Salmos 114
114
Iquenqueshiretiro iponeajeitantajarori Egiptoqui
1Peerani iponeajeitantajarori ishanincajeitaniri Israel Egiptoqui nampitsinentsiqui,
2anta iipatsitequi ishanincapeeni Judá,
aitaque otimaqueri Inantari Tasorentsi,
aisati aitaque ipincatsariventantiri ishanincajeitaniri Israel.
3Iquempejitantacarori ishanincajeitaniri Israel incajare,
otencareajatanaque;
aisati iroori nija Jordán opiaajatanaca catonco.
4¡Ora toncaaripee aisati otishipee oshevayetanaca,
oquempetanacari imitajapiniti ovishajaniquipee!
5Incajare, ¿paita pitencareajatantanacari?
Nija Jordán, ¿paita pipiaajatantanacarori catonco?
6Toncaaripee aisati otishipee,
¿paita pishevatantanacari piquempetanacari imitaji ovishajaniquipee?
7¡Pimpioque, quipatsi, pintsaroacayempari Tasorentsisanori, Itasorentsite Jacoboni!
8Ipeaquero imperitapee incajare.
Aisati ipeaquero amotoaajayeti nija.
Currently Selected:
Salmos 114: cni
Highlight
Copy
Compare
Share
Want to have your highlights saved across all your devices? Sign up or sign in
© 2008, 2015, Wycliffe Bible Translators, Inc. All rights reserved.
