TAGARAHA IATA NA APOSOTOLO 4
4
Ga hagatamasirerua o Petero mo Joane
1Matena o Petero mo Joane karu tamasi mênga tangara na enoni, na mane ni vogasiha ma na araha iata na mane ni me, ga anumasia na Ruma ni Rotu, ma na Satuseo ka arâ tangarerua. 2Ngaira ka mangariaga, suria na aposotolo gi rua ngegê karu hagesurira na enoni, renia vi o Jesu ki mêri aporo tenira na enoni, ga me. Tahema ka page mauri aporo na enoni hato, ga me. 3Ma ngekana ngaira ka rakurerua, ma ka kasirerua igê na ruma ni hagaitangiha, suria i su noga na arito. Ma karu oga i ngekana suria na bungiana. 4Ma ka rako na enoni, ga bani rongoa na taroha iaterua na aposotolo ngegê, ma ka tongesuri. Ma ngaira hato na enoni, ga tongesuri, ka vora na ararina na rehagaro gi rima.
5Ma igê na tangiana i muri na meraha i pasita na Siu, na ani ga nahuni ramoha ma na mane ni hagesuringa na Rotu ka haku i Jerusaleme. 6Ngaira ka hekarigi henia o Ana, na mane ni vogasiha i teha, ma henia o Kaiapa, mo Joane, mo Alesanta, ma henira na ani getera na goana na mane ni vogasiha i teha. 7Ngaira ka bonasirerua na aposotolo, karu ura i maata, ma ka hagatererua, ka vi: “Manga i he kanimuru hagakomaga na mane, i tavi? Na ani ta na ramoha kanimuru nahunia? O ti kani vategamurua na ramoha?” 8Na Higona Apu ki angaria o Petero, mo Petero ki aramira, ki vi: “Maneraha i pasita na Siu megamu na meraha! 9I ngekê igamu kamu suraregamirua renia na tarana, muru tamania renia na mane, i tavi, ma vi manga i he kani komaga aporo. 10I ararigamu hato, vi gamu girara, ma ki ararira na enoni hato i Isiraele, vi ge girara vi na mane ngekê ki ura i maami, ma ngaia ki komaga ngavê, renia na raramohana o Jesu Kirisito ni Nasarete kani bani hagakomaga. Ngaia ki no vani mu rapusia ki me igê na kuruse ma God ki hagamêria aporo. 11O Jesu ki no vani na Buka Apuna i bani tamasi renia, ki vi,
‘Na u na mane tagara ka usitenia,
ma ka vi ma, vi na u purua.
Na u ngekê ki vora na rangata koro teha.’
12Ngaia getea ma ki girara, i hagamaurira na enoni. O Jesu, ngaia getea ma i maveta hagenani, God ki bani atea tangara na enoni hato, hanana i hagamaurira.”
13Na mane igê na Kaunselo ka konetenirerua o Petero mo Joane, renia garu pe magu, vi garu tamasi. Nikâ ngairerua ki na enoni purua ma, ma karu pe hagesuri. Ma ngaira ka rongohagagara renirerua, vi ngairerua ki na kariana o Jesu. 14Tahema i bara, vi ge tamasi bê aporo tangarerua, renia ga bâsia na mane, i komaga aporo, suria ngaia ki ura henirerua o Petero mo Joane. 15Ma i ngekana ngaira ka vi tangara, ka hura vê tenia na kiboru ni Kaunselo, ma ka hekarigi getera. 16Ngaira ka hehagateri, ka vi: “Ga he nakarerua? Na ara ni enoni i Jerusaleme ki girara, vi ngairerua karu katoa na mena raha ngekana. Ma ki bara tangagia, vi ge haritohe. 17Na tamasinga ngekê ki pe koro, vi ge arâhira na enoni. Manga ngekê ge hagapêpurerua ma, vi siana karu tamasi vikana igê na raramohana o Jesu tangara na enoni.” 18Hoi, ngaira ka unirerua banu me nikâ, ma ka hagapêpurerua bâraha, vi siana karu tamasi, se vi garu hagesuri, igê na raramohana o Jesu.
19Mo Petero mo Joane karu aramira, karu vi: “Igamu maremi mu atea, na ta kani oto i maana God, ga rongogamu igamu, se ga rongoa God? 20Renia igamirua ki asa, vi gamuru muni tenia na marâ, muru bâsia ma kamuru rongoa renia o Jesu.” 21Na Kaunselo ka ramonirerua bâraha, ma ka kahu nakarerua mavê, karu râ. Ngaira ka pe tarahua rârâ ta na marâ, hanana vi ge hagaitangirerua renia, suria na enoni hato ka visia raha God renia na mena. 22Na mane, i komaga renia na mena ngekana ki tangahuru ge he ma ki asibasiba na harisi iana.
Na nunginungiha pusia na maguha
23Pusina ma ngairerua o Petero mo Joane karu hura vê. Ma ngairerua karu aporo i pasita na enoni, ga tongesuri, ma karu hagarongora renigi na tamasinga iata na mane ni vogasiha ga teha ma na meraha. 24Matena ga rongoa, ngaira hato ka nungia haku God, ka vi: “Araha, igo ko bani hagavoragi na vavearo, ma na ano, ma na asi, ma na ve, ma na ara ni marâ hato, ga oga igê. 25Renia na Higona Apu igo ko tamasi i harana na êvarimami o Tavite na kariamu, ki vi:
‘Renia ta na enoni, ga pe Siu,
ka mangariaga bâraha?
Renia ta na enoni, ga pe Siu,
ka harikato renia na Araha?
26Na araha ni maveta ma na maneraha
ka haku ma ka nanê,
vi ga meheariha
na Araha God iana na Mesaia iana.’
27Ma ki monari, o Herote mo Ponsio Pilato karu hekarigi igê na hinua raha ikê, henira na enoni, ga pe Siu, ma henira na Isiraelita, vi ga hagapepea o Jesu, na Kariamu koro, go kasia ki Mesaia. 28Ngaira ka haku, ka tanugi na ara ni marâ, go bani katogi, renia igo ko raramohaga, ma ko obania vikana. 29Ma i ngekê, Araha, gu bâ. Ngaira ka hagamakukugami. Igami kami nungigo, ko hagaramonigami, na kariamu, kami ramoramo bâkoro, kami tarohenigo. 30Ko hagabângenia na raramohamu tangara na enoni, renia go hagokomagara, ma ko vategami, kami katogi na tagaraha raha ma na mena igê na raramohana o Jesu, na Kariamu koro.”
31Matena ngaira ka nunginungi hato, ma na ruma, ga oga igê, ki angingi. Ma na Higona Apu ki angarira ngaira hato, ma ngaira ka raramohaga, ma ka haganega ka tarohenia God.
Na enoni ga tongesuri ka henahunisige
32Na enoni hato, ga tongesuri, ka obahaku, ma ka hekomaniheri. Mareha ta na enoni, vi ge hemasesi renigi na nahuninga iana marena, ma ngaira hato ka hetongasi renigi na nahuninga iata. 33Na aposotolo ka raramohaga, ma ka tarohenia na Araha o Jesu, vi mêri aporo tenira na enoni, ga me, ma God ki tamanira ngavê. 34Ma ki asa na hitangita, vi ge obania râ nikâ ta na marâ, vi ge mauri renia. Na enoni, ga nahunigi na mako, se na ruma, ngaira ka hagavuringenigi, ma ka totora me na meni, 35ma ka tagarenigi tangara na aposotolo. Manga ta na enoni, ma ki obania ta na marâ, vi mauri renia, na aposotolo ka vatea na haga.
36Hoi, ta na mane o Josepo. Ngaia ki na raraha iana o Levi. Ma i pasina o Saipero. Na aposotolo ka hêtana renia vi o Banebasi. (Na girarana na tamasinga ngekê ki vi “Hagaramonira na enoni”.) 37Ngaia ki nahunia na mako, ma ki hagavuringenia, ma ki torea me na haga, ma ki tagarenia tangara na aposotolo.
Currently Selected:
TAGARAHA IATA NA APOSOTOLO 4: KCB
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific
TAGARAHA IATA NA APOSOTOLO 4
4
Ga hagatamasirerua o Petero mo Joane
1Matena o Petero mo Joane karu tamasi mênga tangara na enoni, na mane ni vogasiha ma na araha iata na mane ni me, ga anumasia na Ruma ni Rotu, ma na Satuseo ka arâ tangarerua. 2Ngaira ka mangariaga, suria na aposotolo gi rua ngegê karu hagesurira na enoni, renia vi o Jesu ki mêri aporo tenira na enoni, ga me. Tahema ka page mauri aporo na enoni hato, ga me. 3Ma ngekana ngaira ka rakurerua, ma ka kasirerua igê na ruma ni hagaitangiha, suria i su noga na arito. Ma karu oga i ngekana suria na bungiana. 4Ma ka rako na enoni, ga bani rongoa na taroha iaterua na aposotolo ngegê, ma ka tongesuri. Ma ngaira hato na enoni, ga tongesuri, ka vora na ararina na rehagaro gi rima.
5Ma igê na tangiana i muri na meraha i pasita na Siu, na ani ga nahuni ramoha ma na mane ni hagesuringa na Rotu ka haku i Jerusaleme. 6Ngaira ka hekarigi henia o Ana, na mane ni vogasiha i teha, ma henia o Kaiapa, mo Joane, mo Alesanta, ma henira na ani getera na goana na mane ni vogasiha i teha. 7Ngaira ka bonasirerua na aposotolo, karu ura i maata, ma ka hagatererua, ka vi: “Manga i he kanimuru hagakomaga na mane, i tavi? Na ani ta na ramoha kanimuru nahunia? O ti kani vategamurua na ramoha?” 8Na Higona Apu ki angaria o Petero, mo Petero ki aramira, ki vi: “Maneraha i pasita na Siu megamu na meraha! 9I ngekê igamu kamu suraregamirua renia na tarana, muru tamania renia na mane, i tavi, ma vi manga i he kani komaga aporo. 10I ararigamu hato, vi gamu girara, ma ki ararira na enoni hato i Isiraele, vi ge girara vi na mane ngekê ki ura i maami, ma ngaia ki komaga ngavê, renia na raramohana o Jesu Kirisito ni Nasarete kani bani hagakomaga. Ngaia ki no vani mu rapusia ki me igê na kuruse ma God ki hagamêria aporo. 11O Jesu ki no vani na Buka Apuna i bani tamasi renia, ki vi,
‘Na u na mane tagara ka usitenia,
ma ka vi ma, vi na u purua.
Na u ngekê ki vora na rangata koro teha.’
12Ngaia getea ma ki girara, i hagamaurira na enoni. O Jesu, ngaia getea ma i maveta hagenani, God ki bani atea tangara na enoni hato, hanana i hagamaurira.”
13Na mane igê na Kaunselo ka konetenirerua o Petero mo Joane, renia garu pe magu, vi garu tamasi. Nikâ ngairerua ki na enoni purua ma, ma karu pe hagesuri. Ma ngaira ka rongohagagara renirerua, vi ngairerua ki na kariana o Jesu. 14Tahema i bara, vi ge tamasi bê aporo tangarerua, renia ga bâsia na mane, i komaga aporo, suria ngaia ki ura henirerua o Petero mo Joane. 15Ma i ngekana ngaira ka vi tangara, ka hura vê tenia na kiboru ni Kaunselo, ma ka hekarigi getera. 16Ngaira ka hehagateri, ka vi: “Ga he nakarerua? Na ara ni enoni i Jerusaleme ki girara, vi ngairerua karu katoa na mena raha ngekana. Ma ki bara tangagia, vi ge haritohe. 17Na tamasinga ngekê ki pe koro, vi ge arâhira na enoni. Manga ngekê ge hagapêpurerua ma, vi siana karu tamasi vikana igê na raramohana o Jesu tangara na enoni.” 18Hoi, ngaira ka unirerua banu me nikâ, ma ka hagapêpurerua bâraha, vi siana karu tamasi, se vi garu hagesuri, igê na raramohana o Jesu.
19Mo Petero mo Joane karu aramira, karu vi: “Igamu maremi mu atea, na ta kani oto i maana God, ga rongogamu igamu, se ga rongoa God? 20Renia igamirua ki asa, vi gamuru muni tenia na marâ, muru bâsia ma kamuru rongoa renia o Jesu.” 21Na Kaunselo ka ramonirerua bâraha, ma ka kahu nakarerua mavê, karu râ. Ngaira ka pe tarahua rârâ ta na marâ, hanana vi ge hagaitangirerua renia, suria na enoni hato ka visia raha God renia na mena. 22Na mane, i komaga renia na mena ngekana ki tangahuru ge he ma ki asibasiba na harisi iana.
Na nunginungiha pusia na maguha
23Pusina ma ngairerua o Petero mo Joane karu hura vê. Ma ngairerua karu aporo i pasita na enoni, ga tongesuri, ma karu hagarongora renigi na tamasinga iata na mane ni vogasiha ga teha ma na meraha. 24Matena ga rongoa, ngaira hato ka nungia haku God, ka vi: “Araha, igo ko bani hagavoragi na vavearo, ma na ano, ma na asi, ma na ve, ma na ara ni marâ hato, ga oga igê. 25Renia na Higona Apu igo ko tamasi i harana na êvarimami o Tavite na kariamu, ki vi:
‘Renia ta na enoni, ga pe Siu,
ka mangariaga bâraha?
Renia ta na enoni, ga pe Siu,
ka harikato renia na Araha?
26Na araha ni maveta ma na maneraha
ka haku ma ka nanê,
vi ga meheariha
na Araha God iana na Mesaia iana.’
27Ma ki monari, o Herote mo Ponsio Pilato karu hekarigi igê na hinua raha ikê, henira na enoni, ga pe Siu, ma henira na Isiraelita, vi ga hagapepea o Jesu, na Kariamu koro, go kasia ki Mesaia. 28Ngaira ka haku, ka tanugi na ara ni marâ, go bani katogi, renia igo ko raramohaga, ma ko obania vikana. 29Ma i ngekê, Araha, gu bâ. Ngaira ka hagamakukugami. Igami kami nungigo, ko hagaramonigami, na kariamu, kami ramoramo bâkoro, kami tarohenigo. 30Ko hagabângenia na raramohamu tangara na enoni, renia go hagokomagara, ma ko vategami, kami katogi na tagaraha raha ma na mena igê na raramohana o Jesu, na Kariamu koro.”
31Matena ngaira ka nunginungi hato, ma na ruma, ga oga igê, ki angingi. Ma na Higona Apu ki angarira ngaira hato, ma ngaira ka raramohaga, ma ka haganega ka tarohenia God.
Na enoni ga tongesuri ka henahunisige
32Na enoni hato, ga tongesuri, ka obahaku, ma ka hekomaniheri. Mareha ta na enoni, vi ge hemasesi renigi na nahuninga iana marena, ma ngaira hato ka hetongasi renigi na nahuninga iata. 33Na aposotolo ka raramohaga, ma ka tarohenia na Araha o Jesu, vi mêri aporo tenira na enoni, ga me, ma God ki tamanira ngavê. 34Ma ki asa na hitangita, vi ge obania râ nikâ ta na marâ, vi ge mauri renia. Na enoni, ga nahunigi na mako, se na ruma, ngaira ka hagavuringenigi, ma ka totora me na meni, 35ma ka tagarenigi tangara na aposotolo. Manga ta na enoni, ma ki obania ta na marâ, vi mauri renia, na aposotolo ka vatea na haga.
36Hoi, ta na mane o Josepo. Ngaia ki na raraha iana o Levi. Ma i pasina o Saipero. Na aposotolo ka hêtana renia vi o Banebasi. (Na girarana na tamasinga ngekê ki vi “Hagaramonira na enoni”.) 37Ngaia ki nahunia na mako, ma ki hagavuringenia, ma ki torea me na haga, ma ki tagarenia tangara na aposotolo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011 Bible Society of the South Pacific