2 Tesalonicenses 3
3
Ri Pablo nuc'utuj oración
1Kach'alal, tibana' c'a orar#3.1 1 Ts. 5.25. pa kawi' riyoj y tic'utuj chare ri Dios chi chanin ta xtibiyin rutzijoxic ri ruch'abel ri Ajaf, y can xtinimex ta chuka' cuma ri nic'aj chic achi'el xinimaj riyix. 2Tic'utuj c'a chuka' chare ri Dios chi ma yojka ta pa quik'a' ri itzel tak achi'a', ruma xa ma quinojel ta ri winek quiniman#3.2 Ro. 10.16. ri Jesucristo. 3Yac'a ri Ajaf majun bey xquixruya' ta ca,#3.3 Jn. 17.15; 2 P. 2.9. xa can xtuya' iwuchuk'a' y xquixruchajij chuwech ri itzel winek. 4Y riyoj can kacukuban kac'u'x riq'ui ri Ajaf chi riyix yixtajin chic chubanic ri xkabij chiwe. Y can kacukuban kac'u'x chuka' chi can ma xtiya' ta ca. 5Ri Ajaf xtuben ta c'a chiwe chi riyix can nina' ta ri pa tak iwánima chi yixrajo'#3.5 1 Cr. 29.18; Mt. 22.37; 1 Jn. 4.16. ri Dios, y chi yixcoch'on ta achi'el xcoch'on ri Cristo.
C'o chi yojsamej
6Kach'alal, nikabij c'a chiwe pa rubi' ri Kajaf Jesucristo chi wi c'o jun chicojol ri ma nuben ta achi'el ri xkabij chiwe, y ma nuc'uaj ta pa ruchojmil ri ruc'aslen, ma tic'uaj ta iwi'#3.6 Ro. 16.17; 1 Co. 5.11; 2 Jn. 10. riq'ui. 7Ruma riyix jabel iwetaman achique xkaben tek xojc'oje'#3.7 1 Ts. 1.5. iwuq'ui. Riyoj can pa ruchojmil xkac'uaj ri kac'aslen chicojol. Y achi'el ri xkaben riyoj, can quec'ari' c'o chi niben riyix chuka'. 8Ruma riyoj majun ri chak ta queri' xkatij. Xa can sibilaj xojsamej#3.8 Hch. 18.3; 20.34; 1 Co. 4.12. chi pa k'ij chi chak'a' riche (rixin) chi xkach'ec ri xkatij. Queri' xkaben, ruma ma xkajo' ta xkaya' jun ejka'n chiwij. 9Wi ta xkac'utuj kaway chiwe, utz ta chuka',#3.9 Mt. 10.10; 1 Co. 9.6; 1 Ts. 2.6; 1 Ti. 5.17. ruma can xkaben wi ri rusamaj ri Dios chicojol. Pero ma xkac'utuj ta. Xa xojsamej riche (rixin) chi xkach'ec kaway, riche (rixin) chi queri' xkac'ut chiwech chi can queri' chuka' tibana'#3.9 1 P. 5.3. riyix. 10Y tek xojc'oje' iwuq'ui, can queri' chuka' xkabij chiwe, chi wi c'o jun ri ma nrajo' ta nisamej,#3.10 Gn. 3.19; Pr. 13.4; 1 Ts. 4.11. chuka' ma ruc'amon ta chi niwa', xojcha' chiwe. 11Y wacami kac'axan chi yec'o jojun chicojol ri ma niquic'uaj ta pa ruchojmil ri quic'aslen, xa yek'oran#3.11 Is. 56.10. y ma nicajo' ta yesamej, y niquinimila' apo qui' pa tak mololen tzij ri xa ma nic'atzin ta. 12Yec'a riye' ri' ri yekapixabaj pa rubi' ri Ajaf Jesucristo y nikabij c'a chique chi xa can quesamej c'a.#3.12 Ro. 12.11; Ef. 4.28. Pero ma tiquich'ujirisaj ta qui'. Xa ekal tiquicanoj ri nic'atzin chique. Pero can c'o chi yesamej riche (rixin) chi niquich'ec quiway. 13Kach'alal, ma quixcos ta chubanic ri utz.
14Wi c'o jun ri ma nrajo' ta nuben ri xkabij yan ka chupan re wuj re', can tiya' c'a rubixic achique chi winek ri', y chuka' ma tic'uaj ta iwi'#3.14 1 Co. 5.11; 2 Ts. 3.6. riq'ui, riche (rixin) chi queri' ruyonil riya' niq'uix ka. 15Pero ma tic'ulu'aj ta. Xa tipixabaj,#3.15 Lv. 19.17; Ga. 6.1; 1 Ts. 5.14. achi'el ta niben chare jun iwach'alal.
Ri ruq'uisbel tak ch'abel chare re wuj re'
16Kach'alal, ri Ajaf ri niya'o ri uxlanibel c'u'x, can ya ta c'a Riya' ri xtiya'o ri uxlanibel c'u'x ri' chiwe chupan xabachique ta na ri nic'ulwachij. Y ri Ajaf xtic'oje' c'a iwuq'ui chi'iwonojel.#3.16 Ro. 15.33.
17Y riyin ri Pablo, re rutzil iwech ri ntek el, can riq'ui nuk'a' riyin ntz'iban wi el.#3.17 1 Co. 16.21. Y tiwetamaj chi can kitzij chi yin c'a riyin ri yitako el re wuj re' chiwe, ruma can quere' wi ri yitz'iban y yare' ri retal ronojel wuj ri ntek el riyin. 18Ri rutzil ri Kajaf Jesucristo xtic'oje' ta c'a iwuq'ui chi'iwonojel. Amén.
Currently Selected:
2 Tesalonicenses 3: cakWS
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.