ESEKIELE 7
7
Isiraele ki sugi hato iana
1Na Araha ki tamasi tangê, ki vi: 2“Gu karingê, igo karena enoni ma! Inê na Araha God kê vi, vi i Isiraele ki hato iana. I Isiraele hagenani ki hato iana. 3Isiraelita, i hato iami! Igamu kamu page hatamia na mangariaganiha raha iaku, suria inê be hagaitangigamu renigi na bagatauhami. Inê be hagaitangigamu meni na bagatarihami, gê kitenigi ngavê. 4I asa be hagamare surigamu. I asa be takigamu. Inê be hagaitangigamu meni na bagatauhami, gê kitenigi ngavê, hanana mu tahetara reniê, vi inê ka na Araha.”
5Inê na Araha God kê vi: “Na bagabevoani ka page tarahugamu hesurisuri. 6I hato! I hato noga! I hato iami! 7Na enoni, mu oga i na agua, ki hato iami noga. Ngaia ki na matena iami, mu hatohato igê. Na tangiana tanga. Na tangiana ni hetogotogoana. Na tangiana, i page magahuru igê na vagevageha igê na ngêsu igê na hungani.
8“Sugia ma vi igamu kamu hatamia na mangariaganiha raha iaku. Inê be hagaitangigamu meni na bagatarihami, gê kitenigi ngavê. 9I asa be hagamare surigamu. I asa be takigamu. Inê be hagaitangigamu meni na bagatauhami, gê kitenigi ngavê, hanana mu tahetara reniê, vi inê nga na Araha, gê hagaitangigamu.
10“I râ me noga na tangiana ni bagabevoani. I sugia ma. I hato iami. Na perenga ki ramo. Na paroparoha ki raha. 11Na henahuita ki na hagaitangiha tangara na eragani nuni ngegana. Ngaira hato ka page mutemute. Na ruruguha iata, na raramohata, ma na atata, i rongo raha, ka page magahuru ngavê.
12“Na matena ngekê. Na tangiana ki hagarangi me noga. Na ani, i vurivuri, ki pe araria, vige obâbakoro. Na ani, i hagavuri, ki pe araria, vige obâbaera, suria na hagaitangiha iaku ki tarahura tagenata na ara ni nuni. 13Na ani, i hagavuri, ki bara, vige nahunia aporo na marâ, i bani hagavuringenia, naka ma ngaia ma na ani, i vuri tenia, karu mauri arihu, suria na mangariaganiha iaku ki tarahura na ara ni enoni. Na enoni, ga erataga, ki asa iata, vige page tahi.”
Na Isiraelita ka kasi meni na bagaparongata
14Na Araha ki vi:
“Na ringena na ahuri ki rongo raha.
Na enoni hato ka nanêa na hearihatana,
ma ki asa na hitangita, vige râ igê na hearihatana,
suria na mangariaganiha iaku ki tarahura
tagenata na ara ni enoni hato.
15Na henahuita ki ramo i metara i hinua,
na ringa ma na magêha i rarona.
Na ani i bemu ka page meme renia na hearihatana,
ma na ani i hinua ka page meme
renigi na ringa ma na magêha.
16Tani ka page gava tangagi na hungani,
mangara na kuvê, ga hagavasira tenigi na maruguni.
Ngaira hato ka page tangahurira renigi na tasi iata.
17Ngaira hato ki page arikuku na apeta
ma ka page tatata ngavê.
18Ngaira ka page hagesuru tatari
ma ka page angiangi maramara.
Ngaira ka page magu ngavê.
Ngaira ka page goro bê huri
ma ki page nahuira ngavê na makiha.
19Ngaira ka page kasigi râ na golo ma na siliva iata
ma ka page usitenigi ngavê mangagi na roro,
suria na siliva ma na golo ki asa, vige hagatahira,
matena na mangariaganiha raha iaku ki nahuira igê.
I asa vige vuri ngêra renigi,
hanana vige hato na magêha tenira,
suria ngaigi kani katora ka bagaparongata.
20I nago ngaira ka vagevagesigi na rêni iata
ma ka katogi ki rono na siliva ma na golo iata.
Ngaira ka tagarahigi na nunuta na ataro,
gê kikitenigi ngavê, renigi.
Tahema inê be katora ke makimaki tenigi na ruruguha iata.
21“Inê be nakara na mahuara ke hanago tenira.
Na manero ka page rurugugi tenira na ruruguha iata
ma ka page hagaerasigi ngavê.
22I asa be urapusira,
matena ga hoge ka bêbanu i Ruma ni Rotu iaku
ma ka hagaerasia na ruma manimani iaku.
23“Na enoni hato ka hetogotogo rârâ.
Na manero ka aharêsia na agua,
ma ki ramo na hearihatana surigi na hinua.
24Inê be torera me na me ni marê getigi,
na ani ga girara ga hagatavatava,
ma be haganahunira renigi na ruma iami.
Na mane ramo iami ka page maki
ma na agua, mu vogasi igê, ka page era ngavê.
25Mu page arikuku.
Mu page gari makira renia na marapeha,
ma ki bara vigamu tarahua.
26Na bagabevoani ma na rongoha era
ka page tarahugamu hesurisuri.
Igamu kamu page nungira rapurapu na poropete
renigi na marâ, ga bani hinarugi me.
Na mane ni vogasiha ma na meraha ki hato,
vige hagaotora nikâ na enoni.
27Na maneraha ki page angi maramara,
ma ki hato, vige page tako togo.
Ma na enoni ki tatata na apeta.
Inê be hagaitangigamu meni na bagatauhami,
ma be surigamu,
tagenana manga igamu mu surira na enoni getera.
Igê na tarani ngegana igamu kamu page tahetara reniê igê,
vi inê ka na Araha.”
Currently Selected:
ESEKIELE 7: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
ESEKIELE 7
7
Isiraele ki sugi hato iana
1Na Araha ki tamasi tangê, ki vi: 2“Gu karingê, igo karena enoni ma! Inê na Araha God kê vi, vi i Isiraele ki hato iana. I Isiraele hagenani ki hato iana. 3Isiraelita, i hato iami! Igamu kamu page hatamia na mangariaganiha raha iaku, suria inê be hagaitangigamu renigi na bagatauhami. Inê be hagaitangigamu meni na bagatarihami, gê kitenigi ngavê. 4I asa be hagamare surigamu. I asa be takigamu. Inê be hagaitangigamu meni na bagatauhami, gê kitenigi ngavê, hanana mu tahetara reniê, vi inê ka na Araha.”
5Inê na Araha God kê vi: “Na bagabevoani ka page tarahugamu hesurisuri. 6I hato! I hato noga! I hato iami! 7Na enoni, mu oga i na agua, ki hato iami noga. Ngaia ki na matena iami, mu hatohato igê. Na tangiana tanga. Na tangiana ni hetogotogoana. Na tangiana, i page magahuru igê na vagevageha igê na ngêsu igê na hungani.
8“Sugia ma vi igamu kamu hatamia na mangariaganiha raha iaku. Inê be hagaitangigamu meni na bagatarihami, gê kitenigi ngavê. 9I asa be hagamare surigamu. I asa be takigamu. Inê be hagaitangigamu meni na bagatauhami, gê kitenigi ngavê, hanana mu tahetara reniê, vi inê nga na Araha, gê hagaitangigamu.
10“I râ me noga na tangiana ni bagabevoani. I sugia ma. I hato iami. Na perenga ki ramo. Na paroparoha ki raha. 11Na henahuita ki na hagaitangiha tangara na eragani nuni ngegana. Ngaira hato ka page mutemute. Na ruruguha iata, na raramohata, ma na atata, i rongo raha, ka page magahuru ngavê.
12“Na matena ngekê. Na tangiana ki hagarangi me noga. Na ani, i vurivuri, ki pe araria, vige obâbakoro. Na ani, i hagavuri, ki pe araria, vige obâbaera, suria na hagaitangiha iaku ki tarahura tagenata na ara ni nuni. 13Na ani, i hagavuri, ki bara, vige nahunia aporo na marâ, i bani hagavuringenia, naka ma ngaia ma na ani, i vuri tenia, karu mauri arihu, suria na mangariaganiha iaku ki tarahura na ara ni enoni. Na enoni, ga erataga, ki asa iata, vige page tahi.”
Na Isiraelita ka kasi meni na bagaparongata
14Na Araha ki vi:
“Na ringena na ahuri ki rongo raha.
Na enoni hato ka nanêa na hearihatana,
ma ki asa na hitangita, vige râ igê na hearihatana,
suria na mangariaganiha iaku ki tarahura
tagenata na ara ni enoni hato.
15Na henahuita ki ramo i metara i hinua,
na ringa ma na magêha i rarona.
Na ani i bemu ka page meme renia na hearihatana,
ma na ani i hinua ka page meme
renigi na ringa ma na magêha.
16Tani ka page gava tangagi na hungani,
mangara na kuvê, ga hagavasira tenigi na maruguni.
Ngaira hato ka page tangahurira renigi na tasi iata.
17Ngaira hato ki page arikuku na apeta
ma ka page tatata ngavê.
18Ngaira ka page hagesuru tatari
ma ka page angiangi maramara.
Ngaira ka page magu ngavê.
Ngaira ka page goro bê huri
ma ki page nahuira ngavê na makiha.
19Ngaira ka page kasigi râ na golo ma na siliva iata
ma ka page usitenigi ngavê mangagi na roro,
suria na siliva ma na golo ki asa, vige hagatahira,
matena na mangariaganiha raha iaku ki nahuira igê.
I asa vige vuri ngêra renigi,
hanana vige hato na magêha tenira,
suria ngaigi kani katora ka bagaparongata.
20I nago ngaira ka vagevagesigi na rêni iata
ma ka katogi ki rono na siliva ma na golo iata.
Ngaira ka tagarahigi na nunuta na ataro,
gê kikitenigi ngavê, renigi.
Tahema inê be katora ke makimaki tenigi na ruruguha iata.
21“Inê be nakara na mahuara ke hanago tenira.
Na manero ka page rurugugi tenira na ruruguha iata
ma ka page hagaerasigi ngavê.
22I asa be urapusira,
matena ga hoge ka bêbanu i Ruma ni Rotu iaku
ma ka hagaerasia na ruma manimani iaku.
23“Na enoni hato ka hetogotogo rârâ.
Na manero ka aharêsia na agua,
ma ki ramo na hearihatana surigi na hinua.
24Inê be torera me na me ni marê getigi,
na ani ga girara ga hagatavatava,
ma be haganahunira renigi na ruma iami.
Na mane ramo iami ka page maki
ma na agua, mu vogasi igê, ka page era ngavê.
25Mu page arikuku.
Mu page gari makira renia na marapeha,
ma ki bara vigamu tarahua.
26Na bagabevoani ma na rongoha era
ka page tarahugamu hesurisuri.
Igamu kamu page nungira rapurapu na poropete
renigi na marâ, ga bani hinarugi me.
Na mane ni vogasiha ma na meraha ki hato,
vige hagaotora nikâ na enoni.
27Na maneraha ki page angi maramara,
ma ki hato, vige page tako togo.
Ma na enoni ki tatata na apeta.
Inê be hagaitangigamu meni na bagatauhami,
ma be surigamu,
tagenana manga igamu mu surira na enoni getera.
Igê na tarani ngegana igamu kamu page tahetara reniê igê,
vi inê ka na Araha.”
© 2011 Bible Society of the South Pacific