1 MAKABEO 16
16
O Joane ki teharia o Kentebeo
1O Joane karena o Simone ki tavoraha i Gesere, hanana i hagarongoa o vaemana renigi na tauhana o Kentebeo. 2O Simone ki vi tangarerua o Joane mo Juta o karena hagenago, ki vi: “Igami o hegoata ma na ruma hagenani iana o vaemaku, igami kami meraheariha na merongata na Siu igê na ogaha hagenani iamami. Hagarako igami kami akê me bâkoro, hanana mi hagatahia i Isiraele. 3Ma i ngekê inê kê gemêa ma igamurua kamuru ape mêmêataga ni ramoha, suria God ki anumasigamurua. Igamurua nga kani muru urusigamirua inê ma o vaesiku, hanana muru heariha barasia na apanena iaka. Na Araha ke ngahisigamurua.”
4Hoi, o Joane ki unihakura me na 20.000 na mane ni me ramo, tani na mane ni me ga tavo uga ma tani na mane ni me igê na hosi. Ngaira ka râ ka meaheariha o Kentebeo. Ngaira ka mêru i Moteini. 5Igê na mavorarotana ngaira ka râ tanga na bena. I ngekana na mane ni me gahu, na ani ga tavo uga ma na ani igê na hosi, ka râ me vurusira, ma na ve ki voasiraheri. 6O Joane ki nakara ka ura harahara na mane ni me iana, ka maatira na merongata. Matena o Joane ki bâsira na mane ni me iana ga magu vige tarêhia na ve, ngaia ki tarêhia tarata. Na mane ni me iana ka bâsia ma ka râ suria. 7O Joane ki voasira na mane ni me ga tavo uga ma ki nakara na mane ni me igê na hosi i gupu, suria na mane ni me igê na hosi iata na merongata ka rako. 8Na ahuri ni hearihatana ka angiangi. O Kentebeo ma na mane ni me iana ka vato ma ka mute rako na hitangita. Na ani ga tahi ka gava bê aporo tanga na hinua na para nganganihaga i Keterone. 9O Juta o vesia o Joane ki mamari igê na hearihatana ma o Joane ki tarigenira na merongata ki râ ki tariha i Keterone, o Kentebeo i bani tagarahia aporo. 10Tani na mane ni me ka gava ka ruku surigi na bebetehe nganganihaga igê na bena hagarangia i Asote. O Joane ki hagamakaka na hinua ngekana. Igê na tangiana ngekana na mane ni me na merongata ka me na ararina na 2000. O Joane ki aporo bâkoro ma i Jutea.
O Potolemeo ki mutera o Simone mo karena gi rua
11O Simone na mane ni vogasiha i teha ki naka na bena hagarangia i Jeriko i ruguhana o Potolemeo karena o Abubu. O Potolemeo ki ruruguha ngavê, 12suria ngaia ki no hungâna o Simone. 13Tahema ngaia ki haganega ki hagarahasia marena ma ki obania vi taua na apanena hagenani. Vikana ngaia ki harikato, vi nahuira ka meme o Simone mo karena. 14O Simone henirerua o Matatia mo Juta o karena ka vatugigi na hinua i ngekana, hanana ga tamanira na enoni i ngekana renigi na marâ ga obanigi tanga na ogaha iata. Ngaira ka ata i Jeriko igê na hageha na Sebata, na tangahuruta matare tage na hageha igê na harisi 177. 15O Potolemeo ki harikato mênga vi nahuira ka meme o Simone mo karena gi rua. Ngaia ki unira banu i Toko na ruma na para nganganihaga i bani tagarahia. Ngaia ki guhira tanga na ngêra raha igê. Ngaia ki pinihira na me, ga harikato henia i rarona na ruma na para nganganihaga ngekana. 16Matena o Simone mo karena ki ruguhira na tonoha, o Potolemeo ma na me iana ka hura me henigi na tatapa borahu i rimata ma ka gaha banu igê na kiboru raha ni ngêra. Ngaira ka mutera o Simone, o karena gi rua ma tani na kariata. 17O Potolemeo ki unisukera ngavê. Ngaia ki urusia na koroha renia na eraha.
18Hemuri o Potolemeo ki sege ki hagarongoa na maneraha renigi na tarani ngegana. Igê na leta ngaia ki nungia na maneraha, hanana vi kasira na mane ni me ka tamania ma ki naka na apanena hagenani henigi na hinua igê i ruguhana marena. 19Ngaia ki sege nikâ tangara na mane ga bêngenira na mane ni me ka vatugia, hanana i vutungira renigi na siliva, na golo ma na mahatanga getigi. 20Hemuri ngaia ki hagatorangenira nikâ tani na me iana, ka râ ka têa i Jerusaleme henia na hungana na ruma ni rotu ma ka ogasia. 21Ma ta na mane ki tango hagenago tanga i Gesere tarata na kariana o Potolemeo. Na mane ngekana ki hagarongoa o Joane, vi o Potolemeo ki bani mutera o vaemana mo veogana ma ki hagatorangenira me na mane ni me iana, hanana viga nahuia ki meme ngaia nogana. 22Na rongoha vikana ki hagakangia ngavê o Joane. Suria i bani rongoa na harikatoha, tahema ngaia ki girara i ranguira na me ga râ me viga nahuia ki meme, ma ki mutera ngaira hete.
23Na tauhana getigi o Joane, na hearihatani iana, na togeaganiha iana igê na henahuita, na tagarahiani na para ni hinua ma na ani getigi na tagaraha iana, haganega me tenia na matena i urusia igê o vaemana, ki mane ni vogasiha i teha, 24ngaigi hato ka bani segegi so igê na buka renia na matena i mane ni vogasiha i teha igê.
Currently Selected:
1 MAKABEO 16: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
1 MAKABEO 16
16
O Joane ki teharia o Kentebeo
1O Joane karena o Simone ki tavoraha i Gesere, hanana i hagarongoa o vaemana renigi na tauhana o Kentebeo. 2O Simone ki vi tangarerua o Joane mo Juta o karena hagenago, ki vi: “Igami o hegoata ma na ruma hagenani iana o vaemaku, igami kami meraheariha na merongata na Siu igê na ogaha hagenani iamami. Hagarako igami kami akê me bâkoro, hanana mi hagatahia i Isiraele. 3Ma i ngekê inê kê gemêa ma igamurua kamuru ape mêmêataga ni ramoha, suria God ki anumasigamurua. Igamurua nga kani muru urusigamirua inê ma o vaesiku, hanana muru heariha barasia na apanena iaka. Na Araha ke ngahisigamurua.”
4Hoi, o Joane ki unihakura me na 20.000 na mane ni me ramo, tani na mane ni me ga tavo uga ma tani na mane ni me igê na hosi. Ngaira ka râ ka meaheariha o Kentebeo. Ngaira ka mêru i Moteini. 5Igê na mavorarotana ngaira ka râ tanga na bena. I ngekana na mane ni me gahu, na ani ga tavo uga ma na ani igê na hosi, ka râ me vurusira, ma na ve ki voasiraheri. 6O Joane ki nakara ka ura harahara na mane ni me iana, ka maatira na merongata. Matena o Joane ki bâsira na mane ni me iana ga magu vige tarêhia na ve, ngaia ki tarêhia tarata. Na mane ni me iana ka bâsia ma ka râ suria. 7O Joane ki voasira na mane ni me ga tavo uga ma ki nakara na mane ni me igê na hosi i gupu, suria na mane ni me igê na hosi iata na merongata ka rako. 8Na ahuri ni hearihatana ka angiangi. O Kentebeo ma na mane ni me iana ka vato ma ka mute rako na hitangita. Na ani ga tahi ka gava bê aporo tanga na hinua na para nganganihaga i Keterone. 9O Juta o vesia o Joane ki mamari igê na hearihatana ma o Joane ki tarigenira na merongata ki râ ki tariha i Keterone, o Kentebeo i bani tagarahia aporo. 10Tani na mane ni me ka gava ka ruku surigi na bebetehe nganganihaga igê na bena hagarangia i Asote. O Joane ki hagamakaka na hinua ngekana. Igê na tangiana ngekana na mane ni me na merongata ka me na ararina na 2000. O Joane ki aporo bâkoro ma i Jutea.
O Potolemeo ki mutera o Simone mo karena gi rua
11O Simone na mane ni vogasiha i teha ki naka na bena hagarangia i Jeriko i ruguhana o Potolemeo karena o Abubu. O Potolemeo ki ruruguha ngavê, 12suria ngaia ki no hungâna o Simone. 13Tahema ngaia ki haganega ki hagarahasia marena ma ki obania vi taua na apanena hagenani. Vikana ngaia ki harikato, vi nahuira ka meme o Simone mo karena. 14O Simone henirerua o Matatia mo Juta o karena ka vatugigi na hinua i ngekana, hanana ga tamanira na enoni i ngekana renigi na marâ ga obanigi tanga na ogaha iata. Ngaira ka ata i Jeriko igê na hageha na Sebata, na tangahuruta matare tage na hageha igê na harisi 177. 15O Potolemeo ki harikato mênga vi nahuira ka meme o Simone mo karena gi rua. Ngaia ki unira banu i Toko na ruma na para nganganihaga i bani tagarahia. Ngaia ki guhira tanga na ngêra raha igê. Ngaia ki pinihira na me, ga harikato henia i rarona na ruma na para nganganihaga ngekana. 16Matena o Simone mo karena ki ruguhira na tonoha, o Potolemeo ma na me iana ka hura me henigi na tatapa borahu i rimata ma ka gaha banu igê na kiboru raha ni ngêra. Ngaira ka mutera o Simone, o karena gi rua ma tani na kariata. 17O Potolemeo ki unisukera ngavê. Ngaia ki urusia na koroha renia na eraha.
18Hemuri o Potolemeo ki sege ki hagarongoa na maneraha renigi na tarani ngegana. Igê na leta ngaia ki nungia na maneraha, hanana vi kasira na mane ni me ka tamania ma ki naka na apanena hagenani henigi na hinua igê i ruguhana marena. 19Ngaia ki sege nikâ tangara na mane ga bêngenira na mane ni me ka vatugia, hanana i vutungira renigi na siliva, na golo ma na mahatanga getigi. 20Hemuri ngaia ki hagatorangenira nikâ tani na me iana, ka râ ka têa i Jerusaleme henia na hungana na ruma ni rotu ma ka ogasia. 21Ma ta na mane ki tango hagenago tanga i Gesere tarata na kariana o Potolemeo. Na mane ngekana ki hagarongoa o Joane, vi o Potolemeo ki bani mutera o vaemana mo veogana ma ki hagatorangenira me na mane ni me iana, hanana viga nahuia ki meme ngaia nogana. 22Na rongoha vikana ki hagakangia ngavê o Joane. Suria i bani rongoa na harikatoha, tahema ngaia ki girara i ranguira na me ga râ me viga nahuia ki meme, ma ki mutera ngaira hete.
23Na tauhana getigi o Joane, na hearihatani iana, na togeaganiha iana igê na henahuita, na tagarahiani na para ni hinua ma na ani getigi na tagaraha iana, haganega me tenia na matena i urusia igê o vaemana, ki mane ni vogasiha i teha, 24ngaigi hato ka bani segegi so igê na buka renia na matena i mane ni vogasiha i teha igê.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific