EPESO 2
2
God ki vategia na mauriha haoru
1I nago igamu kamu me surigi na guguruganiha ma na tasi iami. 2Igê na matena ngekana igamu kamu râ suria na tarana na eraha ni maveta. Igamu kamu tê viteana na araha iata na ataro era i bevoa purua. I ngekê na ataro ngekana ki marungira na enoni, ga guguruga tanga God. 3I monari, i nago, igia hato, ka mangara ngaira, ma igia ka râ surigi na teniha era iaka, ma ka katogi na ani mavê na marâ era, na apeka ma na aitangihaka ga tenigi. Tagenana mangara na enoni hato getera, igia nogaka ki ararigia, vi hagaitangigia God.
4Na takuiha iana God ki raha teha, ma ngaia ki takuigia ngavê. 5Tahema, matena igia ka me renigi na guguruganiha iaka, ngaia ki hagamêrigia aporo henia o Kirisito. Renia na korohana nga God ngaia ki bani hagatahigamu. 6Renia igia ka obahaku henia o Kirisito Jesu, tahema God ki hagamêrigia aporo henia, hanana igia ka araha henia i pasina. 7Ngaia ki kato vikana, hanana i hagabângenia tare nga na korohana, i raha teha igê na hetakuiha iana tangagia i Kirisito Jesu. 8Renia na korohana nga God ngaia ki bani hagatahigamu, suria mu tongesuri. Mareha vi igamu maremi, ma na mahatana hete God. 9Igamu kamu pe nahunia na marâ, ge tonga hunana, hanana vi gamu ageage renia, suria igamu maremi kanimu pe katoa. 10God ki bani hagavoragia, ma ngaia ki hagavoragia, hanana vi ga obâbahaku henia o Kirisito Jesu, ma ka tanugi na tagaraha koro, i bani nakagi tangagia, vi ga katogi.
Igia hato ka tegenaka ma i Kirisito
11Igamu kamu bani vora me, manga hanana nogami na enoni, mu pe Siu. Na Siu ga visigamu, vi ga pe retegi râ na gavoni na varami. Ma ngaira mareta ka visira mareta, vi ga retegi na gavoni na varata. Na tarana ngekana ki vi, vi ngaira mareta na enoni kaniga katoa tangagi na apeta. Mu takusia, i nago igamu kamu manga i he? 12I na matena ngekana igamu kamu purunguni mênga renia o Kirisito. Igamu kamu mamahuara, ma igamu kamu mareha vi na enoni, God i bani atera tanga ngaia marena. Igamu kamu pe nahunigi na suruheri, ga tonga hunani igê na suruha iana God tangara na kariana. Igamu kamu oga ikê i maveta, ma kamu pe nahunia na naasiha, suria mu purunguni mênga renia God. 13Ma i ngekê igamu kamu kahu obahaku henia o Kirisito Jesu. I nago igamu kamu oga hagatê, ma i ngekê igamu kamu oga hagarangi renia na mera iana o Kirisito. 14Renia o Kirisito marena ki bani vategia na marapeha, suria ngaia ki bani katora na Siu ma na enoni, ga pe Siu, ka vora re na haku gi tage ma. Suria ngaia ki vora enoni, ngaia ki bani hogea na para, i bani voasira, ma ki katora, ka hemeronge. 15Ngaia ki bani kasigi na Ramata i na Buka Apuna iata na Siu henigi na tamasinga ma na tauha igê, hanana i katora na Siu ma na enoni, ga pe Siu, ka voravora re na haku gi tage na enoni, ga obahaku henia ngaia marena. Igê na tarana ngekana ngaia ki katora, ka hekorokoro. 16Renia o Kirisito ki me igê na kuruse, ngaia ki hatungia na hemerongeana iata. Renia na mera iana igê na kuruse ngaia ki hakura na Siu ma na enoni, ga pe Siu, igê na haku gi tage togo, ma ki hagaporosira tanga God. 17Tahema o Kirisito ki râ me, ma ki tarohenia na Taroha Koro renia na marapeha tangagia hato: tangagamu na enoni, mu pe Siu, igamu kamu hagatê tenia God, ma tangagami na Siu, igami kami hagarangia God. 18Renia nga o Kirisito igia hato, na Siu ma na enoni, ga pe Siu, igia ka obahaku henia na Higona Apu i gi tage togo, ma ka girara ga arâ i pasina God Vaemaka.
19Tahema igamu na enoni, mu pe Siu, ki hato, vi gamu mamahuara nikâ, se vi gamu vora vi na enoni getegamu râ nikâ. I ngekê igamu ki na tamata na kariana God, ma kamu hegoata igê na ahemata iana God. 20Igamu nogami kamu manga ta agua na ruma. Na aposotolo ma na poropete ngaira ka mangagi na una na ruma, mo Kirisito Jesu marena ki manga na rangata na hagêguringa na ruma. 21Ngaia ki na ani, i taua gatagata na ruma hagenani, ma ki katoa, ki voravora re na ruma apuna iana na Araha. 22Igê na obahahaku henia o Kirisito, igamu nogami na Higona Apu ki tagarahigamu henigami renia na ruma tanga God.
Currently Selected:
EPESO 2: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
EPESO 2
2
God ki vategia na mauriha haoru
1I nago igamu kamu me surigi na guguruganiha ma na tasi iami. 2Igê na matena ngekana igamu kamu râ suria na tarana na eraha ni maveta. Igamu kamu tê viteana na araha iata na ataro era i bevoa purua. I ngekê na ataro ngekana ki marungira na enoni, ga guguruga tanga God. 3I monari, i nago, igia hato, ka mangara ngaira, ma igia ka râ surigi na teniha era iaka, ma ka katogi na ani mavê na marâ era, na apeka ma na aitangihaka ga tenigi. Tagenana mangara na enoni hato getera, igia nogaka ki ararigia, vi hagaitangigia God.
4Na takuiha iana God ki raha teha, ma ngaia ki takuigia ngavê. 5Tahema, matena igia ka me renigi na guguruganiha iaka, ngaia ki hagamêrigia aporo henia o Kirisito. Renia na korohana nga God ngaia ki bani hagatahigamu. 6Renia igia ka obahaku henia o Kirisito Jesu, tahema God ki hagamêrigia aporo henia, hanana igia ka araha henia i pasina. 7Ngaia ki kato vikana, hanana i hagabângenia tare nga na korohana, i raha teha igê na hetakuiha iana tangagia i Kirisito Jesu. 8Renia na korohana nga God ngaia ki bani hagatahigamu, suria mu tongesuri. Mareha vi igamu maremi, ma na mahatana hete God. 9Igamu kamu pe nahunia na marâ, ge tonga hunana, hanana vi gamu ageage renia, suria igamu maremi kanimu pe katoa. 10God ki bani hagavoragia, ma ngaia ki hagavoragia, hanana vi ga obâbahaku henia o Kirisito Jesu, ma ka tanugi na tagaraha koro, i bani nakagi tangagia, vi ga katogi.
Igia hato ka tegenaka ma i Kirisito
11Igamu kamu bani vora me, manga hanana nogami na enoni, mu pe Siu. Na Siu ga visigamu, vi ga pe retegi râ na gavoni na varami. Ma ngaira mareta ka visira mareta, vi ga retegi na gavoni na varata. Na tarana ngekana ki vi, vi ngaira mareta na enoni kaniga katoa tangagi na apeta. Mu takusia, i nago igamu kamu manga i he? 12I na matena ngekana igamu kamu purunguni mênga renia o Kirisito. Igamu kamu mamahuara, ma igamu kamu mareha vi na enoni, God i bani atera tanga ngaia marena. Igamu kamu pe nahunigi na suruheri, ga tonga hunani igê na suruha iana God tangara na kariana. Igamu kamu oga ikê i maveta, ma kamu pe nahunia na naasiha, suria mu purunguni mênga renia God. 13Ma i ngekê igamu kamu kahu obahaku henia o Kirisito Jesu. I nago igamu kamu oga hagatê, ma i ngekê igamu kamu oga hagarangi renia na mera iana o Kirisito. 14Renia o Kirisito marena ki bani vategia na marapeha, suria ngaia ki bani katora na Siu ma na enoni, ga pe Siu, ka vora re na haku gi tage ma. Suria ngaia ki vora enoni, ngaia ki bani hogea na para, i bani voasira, ma ki katora, ka hemeronge. 15Ngaia ki bani kasigi na Ramata i na Buka Apuna iata na Siu henigi na tamasinga ma na tauha igê, hanana i katora na Siu ma na enoni, ga pe Siu, ka voravora re na haku gi tage na enoni, ga obahaku henia ngaia marena. Igê na tarana ngekana ngaia ki katora, ka hekorokoro. 16Renia o Kirisito ki me igê na kuruse, ngaia ki hatungia na hemerongeana iata. Renia na mera iana igê na kuruse ngaia ki hakura na Siu ma na enoni, ga pe Siu, igê na haku gi tage togo, ma ki hagaporosira tanga God. 17Tahema o Kirisito ki râ me, ma ki tarohenia na Taroha Koro renia na marapeha tangagia hato: tangagamu na enoni, mu pe Siu, igamu kamu hagatê tenia God, ma tangagami na Siu, igami kami hagarangia God. 18Renia nga o Kirisito igia hato, na Siu ma na enoni, ga pe Siu, igia ka obahaku henia na Higona Apu i gi tage togo, ma ka girara ga arâ i pasina God Vaemaka.
19Tahema igamu na enoni, mu pe Siu, ki hato, vi gamu mamahuara nikâ, se vi gamu vora vi na enoni getegamu râ nikâ. I ngekê igamu ki na tamata na kariana God, ma kamu hegoata igê na ahemata iana God. 20Igamu nogami kamu manga ta agua na ruma. Na aposotolo ma na poropete ngaira ka mangagi na una na ruma, mo Kirisito Jesu marena ki manga na rangata na hagêguringa na ruma. 21Ngaia ki na ani, i taua gatagata na ruma hagenani, ma ki katoa, ki voravora re na ruma apuna iana na Araha. 22Igê na obahahaku henia o Kirisito, igamu nogami na Higona Apu ki tagarahigamu henigami renia na ruma tanga God.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific