TANIELE 8
8
Na maruteha renirerua na sipi mane ma na goti mane
1Igê na oruta na harisi iana o Belosasare i maneraha surigi, inê Taniele kê marute kê nikâ. 2Inê kê marute, vi inê kê oga i hinua i Susa i na apanena i Elama. Na hinua ngekana ka para rihia. Inê kê ura i papana na ve i Ulai. 3I ngakana i papana na ve inê kê bâsia igê na sipi mane. Ngaia ki tonga na hona borahu gi rua. Na hitangiterua na hona, i ba me hemuri, ki borahu na ani i ba i nago. 4Ngaia ki surea na bêna bêrâ tanga i kereso, ma tanga na apanena heri, ma ki mareha vi tanga i kerekê. I bara ta na marâ mauri, vige ura barasia, se vige tahi tenia. Ngaia ki katogi manga hanana i obania. Ngaia ki ramo, ma ki ama ni hagarahasia nga marena.
5Matena gê hagakita na tarana ngekana, inê kê bâsia na goti mane, i tango me tenia i kereso aharêngia na maveta. Ngaia ki gaha garigari era. Na êgana ki pe puru so i ano. Ngaia ki tonga na hona gi tage, i ba borahu i berarogaterua na maana. 6Ngaia ki râ ni mangariaga me, ma ki tari oto me tanga na sipi mane, gê bâsia i papana na ve. 7Inê kê bâsia, i nahia na sipi mane, ma ki kumukumugirerua na hona. Na sipi mane ki bara tanga, vige meheariha. Na goti mane ki purisia i ano ma ki pu menamenaria, ma ki bara, vige hagatahia tenia.
8Na goti mane ki ramo, ma ki ama ni hagarahasia marena nga. Matena i akê me noga na ramoha iana, ma na hona ki baro. Na hona ge he ka ba borahu akê me urusia. Na ara ni hitangini ki ono bêrâ tanga na hitangini na ariruguni ge he na maveta. 9Na kere hona sisite ki ba ngahisia na hitangini na hona ge he ngegê. Ngaia ki borahu ki akê ngavê. Na raramohana ki tariha tanga i kerekê, tanga na apanena i Esipito, ma tanga na marê ni suruha. 10Ngaia ki ramo teha ngavê, hanana i taharira na ani ga raramohaga i vavearo, ma na higu nikâ. Ngaia ki kasira so tani ma ki pupu menamenarira so. 11Ngaia ki hetehateha henia na Araha God iata na ani, ga raramohaga i vavearo. Ngaia ki ura pusigi na vogasiha, ga tagarenigi tare i na ara ni tangiani tanga God, ma ki hagaerasia na Ruma ni Rotu. 12Na enoni ka bagaparongata i Ruma ni Rotu, ma ka pe vogasi maninga hete i na ara ni tangiani, ma na morana na rotu ki hato. Na hona ki akê me maninga igê na ara ni tarani, i katogi.
13Ma hemuri inê kê rongoa ta na hitangita na angero, i hagatea tani, ki vi: “I arihu taraha na marâ igê na maruteha? I na keta ki page hato igê na bagaparongata, ga urusigi renigi na vogasiha i na ara ni tangiani? I arihu manga i he, ka ama ni hagaerasia nga na Ruma ni Rotu? I na keta ki page hato, vige purira so na ani, ga raramohaga i vavearo?”
14Inê kê rongoa na tamana i arami, ki vi: “Ngaia ki gâga surigi na tangiani 1150. Suria igê na matena ngekana ki page hato, vige vogasi nikâ i na ara ni mavoraro ma i manurahi. I murina i ngekana na ara ni marâ ka page oto aporo i Ruma ni Rotu.”
Na angero Gabiriele ki ramatenia na maruteha
15Matena gê uhungia, vigê tarahua na girarana na maruteha, ki parama, ma ki ura me i maaku na ani, i bâ manga na enoni. 16Inê kê rongoa na êniha, i râ me tenia na papana tarê na ve i Ulai, ma ki vi: “Gabiriele, gu ramatenia tanga na girarana na maruteha iana.” 17Gabiriele ki râ me, ma ki ura so i pasiku. Inê kê bubununuga ma kê susure kê tubê so i ano.
Ngaia ki vi tangê, ki vi: “Igo, karena enoni ma, gu karingê maninga. Na girarana na maruteha iamu ki râ renia na hagahatongina na maveta.” 18Matena i tamasi, inê kê baga ma me, kê tâ i ano. Ma ngaia ki têê ma ki rageê akê. 19Ngaia ki vi tangê, ki vi: “Inê be hagabâsigo renia manga i he ki page bâ na mangariaganiha iana God igê na hagahatongina na maveta.
20“Na girarana na sipi mane, go bâsia i tonga na hona gi rua, ki vi, vi na arahanga gi rua: tani i Metia ma tani i Pesia. 21Na girarana na goti mane ki vi, vi na arahanga i Agaia, ma na girarana na hona borahu, i ono me i berarogaterua na maana, ki vi, vi na maneraha hagenago. 22Na girarani na hona ge he, ga ba urusia na hona hagenago i baro, ki vi, vi na enoni igê ka page voasira so mareta, ka voravora na arahanga ge he hegitigi. Ma ki asa iata, vige raramohaga manga na bani arahanga i nago.
23“Matena ga sugi hatohato igê na arahanga ngegana ma na bagaparongata, ga aharêsira ma ka arari ni hagaitangiha, hoi, ki page rêra akê na maneraha, i page togeaga, ki aerataga ma ki hagahagabeka. 24Ngaia ki page ramoramo, ma ki mareha vi na raramohana so marena. Ngaia ki page katogi na bagabevoani, ga erataga ngavê, ma ki page akê me maninga igê na ara ni tarani, i katogi. Ngaia ki page hagavotarira na maneraha raramohaga, ma ki page merongasira na kariana God. 25Ngaia ki page akê me maninga igê na hagahagabekana iana, suria i bani aresuria nga vikana. Ngaia ki page ama ni hagarahasia nga marena ngavê. Ngaia ki page hagagasuganira rako na enoni, ma ki page hagaerasira ngavê. Ngaia ki page hetehateha henia God na Araha i teha. Vikana ngaia ki page vota ngavê, mareha vi suria na enoni kani ga hagavotaria. 26Na maruteha renigi na vogasiha i na ara ni maveraro ma i manurahi, gê bani ramatenia tangago, ki page vagavaga me mave. Ma ko pinihia so, suria i arihu mênga, ma ki kahu moramora me.”
27Na tarana ngekana ki katoê, kê pe ape koro renia. Inê kê maeha ma kê tâ surigi na tangiani haritamani. Ma hemuri, matena gê komaga aporo, inê kê aporo igê na tagaraha iaku tanga na maneraha. Na maruteha ki katoê, kê bagatatako renia, suria i bara tangê, vi ve girara.
Currently Selected:
TANIELE 8: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TANIELE 8
8
Na maruteha renirerua na sipi mane ma na goti mane
1Igê na oruta na harisi iana o Belosasare i maneraha surigi, inê Taniele kê marute kê nikâ. 2Inê kê marute, vi inê kê oga i hinua i Susa i na apanena i Elama. Na hinua ngekana ka para rihia. Inê kê ura i papana na ve i Ulai. 3I ngakana i papana na ve inê kê bâsia igê na sipi mane. Ngaia ki tonga na hona borahu gi rua. Na hitangiterua na hona, i ba me hemuri, ki borahu na ani i ba i nago. 4Ngaia ki surea na bêna bêrâ tanga i kereso, ma tanga na apanena heri, ma ki mareha vi tanga i kerekê. I bara ta na marâ mauri, vige ura barasia, se vige tahi tenia. Ngaia ki katogi manga hanana i obania. Ngaia ki ramo, ma ki ama ni hagarahasia nga marena.
5Matena gê hagakita na tarana ngekana, inê kê bâsia na goti mane, i tango me tenia i kereso aharêngia na maveta. Ngaia ki gaha garigari era. Na êgana ki pe puru so i ano. Ngaia ki tonga na hona gi tage, i ba borahu i berarogaterua na maana. 6Ngaia ki râ ni mangariaga me, ma ki tari oto me tanga na sipi mane, gê bâsia i papana na ve. 7Inê kê bâsia, i nahia na sipi mane, ma ki kumukumugirerua na hona. Na sipi mane ki bara tanga, vige meheariha. Na goti mane ki purisia i ano ma ki pu menamenaria, ma ki bara, vige hagatahia tenia.
8Na goti mane ki ramo, ma ki ama ni hagarahasia marena nga. Matena i akê me noga na ramoha iana, ma na hona ki baro. Na hona ge he ka ba borahu akê me urusia. Na ara ni hitangini ki ono bêrâ tanga na hitangini na ariruguni ge he na maveta. 9Na kere hona sisite ki ba ngahisia na hitangini na hona ge he ngegê. Ngaia ki borahu ki akê ngavê. Na raramohana ki tariha tanga i kerekê, tanga na apanena i Esipito, ma tanga na marê ni suruha. 10Ngaia ki ramo teha ngavê, hanana i taharira na ani ga raramohaga i vavearo, ma na higu nikâ. Ngaia ki kasira so tani ma ki pupu menamenarira so. 11Ngaia ki hetehateha henia na Araha God iata na ani, ga raramohaga i vavearo. Ngaia ki ura pusigi na vogasiha, ga tagarenigi tare i na ara ni tangiani tanga God, ma ki hagaerasia na Ruma ni Rotu. 12Na enoni ka bagaparongata i Ruma ni Rotu, ma ka pe vogasi maninga hete i na ara ni tangiani, ma na morana na rotu ki hato. Na hona ki akê me maninga igê na ara ni tarani, i katogi.
13Ma hemuri inê kê rongoa ta na hitangita na angero, i hagatea tani, ki vi: “I arihu taraha na marâ igê na maruteha? I na keta ki page hato igê na bagaparongata, ga urusigi renigi na vogasiha i na ara ni tangiani? I arihu manga i he, ka ama ni hagaerasia nga na Ruma ni Rotu? I na keta ki page hato, vige purira so na ani, ga raramohaga i vavearo?”
14Inê kê rongoa na tamana i arami, ki vi: “Ngaia ki gâga surigi na tangiani 1150. Suria igê na matena ngekana ki page hato, vige vogasi nikâ i na ara ni mavoraro ma i manurahi. I murina i ngekana na ara ni marâ ka page oto aporo i Ruma ni Rotu.”
Na angero Gabiriele ki ramatenia na maruteha
15Matena gê uhungia, vigê tarahua na girarana na maruteha, ki parama, ma ki ura me i maaku na ani, i bâ manga na enoni. 16Inê kê rongoa na êniha, i râ me tenia na papana tarê na ve i Ulai, ma ki vi: “Gabiriele, gu ramatenia tanga na girarana na maruteha iana.” 17Gabiriele ki râ me, ma ki ura so i pasiku. Inê kê bubununuga ma kê susure kê tubê so i ano.
Ngaia ki vi tangê, ki vi: “Igo, karena enoni ma, gu karingê maninga. Na girarana na maruteha iamu ki râ renia na hagahatongina na maveta.” 18Matena i tamasi, inê kê baga ma me, kê tâ i ano. Ma ngaia ki têê ma ki rageê akê. 19Ngaia ki vi tangê, ki vi: “Inê be hagabâsigo renia manga i he ki page bâ na mangariaganiha iana God igê na hagahatongina na maveta.
20“Na girarana na sipi mane, go bâsia i tonga na hona gi rua, ki vi, vi na arahanga gi rua: tani i Metia ma tani i Pesia. 21Na girarana na goti mane ki vi, vi na arahanga i Agaia, ma na girarana na hona borahu, i ono me i berarogaterua na maana, ki vi, vi na maneraha hagenago. 22Na girarani na hona ge he, ga ba urusia na hona hagenago i baro, ki vi, vi na enoni igê ka page voasira so mareta, ka voravora na arahanga ge he hegitigi. Ma ki asa iata, vige raramohaga manga na bani arahanga i nago.
23“Matena ga sugi hatohato igê na arahanga ngegana ma na bagaparongata, ga aharêsira ma ka arari ni hagaitangiha, hoi, ki page rêra akê na maneraha, i page togeaga, ki aerataga ma ki hagahagabeka. 24Ngaia ki page ramoramo, ma ki mareha vi na raramohana so marena. Ngaia ki page katogi na bagabevoani, ga erataga ngavê, ma ki page akê me maninga igê na ara ni tarani, i katogi. Ngaia ki page hagavotarira na maneraha raramohaga, ma ki page merongasira na kariana God. 25Ngaia ki page akê me maninga igê na hagahagabekana iana, suria i bani aresuria nga vikana. Ngaia ki page ama ni hagarahasia nga marena ngavê. Ngaia ki page hagagasuganira rako na enoni, ma ki page hagaerasira ngavê. Ngaia ki page hetehateha henia God na Araha i teha. Vikana ngaia ki page vota ngavê, mareha vi suria na enoni kani ga hagavotaria. 26Na maruteha renigi na vogasiha i na ara ni maveraro ma i manurahi, gê bani ramatenia tangago, ki page vagavaga me mave. Ma ko pinihia so, suria i arihu mênga, ma ki kahu moramora me.”
27Na tarana ngekana ki katoê, kê pe ape koro renia. Inê kê maeha ma kê tâ surigi na tangiani haritamani. Ma hemuri, matena gê komaga aporo, inê kê aporo igê na tagaraha iaku tanga na maneraha. Na maruteha ki katoê, kê bagatatako renia, suria i bara tangê, vi ve girara.
© 2011 Bible Society of the South Pacific