nogana.
Currently Selected:
JAKOBO 2: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
JAKOBO 2
2
Na suriha purupuru
1Goaku, igamu kamu tongesuria na Araha iaka o Jesu Kirisito, na Araha raramohaga hunia. Siana hagetage ka arâ hegitigi na marâ, mu katogi tangara na enoni, suria tani ka ruruguha, ma tani ka matareha. 2Ata ni vi ma: manga vi na mane gi rua, ma karu râ me igê na ruma ni hekarigiana. Ma ta na hitangiterua ki rêni bâkoro, ma ki tuguni bâkoro. Ma na ruata na mane ki matareha, ma ki tuguni kakaga. 3Vikê igamu kamu hagahigasia bâraha na mane, i tuguni bâkoro, ma kamu vi tanga, kamu vi, “Gu oga so ikê igê na âgâga koro.” Ma tanga na mane, i matareha, kamu vi, “Gu ura ikana”, se, “Oga so i ano hagarangia na atohaku.” 4Manga ngekana, igamu kamu tasi, suria mu voasigamu hegitigi so maremi ma na marâ, mu surirerua renia, ki mareha vi oto.
5Goaku koro, mu rongo! God ki atera na enoni matareha i maveta, ka ruruguha igê na tongesuriha, ma ka nahunia na Arahanga, God i bani surua tangara na enoni, ga takuia. 6Ma kamu ruhira na enoni matareha! O ti kaniga hagamamasiaga apemi ma ka toregamu igê na tamasinga? Na enoni rurugua nogata! 7Ngaira ka na ani, ga tamasi erasigi na ata kirisitiano, na ata, God i bani vategamu renigi.
8Igamu kamu page paronga oto, manga vi gamu arâ suria na ramata iana na Araha, na ramata mu tarahua igê na Buka Apuna, i vi, “Takuira na enoni getera manga igamu maremi.” 9Ma ki manga mu voasira na enoni, suria vi ga bâ hegitigi, igamu kamu tasi, ma na Ramata ki surigamu ki hagaitangigamu, suria igamu kamu aharê igê na ramata. 10Renia i manga vi na enoni, ma ki henaka i aharê igê na ani gi tage togo ma na ramata, ngaia ki aharêngigi na ramata hato. 11Renia God ki vi, “Siana ko gamogamo”, ma nikâ i vi, “Siana ko nahu enoni.” Henaka vi igamu kamu pe gamogamo vari, igamu kamu aharê igê na ramata, manga vi gamu nahunahu enoni. 12Mu tamasi, ma kamu paronga mangara na enoni, i page surira na ramata, na ramata, i rupasira na enoni. 13Renia God ki pe takia na enoni, i pe nahunia na hetakiha. Ma na takiha ki teharia na suriha.
Na tongesuriha ma na tagaraha
14Goaku! Na ta kani koro tanga na mane, i vivi, “Inê kê nahunia na tongesuriha”, ma ki manga i pe paronga suria na tongesuriha iana? Ki hega, na tongesuriha ngekana ki girara, i hagatahia? 15Ata ni vi ma: manga vi na goaka, ma ka pe nahunigi na gahu, ma nikâ ga magê. 16Ma ki hega, mu tamanira vari, igê na matena mu vi tangara, kamu vivi, “Mauru koro! Mu hagesuru, ma kamu ngêngê masu,” manga vi gamu pe vatera na marâ, hanana vi ge mauri renigi? 17Na tongesuriha ki tagenana ma: manga vi ga pe hagamonaria na tongesuriha igê na tagaraha, na tongesuriha ki meme. 18Ma ta na enoni ki vivi vari, “Igo ko nahunia na tongesuriha, ma inê kê katogi na tagaraha na tongesuriha.” Menê kê arami, kê vivi, “Manga i he kanigo nahunia na tongesuriha, i mareha henigi na tagaraha? Inê kê hagabâsigo renia na tongesuriha iaku igê na tagaraha iaku.” 19Mu tongesuria vari vi God ki gi tage togo ma iê? Koro! Satana nikâ ki tongesuriha, ma ki magu, ki tatata. 20Mu bonobonoga! Mu obania vari, vi gamu rongorongogirara na tongesuriha, i mareha henigi na tagaraha, ki na marâ purua ma? 21Takusia o Abaramo, na êvarika. Manga i he kani koro ma ki oto i maana God? Surigi na tagaraha iana. Renia ngaia ki vogasi renia o Isako na karena. 22Mu pe bâsia? Na tongesuriha iana ma na tagaraha iana karu râ haku. Na tongesuriha iana ki voravora koro teha renigi na tagaraha iana. 23Ma ki monari na tamasinga igê na Buka Apuna, i vi, “O Abaramo ki tongesuria God, ma suria na tongesuriha iana tahema God ki visia, vi ngaia ka na mane koro.” Ma God ki visia, ki vi: “Goaku Abaramo.” 24Hoita, mu bâsia, na enoni ki korokoro ma ki ototo i maana God renigi na tagaraha iana, mareha vi renia ma na tongesuriha iana.
25I tagenana ma ka Ragaba, na êra. Ngaia ki koro ma ki oto i maana God renigi na tagaraha iana. Suria ngaia ki unira banu i pasina na mane tora tamasinga iata na Siu, ma ki tamanira, ka gava ka râ suria na tara getea. 26Manga vi na atarona na enoni, ma ke pe gâga henia na apena, vikê na apena ke me. Tahema, manga vi na tongesuriha, ma ki mareha henigi na tagaraha, na tongesuriha ki meme nogana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific