HOSEA 1
1
1Ikê na tamasinga na Araha ki hagatora renia o Hosea, karena o Beri, igê na mateni ga heheuri o Usia mo Jotama mo Agasi mo Hesekia ka marungia i Juta, mo Jeroboamo, karena o Jehoasi, ki marungia i Isiraele.
Na ahemata iana o Hosea
2Matena na Araha ki tamasi hagenago i harana o Hosea tangara na Isiraelita, ngaia ki vi tanga o Hosea, ki vi:
“I ararigo nga, gu êragia na gete, na êrâ.
Ngaia ki page oga erasigo,
ma na karemu ka page usuria.
Renia na kariaku ka paronga manga na êrâ,
suria ga pe totosuriê.”
3Vikê o Hosea ki êragia ka Gomere, karena o Tibilaimi. Ngairerua karu apara na bêbê ni kare mane. 4Ma na Araha ki vi tanga o Hosea, ki vi:
“Gu hêtana vi o Jeserele,
suria i sugia
ma be hagaitangia na maneraha i Isiraele,
renia o Jehu, na uvarina, ki nahu enoni i Jeserele.
Inê kê page hatungia ngavê.
Siana ta na enoni ki maneraha i Isiraele.
5Igê na tangiana ngekana
igê na maroguna i Jeserele
inê kê page hagaerasira ngavê
na mane ni me iana na maneraha i Isiraele.”
6Ka Gomere ki obara nikâ, ma ki apara na kare hehene. Na Araha ki tamasi nikâ tanga o Hosea, ki vi:
“Gu hêtana vi ka Petakuia,
suria inê ki hato be takuira na Isiraelita,
se bonotenigi na bagaparongata.
7Ma inê be takuira hete na ai ni Juta.
Ma inê, na Araha ma na God iata,
inê be hagatahira,
mareha vi suria na hearihatana,
se vi surigi na epage ma na tatapa borahu,
se vi surira na mane ni me igê na hosi.”
8Matena ka Petakuia ki kasi susu, ka Gomere ki obara nikâ, ma ki apara na kare mane. 9Na Araha ki tamasi tanga o Hosea, ki vi:
“Gu hêtana vi o Varomu,
suria mu hato vi na kariaku,
menê ki hato vi na God iami.”
Currently Selected:
HOSEA 1: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
HOSEA 1
1
1Ikê na tamasinga na Araha ki hagatora renia o Hosea, karena o Beri, igê na mateni ga heheuri o Usia mo Jotama mo Agasi mo Hesekia ka marungia i Juta, mo Jeroboamo, karena o Jehoasi, ki marungia i Isiraele.
Na ahemata iana o Hosea
2Matena na Araha ki tamasi hagenago i harana o Hosea tangara na Isiraelita, ngaia ki vi tanga o Hosea, ki vi:
“I ararigo nga, gu êragia na gete, na êrâ.
Ngaia ki page oga erasigo,
ma na karemu ka page usuria.
Renia na kariaku ka paronga manga na êrâ,
suria ga pe totosuriê.”
3Vikê o Hosea ki êragia ka Gomere, karena o Tibilaimi. Ngairerua karu apara na bêbê ni kare mane. 4Ma na Araha ki vi tanga o Hosea, ki vi:
“Gu hêtana vi o Jeserele,
suria i sugia
ma be hagaitangia na maneraha i Isiraele,
renia o Jehu, na uvarina, ki nahu enoni i Jeserele.
Inê kê page hatungia ngavê.
Siana ta na enoni ki maneraha i Isiraele.
5Igê na tangiana ngekana
igê na maroguna i Jeserele
inê kê page hagaerasira ngavê
na mane ni me iana na maneraha i Isiraele.”
6Ka Gomere ki obara nikâ, ma ki apara na kare hehene. Na Araha ki tamasi nikâ tanga o Hosea, ki vi:
“Gu hêtana vi ka Petakuia,
suria inê ki hato be takuira na Isiraelita,
se bonotenigi na bagaparongata.
7Ma inê be takuira hete na ai ni Juta.
Ma inê, na Araha ma na God iata,
inê be hagatahira,
mareha vi suria na hearihatana,
se vi surigi na epage ma na tatapa borahu,
se vi surira na mane ni me igê na hosi.”
8Matena ka Petakuia ki kasi susu, ka Gomere ki obara nikâ, ma ki apara na kare mane. 9Na Araha ki tamasi tanga o Hosea, ki vi:
“Gu hêtana vi o Varomu,
suria mu hato vi na kariaku,
menê ki hato vi na God iami.”
© 2011 Bible Society of the South Pacific