AMOSE 7
7
Na ani gi tage na maruteha: na pê
1Na Araha God ki hagamaruteê. Inê kê bâsia, vi ngaia ki hagavora na ruruha ni pê, i murina na matena, ga bani oparigi igê na nagoni na mu tanga na maneraha. Ga bani retegi na go, ma na go ki vavaka aporo noga. 2Inê kê bâsira na pê, ga ngêgi hato ngavê na go ma na rauga. Ma inê kê nungia na Araha, kê vi: “Araha God, gu bonotenigi na tasi iata na Isiraelita, na kariamu. Manga i he ka girara, viga tahitahi? Ngaira ka kahu mamakaga ma!”
3Na Araha ki urusia na katoha iana, ma ki vi: “Na tarana, go bâsia, ki asa, vige vora me.”
Na ruata na maruteha: na gi
4Na Araha God ki hagamaruteê nikâ. Inê kê bâsia, vi ngaia ki hagarêa na gi, hanana i hagaitangira na kariana renia. Na gi ki hagamamataria na asi raha i ruguhana na maveta, ma ki sugi ngêgi noga na mu. 5Ma inê kê nungia na Araha, kê vi: “Araha God, siana! Manga i he na kariamu ka girara, viga tahitahi? Ngaira ka kahu mamakaga ma!”
6Na Araha ki urusia nikâ na katoha iana, ma ki vi: “Na tarana, go bâsia, ki asa nikâ, vige vora me.”
Na oruta na maruteha: na apê i ura tatare
7Na Araha ki hagamaruteê nikâ. Inê kê bâsia, vi ngaia ki ura kerekê igê na apê, ma ki têa i rimana na varo, i baroa igê na higahigata, hanana vi girara, vi na apê ki ura otooto se tatare. 8Ma na Araha ki hagateê, ki vi: “Amose, na ta ko bâsia, gê têa?” Inê kê arami, kê vi: “Na varo igê na higahigata.” Ma ngaia ki vi: “Na varo ngekê ki hagabângenia, vi na kariaku ka manga na apê, i ura tatare, suria ga pe oto na parongata. I ngekê ki asa vê, be urusia nikâ na katoha iaku. Inê be hagaitangira nga. 9Inê be hagamagahurugi na agua ni vogasiha iata na raraha iana o Isako, ma na ruma ni hagarahenga i Isiraele ke aruhuruhu. Inê be taharira na raraha iana o Jeroboamo, na maneraha, mataro me ke magahuru.”
O Amose mo Amasia
10O Amasia ki na maneraha ni vogasiha i Betele. Ngaia ki hagarongo renia o Amose tanga o Jeroboamo, na maneraha i marungia i Isiraele. Ngaia ki vi vikê: “Ngaia ki harikato pinihi renigo i Isiraele. Na ateateha iana ka page hagareke tarara na enoni hato i Isiraele. 11Ngaia ki vi vikê: ‘O Jeroboamo ki page meme igê na hearihatana, ma ka page henahuraura na Isiraelita tanga na agua hagatê.’”
12O Amasia ki tamasi tanga o Amose, ki vi: “Poropete, i uhu noga. Gu aporo i pasimu i Juta, ma ku ateate igê. Ma ngaira i ngekana ka tamanigo. 13Gu tamasi poropete i ngekana, mareha vi ikê i Betele, suria ngaia ki na ruma ni hagarahenga raha igê na agua, i hagarahe igê na maneraha.”
14O Amose ki arami, ki vi: “Inê ki mareha vi na poropete na ani go takusia. Na vaemaku ki mareha vi na poropete nikâ. Inê kê pe râ me tenia na raraha ni poropete. Inê kê nahuni ma i apeta na sipi iaku ma na pariki na apinige ni fiki iaku. 15Ma ngaia nga na Araha ki hagaharoê tenira na sipi iaku, ma ki bonasiê, ki vi, ‘Gu arâ, ma ko tamasi poropete tangara na kariaku i Isiraele.’ 16Igo, Amasia, igo ko obania vari, vigo rêra pusiê, siana kê tagara manga na poropete ma kê ramonira na Isiraelita? Hoi, gu karinga na marâ, i visia tangago na Araha, ki vi: 17‘Amasia, na gete iamu ki page vora renia na êrâ i hinua raha. Na karemu ka page me igê na henahuita. Na mako iamu ka page voavoasia tangara na enoni getera. Ma igo maremu ko page meme i na agua hagatê i pasita na enoni ahuroto. Ma ka page henahuraura ngavê na Isiraelita.’”
Currently Selected:
AMOSE 7: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
AMOSE 7
7
Na ani gi tage na maruteha: na pê
1Na Araha God ki hagamaruteê. Inê kê bâsia, vi ngaia ki hagavora na ruruha ni pê, i murina na matena, ga bani oparigi igê na nagoni na mu tanga na maneraha. Ga bani retegi na go, ma na go ki vavaka aporo noga. 2Inê kê bâsira na pê, ga ngêgi hato ngavê na go ma na rauga. Ma inê kê nungia na Araha, kê vi: “Araha God, gu bonotenigi na tasi iata na Isiraelita, na kariamu. Manga i he ka girara, viga tahitahi? Ngaira ka kahu mamakaga ma!”
3Na Araha ki urusia na katoha iana, ma ki vi: “Na tarana, go bâsia, ki asa, vige vora me.”
Na ruata na maruteha: na gi
4Na Araha God ki hagamaruteê nikâ. Inê kê bâsia, vi ngaia ki hagarêa na gi, hanana i hagaitangira na kariana renia. Na gi ki hagamamataria na asi raha i ruguhana na maveta, ma ki sugi ngêgi noga na mu. 5Ma inê kê nungia na Araha, kê vi: “Araha God, siana! Manga i he na kariamu ka girara, viga tahitahi? Ngaira ka kahu mamakaga ma!”
6Na Araha ki urusia nikâ na katoha iana, ma ki vi: “Na tarana, go bâsia, ki asa nikâ, vige vora me.”
Na oruta na maruteha: na apê i ura tatare
7Na Araha ki hagamaruteê nikâ. Inê kê bâsia, vi ngaia ki ura kerekê igê na apê, ma ki têa i rimana na varo, i baroa igê na higahigata, hanana vi girara, vi na apê ki ura otooto se tatare. 8Ma na Araha ki hagateê, ki vi: “Amose, na ta ko bâsia, gê têa?” Inê kê arami, kê vi: “Na varo igê na higahigata.” Ma ngaia ki vi: “Na varo ngekê ki hagabângenia, vi na kariaku ka manga na apê, i ura tatare, suria ga pe oto na parongata. I ngekê ki asa vê, be urusia nikâ na katoha iaku. Inê be hagaitangira nga. 9Inê be hagamagahurugi na agua ni vogasiha iata na raraha iana o Isako, ma na ruma ni hagarahenga i Isiraele ke aruhuruhu. Inê be taharira na raraha iana o Jeroboamo, na maneraha, mataro me ke magahuru.”
O Amose mo Amasia
10O Amasia ki na maneraha ni vogasiha i Betele. Ngaia ki hagarongo renia o Amose tanga o Jeroboamo, na maneraha i marungia i Isiraele. Ngaia ki vi vikê: “Ngaia ki harikato pinihi renigo i Isiraele. Na ateateha iana ka page hagareke tarara na enoni hato i Isiraele. 11Ngaia ki vi vikê: ‘O Jeroboamo ki page meme igê na hearihatana, ma ka page henahuraura na Isiraelita tanga na agua hagatê.’”
12O Amasia ki tamasi tanga o Amose, ki vi: “Poropete, i uhu noga. Gu aporo i pasimu i Juta, ma ku ateate igê. Ma ngaira i ngekana ka tamanigo. 13Gu tamasi poropete i ngekana, mareha vi ikê i Betele, suria ngaia ki na ruma ni hagarahenga raha igê na agua, i hagarahe igê na maneraha.”
14O Amose ki arami, ki vi: “Inê ki mareha vi na poropete na ani go takusia. Na vaemaku ki mareha vi na poropete nikâ. Inê kê pe râ me tenia na raraha ni poropete. Inê kê nahuni ma i apeta na sipi iaku ma na pariki na apinige ni fiki iaku. 15Ma ngaia nga na Araha ki hagaharoê tenira na sipi iaku, ma ki bonasiê, ki vi, ‘Gu arâ, ma ko tamasi poropete tangara na kariaku i Isiraele.’ 16Igo, Amasia, igo ko obania vari, vigo rêra pusiê, siana kê tagara manga na poropete ma kê ramonira na Isiraelita? Hoi, gu karinga na marâ, i visia tangago na Araha, ki vi: 17‘Amasia, na gete iamu ki page vora renia na êrâ i hinua raha. Na karemu ka page me igê na henahuita. Na mako iamu ka page voavoasia tangara na enoni getera. Ma igo maremu ko page meme i na agua hagatê i pasita na enoni ahuroto. Ma ka page henahuraura ngavê na Isiraelita.’”
© 2011 Bible Society of the South Pacific