ESEKIELE 47
47
Na ve i gogo hura me tenia na Ruma ni Rotu
1Na mane ki meê aporo tanga na maani Ruma ni Rotu, i maa tanga i kerekê. I ngekana inê kê bâsia igê na ve, i hura me i ruguhana na maani ni Ruma ni Rotu. Na ve ngekana ki gogo ki râ bêkê. Ngaia ki gogo i na apanena na otona na bea ni vogasiha igê na tarihana na Ruma ni Rotu i na apanena bêrâ tanga i Negeve. 2Na mane ki meêhura tenia na mahera ni Ruma ni Rotu suria na tarâto i na tarihana bêrâ tanga i Tamasiko. Ngaia ki meê arigu tanga na tarâto kerekê. Inê kê bâsia igê na ve, i gogo hura me tenia na tariahana na tarâto bêrâ tanga i Negeve. 3Na mane ki têa na hagevovo ma ki hagevovo bêkê suria na ve, ma ki vora na vearina tangahuru girua matara ke varu. Ma ngaia ki vi tangê, kê reke tarê i ngekana. Na ve ki tariha ma vekurugani ugaku. 4Ngaia ki hagevovogi kê nikâ na vearini tangahuru ge rua matara ke varu, ma na ve ki tariha akê me i buru ni gaku. Ngaia ki hagevovogi kê nikâ na vearini tangahuru gi rua matara ke varu, ma ki katoê, kê reke tarê. Na ve ki tariha akê me i kâku. 5Ngaia ki hagevovogi kê nikâ na vearini tangahuru gi rua matara ke varu, ma na ve ki kokoro ngavê. I bara vive reke tarê. Ngaia ki kokoro ngavê, ma ki araria ma, viga arasi igê. 6Ngaia ki vi tangê, ki vi: “Igo, karena enoni ma, i hega, igo ko aitangisigi maninga?”
Ma hemuri na mane ki meêhanini bê aporo. 7Matena gê hanini kê râ, inê kê bâsigi rako era na apinige igê na apanini heri na ve. 8Ngaia ki vi tangê, ki vi: “Na ve ikê ki gogo bêkê, ki aharê igê na maruguna i ve i Jotana ma ki râ tanga na Asime. Matena i gogo ki râ igê na Asime, ngaia ki urusia na asi igê. 9Igê na ara ni agua i arâ igê, ngaia ki katora ka mêri igê na ani mavê na marâ ga mauri ma na siare. Na Asime ki page siarega ngavê renia na ve ngekê. Ngaia ki merâ na mêriha surigi na ara ni agua, i gogo ki râ igê. 10Na mane hugohugo ka ogasia na one na Asime, haganega tenia i Engeti tariha i Enegelaimi, ma ka hagasina igê na hugo iata. Na Asime ki page vunu renira na ani mavê na siare manga na Asiraha. 11Na ve igê na sugusugu ma na rano igê na akerena na Asime ka ama ni marasiga nga. Ngaigi ki na agua tanga na solo. 12Igê na akereni heri ka page akê igê na ani mavê na apinige. Na ahani ki asa, vige page marumarusiga, ma ngaigi ki ama ni rasirasi tare nga. Ngaigi ki hunguhungu uriuri i na ara ni hageha, suria i magarohasigi na ve, i gogo me tenia na Ruma ni Rotu. Na guani ka na ngêra koro, ma na enoni ka girara ga komaga renigi na ahani.”
Na pereperegana na mako
13Na Araha God ki vi: “Igê nga na pereperegani na mako, mu voasigi nga igê tangara na varo ninuni tangahuru matarerua iana o Isiraele. Na ara ni varo ninuni ka nahunigi na apananena na mako, ga hetagenani ma, nga noga ma na varo ninuni iana o Josepo ki nahunirerua na apanena na mako gi rua. 14Inê kê bani tohe tangara na êvarimi, hanana vigê haganahunira renia na agua ikê. Tahema inê kê haganahunigamu renia. Mu voasia nga ki hearari.
15“Na pereperegana bêrâ tanga i Tamasiko ki haganega igê na Asiraha ma ki bêkê tanga na hinua i Getilone, tanga na tara i aharêvoro tanga i Hamata, ma ki bêrâ tanga na hinua i Setate, 16ma tangarerua na hinua Berota me Siberaimi, garu oga i berarogaterua na apanena i Tamasiko me Hamata, ma ki tariha râ i hinua i Tikone igê na pereperegana i na apanena i Haurani. 17Vikê na pereperegana bêrâ tanga i Tamasiko ki haganega i Asiraha ma ki bêkê ki tariha râ i hinua i Enone. I na apanena harê na pereperegana karu oga igê na apaneterua i Tamasiko me Hamata.
18“Na pereperegana bêkê ki haganega igê na agua i berarogaterua na apanena i Tamasiko me Haurani, ki râ suria na ve i Jotano, i voasirerua i Isiraele me Gileata, ma ki tariha râ i Tamare igê na Asime. Ngaia nga na pereperegana bêkê.
19“Na pereperegana i Negeve ki haganega i Tamare ma ki bêso tangagi na ve banga i Meriba i Katesi, ki râ suria na ve na pereperegana i Esipito, ki rârâ ma ki tariha râ igê na Asiraha. Ngaia nga na pereperegana i Negeve.
20“Na pereperegana bêso ngaia kani na Asiraha. Ngaia ki haganega igê na pereperegana i Esipito, ki rârâ ma ki tariha râ igê na tara, i aharêvoro tanga i Hamata. Ngaia nga na pereperegana bêso.
21“Mu voasia nga na mako tonganigi na varo ninuni iana o Isiraele. 22Na mako ngegana ngaigi nga ka na nahuninga hagahu iami. Matena mu voasia na mako, ki tuguhigamu, vigamu meratongani nikâ na ai ni mahaura, ga oga i berarogami ma ka apara kare i pasimi. I tuguhigamu, vigamu katora, manga vi ngaira ka na raraha iana o Isiraele manga igamu. Ma ki otooto tangara, viga nahunigi na mako manga igamu na varo ninuni iana o Isiraele. 23Na ara ni varo ninuni iana o Isiraele ki tuguhira, viga haganahunira na mamahuara i berarogata renigi tagua na mako. Ngaia kani gê visia, inê na Araha God.”
Currently Selected:
ESEKIELE 47: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
ESEKIELE 47
47
Na ve i gogo hura me tenia na Ruma ni Rotu
1Na mane ki meê aporo tanga na maani Ruma ni Rotu, i maa tanga i kerekê. I ngekana inê kê bâsia igê na ve, i hura me i ruguhana na maani ni Ruma ni Rotu. Na ve ngekana ki gogo ki râ bêkê. Ngaia ki gogo i na apanena na otona na bea ni vogasiha igê na tarihana na Ruma ni Rotu i na apanena bêrâ tanga i Negeve. 2Na mane ki meêhura tenia na mahera ni Ruma ni Rotu suria na tarâto i na tarihana bêrâ tanga i Tamasiko. Ngaia ki meê arigu tanga na tarâto kerekê. Inê kê bâsia igê na ve, i gogo hura me tenia na tariahana na tarâto bêrâ tanga i Negeve. 3Na mane ki têa na hagevovo ma ki hagevovo bêkê suria na ve, ma ki vora na vearina tangahuru girua matara ke varu. Ma ngaia ki vi tangê, kê reke tarê i ngekana. Na ve ki tariha ma vekurugani ugaku. 4Ngaia ki hagevovogi kê nikâ na vearini tangahuru ge rua matara ke varu, ma na ve ki tariha akê me i buru ni gaku. Ngaia ki hagevovogi kê nikâ na vearini tangahuru gi rua matara ke varu, ma ki katoê, kê reke tarê. Na ve ki tariha akê me i kâku. 5Ngaia ki hagevovogi kê nikâ na vearini tangahuru gi rua matara ke varu, ma na ve ki kokoro ngavê. I bara vive reke tarê. Ngaia ki kokoro ngavê, ma ki araria ma, viga arasi igê. 6Ngaia ki vi tangê, ki vi: “Igo, karena enoni ma, i hega, igo ko aitangisigi maninga?”
Ma hemuri na mane ki meêhanini bê aporo. 7Matena gê hanini kê râ, inê kê bâsigi rako era na apinige igê na apanini heri na ve. 8Ngaia ki vi tangê, ki vi: “Na ve ikê ki gogo bêkê, ki aharê igê na maruguna i ve i Jotana ma ki râ tanga na Asime. Matena i gogo ki râ igê na Asime, ngaia ki urusia na asi igê. 9Igê na ara ni agua i arâ igê, ngaia ki katora ka mêri igê na ani mavê na marâ ga mauri ma na siare. Na Asime ki page siarega ngavê renia na ve ngekê. Ngaia ki merâ na mêriha surigi na ara ni agua, i gogo ki râ igê. 10Na mane hugohugo ka ogasia na one na Asime, haganega tenia i Engeti tariha i Enegelaimi, ma ka hagasina igê na hugo iata. Na Asime ki page vunu renira na ani mavê na siare manga na Asiraha. 11Na ve igê na sugusugu ma na rano igê na akerena na Asime ka ama ni marasiga nga. Ngaigi ki na agua tanga na solo. 12Igê na akereni heri ka page akê igê na ani mavê na apinige. Na ahani ki asa, vige page marumarusiga, ma ngaigi ki ama ni rasirasi tare nga. Ngaigi ki hunguhungu uriuri i na ara ni hageha, suria i magarohasigi na ve, i gogo me tenia na Ruma ni Rotu. Na guani ka na ngêra koro, ma na enoni ka girara ga komaga renigi na ahani.”
Na pereperegana na mako
13Na Araha God ki vi: “Igê nga na pereperegani na mako, mu voasigi nga igê tangara na varo ninuni tangahuru matarerua iana o Isiraele. Na ara ni varo ninuni ka nahunigi na apananena na mako, ga hetagenani ma, nga noga ma na varo ninuni iana o Josepo ki nahunirerua na apanena na mako gi rua. 14Inê kê bani tohe tangara na êvarimi, hanana vigê haganahunira renia na agua ikê. Tahema inê kê haganahunigamu renia. Mu voasia nga ki hearari.
15“Na pereperegana bêrâ tanga i Tamasiko ki haganega igê na Asiraha ma ki bêkê tanga na hinua i Getilone, tanga na tara i aharêvoro tanga i Hamata, ma ki bêrâ tanga na hinua i Setate, 16ma tangarerua na hinua Berota me Siberaimi, garu oga i berarogaterua na apanena i Tamasiko me Hamata, ma ki tariha râ i hinua i Tikone igê na pereperegana i na apanena i Haurani. 17Vikê na pereperegana bêrâ tanga i Tamasiko ki haganega i Asiraha ma ki bêkê ki tariha râ i hinua i Enone. I na apanena harê na pereperegana karu oga igê na apaneterua i Tamasiko me Hamata.
18“Na pereperegana bêkê ki haganega igê na agua i berarogaterua na apanena i Tamasiko me Haurani, ki râ suria na ve i Jotano, i voasirerua i Isiraele me Gileata, ma ki tariha râ i Tamare igê na Asime. Ngaia nga na pereperegana bêkê.
19“Na pereperegana i Negeve ki haganega i Tamare ma ki bêso tangagi na ve banga i Meriba i Katesi, ki râ suria na ve na pereperegana i Esipito, ki rârâ ma ki tariha râ igê na Asiraha. Ngaia nga na pereperegana i Negeve.
20“Na pereperegana bêso ngaia kani na Asiraha. Ngaia ki haganega igê na pereperegana i Esipito, ki rârâ ma ki tariha râ igê na tara, i aharêvoro tanga i Hamata. Ngaia nga na pereperegana bêso.
21“Mu voasia nga na mako tonganigi na varo ninuni iana o Isiraele. 22Na mako ngegana ngaigi nga ka na nahuninga hagahu iami. Matena mu voasia na mako, ki tuguhigamu, vigamu meratongani nikâ na ai ni mahaura, ga oga i berarogami ma ka apara kare i pasimi. I tuguhigamu, vigamu katora, manga vi ngaira ka na raraha iana o Isiraele manga igamu. Ma ki otooto tangara, viga nahunigi na mako manga igamu na varo ninuni iana o Isiraele. 23Na ara ni varo ninuni iana o Isiraele ki tuguhira, viga haganahunira na mamahuara i berarogata renigi tagua na mako. Ngaia kani gê visia, inê na Araha God.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific