HOSEA 6
6
Na enoni ka pe urisi parongata maninga
1Na enoni ka vi:
“Nika, ge aporo tanga na Araha.
Ngaia, i bani hagamamasiaga apeka,
ki page hagakomagagia.
Ngaia, i bani hagamamarigia,
ki page baraigi na maara iaka.
2I murini na tangiani gi rua
ngaia ki page hagamêrigia aporo.
Igê na oruta na tangiana
ngaia ki page hagarahagasigia.
Igia ka page goga i maana.
3Ge uhungia nga,
ke hagêguri togo renia na Araha.
Igia ka page girara otooto râ,
vi na Araha ki page arâ me,
tagenana manga igia ka girara otooto râ
na kahuagana na tangiana.
Na râha me iana tangagia
ki manga na rangi na suravaka.”
4Ma na Araha ki arami, ki vi:
“Isiraelita, gê he nakagamu?
Ai ni Juta, gê he nakagamu?
Na takuiha iami tangê ki magahuru
manga na vaha i mavoraro.
Ngaia ki manga na kere kârupu,
i magahuru râ i mavoraro.
5Tahema inê kê bani tamasi
i harata na poropete tangagamu.
Inê kê bani nahuigamu renigi na tamasinga iaku.
Na suriha iaku ki mataha ngavê.
Inê kê girara na marâ, gê obania.
6Inê kê obanigamu, vigamu takuiê tare nga,
Inê kê pe obanigamu,
vigamu vogasiê renira na sipi.
Inê kê obanigamu, vigamu aitangisiê hete.
Inê kê pe obanigamu,
vigamu susu tangê.
7“Ngaira ka aharêngia na suruheri iaku henira
manga o Atama.
Ngaira ka pe toto suriê.
8I hinua raha i Gileata
ka vunu igê na manero, ga nahu inuni.
9Na mane ni vogasiha ka mangara na manero,
ga hegêni ka ababa hekarigi karira na enoni.
Ma nikâ igê na tara tanga na agua apuna i Sekeme
ngaira ka nahu enoni igê.
Ngaira ka obania, viga katogi na eraha ngegê.
10Inê kê bâsira na ai ni Isiraele,
ga katoa na tarana, i era ngavê.
Ngaira ka pe toto suriê,
ma ka vogasira na ataro.
11Ma igamu nikâ, ai ni Juta,
inê kê bani naka na matena,
vigê page hagaitangigamu igê
renigi na bagaparongami.
Currently Selected:
HOSEA 6: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
HOSEA 6
6
Na enoni ka pe urisi parongata maninga
1Na enoni ka vi:
“Nika, ge aporo tanga na Araha.
Ngaia, i bani hagamamasiaga apeka,
ki page hagakomagagia.
Ngaia, i bani hagamamarigia,
ki page baraigi na maara iaka.
2I murini na tangiani gi rua
ngaia ki page hagamêrigia aporo.
Igê na oruta na tangiana
ngaia ki page hagarahagasigia.
Igia ka page goga i maana.
3Ge uhungia nga,
ke hagêguri togo renia na Araha.
Igia ka page girara otooto râ,
vi na Araha ki page arâ me,
tagenana manga igia ka girara otooto râ
na kahuagana na tangiana.
Na râha me iana tangagia
ki manga na rangi na suravaka.”
4Ma na Araha ki arami, ki vi:
“Isiraelita, gê he nakagamu?
Ai ni Juta, gê he nakagamu?
Na takuiha iami tangê ki magahuru
manga na vaha i mavoraro.
Ngaia ki manga na kere kârupu,
i magahuru râ i mavoraro.
5Tahema inê kê bani tamasi
i harata na poropete tangagamu.
Inê kê bani nahuigamu renigi na tamasinga iaku.
Na suriha iaku ki mataha ngavê.
Inê kê girara na marâ, gê obania.
6Inê kê obanigamu, vigamu takuiê tare nga,
Inê kê pe obanigamu,
vigamu vogasiê renira na sipi.
Inê kê obanigamu, vigamu aitangisiê hete.
Inê kê pe obanigamu,
vigamu susu tangê.
7“Ngaira ka aharêngia na suruheri iaku henira
manga o Atama.
Ngaira ka pe toto suriê.
8I hinua raha i Gileata
ka vunu igê na manero, ga nahu inuni.
9Na mane ni vogasiha ka mangara na manero,
ga hegêni ka ababa hekarigi karira na enoni.
Ma nikâ igê na tara tanga na agua apuna i Sekeme
ngaira ka nahu enoni igê.
Ngaira ka obania, viga katogi na eraha ngegê.
10Inê kê bâsira na ai ni Isiraele,
ga katoa na tarana, i era ngavê.
Ngaira ka pe toto suriê,
ma ka vogasira na ataro.
11Ma igamu nikâ, ai ni Juta,
inê kê bani naka na matena,
vigê page hagaitangigamu igê
renigi na bagaparongami.
© 2011 Bible Society of the South Pacific