TAHINGA 11
11
Na rongoha viga page meme na bêbê ni kare mane
1Ma hemuri na Araha ki vi tanga o Moise, ki vi: “Inê kê hagaitangira hagetage nikâ na maneraha i Esipito ma na kariana, ma ki kahu hagamarumungenigamu hura. Ngaia ki page paigamu hura hete. 2Hoi, go tamasi tangara na Isiraelita ma ko vi tangara ngaira hato, hanana ga nungigi na mahe na golo ma na siliva tenira na ai ni Esipito ga merabasigu hetanga.” 3Na Araha ki katora na ai ni Esipito ka hagahigasira na Isiraelita. I monari, na mane igê na gavumane ma na enoni hato ka vi, vi o Moise ki na mane ni ramoha raha.
4O Moise ki vi tanga na maneraha, ki vi: “Na Araha ki vi vikê: Igê na gupuna bungiana inê kê page arâhia i Esipito, 5ma na ara ni bêbê ni kare mane ka page meme, haganega tenia o karemu vi page urusigo, mataro me tanga na bêbê ni kare mane iana na gete rakuraku i garasi ngêra. Ka page meme nogata na kareta mane hagâkani na togoha. 6Na angiha maramara ki page akê me i Esipito hagenani, na angiha maramara ga pe bani rongo kuruhana me noga i nago, ma ki asa vige akê me nikâ i hemuri. 7Nga noga ma i pasita na Isiraelita ki mareha rârâ igê vi na kere enagita, naka ma vi na o ma ki asa vê, vige ngirira na Isiraelita se vi na togoha iata. Vikana igo ko page tahetara, vi inê nga na Araha kanigê katoa ki tora hegetigi i bararogata na ai ni Esipito ma na Isiraelita.” 8O Moise ki vi nikâ: “Na ara ni mane ni hagaotonga iamu ka page arâ me ka tubê tangê, ma ka page avarasiê, hanana gê merahura na kariaku hato. I na murina ngekana inê page huhura.” Ma o Moise ki mangariaga bâraha ma ki râ pania na maneraha.
9Na Araha ki bani vi tanga o Moise, ki vi: “Na maneraha ki asa, vige tê viteamu, hanana inê kê katogi nikâ na mena i Esipito.” 10O Moise mo Aroni karu bani katogi na mena hato ngegana i maana na maneraha. Ma na Araha ki naka na maneraha ki ama ni hahêaga nga ma ki pe hagamarumungenira hura na Isiraelita vige pania i Esipito.
Currently Selected:
TAHINGA 11: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAHINGA 11
11
Na rongoha viga page meme na bêbê ni kare mane
1Ma hemuri na Araha ki vi tanga o Moise, ki vi: “Inê kê hagaitangira hagetage nikâ na maneraha i Esipito ma na kariana, ma ki kahu hagamarumungenigamu hura. Ngaia ki page paigamu hura hete. 2Hoi, go tamasi tangara na Isiraelita ma ko vi tangara ngaira hato, hanana ga nungigi na mahe na golo ma na siliva tenira na ai ni Esipito ga merabasigu hetanga.” 3Na Araha ki katora na ai ni Esipito ka hagahigasira na Isiraelita. I monari, na mane igê na gavumane ma na enoni hato ka vi, vi o Moise ki na mane ni ramoha raha.
4O Moise ki vi tanga na maneraha, ki vi: “Na Araha ki vi vikê: Igê na gupuna bungiana inê kê page arâhia i Esipito, 5ma na ara ni bêbê ni kare mane ka page meme, haganega tenia o karemu vi page urusigo, mataro me tanga na bêbê ni kare mane iana na gete rakuraku i garasi ngêra. Ka page meme nogata na kareta mane hagâkani na togoha. 6Na angiha maramara ki page akê me i Esipito hagenani, na angiha maramara ga pe bani rongo kuruhana me noga i nago, ma ki asa vige akê me nikâ i hemuri. 7Nga noga ma i pasita na Isiraelita ki mareha rârâ igê vi na kere enagita, naka ma vi na o ma ki asa vê, vige ngirira na Isiraelita se vi na togoha iata. Vikana igo ko page tahetara, vi inê nga na Araha kanigê katoa ki tora hegetigi i bararogata na ai ni Esipito ma na Isiraelita.” 8O Moise ki vi nikâ: “Na ara ni mane ni hagaotonga iamu ka page arâ me ka tubê tangê, ma ka page avarasiê, hanana gê merahura na kariaku hato. I na murina ngekana inê page huhura.” Ma o Moise ki mangariaga bâraha ma ki râ pania na maneraha.
9Na Araha ki bani vi tanga o Moise, ki vi: “Na maneraha ki asa, vige tê viteamu, hanana inê kê katogi nikâ na mena i Esipito.” 10O Moise mo Aroni karu bani katogi na mena hato ngegana i maana na maneraha. Ma na Araha ki naka na maneraha ki ama ni hahêaga nga ma ki pe hagamarumungenira hura na Isiraelita vige pania i Esipito.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific