TAHINGA 32
32
Na enoni ka vogasia na puruka mane na golo
(Ramata 9.6-29)
1O Moise ki oga arihu vê igê na hungana, matena na enoni ka nanasi makira renia. Ngaira ka haku me tanga o Aroni. Ngaira ka vi tanga, ka vi: “Igia ka pe girara, vi na tarana ta kani tarahua o Moise ngekana, i bêngenigia hura tenia i Esipito. Hoi, gu tagarahia na nununa na ataro, hanana ge bêngenigia.”
2O Aroni ki vi tangara, ki vi: “Mu tasigi râ na mumu ni karinga na golo iata na gete iami, o karemi ma ka karemi, ma kamu migirâ me tangê.”
3Hoi, ngaira hato na enoni ka tasigi râ na mumu ni karinga na golo iata, ma ka toregi me tanga o Aroni. 4Ngaia ki tovagi na mumu ni karinga ma ki hagaronogi ma ki karangia so na golo igê na marâ i tonga na rarona i bâ manga na puruka mane. Vikana na golo ki vora re na nununa na puruka mane.
Na enoni ka ngere, ki vi: “Isiraelita, ngaia kani ikê na ataro iaka, i bêngenigia hura tenia i Esipito!”
5Matena o Aroni ki rongora vikana, ngaia ki tagarahia na bea ni vogasiha i maana na nununa na puruka mane na golo. Ngaia ki vi tangara na enoni, ki vi: “I gomaha ngaia ki na tangiana raha, ga hagarahasia igê na Araha.” 6Hoi, i tangi me, ngaira ka merarâ me tani na ganiani, ma ka susu hagenani renira, ma tani tanga na vogasiha, hanana ga haringê renira. Na enoni ka oga so ka ngê. Ngaira ka totono, ka mâmâ ma ka paronga iera.
7Na Araha ki vi tanga o Moise, ki vi: “Gu aporo so rêrê, suria na kariamu, go bêngenira hura tenia i Esipito, ngaira ka tasi bâraha ma ka murisigeê. 8Ngaira ka bani aharêngigi na ramata iaku tangara. Ngaira ka hagaronogi na golo, ki vora re na nununa na puruka mane, ma ka rahesia ma ka susu tanga. Ngaira ka vi, vi ngaia ka na ataro iata, i bêngenira hura tenia i Esipito. 9Inê kê bani girara, vi ngaira ka guguruga ngavê. 10Hoi, siana ko rêrapusiê. Inê kê mangariaga ngavê tangara. Inê be mutera ngavê. Hemuri kê page katogamu, igo ma na raraha iamu, kamu tataka ngavê.”
11Ma o Moise ki nungia nga na Araha God iana, hanana vige tako rugu renira. Ngaia ki vi: “Araha, siana ko mangariaga bâraha tangara na kariamu, go hagatahira tenia i Esipito renia na raramohamu raha hunia. 12I era ma na ai ni Esipito ka vi, vi igo ko bêngenira hura na kariamu, hanana vigo hagamesira ma ko mutera igê na hungani. Go mangariaga ki uhu noga. Gu tako rugu renira! Siana ko hagaitangira vikana na kariamu! 13Gu takusira aporo na kariamu o Abarahamo, o Isako mo Jakobo! Gu takusia aporo na tahinga iamu tangara, hanana vigo hagarakonigi na raraha iata ka rakorako ngavê mangagi na higu i vavearo, ma ko haganahunira renia na agua ka gâga hagahu igê.” 14Vikê na Araha ki tako rugu renira ma ki pe hagaitangira na enoni, manga i bani takusia.
15O Moise ki vato tenia na hungana. Ngaia ki torererua na hê aberabera gi rua, God ki segegi igê na ramata igê na apaneniheri. 16Ngaia God marena kani tagarahirerua na hê aberabera gi rua ngegana ma ki tarigi igê na ramata.
17O Josua ki rongora na enoni ga ngerengere. Ngaia ki vi tanga o Moise, ki vi: “Inê kê rongoa na ngereha igê na tênga, ki rongo manga na hearihatana.”
18O Moise ki arami, ki vi: “Ngaira ki pe rongo manga vige teha igê na hearihatana, se vige so renira na merongata. Ngaira ki rongo manga ga kiki.”
19Matena o Moise ki ura hagarangia na tênga, ngaia ki bâsia na nununa na puruka mane, ma ki bâsira na enoni ga mâmâ rihia. Ngaia ki mahamahaheaga ngavê na obana. Ma i ngekana igê na hunana na hungana ngaia ki papatagenirerua vato na hê aberabera, i mererua vato me, ma karu apapapa. 20Ngaia ki ragea na nununa na puruka mane, ga tagarahia, ki hagaronoa, ki amenamena manga na momo, ma ki toraria henia na ve, ma ki bonasira na Isiraelita ka tono. 21Ngaia ki vi tanga o Aroni, ki vi: “Tanu hega na enoni ka katogo ko kato vikana? Tanu hega go katora ka tasi bâraha vikana?
22O Aroni ki arami, ki vi: “Siana ko mangariaga tangê. Igo ko bani girara, vi na enoni ngegana ka takusigi tarema na eraha. 23Ngaira ka vi tangê, ka vi, ‘Igia ka pe girara vi na tarana ta kani tarahua o Moise ngekana, i bêngenigia hura tenia i Esipito. Hoi, ge tagarahia na nununa na ataro, hanana ge bêngenigia.’ 24Tahema inê kê nungira, ka migirâ me na rêni na golo iata. Ngaira ka tarasigi râ ma ka vateê. Inê kê nakagi na rêni igê na gi, ma ki parama ma ki vora renia na nununa na puruka mane!”
25O Moise ki girara, vi o Aroni ki pe hagaotora maninga na enoni, ga atani ataka mavê ma ka hagamakira mareta i maata na merongata. 26Tahema o Moise ki râ ki ura i maani para ni tênga ma ki ngere, ki vi: “Ti kamu panepane henia na Araha, mu arâ me ikê!” Hoi, ngaira hato na raraha iana o Levi ka urarâ henia. 27O Moise ki vi tangara, ki vi: “Na Araha God iata na Isiraelita ki bonasia na ara ni hitangimi, hanana vi mu taugi na tatapa borahu iami ma kamu râhia na rarona na tênga hagenani, haganega igê na maani para ikê tanga na maani para i tapanena, ma kamu ahurahunira na goami, na tamami, ma na enoni mu girarara.”
28Na Levita, na raraha iana o Levi, ka kato vikana ma ka ahurahunira na ararina na rehagaro gi oru na mane igê na tangiana ngekana. 29O Moise ki vi tangara na Levita, ki vi: “I ngekê igamu kamu bani tagarenigamu maremi tanga na Araha, hanana mu vora re na mane ni hagarahenga iana, suria mu hagamesira o karemi ma o gaomi. Tahema na Araha ki bani koro tangagamu.”
30Ki tangi me ma o Moise ki vi tangara na enoni, ki vi: “Igamu kamu tasi bâraha. Hoi inê be tagere nikâ igê na hungana tanga na Araha. Vari God ki page bonotenia na tasi iami, manga vigê nungia.”
31Hoi, o Moise ki aporo tagere tanga na Araha ma ki vi: “Araha, na enoni ngegana ka tasi ngavê. Ngaira ka tagarahia na nununa na ataro renia na golo ma ka rahesia. 32Inê kê nungigo, ku bonotenia na tasi iata. Manga i mareha, hoi, gu ahunia râ na ataku igê na buka, go bani segegi igê na atata na kariamu.”
33Na Araha ki arami, ki vi: “Ngaira nga na enoni ga haritoheê, kanigê page ahunigi na atata igê na buka iaku. 34Hoi, gu râ ma ku bêngenira na enoni tanga na agua, gê bani visia tangago. Na angero iaku ki page nanago tarami. Gu takusia, i page arâ me na matena gê page hagaitangira igê na enoni mena na tasi iata.”
35Tahema na Araha ki naka na ringa ki tarahura na enoni, suria ngaira ka tuguria o Aroni, ki tagarahia tangara na nununa na puruka mane na golo.
Currently Selected:
TAHINGA 32: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAHINGA 32
32
Na enoni ka vogasia na puruka mane na golo
(Ramata 9.6-29)
1O Moise ki oga arihu vê igê na hungana, matena na enoni ka nanasi makira renia. Ngaira ka haku me tanga o Aroni. Ngaira ka vi tanga, ka vi: “Igia ka pe girara, vi na tarana ta kani tarahua o Moise ngekana, i bêngenigia hura tenia i Esipito. Hoi, gu tagarahia na nununa na ataro, hanana ge bêngenigia.”
2O Aroni ki vi tangara, ki vi: “Mu tasigi râ na mumu ni karinga na golo iata na gete iami, o karemi ma ka karemi, ma kamu migirâ me tangê.”
3Hoi, ngaira hato na enoni ka tasigi râ na mumu ni karinga na golo iata, ma ka toregi me tanga o Aroni. 4Ngaia ki tovagi na mumu ni karinga ma ki hagaronogi ma ki karangia so na golo igê na marâ i tonga na rarona i bâ manga na puruka mane. Vikana na golo ki vora re na nununa na puruka mane.
Na enoni ka ngere, ki vi: “Isiraelita, ngaia kani ikê na ataro iaka, i bêngenigia hura tenia i Esipito!”
5Matena o Aroni ki rongora vikana, ngaia ki tagarahia na bea ni vogasiha i maana na nununa na puruka mane na golo. Ngaia ki vi tangara na enoni, ki vi: “I gomaha ngaia ki na tangiana raha, ga hagarahasia igê na Araha.” 6Hoi, i tangi me, ngaira ka merarâ me tani na ganiani, ma ka susu hagenani renira, ma tani tanga na vogasiha, hanana ga haringê renira. Na enoni ka oga so ka ngê. Ngaira ka totono, ka mâmâ ma ka paronga iera.
7Na Araha ki vi tanga o Moise, ki vi: “Gu aporo so rêrê, suria na kariamu, go bêngenira hura tenia i Esipito, ngaira ka tasi bâraha ma ka murisigeê. 8Ngaira ka bani aharêngigi na ramata iaku tangara. Ngaira ka hagaronogi na golo, ki vora re na nununa na puruka mane, ma ka rahesia ma ka susu tanga. Ngaira ka vi, vi ngaia ka na ataro iata, i bêngenira hura tenia i Esipito. 9Inê kê bani girara, vi ngaira ka guguruga ngavê. 10Hoi, siana ko rêrapusiê. Inê kê mangariaga ngavê tangara. Inê be mutera ngavê. Hemuri kê page katogamu, igo ma na raraha iamu, kamu tataka ngavê.”
11Ma o Moise ki nungia nga na Araha God iana, hanana vige tako rugu renira. Ngaia ki vi: “Araha, siana ko mangariaga bâraha tangara na kariamu, go hagatahira tenia i Esipito renia na raramohamu raha hunia. 12I era ma na ai ni Esipito ka vi, vi igo ko bêngenira hura na kariamu, hanana vigo hagamesira ma ko mutera igê na hungani. Go mangariaga ki uhu noga. Gu tako rugu renira! Siana ko hagaitangira vikana na kariamu! 13Gu takusira aporo na kariamu o Abarahamo, o Isako mo Jakobo! Gu takusia aporo na tahinga iamu tangara, hanana vigo hagarakonigi na raraha iata ka rakorako ngavê mangagi na higu i vavearo, ma ko haganahunira renia na agua ka gâga hagahu igê.” 14Vikê na Araha ki tako rugu renira ma ki pe hagaitangira na enoni, manga i bani takusia.
15O Moise ki vato tenia na hungana. Ngaia ki torererua na hê aberabera gi rua, God ki segegi igê na ramata igê na apaneniheri. 16Ngaia God marena kani tagarahirerua na hê aberabera gi rua ngegana ma ki tarigi igê na ramata.
17O Josua ki rongora na enoni ga ngerengere. Ngaia ki vi tanga o Moise, ki vi: “Inê kê rongoa na ngereha igê na tênga, ki rongo manga na hearihatana.”
18O Moise ki arami, ki vi: “Ngaira ki pe rongo manga vige teha igê na hearihatana, se vige so renira na merongata. Ngaira ki rongo manga ga kiki.”
19Matena o Moise ki ura hagarangia na tênga, ngaia ki bâsia na nununa na puruka mane, ma ki bâsira na enoni ga mâmâ rihia. Ngaia ki mahamahaheaga ngavê na obana. Ma i ngekana igê na hunana na hungana ngaia ki papatagenirerua vato na hê aberabera, i mererua vato me, ma karu apapapa. 20Ngaia ki ragea na nununa na puruka mane, ga tagarahia, ki hagaronoa, ki amenamena manga na momo, ma ki toraria henia na ve, ma ki bonasira na Isiraelita ka tono. 21Ngaia ki vi tanga o Aroni, ki vi: “Tanu hega na enoni ka katogo ko kato vikana? Tanu hega go katora ka tasi bâraha vikana?
22O Aroni ki arami, ki vi: “Siana ko mangariaga tangê. Igo ko bani girara, vi na enoni ngegana ka takusigi tarema na eraha. 23Ngaira ka vi tangê, ka vi, ‘Igia ka pe girara vi na tarana ta kani tarahua o Moise ngekana, i bêngenigia hura tenia i Esipito. Hoi, ge tagarahia na nununa na ataro, hanana ge bêngenigia.’ 24Tahema inê kê nungira, ka migirâ me na rêni na golo iata. Ngaira ka tarasigi râ ma ka vateê. Inê kê nakagi na rêni igê na gi, ma ki parama ma ki vora renia na nununa na puruka mane!”
25O Moise ki girara, vi o Aroni ki pe hagaotora maninga na enoni, ga atani ataka mavê ma ka hagamakira mareta i maata na merongata. 26Tahema o Moise ki râ ki ura i maani para ni tênga ma ki ngere, ki vi: “Ti kamu panepane henia na Araha, mu arâ me ikê!” Hoi, ngaira hato na raraha iana o Levi ka urarâ henia. 27O Moise ki vi tangara, ki vi: “Na Araha God iata na Isiraelita ki bonasia na ara ni hitangimi, hanana vi mu taugi na tatapa borahu iami ma kamu râhia na rarona na tênga hagenani, haganega igê na maani para ikê tanga na maani para i tapanena, ma kamu ahurahunira na goami, na tamami, ma na enoni mu girarara.”
28Na Levita, na raraha iana o Levi, ka kato vikana ma ka ahurahunira na ararina na rehagaro gi oru na mane igê na tangiana ngekana. 29O Moise ki vi tangara na Levita, ki vi: “I ngekê igamu kamu bani tagarenigamu maremi tanga na Araha, hanana mu vora re na mane ni hagarahenga iana, suria mu hagamesira o karemi ma o gaomi. Tahema na Araha ki bani koro tangagamu.”
30Ki tangi me ma o Moise ki vi tangara na enoni, ki vi: “Igamu kamu tasi bâraha. Hoi inê be tagere nikâ igê na hungana tanga na Araha. Vari God ki page bonotenia na tasi iami, manga vigê nungia.”
31Hoi, o Moise ki aporo tagere tanga na Araha ma ki vi: “Araha, na enoni ngegana ka tasi ngavê. Ngaira ka tagarahia na nununa na ataro renia na golo ma ka rahesia. 32Inê kê nungigo, ku bonotenia na tasi iata. Manga i mareha, hoi, gu ahunia râ na ataku igê na buka, go bani segegi igê na atata na kariamu.”
33Na Araha ki arami, ki vi: “Ngaira nga na enoni ga haritoheê, kanigê page ahunigi na atata igê na buka iaku. 34Hoi, gu râ ma ku bêngenira na enoni tanga na agua, gê bani visia tangago. Na angero iaku ki page nanago tarami. Gu takusia, i page arâ me na matena gê page hagaitangira igê na enoni mena na tasi iata.”
35Tahema na Araha ki naka na ringa ki tarahura na enoni, suria ngaira ka tuguria o Aroni, ki tagarahia tangara na nununa na puruka mane na golo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific