TAHINGA 9
9
Na rimata me: na mera i tarahura na togoha
1Na Araha ki tamasi tanga o Moise, ki vi: “Gu râ i pasina na maneraha ma ku hagarongoa, vi inê na Araha, na God na Isiraelita ga rahesiâ, kê vi, ‘Gu hagamarumungenira hura na kariaku, hanana ngaira ke rahesiê. 2Manga vigo usisi nikâ, vigu hagamarumungenira hura, 3inê kê hagaitangigo renia na ringa, i page tarahura na togoha hato iamu: na hosi iamu, na tonki, na kamelo, na paruka, na sipi ma na goti iamu. 4Inê kê katoa ki totora hegitigi i berarogata na togoha iata na Isiraelita tenira na ai ni Esipito. I asa ta na togoha iata na Isiraelita, vige page me. 5Inê na Araha kê bani naka, vi i gomaha nga ki page voravora me igê na tarana ngekana.”
6I tangi me ma na Araha ki katoa na marâ i bani visia. Na togoha hato iata na ai ni Esipito ka me, ma ki mareha rârâ na ani gi tage na togoha iata na Isiraelita vige me. 7Na maneraha ki tarahua, vi na togoha iata na Isiraelita ki mareha rârâ vige me na ani gi tage na hitangita. Ma ngaia ki ama ni hahêaga nga, ma ki pe hagamarumungenira hura na enoni.
Na onota me: na babasuha
8Hemuri na Araha ki vi tangarerua o Moise mo Aroni, ki vi: “Muru ragu tani na rahu igê na agua ni gi. Igo o Moise, ko kasigi kê nga i maana na maneraha. 9Ngaigi ki page akuhukuhu mangagi na momo suria i Esipito hagenani, ma na enoni ma na togoha surigi na ara ni agua ki page tarahura na mamanuha ma na babasuha.”
10Vike ngairerua karu tora tani na rahu ma karu migiura i maana na maneraha. O Moise ki kasigi kê, ma na mamanuha ma na babasuha ki tarahura na enoni ma na togoha. 11Na mane ni girarasiha ki bara tangara, vige râ me, suria i hebabasuhi na apeta hagenani mangara na ai ni Esipito hato getera. 12Ma na Araha ki naka na maneraha ki ama ni hahêaga nga. Na maneraha ki pe tê viteaterua o Moise mo Aroni, manga i bani visia na Araha.
Na pita me: Na rangi na hê anumaga
13Ma hemuri na Araha ki vi tanga o Moise, ki vi: “Igê na mahogotana i gomaha maveraro go arâ i pasina na maneraha i Esipito, ma ko hagarongoa, vi inê na Araha, na God na Isiraelita ga rahesiê, kê vi, ‘Gu hagamarumungenira hura na kariaku, hanana ge rahesiê. 14Manga i mareha inê kê page hagaitangira na mane ni hagaotonga iamu ma na kariamu ma na enoni hato go marungira, ma kê page hagaitangigo igo nikâ hete, hanana go tahetara, vi i maveta hagenani ki mareha rârâ igê na ani vige maratoraku. 15Inê kê haga ni mutegamu ngavê, igo ma na kariamu, matena gê hagaitangigamu renia na ringa. 16Ma ki mareha, suria gê obania ma, vigê hagabangenia na raramohaku tangagamu, hanana vi rongo raha na ataku suria na maveta hagenani. 17Henaka, ma igo ko ama ni hahêaga nga, ma ko usi, vigu hagamarumungenira hura na kariaku. 18I gomaha igê matena manga i ngekê inê kê page kasia na bagarangi raha na hê anumaga, i pe tarahua noga i Esipito i nago mataro me i ngekê. 19Hoi, go girara, hanana na enoni ka hagarukuhira na togoha iamu ma na anima na marâ iamu ga oga i metara. Na rangi na hê anumaga ki page nahuira na enoni ma na togoha, na ani i metara ga pe oga mamaru, ma ngaira hato ka page meme.”
20Tani na kariana na maneraha ka magu, suria na Araha ki tamasi vikana, ma ka hagarukuhira na kare vurivuri iata ma na togoha iata. 21Ma tani ka pe gagêmaga renia na tamasinga iana na Araha ma ka nakara mavê na kare vurivuri iata ma na togoha iata i metara.
22Ma hemuri na Araha ki vi tanga o Moise, ki vi: “Gu tagarenia akê na rimamu i vavearo, ma na rangi na hê anumaga ki page rangisia i Esipito hagenani: na enoni, na togoha ma na ngêra hato i mu.” 23Vikê o Moise ki tagarenia akê na vato i rimana i vavearo, ma na Araha ki kasigi me na akuruha ma na rangi na hê anumaga ma na marangeia ki vato huria na ano. Na Araha ki kasia na bagarangi raha na hê anumaga, 24henigi na marangeia ga sisiki. Ngaia ki na rangi na hê anumaga i erataga ngavê, i pe tarahua rârâ noga i Esipito i nago ki bê ki râ me. 25Suria i Esipito hagenani na rangi na hê anumaga ki nahuira na ara ni marâ hato ga oga i metara: na enoni ma na togoha ka me, na ngauha hato i mu ka marama, ma na apinige ka hehuri. 26Nga noga ma na apanena i Gosene, ga goga igê na Isiraelita, kani tahi tenia na rangi na hê anumaga.
27Na maneraha ki unirerua me o Moise mo Aroni ma ki vi: “Inê kê tako rugu. Na Araha ki oto na parongana. Ma igami, inê ma na kariaku, kami bagaparongamami. 28Gu avarasia na Araha, ke hagamagahurugi râ na akuruha ma na rangi na hê anumaga tenigami. I uhu noga! Inê kê tohe, hanana gê hagamarumungenigamu hura. I asa be manimanigami nikâ.”
29O Moise ki arami, ki vi: “Matena gê huhura tenia hinua, inê kê page tagarenigi akê na rimaku ma kê avarasia na Araha. Na akuruha ki page hato ma na rangi na hê anumaga ki page arumakaka, hanana igo ko tahetara, vi na maveta ki na anina na Araha. 30Ma inê kê bani giraragamu, vi igo ma na kariamu ki mamênga, vigamu hagahigasia na Araha God.”
31Na rauga tangagi na gahu ma na ngêra i mu ka me hato, suria na ngêra ka pe mêa bakoro ma na rauga tangigi na gahu ka kahu taka ma. 32Ma na koni ki koro ma, suria ga sugi mêa noga.
33O Moise ki pania na maneraha ma ki hura tenia na hinua, ma ki tagarenigi akê na rimana, ki avarasia na Araha. Na akuruha, na rangi na hê anumaga ma na rangi ka hato. 34Matena na maneraha ki bâ vikana, ngaia ki tasi nikâ manga i nago. Ngaia ma na kariana ka ami ni hahêaga nga manga i nago. Na maneraha ki pe hagamarumungenira hura na Isiraelita, 35manga i bani visia na Araha, i tamasi i harana o Moise.
Currently Selected:
TAHINGA 9: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAHINGA 9
9
Na rimata me: na mera i tarahura na togoha
1Na Araha ki tamasi tanga o Moise, ki vi: “Gu râ i pasina na maneraha ma ku hagarongoa, vi inê na Araha, na God na Isiraelita ga rahesiâ, kê vi, ‘Gu hagamarumungenira hura na kariaku, hanana ngaira ke rahesiê. 2Manga vigo usisi nikâ, vigu hagamarumungenira hura, 3inê kê hagaitangigo renia na ringa, i page tarahura na togoha hato iamu: na hosi iamu, na tonki, na kamelo, na paruka, na sipi ma na goti iamu. 4Inê kê katoa ki totora hegitigi i berarogata na togoha iata na Isiraelita tenira na ai ni Esipito. I asa ta na togoha iata na Isiraelita, vige page me. 5Inê na Araha kê bani naka, vi i gomaha nga ki page voravora me igê na tarana ngekana.”
6I tangi me ma na Araha ki katoa na marâ i bani visia. Na togoha hato iata na ai ni Esipito ka me, ma ki mareha rârâ na ani gi tage na togoha iata na Isiraelita vige me. 7Na maneraha ki tarahua, vi na togoha iata na Isiraelita ki mareha rârâ vige me na ani gi tage na hitangita. Ma ngaia ki ama ni hahêaga nga, ma ki pe hagamarumungenira hura na enoni.
Na onota me: na babasuha
8Hemuri na Araha ki vi tangarerua o Moise mo Aroni, ki vi: “Muru ragu tani na rahu igê na agua ni gi. Igo o Moise, ko kasigi kê nga i maana na maneraha. 9Ngaigi ki page akuhukuhu mangagi na momo suria i Esipito hagenani, ma na enoni ma na togoha surigi na ara ni agua ki page tarahura na mamanuha ma na babasuha.”
10Vike ngairerua karu tora tani na rahu ma karu migiura i maana na maneraha. O Moise ki kasigi kê, ma na mamanuha ma na babasuha ki tarahura na enoni ma na togoha. 11Na mane ni girarasiha ki bara tangara, vige râ me, suria i hebabasuhi na apeta hagenani mangara na ai ni Esipito hato getera. 12Ma na Araha ki naka na maneraha ki ama ni hahêaga nga. Na maneraha ki pe tê viteaterua o Moise mo Aroni, manga i bani visia na Araha.
Na pita me: Na rangi na hê anumaga
13Ma hemuri na Araha ki vi tanga o Moise, ki vi: “Igê na mahogotana i gomaha maveraro go arâ i pasina na maneraha i Esipito, ma ko hagarongoa, vi inê na Araha, na God na Isiraelita ga rahesiê, kê vi, ‘Gu hagamarumungenira hura na kariaku, hanana ge rahesiê. 14Manga i mareha inê kê page hagaitangira na mane ni hagaotonga iamu ma na kariamu ma na enoni hato go marungira, ma kê page hagaitangigo igo nikâ hete, hanana go tahetara, vi i maveta hagenani ki mareha rârâ igê na ani vige maratoraku. 15Inê kê haga ni mutegamu ngavê, igo ma na kariamu, matena gê hagaitangigamu renia na ringa. 16Ma ki mareha, suria gê obania ma, vigê hagabangenia na raramohaku tangagamu, hanana vi rongo raha na ataku suria na maveta hagenani. 17Henaka, ma igo ko ama ni hahêaga nga, ma ko usi, vigu hagamarumungenira hura na kariaku. 18I gomaha igê matena manga i ngekê inê kê page kasia na bagarangi raha na hê anumaga, i pe tarahua noga i Esipito i nago mataro me i ngekê. 19Hoi, go girara, hanana na enoni ka hagarukuhira na togoha iamu ma na anima na marâ iamu ga oga i metara. Na rangi na hê anumaga ki page nahuira na enoni ma na togoha, na ani i metara ga pe oga mamaru, ma ngaira hato ka page meme.”
20Tani na kariana na maneraha ka magu, suria na Araha ki tamasi vikana, ma ka hagarukuhira na kare vurivuri iata ma na togoha iata. 21Ma tani ka pe gagêmaga renia na tamasinga iana na Araha ma ka nakara mavê na kare vurivuri iata ma na togoha iata i metara.
22Ma hemuri na Araha ki vi tanga o Moise, ki vi: “Gu tagarenia akê na rimamu i vavearo, ma na rangi na hê anumaga ki page rangisia i Esipito hagenani: na enoni, na togoha ma na ngêra hato i mu.” 23Vikê o Moise ki tagarenia akê na vato i rimana i vavearo, ma na Araha ki kasigi me na akuruha ma na rangi na hê anumaga ma na marangeia ki vato huria na ano. Na Araha ki kasia na bagarangi raha na hê anumaga, 24henigi na marangeia ga sisiki. Ngaia ki na rangi na hê anumaga i erataga ngavê, i pe tarahua rârâ noga i Esipito i nago ki bê ki râ me. 25Suria i Esipito hagenani na rangi na hê anumaga ki nahuira na ara ni marâ hato ga oga i metara: na enoni ma na togoha ka me, na ngauha hato i mu ka marama, ma na apinige ka hehuri. 26Nga noga ma na apanena i Gosene, ga goga igê na Isiraelita, kani tahi tenia na rangi na hê anumaga.
27Na maneraha ki unirerua me o Moise mo Aroni ma ki vi: “Inê kê tako rugu. Na Araha ki oto na parongana. Ma igami, inê ma na kariaku, kami bagaparongamami. 28Gu avarasia na Araha, ke hagamagahurugi râ na akuruha ma na rangi na hê anumaga tenigami. I uhu noga! Inê kê tohe, hanana gê hagamarumungenigamu hura. I asa be manimanigami nikâ.”
29O Moise ki arami, ki vi: “Matena gê huhura tenia hinua, inê kê page tagarenigi akê na rimaku ma kê avarasia na Araha. Na akuruha ki page hato ma na rangi na hê anumaga ki page arumakaka, hanana igo ko tahetara, vi na maveta ki na anina na Araha. 30Ma inê kê bani giraragamu, vi igo ma na kariamu ki mamênga, vigamu hagahigasia na Araha God.”
31Na rauga tangagi na gahu ma na ngêra i mu ka me hato, suria na ngêra ka pe mêa bakoro ma na rauga tangigi na gahu ka kahu taka ma. 32Ma na koni ki koro ma, suria ga sugi mêa noga.
33O Moise ki pania na maneraha ma ki hura tenia na hinua, ma ki tagarenigi akê na rimana, ki avarasia na Araha. Na akuruha, na rangi na hê anumaga ma na rangi ka hato. 34Matena na maneraha ki bâ vikana, ngaia ki tasi nikâ manga i nago. Ngaia ma na kariana ka ami ni hahêaga nga manga i nago. Na maneraha ki pe hagamarumungenira hura na Isiraelita, 35manga i bani visia na Araha, i tamasi i harana o Moise.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific